الدىڭعى 3 ايدا شينجياڭنىڭ تاس جول زات تاسىمال مولشەرى سايكەس مەزگىلدەگىدەن ％30كە تاياۋ ارتتى
2022.04.20 16:56 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لۋ فىڭباۋ 4 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق قاتىناس - تاسىمال مەڭگەرمەسىنەن ۇعىسۋعا قاراعاندا، ءبىرىنشى ماۋسىمدا رايونىمىزدىڭ تاس جول زات تاسىمال مولشەرى 116 ميلليون توننا بولىپ، بىلتىرعى سايكەس مەزگىلدەگىدەن ％28.6 ارتقان.
”بيىل اۋا رايىنىڭ جىلىنۋى ءبىرشاما تەز بولعاندىقتان، نىسانداردىڭ قۇرىلىس باستاۋ ۋاقىتى ەرتە بولىپ، قۇرىلىس سۇرانىسى مەن زات تاسىمال سۇرانىسى ارتىپ، تاس جول زات تاسىمال مولشەرىنىڭ ارتۋىنداعى ماڭىزدى سەبەپكە اينالدى“، - دەدى اۆتونوميالى رايوندىق قاتىناس - تاسىمال مەڭگەرمەسى تاسىمال باسقارماسىنىڭ جاۋاپتىسى.
2 - اي كىرگەننەن بەرى وڭتۇستىك شينجياڭنىڭ قاتىناس، سۋ يگىلىگى سياقتى جالعاستى سالىناتىن نىساندارى قۇرىلىستى الدىمەن ىركەس - تىركەس قالپىنا كەلتىردى. 3 - ايدا ءۇستىرت - سۋىق، تەڭىز دەڭگەيىنەن جوعارى ورىندارداعى قۇرىلىس جۇرگىزۋ شارت - جاعدايى ازىرلەنبەگەندىكتەن، قۇرىلىستى ۋاقىتشا قالپىنا كەلتىرمەگەن نىسانداردان سىرت، بۇكىل شينجياڭنىڭ حالىق تۇرمىسى، كاسىپ سالاسى، ەنەرگيا، قاتىناس، سۋ يگىلىگى سياقتى سالالارداعى نىساندارى قۇرىلىستى دەرلىكتەي تەگىس قالپىنا كەلتىردى، جۇمىس باستادى. نىسانداردىڭ قۇرىلىستى قالپىنا كەلتىرۋى، ءوندىرىستى قالپىنا كەلتىرۋى تاماشا باستامانى جۇزەگە اسىرىپ، قاتىناس - تاسىمال بازارىنا اناعۇرلىم كوپ وراي ازىرلەپ، شينجياڭنىڭ ىشىندەگى، شينجياڭعا كىرىپ - شىعاتىن جۇك كولىكتەرى كورنەكتى كوبەيدى.
اۆتونوميالى رايوندىق قاتىناس - تاسىمال مەڭگەرمەسى جول تورابىن باقىلاۋ - ولشەۋ جانە شۇعىل جاعدايعا توتەپ بەرۋ - ءبىر جاقتى ەتۋ ورتالىعى جاريالاعان 3 - ايداعى بۇكىل رايوننىڭ مەملەكەت، ولكە نەگىزگى جەلىسىندەگى قاتىناس مولشەرىنەن قاراعاندا، سول ايدا جولاۋشىلار اۆتوموبيلىنىڭ، جۇك كولىگىنىڭ كۇندىك ورتاشا قاتىناس مولشەرى ءبىر ميلليون 168 مىڭ 100 رەتكە جەتكەن، مۇنىڭ ىشىندە جۇك كولىگى تۇرلەرى 402 مىڭ رەتتى يەلەپ، جۇك كولىكتەرىنىڭ قاتىناس مولشەرى سايكەس مەزگىلدەگىدەن ％ 20.61 ارتقان.
جۇك كولىگى قاتىناس مولشەرى كوبەيىپ، جۇك تاسىمال مولشەرى سايكەستى تۇردە زور مولشەردە ارتتى. 3 - ايدا بۇكىل رايوننىڭ تيجارات سيپاتتى جولدارىندا جۇك تاسىمال مولشەرى 46 ميلليون 952 مىڭ 100 توننا بولىپ، 2021 - جىلعى سايكەس مەزگىلمەن سالىستىرعاندا ％18.2 ارتىپ، 2 - ايداعى الدىڭعى ساناق مەزگىلىندەگىدەن ％51.7 ارتقان.
ال جىل باسىنان بەرى رايونىمىزدىڭ جوعارى جىلدامدىقتى تاس جولدارىندا كەپتەلىس رەت سانى ازايىپ، جوعارى جىلدامدىقتى تاس جولداردا پارىقتاندىرىلعان اقى الۋ ساياساتىنىڭ قامتۋ كولەمى اناعۇرلىم كەڭەيىپ، زات اينالىمىنىڭ وزىندىك قۇنى تومەندەدى، بۇل دا تاسىمال كاسىپورىندارىن بازارعا بەلسەنە كىرىپ ”جۇمىس كوتەرىپ الۋعا“ باۋرادى.
”بازار بەتالىسى جاقساردى، شوفەرلەر جۇكتى كوپ تاسىپ، كوپ قاتىناۋعا رازى بولدى، بۇل سەرىكتەستىكتىڭ ءبىرىنشى ماۋسىمداعى جۇك تاسىمال مولشەرىنىڭ نەداۋىر ارتۋىنا دەم بەردى“، - دەدى شينجياڭ ليانفىڭ زات اينالىمى شەكتى سەرىكتەستىگى تاسىمال - تيجارات ءبولىمىنىڭ ديرەكتورى جاۋ جيا.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
