ءۇرىمجى قالاسى دابانچىڭ رايونى:
قورشاعان ورتا بويىنشا زاڭعا قايشى ارەكەتتەرگە قاتاڭ سوققى بەردى
2022.04.20 17:00 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ۋاڭ يايۇن، ەرىكتى ءتىلشى جيا مىڭيان 4 - ايدىڭ 18 - كۇنى ۇرىمجىدەن حابارلايدى. ”قازىر شاڭ - توزاڭ ازايىپ قالدى، بوراندى كۇندەرى دە شاڭ - توپىراقتان جول كورىنبەي قالۋدان الاڭدامايتىن بولدىق“، - 4 - ايدىڭ 16 - كۇنى ءۇرىمجى قالاسى دابانچىڭ رايونى ساياپىل باسقارۋ كوميتەتى شولاقتەرەك قىستاعىنىڭ تۇرعىنى لۇي چىن وسىلاي دەدى.
جاقىندا بۇقارا ورتالىقتىڭ 5 - رەتكى ەكولوگيالىق ورتانى قورعاۋدى قۋزاۋ - تەكسەرۋ گرۋپپاسىنا ءۇرىمجى قالاسى دابانچىڭ رايونى شولاقتەرەك قىستاعىندا اك تاسى كەنى، شاعىل تاس ماتەريالدار زاۆودى سياقتى كاسىپورىنداردا شاڭ - توزاڭنىڭ لاستاۋى اۋىر بولىپ، ماڭىنداعى تۇرعىنداردىڭ قالىپتى تۇرمىسىنا ىقپال جاساعاندىعىن اڭىس ەتەدى.
بىتىرۋگە تاپسىرىلعان ارىز - ارماندى قابىلداعان سوڭ، ءۇرىمجى قالاسى دابانچىڭ رايونى بىرلەسىپ تەكسەرۋ گرۋپپاسىن جەدەل قۇرىپ، سول جەرگە دەرەۋ بارىپ تەكسەرۋ جۇرگىزدى، سونداي - اق قاتىستى تاراۋلاردى اقىلداسىپ تۇجىرىم جاساپ، رەتتەۋ - تۇزەتۋ شارالارىن جاساۋعا ۇيىمداستىردى.
تەكسەرۋ ارقىلى شولاقتەرەك قىستاعىندا كەن، تالقانداۋ، ۇنتاقتاۋ قاتارلى تۇردەگى 16 كاسىپورىننىڭ بار ەكەندىگى، مۇنىڭ ىشىندە 4 كاسىپورىننىڭ ءوندىرىس جۇرگىزىپ جاتقاندىعى، 12 كاسىپورىننىڭ مەزگىلدىك ءوندىرىس سەبەبىنەن ءوندىرىسىنىڭ توقتاپ تۇرعاندىعى انىقتالدى.
”ءبىز تالقانداۋ سەحىنا شاڭ - توزاڭدى باسۋ قۇرىلعىسىن ورناتتىق، زاۆود اۋماعىنداعى سەحتاردا جەر بەتىن قاتتىلاندىرىپ، سۋ سەۋىپ، شاڭ - توزاڭدى باسۋ رەت سانىن كوبەيتىپ، شاڭ - توزاڭنىڭ لاستاۋىن بارىنشا ازايتتىق“، - دەدى شولاقتەرەك قىستاعىنا ورنالاسقان شينجياڭ دىچىڭشين قورشاعان ورتا عىلىم - تەحنيكالىق شەكتى سەرىكتەستىگىنىڭ جاۋاپتىسى فىڭ جيۋلين.
4 - ايدىڭ 12 - كۇنىنەن باستاپ، ءۇرىمجى قالاسى دابانچىڭ رايونى ءبىر ايلىق ۋاقىتپەن بىرلەسكەن زاڭ اتقارۋ تەكسەرۋىن ىشكەرىلەي ورىستەتىپ، كاسىپورىنداردىڭ ءوندىرىس مەزگىلىندە شاڭ - توزاڭ قاپتاۋ، تاسىمال اۆتوكولىكتەرىنەن شاشىلۋ، توگىلۋ، تامشىلاۋ، سورعالاۋ سياقتى قورشاعان ورتاعا ساياتىن ءتۇرلى زاڭعا قايشى ارەكەتتەرىن ءتۇيىندى تۇردە تەكسەرىپ ءبىر جاقتى ەتتى.
”دابانچىڭ رايونى رەتتەۋ - جونگە سالۋ تەبىنىن ۇزدىكسىز ارتتىرىپ، قورشاعان ورتا بويىنشا زاڭعا قايشى ارەكەتتەرگە قاتاڭ سوققى بەرۋدىڭ تەگەۋرىندى كۇيىن قالىپتاستىرىپ، ارىز - ارماندا ايتىلعان ىستەردىڭ شىنايى تۇزەتىلۋىنە، شىنايى جويىلۋىنا، قايتا بەلەڭ بەرمەۋىنە شىنايى كەپىلدىك ەتەدى“، - دەدى ءۇرىمجى قالاسى دابانچىڭ رايونىنىڭ ورىنباسار باستىعى ۋاڭ گاڭ.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
