150 مىڭ يۋان جىلۋ اقشانى ءبىر اي ىشىندە قايتاردى:
باقىتسىزدىقتان جانعان باق جۇلدىز
انار بۇلت \ شينجياڭ گازەتىنىڭ ءتىلشىسى ۋاڭ جيڭجيڭ
2022.05.10 15:30 كەلۋ قاينارى : شينجياڭ گازەتى
”ەگەر تۇسىنبەستىك بولماعاندا جىلۋ جيمايتىن ەدىك. جىلۋ اقشاسىن جيىپ الىپ وتىرا بەرۋ جاراسپايدى. بۇل اقشانى قايتارۋ كەرەك“.
بۇل ۇعىسپاستىقتان تۋىنداعان جىلۋ جيناۋ ەدى، الايدا 2500گە جۋىق ىزگى جان مەن كۇيتۇندەگى ءبىر ەرلى - زايىپتى ارالارىنداعى وسى ىزگى نيەتتى سەزىنگەندەي بولدى؛ باقىتسىزدىقتان جانعان باق جۇلدىز − ارادا ءبىر اي ءوتىپ، 150 مىڭ يۋان جىلۋ اقشا تۇگەلدەي قايتارىلدى.
ەرلى - زايىپتى ۋاڭ فۋچىڭ مەن شى رۇي ەكەۋىنىڭ باستارىندا تۋىلعان ىستە بۇرىلس بولۋىنىڭ استارىندا قانداي حيكايا جاتىر؟
شى رۇي كۇيتۇندە قىزمەت ىستەيدى، كۇيەۋى جەكە كاسىپكەر. بيىل 3 - ايدا 39 جاستاعى ۋاڭ فۋچىڭ تۇتقيىل ناۋقاستانىپ قالادى، ەرەكشە قاتەرلى ناۋقاس − ”نەگىزگى ارتەريا قوس قاباتىنداعى قاندى ىسىك A تيبى“ دەگەن دياگنوز قويىلادى.
”شيپاگەر مۇنداي ناۋقاسقا شالدىققاندار 48 ساعات ىشىندە قايتىس بولاتىندىعىن ايتقاننان كەيىن، ءبىز دەرەۋ كۇيتۇننەن ۇرىمجىگە اۋىستىرىپ ەمدەتتىك، شيپاگەر جۇرەك وپەراتسياسىن جاساۋعا 500 − 700 مىڭ يۋان اقشا جۇمسالاتىندىعىن مەجەلەدى“. سول كەزدەگى جاعدايدى ەسكە العاندا، شى رۇي ءالى دە قاتتى قالشىلدادى، ”قولىمىزدا نەبارى 50 مىڭ يۋان امانات اقشا بار ەدى، فۋچىڭ دەنساۋلىعىم جاقسى دەپ سەزىنىپ كەلگەندىكتەن، ەمدەۋ قامسىزداندىرۋىن ساتىپ الماعان ەدى. ول كەزدە جانىن الىپ قالۋ ءۇشىن اقشا جيۋدى عانا ويلاپ، شۇيديچوۋ شۇعىل كومەك كورسەتۋدەن پايدالانۋدى سىناپ كورمەكشى بولدىم“.
3 - ايدىڭ 19 - كۇنى كەشتە اقشا جيناۋدى باستاعاندا - اق شى رۇيدىڭ قول تەلەفونىنان اماندىق سۇراۋ جانە اتالعان جىلۋ ەسەپكە كىردى دەگەن ەسكەرتۋ دىبىسى ۇزدىكسىز ەستىلدى. ICU بولمەسىنىڭ ەسىك الدىندا جۇبايىنىڭ ەسىن جيۋىن كۇتىپ وتىرعان ساتتە، شى رۇي جىلۋ اتاۋشىنىڭ ەسىمى مەن اتاعان جىلۋ سوماسىن ءبىر - بىرلەپ ەستەلىككە الىپ وتىرادى، ول: ”مۇنىڭ بارلىعى اجالعا اراشاشى بولعانداردىڭ ىزگى نيەتى، ەسىمدە ساقتاپ، قايتارىپ بەرەمىن“.
14 كۇننەن كەيىن ۋاڭ فۋچىڭ ەسىن جيىپ، اۋرۋ جاعدايى ورنىعىپ، ICUدان ادەتتەگى ناۋقاستار ۇيىنە اۋىستىرىلادى. شى رۇيدىڭ كوڭىل كۇيى ورنىعىپ، ەنەسىمەن تەلەفوندا حابارلاسىپ، ءۇي - كۇي جايىن اڭگىمەلەسكەندە مىناداي ءبىر كۇتپەگەن قۋانىشتى حاباردى ەستيدى، ”ءار جىلدىڭ باسىندا الەۋمەتتىك اۋماق تۇرعىندارعا ەمدەلۋ قامسىزداندىرۋىن ساتىپ الۋدى ۇقتىرادى، مەن وسى قامسىزداندىرۋدى وزىمە ساتىپ الىپ قانا قويماي، سەندەرگە ايتپاي فۋچىڭعا دا ساتىپ الىپ قويعان ەدىم، ەسەپتەن كوتەرەتىن - كوتەرمەيتىندىگىن سۇراپ كورشى“، - دەيدى ەنەسى.
4 - ايدىڭ 14 - كۇنى ۋاڭ فۋچىڭ شيپاحانادان شىعادى. شى رۇي شيپاحانانىڭ ەسەپ جابۋ تەرەزەسىنەن ۋاڭ فۋچىڭنىڭ بيڭتۋاننىڭ ەمدەۋ قامسىزداندىرۋىنا قاتىناسقاندىعىن سۇراستىرىپ بىلەدى. 300 مىڭ يۋاننان استام ەمدەۋ، ءدارى - دارمەك اقىسىنىڭ 230 مىڭ يۋاننان استامىن ەمدەۋ قامسىزداندىرۋى ەسەبىنەن كوتەرىپ، ءوزى 88 مىڭ يۋاننان استامىن تولەيدى. ”ەسەپ تالونىن كورگەن سول ساتتە وسى ءبىر ايدان بەرگى شارشاۋىم باسىلعانداي سەزىلىپ، تىنىسىم كەڭىپ، قۋانىپ كەتتىم“. ول بىلاي دەدى: ”كوپشىلىك جىلۋ اقشاسىن جيناپ جاتقاندا، وسى قيىن وتكەلدەن وتسەم، قولدا بارىمنىڭ ءبارىن بەرىپ وسى اقشانى قايتارام دەپ ويلادىم؛ ەنەمنىڭ فۋچىڭعا ەمدەۋ قامسىزداندىرۋىن ساتىپ اپەرگەنىن ويلاماپپىن، وسىنشاما كوپ اقشانى ەسەپتەن كوتەرىپتى“.
كۇيتۇندەگى ۇيىنە قايتىپ كەلگەن كۇنى تۇندە شى رۇيدىڭ ۇيقىسى كەلمەدى. ول كۇيەۋىمەن: ەمدەۋ قامسىزداندىرۋىمەن ەسەپ جاپتىق، كوپشىلىكتىڭ جيناعان اقشاسىن، ءسوز جوق، تەز ارادا قايتارىپ بەرۋىمىز كەرەك، - دەپ اقىلداسادى.
”وپەراتسيا قاراجاتى مەجەدەگىدەي جوعارى بولمادى، ەسەپ جاپقان كەزدە تۇرعىندار ەمدەۋ قامسىزداندىرۋىنان ءبىر ءبولىمى ەسەپتەن كوتەرىلدى، شامامىز جەتەدى ەكەن... قايتارعان اقشانى، ءسوز جوق، قابىلداڭىز، جاقسىلىعىڭىزدى شى رۇي مەن ۋاڭ فۋچىڭ ماڭگى ەستە ساقتايدى“، اقشا قايتارعان كەزىندە شى رۇي وسىلاي دەپ ءسوز قالدىردى.
5 - ايدىڭ 7 - كۇنى شى رۇي تىلشىگە ءوزىنىڭ 100 مىڭ يۋاننان استام اقشانى شۇيديچوۋ ەسەپ نومىرىنە جولداعاندىعىن، 2226 مەيىر باعىشتاۋشى تۇگەلدەي قايتارىلعان اقشانى تاپسىرىپ العاندىعىن، سونىمەن بىرگە دوستارىنىڭ ايتپاي اتاعان 50 مىڭ يۋان جىلۋ اقشاسىن دا ءبىر - بىرلەپ وزدەرىنە قايتارىپ بەرگەنىن ايتتى.
شۇيدي سەرىكتەستىگىنىڭ قاتىستى قىزمەتكەرى بىلاي دەدى: بىلتىر سالماقتى ناۋقاسقا شالدىققان حوتاندىق بويجەتكەن مياۋ يانيان 120 مىڭنان استام اقشانى قايتارىپ، بۇكىل ەلدى تەبىرەنتكەن ەدى، بيىل كۇيتۇندەگى ەرلى - زايىپتىلار 100 مىڭ يۋاننان استام جىلۋ اقشانى قايتارىپ بەردى، شينجياڭ، شىنىندا، جاقسى ادامدار تولاسسىز شىعاتىن جەر.
بيڭتۋان ەمدەۋ قامتاماسىزداندىرۋى ىستەرىن باسقارۋ ورتالىعىنىڭ جاۋاپتىسى تىلشىگە بىلاي دەدى: ۋاڭ فۋچىڭ بيڭتۋاننىڭ قالا، اۋىل تۇرعىندارىنىڭ نەگىزگى ەمدەۋ قامسىزداندىرۋىنا قاتىناسقان، ءار جىلى جەكەلەر 410 يۋان تاپسىرادى، مەملەكەت قازىناسىنان 580 يۋان جاردەماقى بەرىلەدى، ەمدەلگەن كەزدە نەگىزگى ەمدەۋ قامسىزداندىرۋى، سالماقتى ناۋقاس قامسىزداندىرۋى، ەمدەۋ قۇتقارۋ قاراجاتى سىندى 3 جىكتى تۇزىمدىك جالپىلىق قامتاماسىزداندىرۋدان يگىلىكتەنەدى، ”وسى رەت 300 مىڭ يۋاننان استام جوعارى سوماداعى ەمدەلۋ، ءدارى - دارمەك قاراجاتىنىڭ ەمدەۋ قامسىزداندىرۋىنان ەسەپتەن كوتەرۋ سالىستىرماسى ％77كە جەتتى“.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
