مەملەكەتتىك باقىلاۋ كوميتەتى مەن ەڭ جوعارى حالىق پروكۋراتۋراسى پارا بەرۋ قىلمىسىنا ساياتىن تيپتىك دەلولاردان 5 دەلونى بىرگە جاريالادى
2022.04.21 15:18 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ليۋ شو، سۇن شاۋلۇڭ 4 – ايدىڭ 20 – كۇنى بەيجيڭنەن حابارلايدى. مەملەكەتتىك باقىلاۋ مەكەمەسى مەن ەڭ جوعارى حالىق پروكۋراتۋراسى 4 – ايدىڭ 20 – كۇنى پارا بەرۋ قىلمىسىنا ساياتىن تيپتىك دەلولاردان 5 دەلونى بىرگە جاريالادى، بۇل دەلولار جەكە – جەكە: شاندۇڭ ولكەسىندەگى شۋە XX دىڭ پارا بەرۋ جانە مەردىگەرلىككە قاتىناسۋدا استاسۋ دەلوسى، جىجياڭ ولكەسىندەگى گۇي X باعالى مەتال شەكتى سەرىكتەستىگى مەن لي XX تىڭ مەكەمەسىنىڭ پارا بەرۋ دەلوسى، جياڭشي ولكەسىندەگى ۋاڭ X تىڭ پارا بەرۋ دەلوسى، حىنان ولكەسىندەگى گاۋ XX تىڭ پارا بەرۋ دەلوسى، سىچۋان ولكەسىندەگى ليۋ X فۋدىڭ پارا بەرۋ جانە زاڭعا قايشى كەن قازۋ دەلوسى.
تانىستىرۋعا قاراعاندا، بۇل 5 دەلو مەردىگەر شاقىرۋ مەن مەردىگەرلىككە قاتىناسۋ، مەديتسينالىق ءدارى – دارمەكتەر قاتارلى پارتيا ورتالىق كوميتەتى پارا بەرۋدى تەكسەرەتىن ءتۇيىندى سالالارعا سايادى. مىسالى، حىنان ولكەسىندەگى گاۋ XX تىڭ پارا بەرۋ دەلوسىندا، گاۋ XX مەديتسينالىق ءدارى – دارمەكتەر سالاسىندا ەمحانا باستىعى، شيپاگەر قاتارلى ەمدەۋ قىزمەتكەرلەرىنە 56 رەت پارا بەرىپ، حالىق تۇرمىسىنىڭ حاۋىپسىزدىگىنە اۋىر ىقپال جاساعان، پارا بەرۋ جاعدايى ورەسكەل بولعان؛ سىچۋان ولكەسىندەگى ليۋ X فۋدىڭ پارا بەرۋ جانە زاڭسىز تۇردە كەن قازۋ دەلوسىندا، پروكۋراتۋرا ورگانى قوعام حاۋىپسىزدىگى ورگاندارىنا «زاڭسىز تۇردە كەن قازۋ دەلوسىن» جوتكەپ بەرۋ بارىسىندا، پارا بەرۋگە قاتىستى ءجىپ ۇشتارىن بايقاعان ءارى قوعام حاۋىپسىزدىگى ورگاندارىن پروكۋراتۋرا ورگاندارىنا جوتكەپ بەرۋگە ىرىقتىلىقپەن قۋزاعان، پارا بەرۋشى ۇزاق ۋاقىتتان بەرى يا – ان قالاسىنداعى قالا ىستەرى سالاسىنداعى مەملەكەت قىزمەتكەرلەرىن تورۋىلداپ، ولاردى ازدىرعان، وسى ارقىلى ينجەنەريا سالاسىنداعى ۇيلەسىمسىز مۇددەسىن كوزدەگەن، پارا بەرۋ سوماسى قوماقتى بولىپ، جەرگىلىكتى ورىننىڭ ساياسي ەكولوگياسىن اۋىر دارەجەدە بۇلدىرگەن.
مەملەكەتتىك باقىلاۋ كوميتەتى مەن ەڭ جوعارى حالىق پروكۋراتۋراسىنداعى قاتىستى تاراۋلاردىڭ جاۋاپتىلارىنىڭ تانىستىرۋىنشا، جياڭشي ولكەسىندەگى ۋاڭ XX تىڭ پارا بەرۋ دەلوسىن ءبىتىرۋ بارىسىندا، باقىلاۋ ورگاندارى، پروكۋراتۋرا تاراۋلارى مىندەتىن تولىق اتقارىپ، سەلبەسۋ مەن سايكەسۋدى كۇشەيتىپ، ىشكەرىلەي تەكسەرۋ – تەكتەۋ جۇرگىزگەن ءارى ىسپاتتاردى تولىق پايدالانىپ، كەمەلدى ىسپات تىزبەگىن قالىپتاستىرعان، سوڭىندا اۋىزشا مويىنداماسىز دەلونى بەكىتكەن. سونىمەن بىرگە، باقىلاۋ ورگاندارى مەن پروكۋراتۋرا ورگاندارى پاراعا بەرىلگەن اقشانى قايتارىپ الۋ مەن زياننىڭ ورنىن تولىقتاۋدى بەلسەندى ورىستەتىپ، پارا بەرۋشىگە زاڭسىز قولعا كەلتىرگەن 200 ميلليون يۋاننان استام اقشانى زاڭ بويىنشا قايتارتىپ، قايتارىپ الۋعا ءتيىستى اقشانى مۇمكىندىگىنشە قايتارىپ الۋدى ىسكە اسىرىپ، پارا بەرۋشىلەردىڭ پارا بەرۋ ارەكەتىنەن پايدا تابۋىنا، استە، جول بەرمەگەن.
شاندۇڭداعى شۋە XX تىڭ پارا بەرۋ جانە مەردىككەرلىككە قاتىناسۋدا استاسۋ دەلوسىن ءبىتىرۋ بارىسىندا، قاتىستى سالاداعى پارا بەرۋ قىلمىسىنا قاتاڭ سوققى بەرۋمەن بىرگە، پروكۋراتۋرا تاراۋى مىندەتىن بەلسەندى دە ىرىقتى اتقارىپ، ارىز – شاعىمدى قاينارىنان باستاپ جونگە سالۋدى كۇشەيتىپ، قاتىستى تاراۋلارعا پروكۋراتۋرالىق ۇسىنىس بەرىپ، قوعام حاۋىپسىزدىگى ورگانى قاتارلى تاراۋلارمەن بىرگە مەردىگەر شاقىرۋ، مەردىگەرلىككە قاتىناسۋ سالاسىنداعى كورنەكتى ماسەلەلەردى ارناۋلى تۇردە جونگە سالۋ ارەكەتىن ورىستەتىپ، مەردىگەر شاقىرۋ، مەردىگەرلىككە قاتىناسۋ سالاسىنداعى ءادىل باسەكە ورتاسىن پارمەندى تۇردە پاكتەندىرگەن.
جىجياڭ ولكەسى گۇي X باعالى مەتال شەكتى سەرىكتەستىگىنىڭ، لي XX تىڭ مەكەمەسىنىڭ پارا بەرۋ دەلوسىندا، دەلوعا قاتىستى سەرىكتەستىك ورتانى قورعاۋ سالاسىندا ورتانى قورعاۋ جۇيەسىندەگى مەملەكەت قىزمەتكەرلەرىن تورۋىلداپ، ازدىرعان، مۇددەگە بولا قورشاعان ورتانى اۋىر دارەجەدە لاستاعان، باقىلاۋ ورگاندارى مەن پروكۋراتۋرا ورگاندارى مەكەمەنىڭ قىلمىس وتكىزۋى مەن تابيعي تۇلعانىڭ قىلمىس وتكىزۋىنىڭ پارقىن دالمە – ءدال مەڭگەرىپ، مەكەمەنىڭ پارا بەرۋ ارەكەتىنە دالمە – ءدال سوققى بەرگەن، تەك پارا بەرۋشى ورىن مەن تىكەلەي جاۋاپتىنى قاتاڭ جازالاپ قويماي، الەۋمەتتىك يگىلىك سيپاتىنداعى ارىز – شاعىمدى وكشەلەي باقىلاپ، ەكولوگيالىق ورتانى قالپىنا كەلتىرۋدى ىلگەرىلەتىپ، دەلونى ءبىرجاقتى ەتۋ ونىمدىلىگى جاقسى بولعان.
مەملەكەتتىك باقىلاۋ كوميتەتى مەن ەڭ جوعارى حالىق پروكۋراتۋراسىنىڭ قاتىستى جاۋاپتىسى مىنانى ءبىلدىردى: ءار دارەجەلى باقىلاۋ ورگاندارى مەن پروكۋراتۋرا ورگاندارى سايكەسۋ ارقىلى تەجەۋدى كۇشەيتىپ، توعىسپالى باقىلاۋدى ىشكەرىلەي ورىستەتىپ، قىزمەتتەگى بىرىككەن كۇشتى قالىپتاستىرۋى، پارا بەرۋ دەلوسىن تەكسەرىپ ءبىرجاقتى ەتۋگە وسكەلەڭ ءمان بەرىپ، سوققى بەرۋ ءتۇيىنىن كورنەكتىلەندىرىپ، مال – مۇلىككە قاتىستى قىلمىستارعا جازا قولدانۋ مەن اقشانى قايتارىپ الىپ، زياننىڭ ورنىن تولتىرۋ تەبىنىن كۇشەيتۋى، پارا بەرۋ قىلمىسىنان شىنايى، ءونىمدى تۇردە ساقتانۋى، «باتىلى بارمايتىن ەتۋ» سىندى سەسكەندىرۋ رولىن قالىپتاستىرۋدى ىلگەرىلەتىپ، «ىسكە اسپايتىن ەتۋ» سىندى تەجەمدى كۇشەيتىپ، «ويلاماۋ» سىندى سانالىلىقتى ارتتىرىپ، پارا العاندار مەن پارا بەرگەندەردى جازالاپ، شىرىكتەسۋدى جونگە سالۋدىڭ جالپىلىق ونىمدىلىگىن جوعارىلاتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
