دۇنيە جۇزىلىك بانكە باستىعى استىق داعدارىسىنىڭ كەلەسى جىلعا دەيىن جالعاسۋى مۇمكىن ەكەنىن ەسكەرتتى
2022.04.22 16:08 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى شيۇڭ ماۋليڭ، شۇي يۋان 4 – ايدىڭ 20 – كۇنى ۋاشينگتوننان حابارلايدى. دۇنيە جۇزىلىك بانكەنىڭ باستىعى مالپاستىڭ 4 – ايدىڭ 20 – كۇنى ايتۋىنشا، رەسەي – ۋكراينا قاقتىعىسى سەبەبىنەن دۇنيە جۇزىلىك استىق باعاسى قىمباتتاپ، ەڭ كەدەي جۇرتشىلىق ەڭ زور سوققىعا ۇشىرادى. ول مىنانى ەسكەرتتى: قازىرگى استىق حاۋىپسىزدىگى داعدارىسى بىرنەشە ايعا سوزىلۋى، ءتىپتى كەلەسى جىلعا دەيىن جالعاسۋى مۇمكىن.
مالپاستىڭ سول كۇنى حالىقارالىق ۆاليۋتا قورى ۇيىمى (IMF) مەن دۇنيە جۇزىلىك بانكەنىڭ كوكتەم مەزگىلىندەگى ءماجىلىسىنىڭ الىس ارالىقتى اقپار جاريالاۋ ماجىلىسىندە ايتۋىنشا، رەسەي – ۋكراينا قاقتىعىسى استىق، ەنەرگيا، تىڭايتقىش قاتارلىلاردىڭ جەتكىلىكسىز بولۋىن تۋدىردى، ەنەرگيا مەن تىڭايتقىش اۋىل شارۋاشىلىعى وندىرىسىندە ماڭىزدى ءمان الادى، ۇشەۋىنىڭ جەتكىلىكسىز بولۋى استىق حاۋىپسىزدىگى داعدارىسىنا دۋشار ەتەدى.
ول مىنانى ءبىلدىردى: استىق باعاسى بىلتىرعى وسى مەزگىلدەگىمەن سالىستىرعاندا %37 قىمباتتاعان، قىمباتتاۋ مولشەرى تۇتىنۋ باعا كورسەتكىشىنەن اسىپ كەتكەن، بۇل كۇندەلىكتى مەجە ەسەپتەگى ازىق – تۇلىككە جۇمسالاتىن قاراجاتتىڭ سالىستىرماسى اناعۇرلىم جوعارى بولعان كەدەي بۇقارانىڭ اناعۇرلىم زور قىسىمعا ءدوپ كەلەتىنىن كورسەتەدى.
ول مىنانى ءبىلدىردى: بولاشاقتاعى 15 اي بارىسىندا، دۇنيە جۇزىلىك بانكە مەجەمەن 170 ميلليارد ا ق ش دوللارى قارجى قوسىپ، داعدارىسقا توتەپ بەرۋگە قولداۋ كورسەتەدى.
شينحۋا اگەنتتىگىنىڭ سۇراۋىنا جاۋاپ بەرگەن كەزدە، مالپاس مىنانى ءبىلدىردى: استىق حاۋىپسىزدىگى ماسەلەسى وتە اۋىر، كەدەي مەملەكەتتەردەگى حالىققا زور ىقپال جاسايدى. الايدا، قۋانارلىق جاعداي، قازىر دۇنيە جۇزىندەگى استىق قامبالارىندا ساقتالعان استىق مولشەرى مول، قامباداعى استىقتاردىڭ بازارعا شىعارىلۋىنا بايلانىستى، استىق جەتكىلىكسىز بولۋ ماسەلەسى وڭالۋى مۇمكىن.
مۇنان سىرت، مالپاستىڭ ايتۋىنشا، كوكتەمگى ماجىلىستە، ءار ەل ۋاكىلدەرى استىق حاۋىپسىزدىگى ماسەلەسى جونىندە شىنايى تالقى وتكىزگەن. ول ءار ەلدىڭ شەشۋ جوباسىن بەلگىلەپ، استىق حاۋىپسىزدىگىن باسەڭدەتۋىن ءۇمىت ەتكەن.
IMF جانە دۇنيە جۇزىلىك بانكە جىلىنا ەكى رەت جالپى ءماجىلىس اشادى، بۇل كوكتەمگى ءماجىلىس پەن جازعى ءماجىلىستى قامتيدى. بيىلعى كوكتەمگى ءماجىلىس 4 – ايدىڭ 18 – كۇنىنەن 24 – كۇنىنە دەيىن، ا ق ش – نىڭ استاناسى ۋاشينگتوندا وتكىزىلگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
