13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 34 - ءماجىلىسى بەيجيڭدە جابىلدى
2022.04.21 16:20 كەلۋ قاينارى : حالىق تورابى
13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 34 - ءماجىلىسى بەيجيڭدە جابىلدى
كەسىكتى بۇيىم جانە تۋىندامالى بۇيىم زاڭى، جاڭادان وزگەرىس ەنگىزىلگەن كاسىپتىك وقۋ - اعارتۋ زاڭى سياقتىلاردى داۋىسقا سالىپ ماقۇلدادى
شي جينپيڭ ءتوراعا بۇيرىقتارىنا قول قويدى
لي جانشۋ ءماجىلىستى باسقاردى
«حالىق گازەتى»، 4 - ايدىڭ 20 - كۇنى، بەيجيڭ. 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 34 - ءماجىلىسى 4 - ايدىڭ 20 - كۇنى تۇستەن بۇرىن بەيجيڭدەگى حالىق سارايىندا جابىلدى. ءماجىلىس داۋىسقا سالۋ ارقىلى كەسىكتى بۇيىم جانە تۋىندامالى بۇيىمدار زاڭىن، جاڭادان وزگەرىس ەنگىزىلگەن كاسىپتىك وقۋ - اعارتۋ زاڭىن ماقۇلدادى؛ ۋاڭ مىڭحۇيدى تۇرعىن ءۇي جانە قالا - اۋىل قۇرىلىسى مينيسترلىگىنىڭ مينيسترى مىندەتىنەن قالدىرۋدى ۇيعاردى. مەملەكەت ءتوراعاسى شي جينپيڭ جەكە - جەكە 111 - ، 112 - ، 113 - ءنومىرلى ءتوراعا بۇيرىقتارىنا قول قويدى. كوميتەت باستىعى لي جانشۋ جابىلۋ جيىنىن باسقاردى.
تۇراقتى كوميتەتتىڭ قۇرامىنداعىلاردان 138 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
ءماجىلىس 14 - كەزەكتى مەملەكەتتىك حالىق قۇرىلتايى ۋاكىلدەرىنىڭ سانىن ءبولۋ جوباسىن، 14 - كەزەكتى مەملەكەتتىك حالىق قۇرىلتايىنىڭ از ۇلت ۋاكىلدەرىنىڭ سانىن ءبولۋ جوباسىن، تايۋان ولكەسىنىڭ 14 - كەزەكتى مەملەكەتتىك حالىق قۇرىلتايى ۋاكىلدەرىن كەڭەسۋ، سايلاۋ جوباسىن داۋىسقا سالىپ ماقۇلدادى.
ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ «2022 - جىلى 6 - ايدىڭ 7 - كۇنى سانت - پەتربۋرگتە (رەسەي) قول قويىلاتىن <شاڭحاي سەلبەستىك ۇيىمىنا مۇشە ەلدەردىڭ وڭىرلىك لاڭكەستىككە قارسى تۇرۋ قۇرىلىمى كەلىسىمى> جونىندەگى كەلىسىم حاتىن» بەكىتۋ جونىندەگى قارارىن، «1930 - جىلعى زورلىقتى ەڭبەك شارتىن» بەكىتۋ جونىندەگى قارارىن، «1957 - جىلعى ەڭبەككە زورلاۋ شارتىن» بەكىتۋ جونىندەگى قارارىن داۋىسقا سالىپ ماقۇلدادى.
ءماجىلىس مەملەكەتتىك حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميسسياسىنىڭ ءىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسى داۋىسقا سالىپ ماقۇلدادى.
ءماجىلىس داۋىسقا سالۋ ارقىلى يىڭ يۇڭدى مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتى مەڭگەرۋشىسىنىڭ ورىنباسارلىعىنا، چىن رۇن - ىردى مەملەكەتتىك حالىق قۇرىلتايى اۋىل شارۋاشىلىعى جانە اۋىل - قىستاق كوميتەتى مەڭگەرۋشىسىنىڭ ورىنباسارلىعىنا، ۋاڭ جيانجۇندى مەملەكەتتىك حالىق قۇرىلتايى قوعامدىق قۇرىلىس كوميتەتى مەڭگەرۋشىسىنىڭ ورىنباسارلىعىنا تاعايىندادى؛ جياڭ ۋەيدى ەڭ جوعارى حالىق سوتى مەكەمەسى باستىعىنىڭ ورىنباسارلىعى مىندەتىنەن قالدىردى.
ءماجىلىس تاعى باسقا دا مىندەتكە تاعايىنداۋ، مىندەتىنەن قالدىرۋ جوباسىن داۋىسقا سالىپ ماقۇلدادى.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋەيحۋا ، باس حاتشى ياڭ جىن - ۋ ماجىلىسكە قاتىناستى.
مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسى ياڭ شياۋدۋ، مەملەكەتتىك كەڭەستىڭ مۇشەسى جاۋ كىجى، ەڭ جوعارى حالىق سوتى مەكەمەسىنىڭ باستىعى جوۋ چياڭ، ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن، مەملەكەتتىك حالىق قۇرىلتايىنىڭ ارناۋلى كوميتەتتەرىنىڭ مۇشەلەرى، مەملەكەتتىك حالىق قۇرىلتايىنىڭ ءىشىنارا ۋاكىلدەرى، قاتىستى تاراۋلارداعى جاۋاپتى جولداستار قاتارلىلار ماجىلىسكە سىرتتاي قاتىناستى.
جابىلۋ سالتىنان كەيىن 13 - كەزەكتى مەملەكەتتىك حالىق قۇرىلتايىنىڭ تۇراقتى كوميتەتى 28 - رەتكى ارناۋلى تاقىرىپتاعى لەكسياسىن جاسادى، ءماجىلىستى كوميتەت باستىعى لي جانشۋ باسقاردى. سۋ يگىلىگى مينيسترلىگى حۋاڭحى وزەنى سۋ يگىلىگى كوميتەتىنىڭ پارتگرۋپپا شۋجيى، مەڭگەرۋشىسى ۋاڭ اننان «حۋاڭحى وزەنى الابىنىڭ ەكولوگيالىق وزگەرىسىنەن ادام مەن وزەننىڭ قاتىناسىنا كوز جىبەرەيىك» دەگەن تاقىرىپتا لەكسيا جاسادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
