شينجياڭ جۇڭشيان:
زاتتىق ماتەريالداردى بەلسەنە ساتىپ الىپ، شاڭحايدىڭ ىندەتكە قارسى تۇرۋىنا دەم بەردى
2022.04.20 16:58 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جاڭ رۇيلين، ەرىكتى ءتىلشى دۋ حۋ 4 - ايدىڭ 18 - كۇنى ۇرىمجىدەن حابارلايدى. 4 - ايدىڭ 15 - كۇنى ساعات 20دان 31 مينۋت، قارامايلى لۇيچىڭ اۋىل شارۋاشىلىعىن وركەندەتۋ شەكتى جاۋاپكەرلىك سەرىكتەستىگىنىڭ (تومەندە قىسقارتىلىپ ”لۇيچىڭ اۋىل شارۋاشىلىعى“ دەلىنەدى) 10 نەشە جۇمىسشىسى ساندىق - ساندىق سيىر ءسۇتىن تاسىمال اۆتوموبيلىنە شىعارۋدا، اۆتوموبيلگە ”شينجياڭ جۇڭشيان ’جينلۇيچىڭ‘ ءسۇت ونىمدەرىمەن قول ۇستاسىپ، قامداۋدى بار كۇشپەن قامتاماسىز ەتەدى“ دەگەن جازۋلى كەرمە تۋ اسىلىپتى.
”سيىر ءسۇتىن سەرىكتەستىگىمىز بەن لۇيچىڭ اۋىل شارۋاشىلىعى بىرلەسىپ ساتىپ العان ءارى ولاردى شاڭحايعا كومەككە جونەلتۋدەمىز“، - دەدى تاسىمالدىڭ ناقتى جاعدايىن قول تەلەفونىنان ۇعىسىپ تۇرعان شينجياڭ جۇڭشيان ينتەرنەت عىلىم - تەحنيكا شەكتى سەرىكتەستىگىنىڭ (تومەندە قىسقارتىلىپ ”شينجياڭ جۇڭشيان“ دەلىنەدى) نىسان باس باقىلاۋشىسى جاڭ شۋيۇڭ، - 4 - ايدىڭ 15 - كۇنىنە دەيىن سەرىكتەستىگىمىز شينجياڭنىڭ جەر - جەرىنەن 150 مىڭ جاشىككە تاياۋ سيىر ءسۇتىن، 100 مىڭ قالتا كوكونىستى ۇيىمداستىرىپ شاڭحايعا جونەلتىپ، شاڭحايدىڭ ىندەتكە قارسى تۇرۋىنا دەم بەردى.
تانىستىرۋعا قاراعاندا، 2021 - جىلى تۇرپان قالاسىندا قۇرىلعان شينجياڭ جۇڭشيان، باستىسى، شاڭحاي قاتارلى جەرلەردەگى بازارلاردى قۇمىل قاۋىنى، تۇرپاننىڭ ۇرىقسىز اق ءجۇزىمى، كورلا المۇرتى، اقسۋ الماسى، شينمەي سياقتى ەرەكشە، جاڭا جەمىستەرمەن قامدايدى ەكەن.
3 - ايدىڭ اياق شەنىنەن بەرى ىندەتتىڭ ىقپالىنا ۇشىراۋ سەبەبىنەن، شاڭحاي قالاسىنىڭ تۇرمىستىق زاتتىق ماتەريالدارمەن قامداۋ قامتاماسىزدىعى ءبىراز قيىنشىلىقتارعا ءدوپ كەلدى. وسىعان قاراتا، شينجياڭ جۇڭشيان شاڭحاي قالاسىنىڭ قامداۋدى قامتاماسىز ەتۋدەگى ءتۇيىندى كاسىپورىندارمەن، سونداي - اق شينجياڭداعى جەرگىلىكتى كاسىپورىندارمەن ىرىقتىلىقپەن سەلبەسىپ، قامداۋدى قامتاماسىز ەتۋ قىزمەتىن تىزە قوسا ورىستەتتى.
”ءبىر جىلدان استام دامۋ ارقىلى ءبىز بۇكىل شينجياڭنىڭ جەر - جەرىندە قامداۋ تىزبەگىن ورناتتىق. شاڭحايدا ىندەت تۋىلعاننان بەرى ءبىز دەرەۋ ارەكەتكە كەلىپ، قامداۋشى ساۋداگەرلەرمەن بەلسەندىلىكپەن سايكەسىپ، تىلدەسىپ، العاشقى توپتاعى 100 مىڭ جاشىك سيىر سۇتىنە زاكاز بەرۋدەن كەلىسىمگە قول قويۋعا، تاسۋعا دەيىنگى جۇمىستاردى نەبارى ءبىر اپتا ۋاقىتتا بىتىردىك“، - دەدى جاڭ شۋيۇڭ، - سەلبەسكەن كاسىپورىندار دا بارىنشا قولداۋ كورسەتىپ، سيىر ءسۇتىن وزىندىك قۇن باعاسىندا ساتىپ بەردى.
”جاقىنداعى جىلداردان بەرى شاڭحايدى قامتىعان ەل ىشىندەگى باسقا ولكە، قالالار شينجياڭنىڭ دامۋىنا بار كۇشتەرىمەن كومەكتەستى، شينجياڭداعى ءار ۇلت بۇقاراسى بۇعان العىستى سەزىمدە. قازىر شاڭحايدا ىندەت تۋىلىپ وتىر، شينجياڭنىڭ جەرگىلىكتى كاسىپورنى رەتىندە، ءبىز دە بار كۇشىمىزبەن شاڭحايدىڭ ىندەتكە قارسى اتتانۋىنا كومەكتەسكىمىز كەلەدى. شاڭحاي حالقىنىڭ شينجياڭنىڭ ناعىز جەرگىلىكتى ونىمدەرىن تۇتىنىپ، شينجياڭنان جەتكەن مەيىردى سەزىنۋىن ءۇمىت ەتەمىز“، - دەدى جاڭ شۋيۇڭ.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
