نەدەگەن اسەرلى! 14 جاستاعى بالا ىندەت سەبەبىنەن ۇيدە جالعىز قالعاندا، مەيىرىمدى كورشىلەرى كەزەكتەسىپ تاماق بەرىپ تۇرعان
2022.04.22 13:23 كەلۋ قاينارى : حالىق تورابى
«تاماق جەي – عوي!»، «راقىمەت!» ... جۋىردا انحۇي ولكەسى ليۋ – ان قالاسىنداعى بەلگىلى شاعىن اۋماقتاعى تۇرعىنداردىڭ ىندەت سەبەبىنەن جالعىز قامالىپ قالعان 14 جاستاعى ۇل بالاعا كورشىلەرى ءبىر اپتا بويى كەزەكتەسىپ تاماق جەتكىزىپ بەرگەنى جونىندەگى بەينەجازبا ينتەرنەتتە مول كورىلىمگە يە بولدى. كورشىلەر كارتوپ پەن قابىرعا قۋىرماشى، قيار مەن جۇمىرتقا قوسىپ قۋىرعان ءسۇرى ەت، بۋعا پىسىرعان شۇجىق ت.ب. تاماقتاردى جەتكىزىپ بەرىپ، بۇل بالانى تاماقتان تارىقتىرمادى، مۇنى كورگەن توراپتاستار: «ىندەت راقىمسىز بولعانىمەن، ادامدار مەيىربان»، «الىستاعى تۋىستان، جاقىنداعى كورشى ارتىق» دەگەن وسى بولار، — دەستى.
ۇل بالانىڭ اناسى لي حانىمنىڭ تىلشىگە ايتۋىنشا، ىندەت سەبەبىنەن، ولار تۇرعان عيمارات تۇيىقتاپ باسقارۋعا الىنعان، 4 – ايدىڭ 12 – كۇنى ول كەنەتتەن ناۋقاستانىپ، ەمحاناعا جاتىپ قالعان، كۇيەۋى دە سوناۋ شالعايداعى گۋاڭجوۋعا جۇمىسقا كەتكەن، ۇيدە جالعىز ءوزى قالعان ۇلى بىرنەشە كۇن «امالداپ تۇرار» دەپ ويلاعان. كورشىلەرىنىڭ بۇل جاعدايدى بىلگەن سوڭ ، ىندەتتەن ساقتانۋدى ويداعىداي ىستەۋ شارتىندا، بالاعا كەزەكپەن تاماق جەتكىزىپ بەرىپ، ءبىر ۋاقىت تاماقتى دا قاعىس قالدىرماسىن ويلاماعان ەدى.
«بۇل كورشىلەردىڭ كەيبىرەۋىن تانىعانىممەن، كەيبىرەۋى تەك ءتۇس تانىس قانا. ولاردىڭ جەتكىزىپ بەرگەن تاماقتارى ادەتتە ءوزىمىز ۇيدە پىسىرعان تاماقتان دا ءدامدى ەكەن»، — دەدى لي حانىم، ونى مۇنان دا ارى اسەرلەندىرگەن ءىس تە بولدى، كورشىلەردىڭ بىرەۋى لي حانىمنىڭ ۇلىنا حات جازىپ قالتىرعان، ول حاتتا: «شەشەڭ ەمحاناعا جاتىپ قالىپتى، ۇيدە ءوزىڭدى جاقسى كۇت، جۇمىس بولسا، ءبىزدى ىزدە»، — دەپ جازىپ، تەلەفون ءنومىرىن دە قالدىرىپتى.
ءبىر – ەكى كۇننىڭ الدىندا، لي حانىم ەمحانادان شىعىپ، ۇيىنە قايتتى. كۇيەۋى ەكەۋى اقىلداسىپ، ىندەت ءوتىپ كەتكەن سوڭ، ءسوزسىز، كورشىلەردى ۇيگە شاقىرىپ باس قوسايىق دەگەن بەكىمگە كەلدى. «مەن ولارعا ‹سەندەردىڭ بولعاندارىڭ قانداي جاقسى بولدى› دەگەن ءسوزدى بىرگە وتىرىپ ايتقىم كەلەدى»، — دەيدى لي حانىم.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
