تەكسەرۋ دوكلاتى ا ق ش فەدەراتسياسىنىڭ يندياندىقتاردىڭ جاتاقتى مەكتەبىندەگى «قاراڭعى تاريحىن» اشتى
2022.05.13 15:15 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 11 - كۇنى، ۆاشينگتون (ءتىلشى سۇن ديڭ). ا ق ش ىشكى ىستەر مينيسترلىگى 5 - ايدىڭ 11 - كۇنى «فەدەراتسيانىڭ يندياندىقتاردىڭ جاتاقتى مەكتەبىندەگى شىن سىرلارى تۋرالى دارىپتەمەسى» جونىندەگى تەكسەرۋ دوكلاتىنىڭ 1 – تومىن جاريالاپ، سول جىلدارى وسى مەكتەپتەردەگى بايىرعى تۇرعىنداردىڭ بالالارىنىڭ ايانىشتى جاعدايىن اشتى.
اتالعان 106 بەتتىك تەكسەرۋ دوكلاتىنا قاراعاندا، يندياندىق نەشە ءجۇز بالا فەدەراتسيالىق يندياندىقتار جاتاقتى مەكتەپ جۇيەسىندە ولگەن، تەكسەرۋ قىزمەتىنىڭ ۇزدىكسىز ورىستەتىلۋىنە بايلانىستى، بۇل سان نەشە مىڭ نەمەسە نەشە ون مىڭ ادامعا جەتۋى مۇمكىن ەكەن.
تەكسەرۋ ارقىلى مىنالار انىقتالدى: فەدەراتسيانىڭ يندياندىقتار جاتاقتى مەكتەبى جۇيەسى اسكەري ىستەر ءادىسىن قولدانىپ، بالالاردى اسكەري جاتتىعۋ جۇرگىزۋگە ۇيىمداستىرعان؛ سونداي - اق ينديانداردىڭ، الياسكا بايىرعى تۇرعىندارىنىڭ جانە گاۋايدىڭ بايىرعى تۇرعىندارىنىڭ بالالارىن اسسيميلياتسيالىق تاربيە ارقىلى ولاردىڭ سالاۋاتىن وزگەرتۋگە ۇرىنعان. مەكتەپتىڭ قولدانعان ءتاسىلى: يندياندىق بالالاردىڭ اتىن اعىلشىن تىلىندەگى اتقا وزگەرتكەن، يندياندىق بالالاردىڭ شاشىن كەسكەن، يندياندىقتاردىڭ، الياسكانىڭ بايىرعى تۇرعىندارىنىڭ جانە گاۋايدىڭ بايىرعى تۇرعىندارىنىڭ تىلدەرىنە، دىندەرىنە جانە مادەنيەت سالت - ساناسىنا تيىم سالۋدى قامتيدى.
تەكسەرۋ تاعى دا فەدەراتسيا يندياندىقتار جاتاقتى مەكتەپ جۇيەسىنىڭ نەگىزىنەن دەنە ەڭبەگى سياقتى وقۋ - اعارتۋعا باسا ءمان بەرگەندىگىن بايقادى، بۇل يندياندىقتار، الياسكا بايىرعى تۇرعىندارى جانە گاۋايدىڭ بۇرىنعى تۇرعىندارى جۇمىسقا ورنالاسۋ تالعامى مەن ا ق ش - تىڭ ونەركاسىپتەنۋ ەكونوميكاسىنان قول ءۇزىپ، تايپالىق ەكونوميكانى ونان ارى ءبۇلدىردى.
ا ق ش - تىڭ ىشكى ىستەر مينيسترى دەب حالان 5 - ايدىڭ 11 - كۇنى مالىمدەمە جاريالاپ بىلاي دەدى: فەدەراتسيانىڭ يندياندىقتار جاتاقتى مەكتەبى ساياساتى وتباسىنىڭ ءبولىنۋىن جانە مادەنيەتتىڭ جويىلۋىن تۋدىرىپ، بىرنەشە ۇرپاق ادامدارعا ۇرپاق ارالىق جاراقات تۋدىردى، بۇل زارداپتار ادامدى تۇرشىكتىرەدى، «ءبىز مۇنداي حالىقتى اسسيميلياتسيالاۋعا ۇرىنعان دالەل - ىسپاتتاردى ۇزدىكسىز كورىپ وتىرمىز».
وتكەن جىلى 5 - ايدا، كانادانىڭ بريتانيا كولومبيا ولكەسىندەگى بايىرعى تۇرعىندار يندياندىقتار جاتاقتى مەكتەبىنىڭ كونە جۇرتىنان اتى جوق 215 بالانىڭ سۇيەگىن بايقاپ، كانادا مەن حالىقارالىق قوعامدى ءدۇر سىلكىندىرگەن. حالان وسىدان كەيىن «فەدەراتسيا يندياندىقتار جاتاقتى مەكتەبىنىڭ شىن سىرى دارىپتەمەسى» نىسانىن باستاپ، ا ق ش - تىڭ يندياندىقتار جاتاقتى مەكتەبى تۋدىرعان تىرشىلىك زيانىن جانە باياندى ىقپالىن تەكسەردى.
1819 - جىلى يندياندىقتاردىڭ «وركەنيەتتى اشۋ قورى زاڭىنان» باستاپ، ا ق ش ءبىرقىدىرۋ زاڭدار مەن ساياساتتاردى بەلگىلەپ جانە اتقارىپ، بۇكىل ەل كولەمىندە بايىرعى تۇرعىندار جاتاقتى مەكتەبىن قۇردى. ا ق ش ىشكى ىستەر مينيسترلىگى بىلاي دەپ اتاپ كورسەتتى: بۇل مەكتەپتەر بايىرعى تۇرعىنداردىڭ بالالارىن وتباسىنان جانە ءوز ۇلتىنان شالعاي جاتاقتى مەكتەپتەرگە بارۋعا ماجبۇرلەيدى، مۇنداعى ماقسات مادەنيەت جاعىندا ولاردى اسسيميلياتسيالاندىرۋ.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
