مۇنداي كەلتە حات تاپسىرىپ الساڭىز، دەرەۋ ءوشىرىڭىز!
2022.04.21 15:43 كەلۋ قاينارى : حالىق تورابى
جۋىردان بەرى، ءىشىنارا قالا تۇرعىندارى [12333] دەگەن نومىردەن باستالعان كەلتە حاتتى تاپسىرىپ العان، بۇل كەلتە حاتتا ينتەرنەت ارقىلى مەديتسينالىق قامسىزداندىرۋ كارتۋچكاسىن تولىقتاپ جۇيەگە ەنگىزۋ جانە ىسكە قوسۋ جونىندە ايتىلعان.
بۇل، تەگى، شىن با، جالعان با؟
وسى جونىندە، مەملەكەتتىك مەديتسينالىق قامتاماسىزداندىرۋ مەكەمەسى اتالعان مەكەمەنىڭ رەسمي تورابىندا قاتاڭ مالىمدەمە جاريالاپ، كەلتە حات فورماسىندا مۇنداي ۇقتىرۋدى جاريالاماعانىن ايتتى.
الدامكوستىكپەن شۇعىلداناتىن توراپتار جالعاندى شىنداي سوعىپ، جەكەنىڭ سالاۋاتىنا ساياتىن ينفورماتسيالاردى جازۋدى تالاپ ەتەدى
«[12333] ءسىزدىڭ ەمدەلۋگە پايدالاناتىن كارتۋچكاڭىز شەكتەلدى، 4 – ايدىڭ 14 – كۇنىنەن بۇرىن j.y32K.club جالعانىما كىرىپ، ينفورماتسيالارىڭىزدى تولىقتاپ تولتىرعان سوڭ پايدالانۋىڭىزعا بولادى!»
4 – ايدىڭ 13 – كۇنى ساعات 12 دەن 4 مينۋت وتكەندە، ۋحان قالاسىنىڭ تۇرعىنى جىڭ مىرزا وسىنداي كەلتە حات تاپسىرىپ العان. سودان سوڭ، ول ەسكەرتۋ بويىنشا كەلتە حاتتاعى جالعانىمدى باسقاندا، دەرەۋ ءبىر ۇقتىرۋ كەلگەن. ۇقتىرۋ مازمۇنى: مەملەكەت بويىنشا ەلەكتروندى مەديتسينالىق قامسىزداندىرۋ جۇيەسىنىڭ دارەجەسى جوعارىلاتىلاتىندىقتان، بارشا قولدانۋشىلار جاڭا نۇسقاداعى ەلەكتروندى مەديتسينالىق قامسىزداندىرۋدى دەر كەزىندە بىتىرىڭىزدەر، دەر كەزىندە بىتىرمەگەن پايدالانۋشىلاردىڭ كونە نۇسقاداعى مەديتسينالىق قامسىزداندىرۋ كارتۋچكاسى پايدالانۋدان توقتاتىلادى، سىزگە قولايسىزدىق تۋدىرعانىمىزعا عاپۋ وتىنەمىز، كەشىرۋىڭىزدى تىلەيمىز! دەرەۋ ءبىتىرىڭىز». «دەرەۋ ءبىتىرۋ» دەگەن ورىندى باسقان سوڭ، «مەملەكەتتىك مەديتسينالىق قامتاماسىزداندىرۋ مەكەمەسى» دەگەن اتتاعى توراپ بەتى اشىلىپ، قولدانۋشىلاردان سالاۋاتىن كۋالاندىرۋدى تالاپ ەتەدى، بۇل اراعا اتى – ءجونى، كۋالىك ءنومىرى قاتارلى ينفورماتسيالاردى جازۋ قاجەت.
جىڭ مىرزانىڭ ايتۋىنشا، بۇل كەلتە حات «+8210-7936-6400» دەگەن نومىردەن كەلگەن، ول «تەلەگرافتان پايدالانعان الدامكوستىككە» جولىقتىم با دەپ قاتتى كۇماندانعان.
مەملەكەتتىك مەديتسينالىق قامتاماسىزداندىرۋ مەكەمەسى كەلتە حات فورماسىندا بۇل تەكتەس ۇقتىرۋ جاريالاماعان
ءتىلشى مەملەكەتتىك مەديتسينالىق قامتاماسىزداندىرۋ مەكەمەسىنىڭ تورابىنان ىزدەستىرگەندە، اتالعان مەكەمەنىڭ توراپ بەتىندە تەرەزەشە ۇقتىرۋ فورماسى ارقىلى قاتاڭ مالىمدەمە جاريالاعانىن كورگەن: «جۋىردا، ءبىر بۇقارا كەلتە حات ارقىلى مەديتسينالىق قامسىزداندىرۋعا قاتىستى تىركەلگىنىڭ دارەجەسىن جوعارىلاتۋدى تالاپ ەتكەن ۇقتىرۋدى تاپسىرىپ العانىن اڭىس ەتكەن. بۇل جونىندە قاتاڭ مالىمدەمە جاريالايمىز: مەكەمەمىز كەلتە حات ارقىلى بۇل تەكتەس ۇقتىرۋ جاريالامادى، مەكەمەمىزدىڭ رەسمي تورابىنىڭ جالعانىمىنىڭ سوڭى تۇگەلدەي nhsa.gov.cn بەلگىسىمەن اياقتايدى، باسقا جالعانىمداردىڭ بارلىعى جالعان».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
