لي كىچياڭنىڭ مەملەكەتتىك كەڭەستىڭ بۇيرىعىنا قول قويۋىمەن
وزگەرىس ەنگىزىلگەننەن كەيىنگى «جەر اتتارىن باسقارۋ ەرەجەسى» جاريالاندى
2022.04.22 16:01 كەلۋ قاينارى : حالىق تورابى
«حالىق گازەتى»، 4 - ايدىڭ 21 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭنىڭ تاياۋدا مەملەكەتتىك كەڭەستىڭ بۇيرىعىنا قول قويۋىمەن وزگەرىس ەنگىزىلگەننەن كەيىنگى «جەر اتتارىن باسقارۋ ەرەجەسى» (تومەندە قىسقاشا «ەرەجە» دەلىنەدى) جاريالاندى، 2022 - جىلى 5 - ايدىڭ 1 - كۇنىنەن باستاپ اتقارىلادى.
جەر اتى − قوعامنىڭ نەگىزگى الەۋمەتتىك ينفورماتسياسى، تاريحي مادەنيەتتىڭ ماڭىزدى دانەكەرى. جەر اتتارىن باسقارۋدى ونان ارى كۇشەيتىپ جانە ارناعا ءتۇسىرىپ، ەكونوميكالىق، قوعامدىق دامۋدىڭ، حالىق تۇرمىسىنىڭ جانە حالىقارالىق بارىس - كەلىستىڭ قاجەتىنە سايكەسىپ، جۇڭحۋانىڭ تاڭداۋلى مادەنيەتىنە مۇراگەرلىك ەتۋ ءارى ونى دامىتۋ ءۇشىن، قازىرگى اتقارىلىپ وتىرعان «ەرەجەنىڭ» كوپ جىلدان بەرگى اتقارىلۋ تاجىريبەلەرىن قورىتىندىلاۋ نەگىزىندە، جەر اتتارىن باسقارۋ قىزمەتىندە ءدوپ كەلگەن كەيبىر جاڭا احۋالدارعا، جاڭا ماسەلەلەرگە باعىتتاي وتىرىپ، «ەرەجەگە» وزگەرىس ەنگىزىلدى.
وزگەرىس ەنگىزىلگەننەن كەيىنگى «ەرەجە» جيىنى 7 تاراۋ، 44 تارماقتان قۇرالعان، جەر اتتارىن باسقارۋ جونىندە جان - جاقتى، جۇيەلى بەلگىلەمەلەر جاسالعان، جەر اتتارىن باسقارۋدىڭ زاڭمەن جونگە سالىنۋ، عىلميلانۋ، جۇيەلىلەنۋ دەڭگەيىن ونان ارى جوعارىلاتىپ، جاڭا داۋىردەگى جەر اتتارى قىزمەتىنىڭ ساپالى دامۋىن ىلگەرىلەتۋدى زاڭمەن جونگە سالۋ جاعىنان قامتاماسىز ەتەدى.
ءبىرىنشى، باسقارۋ پرينسيبى ايقىندالدى. «ەرەجەدە» بىلاي دەپ بەلگىلەندى: جەر اتتارىن باسقارۋدا پارتيانىڭ باسشىلىعىندا تاباندى بولۋ جانە ونى كۇشەيتۋ مەملەكەتتىڭ يەلىك ۇقىعى مەن ۇلتتار ىنتىماعىن قورعاۋعا، سوتسياليستىك وزەكتى قۇن كوزقاراسىن ساۋلەلەندىرۋگە، مەملەكەتتى جونگە سالۋ جۇيەسى مەن جونگە سالۋ قۋاتىن وسىزامانداندىرۋ اياق الىسىن تەزدەتۋگە، جۇڭحۋانىڭ تاڭداۋلى مادەنيەتىنە مۇراگەرلىك ەتۋگە جانە ونى دامىتۋعا ءتيىمدى؛ جەر اتتارىندا سالىستىرمالى ورنىقتىلىقتى ساقتاۋ كەرەك.
ەكىنشى، ءتۇزىلىس، مەحانيزم كەمەلدەندىرىلدى. «ەرەجەدە» ءبىر تۇتاس باقىلاۋ - باسقارۋ، دارەجەگە، تۇرگە ءبولىپ جاۋاپتى بولۋ پرينسيبى بويىنشا، مەملەكەتتىك كەڭەستىڭ حالىق ىستەرى تاراۋى بۇكىل ەلدىڭ جەر اتتارى قىزمەتىن ءبىر تۇتاس باقىلاپ - باسقارۋعا جاۋاپتى بولادى دەپ بەلگىلەندى، مەملەكەتتىك كەڭەستىڭ باسقا دا قاتىستى تاراۋلارى مەن اۋدان دارەجەلىدەن جوعارى جەرگىلىكتى حالىق ۇكىمەتتەرىنىڭ جەر اتتارىن اكىمشىلىك جاقتان باسقارۋ تاراۋلارىنىڭ جانە باسقا دا قاتىستى تاراۋلاردىڭ جەر اتتارىن باسقارۋ جاۋاپكەرلىگىن ايقىنداپ، اۋدان دارەجەلىدەن جوعارى حالىق ۇكىمەتتەرىنىڭ جەر اتتارىن باسقارۋ قىزمەتىن سايكەستىرۋ مەحانيزمىن ورناتۋ جانە كەمەلدەندىرۋ كەرەك دەپ بەلگىلەندى.
ءۇشىنشى، جەر اتىن قويۋدى، وزگەرتۋ باسقارۋ كۇشەيتىلدى. «ەرەجەدە» جەر اتىن قويۋ قاعيداسى اناعۇرلىم كەمەلدەندىرىلىپ، جەرگە ات قويۋدا، جەر اتىن وزگەرتۋدە تاپسىرۋعا ءتيىستى مالىمدەۋ ماتەريالدارى مەن جالپىلىق باعالاۋ، ماماندار دالەلدەۋ، پىكىر الۋ سياقتى تالاپتار ايقىندالىپ، جەرگە ات قويۋدى، جەر اتىن وزگەرتۋدى بەكىتۋ ءتارتىبى دارەجە، ءتۇر بويىنشا بەلگىلەنىپ، جەر اتتارىن ەستەلىككە الۋ، حابارلاندىرۋ ءتۇزىمى ورناتىلاتىن بولدى.
ءتورتىنشى، جەر اتتارىن پايدالانۋ ارناعا ءتۇسىرىلدى. «ەرەجەدە» بىلاي دەپ بەلگىلەندى: جەر اتتارىنا قولدانىلاتىن ارىپتەر، دىبىستالۋى، جازىلۋى سياقتىلار ولشەمگە ۇيلەسۋى كەرەك، مەملەكەتتىك كەڭەستىڭ حالىق ىستەرى تاراۋى مەملەكەتتىڭ جەر اتتارى ينفورماتسيا قامباسىن ءبىر تۇتاس قۇرىپ، جەر اتتارى ينفورماتسيا بايلىعىن بىرگە قۇرۋ، بىرگە يگىلىكتەنۋ مەحانيزمى، ولشەمدى جەر اتتارىن پايدالانۋ كولەمى، جەر اتتارى بەلگىسىن باسقارۋ، ولشەمدى مەكەن - جايدى قۇراستىرىپ جازۋ، ولشەمدى جەر اتتارىن باسپادان شىعارۋ سياقتى تالاپتاردى ايقىنداۋ كەرەك.
بەسىنشى، مادەنيەتتى قورعاۋ دارىپتەلدى. «ەرەجەدە» بىلاي دەپ بەلگىلەندى: ماڭىزدى تاريحي مادەنيەت قۇنىنا يە، جۇڭحۋا تاريحىنىڭ مادەنيەت جۇلگەسى ايگىلەنگەن، سونداي - اق كەلەلى قوعامدىق ىقپالى بار ەل ىشىندەگى ايگىلى جاراتىلىستىق جاعراپيالىق اۋماقتاردىڭ اتىن قويۋ، وزگەرتۋ ءۇشىن مەملەكەتتىك كەڭەسكە جولداپ بەكىتتىرۋ كەرەك؛ «ەرەجەدە» جەر اتتارى مادەنيەتىن قورعاۋ ارناۋلى تاراۋى جازىلىپ، جەر اتتارى مادەنيەت مۇرالارىن قورعاۋدى كۇشەيتۋ، قورعاۋ تىزىمدىگىن جاساۋ، ارحيۆ باسقارۋدى ويداعىداي ىستەۋ، قوعامدى ات سالىسۋعا شابىتتاندىرۋ سياقتى تالاپتار ايقىن بەلگىلەندى.
بۇدان تىس، «ەرەجەدە» باقىلاۋ - تەكسەرۋدىڭ جالپى تالابى مەن ناقتى شارالارى ايقىندالدى؛ بەلگىلەمەگە قايشىلىق جاساپ جەر اتىن قويۋ، جەر اتىن وزگەرتۋ، ەستەلىككە الدىرۋعا جولداماۋ نەمەسە ەستەلىككە الدىرۋعا ۋاعىندا جولداماۋ، ولشەمدى جەر اتتارىن جۇيەلى پايدالانباۋ، جەر اتتارى بەلگىسىن ءبۇلدىرۋ سياقتى ارەكەتتەر جونىندە سايكەستى زاڭدىق جاۋاپكەرلىك بەلگىلەندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
