2023 - جىلدان باستاپ بۇل كۋالىك كۇشىنەن قالدىرىلادى!
2022.05.16 12:30 كەلۋ قاينارى : حالىق تورابى
5 - ايدىڭ 13 - كۇنى، مەملەكەتتىك كەڭەس كەڭسەسى ۇقتىرۋ جاريالاپ بىلاي دەپ اتاپ كورسەتتى: 2023-جىلدان باستاپ «مەملەكەت بويىنشا ادەتتەگى جوعارى مەكتەپتەن تولىق كۋرس، ارناۋلى كۋرس بىتىرگەن وقۋشىلاردىڭ كاسىپتەنۋىنە تىزىمدەلۋ كۋالىگى» مەن «بۇكىل ەل بويىنشا اسپيرانتتاردىڭ كاسىپتەنۋىنە تىزىمدەلۋ كۋالىگى» ەندىگارى تاراتىلمايدى، كاسىپتەنۋگە تىزىمدەلۋ كۋالىگىن تولىقتاپ ءبىتىرۋ، وزگەرتۋ رەسمياتى كۇشىنەن قالدىرىلادى، كاسىپتەنۋگە تىزىمدەلۋ كۋالىگىن جوعارى مەكتەپ بىتىرگەن وقۋشىلاردى قابىلداۋ، نوپوسقا قوندىرۋ، ارحيۆتى قابىلداپ وتكىزىپ الۋ سياقتى رەسمياتتاردى وتەۋدەگى قاجەتتى ماتەريال ەتۋگە بولمايدى.
ۇقتىرۋدا مىنالار تالاپ ەتىلدى: جوعارى مەكتەپ بىتىرگەن وقۋشىلاردىڭ توراپتا كەلىسىمگە قول قويۋ جۇيەسىن اقاۋسىزداندىرىپ، جۇقپالى ىندەت ىقپالىنا ۇشىراعان رايوندارداعى ادام ىستەتۋشى ورىنداردى جوعارى مەكتەپ بىتىرگەن وقۋشىلارمەن توراپتا توقتامعا قول قويۋعا شابىتتاندىرۋ كەرەك. مەكتەپتەن كەتۋىن كەشەۋىلدەتكەن جوعارى مەكتەپ بىتىرگەن ستۋدەنتتەرگە قاراتا تىزىمدەلۋ ۋاقىتى، ارحيۆتى جەتكىزۋ، نوپوسقا قوندىرۋدى ءبىتىرۋ ۋاقىت شەگى سايكەستى ۇزارتىلادى.
ءتىپتى دە كوپ مازمۇندارعا نازار سالىڭىز
مەملەكەتتىك كەڭەس كەڭسەسى «جوعارى مەكتەپ بىتىرگەن وقۋشىلار قاتارلى جاستاردىڭ جۇمىستانۋ، شارۋاشىلىق قۇرۋ قىزمەتىن ونان ارى ويداعىداي ىستەۋ جونىندەگى ۇقتىرۋدى» باسىپ تاراتتى.
جۋىردا مەملەكەتتىك كەڭەس كەڭسەسى «جوعارى مەكتەپ بىتىرگەن وقۋشىلار قاتارلى جاستاردىڭ كاسىپتەنۋ، يگىلىك جاراتۋ قىزمەتىن اناعۇرلىم جاقسى ىستەۋ جونىندەگى ۇقتىرۋدى» باسىپ تاراتتى (تومەندە قىسقارتىلىپ «ۇقتىرۋ» دەلىنەدى).
«ۇقتىرۋدا» مىنالار اتاپ كورسەتىلدى: جوعارى مەكتەپ بىتىرگەن وقۋشىلار قاتارلى جاستاردىڭ كاسىپتەنۋى حالىق تۇرمىسىنىڭ باقىتىنا، ەكونوميكانىڭ دامۋىنا جانە مەملەكەتتىڭ بولاشاعىنا سايادى، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن مۇقيات دايەكتى تياناقتاندىرىپ، جوعارى مەكتەپ بىتىرگەن وقۋشىلار قاتارلى جاستاردىڭ كاسىپتەنۋىن جۇمىستانۋ قىزمەتىندەگى ەڭ ماڭىزدى ورىنعا قويىپ، جوعارى مەكتەپ بىتىرگەن قيىنشىلىعى بار وقۋشىلاردىڭ كاسىپتەنۋىنە كومەكتەسۋدى ماڭىزدى ءتۇيىن ەتىپ، قازىرگى جانە بۇدان بىلايعى ءبىر مەزگىلدەگى جوعارى مەكتەپ بىتىرگەن وقۋشىلاردىڭ كاسىپتەنۋ، يگىلىك جاراتۋ قىزمەتىن جاقسى ىستەۋ كەرەك.
«ۇقتىرۋدا» مىنالار ورتاعا قويىلدى: جۇمىس ورنىن كوپ ارنامەن اشۋ كەرەك. كاسىپورىنداردىڭ كاسىپتەنۋ كولەمى كەڭەيتىلىپ، وقۋ تاۋىسۋ جىلى جوعارى مەكتەپ بىتىرگەن وقۋشىلاردى قابىلداعان ءارى ءبىر جىلدان جوعارى ەڭبەك توقتامىنا قول قويعان ورتا، شاعىن، ۇساق كاسىپورىندارعا ءبىر جولدا جۇمىسقا ورنالاستىرۋ قوسىمشا قاراجاتى بەرىلەدى. نەگىزگى ساتىلاردىڭ جۇمىستانۋ، قوعامدىق قامتاماسىزداندىرۋ، ەمدەۋ ـ دەنساۋلىق ساقتاۋ، قارتتاردى كۇتىمگە الۋعا قىزمەت وتەۋ، قوعامدىق قىزمەت، ءادىليالىق كومەك سياقتى جۇمىستانۋ ورايىن اشىپ، الەۋمەتتىك اۋماقتاردىڭ ارناۋلى قىزمەت ورىندارىندا بوس قالعان ادامداردى الدىمەن قابىلداۋ نەمەسە بەلگىلى مولشەردە جوعارى مەكتەپ بىتىرگەن وقۋشىلاردى ارناۋلى قابىلداۋ كەرەك. دەربەس شارۋاشىلىق قۇرۋعا جانە يكەمدى جۇمىستانۋعا قولداۋ كورسەتىلىپ، بەلگىلەمە بويىنشا شارۋاشىلىق قۇرۋ قوسىمشا قاراجاتى، شارۋاشىلىق قۇرۋ كەپىلدىك قارىز اقشاسى جانە ءوسىمى ەسەپكە الىنعان قارىز اقشا، باجىنى كەمەيتۋ، كەشىرىم ەتۋ، قوعامدىق قامسىزداندىرۋ قوسىمشا قاراجاتى سياقتى ساياساتتار بەرىلەدى. جۇقپالى ىندەتتىڭ ىقپالىنا ۇشىراعان رايونداردىڭ ورتا، باستاۋىش مەكتەپ، بالالار باقشاسى، ورتا دارەجەلى كاسىپتىك مەكتەپ وقىتۋشىلارىنىڭ تولىمدىلىعىنا قاراتا «الدىمەن قىزمەتكە شىعۋ، ونان سوڭ كۋالىك الۋ» سىندى كەزەڭدىك شارالاردى اتقارۋىنا بولادى.
«ۇقتىرۋدا» مىنالار تالاپ ەتىلدى: كاسىپتەنۋگە قىزمەت وتەۋدى ۇزدىكسىز كۇشەيتۋ كەرەك. كەدەيلىكتەن ارىلعان وتباسىلارىن، ەڭ تومەنگى تۇرمىسى قامتاماسىز ەتىلەتىن وتباسىلارىن، بىردە-ءبىر ادامى جۇمىستانباعان وتباسىلارىنداعى جوعارى مەكتەپتەردەن وقۋ تاۋىسقان وقۋشىلاردى، سونداي-اق جوعارى مەكتەپتەردەن وقۋ تاۋىسقان مۇگەدەك وقۋشىلاردى جانە جوعارى مەكتەپتەردەن وقۋ تاۋىسىپ ۇزاق ۋاقىت جۇمىسسىز قالعان وقۋشىلاردى جۇمىستانۋعا كومەكتەسۋدىڭ ءتۇيىندى وبيەكتىسى ەتىپ، «ءبىر ادامعا ءبىر ارحيۆ»، «ءبىر ادامعا ءبىر شارا» بويىنشا دالمە-ءدال قىزمەت كورسەتۋ كەرەك. مەملەكەتتىڭ وقۋعا كومەك قارىز اقشاسىن كەشىكتىرىپ قايتارۋ، ءوسىمىن ازايتۋ، كەشىرىم ەتۋ سياقتى قولداۋ شارالارىن اتقارۋ كەرەك. الەۋمەتتىك جۇمىستانۋعا قىزمەت وتەۋدىڭ مەكتەپ اۋلاسىنا كىرۋىن ىلگەرىلەتىپ، جوعارى مەكتەپتەردەن وقۋ تاۋىسقان وقۋشىلاردىڭ جۇمىس ورنىن جيناقتاۋ مەحانيزمىن ورناتىپ، جوعارى مەكتەپتەردەن وقۋ تاۋىسقان ۇزدىك وقۋشىلاردىڭ جۇمىستانۋىنا قىزمەت وتەۋ تەكشەسىن قۇرۋ كەرەك. ستۋدەنتتەردىڭ كاسىپتەنۋىنە جەتەكشىلىك ەتەتىن ايگىلى ۇستازداردى، كاسىپكە جەتەكشىلىك ەتەتىن ۇزدىك مامانداردى ءبىر اراعا جيناپ، كاسىپتەنۋگە جەتەكشىلىك ەتەتىن ۇزدىك ساباقتاردى جانە وقۋلىقتاردى دايىنداۋ كەرەك. مەكتەپتەن قول ءۇزىپ كاسىپتەنبەگەن جوعارى مەكتەپ بىتىرگەن ستۋدەنتتەردىڭ كاسىپتەنۋىن، يگىلىك جاراتۋىن جەبەۋ جوسپارىن ىشكەرىلەي اتقارىپ، ناقتى اتى-ءجونى بويىنشا قىزمەت وتەۋدى ءۇرتىس تياناقتاندىرۋ كەرەك.
«ۇقتىرۋدا» مىنالار ايقىن بەلگىلەندى: جۇمىس ىزدەۋ، كاسىپتەنۋ رەسمياتى وڭايلاستىرىلادى جانە ساپالىلاندىرىلادى. كاسىپتەنۋگە تىزىمدەلۋ كۋالىگىن كۇشىنەن قالدىرۋدى ورنىقتى، ءتارتىپتى ىلگەرىلەتۋ كەرەك. جوعارى مەكتەپ بىتىرگەن وقۋشىلار مەكتەپتەن كەتۋدەن بۇرىن الەۋمەتتىك كاسىپتەنەتىن دارىندىلارعا قىزمەت وتەۋ قۇرىلىمدارىنىڭ جۇمىستانۋ كەلىسىمىنە قول قويۋ، جوعارى مەكتەپ بىتىرگەن وقۋشىلار مەكتەپتەن كەتكەننەن كەيىن الەۋمەتتىك كاسىپتەنەتىن دارىندىلارعا قىزمەت وتەۋ قۇرىلىمىنا بارىپ تىزىمگە الدىرۋ رەسمياتى كۇشىنەن قالدىرىلادى. ارحيۆ باسقارۋ تاراۋلارى قىزمەت وتەۋ قۇرىلىمدارىنىڭ تىزىمدىگى مەن بايلانىس جاساۋ ءتاسىلىن قوعامعا دەر كەزىندە جاريالاۋ كەرەك. جوعارى مەكتەپ بىتىرگەن وقۋشىلاردىڭ مەكتەپ بىتىرۋگە بارۋىن تىزىمدەۋ ءتۇزىمىن ورناتىپ، مەكتەپ ءبىتىرۋ رەسىمياتىنىڭ قاجەتتى بۋىنى ەتۋ كەرەك. دەنساۋلىق تەكسەرۋ ناتيجەسىن ءوزارا مويىنداۋدى ىلگەرىلەتىپ، نەگىزگى دەنساۋلىق تەكسەرۋ نىساندارىن جوعارى مەكتەپ بىتىرگەن وقۋشىلار 6 ايعا جۋىق ۋاقىت ىشىندە بەلگىلەمەگە ۇيلەسەتىن ەمدەۋ قۇرىلىمدارىندا دەنساۋلىق تەكسەرتسە، ادام ىستەتۋشى ورىننىڭ پرينسيپتىك جاقتان قايتالاي دەنساۋلىق تەكسەرۋدى تالاپ ەتۋىنە بولمايدى.
«ۇقتىرۋدا» مىنالار تالاپ ەتىلدى: جاستاردىڭ كاسىپتەنۋىنە كومەكتەسۋ-سۇيەمەلدەۋدى كۇشەيتۋگە كۇش سالۋ كەرەك. نوپوسى تىركەلگەن جەردىڭ، ۇنەمىلىك قونىستانعان جەردىڭ جۇمىستانۋ، جۇمىسسىزداردى باسقارۋ، قىزمەت وتەۋ جاۋاپكەرشىلىگىن كۇشەيتىپ، سول جەرگە بارىپ كاسىپتەنىپ، شارۋاشىلىق قۇرعان بۇرىنعى جوعارى مەكتەپ بىتىرگەن وقۋشىلاردىڭ، شەتەلدە وقىپ ەلگە قايتقان وقۋشىلاردىڭ جانە جۇمىسسىز قالعان جاستاردىڭ جۇمىس ىزدەۋ، جۇمىسسىزدىق بويىنشا تىزىمگە الدىرۋىنا جول بەرۋ كەرەك. جوعارى مەكتەپ بىتىرگەن وقۋشىلار قاتارلى جاستاردى وقۋ تاريحى كۋالىگىن الۋمەن بىرگە قاتىستى كاسىپتىك تولىمدىلىق كۋالىگىن نەمەسە كاسىپتىك ونەر دارەجە كۋالىگىن الۋعا شابىتتاندىرۋ كەرەك. جەتكىلىكتى كاسىپتەنۋ پراكتيكاسى قىزمەت ورنىن دايارلاۋ جوسپارىن اتقارىپ، مەكتەپتەن قول ءۇزىپ كاسىپتەنبەگەن جوعارى مەكتەپ بىتىرگەن وقۋشىلار نەگىزگى ساتىداعى پراكتيكا بازاسىنا بارىپ پراكتيكا جاساسا نەمەسە كاسىپورىن، ءىسورىندارىنا بارىپ نىسان زەرتتەۋگە قاتىناسسا، نەگىزگى ساتىدا قىزمەت ىستەۋ تاريحىمەن ۇقساس بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
