ەڭبەكاقىلى جىلدىق دەمالىس بىلاي ورنالاستىرىلادى!
2022.05.11 16:31 كەلۋ قاينارى : حالىق تورابى
2022 – جىلدىڭ جارىمى ءوتىپ بارادى، بيىلعى جىلدىق دەمالىستى الۋدى ويلاستىرىپ جۇرگەن بولارسىز؟ «ەڭبەكاقىلى جىلدىق دەمالىس» جونىندەگى مىناداي شاعىن ساۋاتتاردى ءبىلىپ العانىڭىز ءجون.
«جۇمىسشى – قىزمەتكەرلەرگە بەرىلەتىن ەڭبەكاقىلى جىلدىق دەمالىس جونىندەگى ەرەجەدە» بىلاي بەلگىلەنگەن: ورگاندار، توپتار، كاسىپورىندار، ءىسورىندار، حالىق باسقارۋىنداعى كاسىپورىنعا جاتپايتىن ورىندار، جۇمىسشى جالداعان جەكەشە ونەركاسىپشىلەر مەن ساۋداگەرلەر قاتارلى ورىندارداعى جۇمىسشى – قىزمەتكەرلەر ءۇرتىس ءبىر جىلدان استام قىزمەت ىستەگەن بولسا، ەڭبەكاقىلى جىلدىق دەمالىستان يگىلىكتەنەدى. قىزمەت ورنى جۇمىسشى – قىزمەتكەردىڭ جىلدىق دەمالىستان يگىلىكتەنۋىنە كەپىلدىك ەتۋى كەرەك. جۇمىسشى – قىزمەتكەر جىلدىق دەمالىس مەزگىلىندە قالىپتى قىزمەت مەزگىلىندەگىمەن بىردەي ەڭبەكاقىدان يگىلىكتەنەدى.
قانشا كۇن دەمالۋعا بولادى؟
«جۇمىسشى – قىزمەتكەرلەرگە ەڭبەكاقىلى جىلدىق دەمالىس بەرۋ جونىندەگى ەرەجەدە» بىلاي بەلگىلەنگەن:
1. جۇمىسشى – قىزمەتكەردىڭ قىزمەت ىستەگەنىنە ءبىر جىل تولعان، 10 جىلعا تولماعان بولسا، 5 كۇندىك جىلدىق دەمالىس بەرىلەدى.
2. 10 جىلعا تولعان، 20 جىلعا تولماعان بولسا، 10 كۇندىك جىلدىق دەمالىس بەرىلەدى.
3. 20 جىلعا تولعان بولسا، 15 كۇندىك جىلدىق دەمالىس بەرىلەدى.
زاڭدا بەلگىلەنگەن دەمالىس كۇندەرى، ادەتتەگى دەمالىس كۇندەرى جىلدىق دەمالىستىڭ ىشىندە قامتىلمايدى.
قانداي جاعدايلاردا جىلدىق دەمالىستان يگىلىكتەنۋگە بولمايدى؟
جۇمىسشى – قىزمەتكەرلەردە تومەندەگىدەي جاعدايلاردىڭ بىرەۋى بايقالسا، سول جىلعى جىلدىق دەمالىستان يگىلىكتەنە المايدى:
1. جۇمىسشى – قىزمەتكەرلەر زاڭ بويىنشا قىستىق، جازدىق دەمالىستان يگىلىكتەنىپ، دەمالعان كۇن سانى جىلدىق دەمالىس كۇن سانىنان كوپ بولعان جاعدايدا؛
2. جۇمىسشى – قىزمەتكەردىڭ رۇقسات سۇراعان كۇن سانى جيىنى 20 كۇننەن اسىپ كەتسە ءارى قىزمەت ورنى بەلگىلەمە بويىنشا ەڭبەكاقىسىنان اقشا تارتىپ قالماعان جاعدايدا؛
3. قىزمەت ىستەگەن ۋاقىتى ءبىر جىلعا تولعان، 10 جىلعا تولماعان جۇمىسشى – قىزمەتكەردىڭ اۋرۋ سەبەبىنەن رۇقسات سۇراعان ۋاقىتى 2 ايدان اسىپ كەتكەن جاعدايدا؛
4. قىزمەت ىستەگەن ۋاقىتى 10 جىلدان اسقان، 20 جىلعا تولماعان جۇمىسشى – قىزمەتكەردىڭ اۋرۋ سەبەبىنەن رۇقسات سۇراعان ۋاقىتى 3 ايدان اسىپ كەتكەن جاعدايدا؛
5. قىزمەت ىستەگەن ۋاقىتى 20 جىلدان اسقان جۇمىسشى – قىزمەتكەردىڭ اۋرۋ سەبەبىنەن رۇقسات سۇراعان ۋاقىتى 4 ايدان اسىپ كەتكەن جاعدايدا.
جىلدىق دەمالىستى جىل اتتاپ ورنالاستىرۋعا بولا ما؟قىزمەت ورنى ءوندىرىس پەن قىزمەتتىڭ ناقتى جاعدايىنا نەگىزدەلىپ ءارى جۇمىسشى – قىزمەتكەردىڭ قالاۋىن ويلاستىرۋ شارتىندا، جۇمىسشى – قىزمەتكەردىڭ جىلدىق دەمالىسىن ءبىرتۇتاس جوسپارلاپ ورنالاستىرادى.
جىلدىق دەمالىستى ءبىر جىل ىشىندە شوعىرلى تۇردە ورنالاستىرۋعا، ياكي، ءبولىپ ورنالاستىرۋعا بولادى، ادەتتە جىل اتتاپ ورنالاستىرۋعا بولمايدى. قىزمەت ورنىنىڭ ءوندىرىس پەن قىزمەتتىڭ ەرەكشەلىگىنە بايلانىستى، جۇمىسشى – قىزمەتكەرلەردىڭ جىلدىق دەمالىسىن، ءسوزسىز، جىل اتتاپ ورنالاستىرۋىنا تۋرا كەلسە، ءبىر جىل اتتاپ ورنالاستىرۋىنا بولادى.
جىلدىق دەمالىس الماسا نەمەسە تولىق الماسا ەڭبەكاقى قالاي ەسەپتەلەدى؟
قىزمەت ورنى شىنىمەن دە قىزمەتتىڭ قاجەتى ءۇشىن جۇمىسشى – قىزمەتكەرلەردىڭ جىلدىق دەمالىسىن ورنالاستىرا الماسا، جۇمىسشى – قىزمەتكەردىڭ ءوزىنىڭ ماقۇلداۋىنان وتكىزگەن سوڭ، جۇمىسشى – قىزمەتكەرگە جىلدىق دەمالىس بەرمەسە بولادى.
جۇمىسشى – قىزمەتكەردىڭ دەمالۋعا ءتيىستى جىلدىق دەمالىس كۇنىن ەسەپتەپ، جىلدىق دەمالىس كەزىندەگى ەڭبەكاقىسىن سول جۇمىسشى – قىزمەتكەردىڭ كۇندىك ەڭبەكاقى كىرىسىنىڭ %300 ندەي ولشەم بويىنشا بەرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
