چۋ ۋىنۋىن:
”قۇندىز حانىشادان“ الەۋمەتتىك يگىلىك دارىنىنا دەيىن
انار بۇلت \ شينجياڭ گازەتىنىڭ ءتىلشىسى ساۋ حۋا
2022.05.10 15:29 كەلۋ قاينارى : شينجياڭ گازەتى
”’جۇڭگو جاستار 4 - مامىر مەدالىنا‘ يە بولعانىمدى زور داڭق سانايمىن، بۇل مەن ويلاۋعا دا باتىلدىق ەتە المايتىن داڭق ەدى“، - دەدى 5 - ايدىڭ 8 - كۇنى چۋ ۋىنۋىن انار بۇلت \ شينجياڭ گازەتىنىڭ ءتىلشىسىنىڭ سۇحباتىن قابىلداعاندا.
بيىل 4 - مامىر جاستار مەرەكەسى كەلۋ قارساڭىندا چۋ ۋىنۋىنعا 26 - كەزەكتى ”جۇڭگو جاستار 4 - مامىر مەدالى“ بەرىلدى، بۇل چۋ ۋىنۋىندى قۋانىشقا بولەگەن ءارى وعان اۋىر جاۋاپكەرشىلىكتى سەزىندىرگەن داڭق بولدى. ”ءبىز قول جەتكىزگەن جەتىستىكتى سان ميلليونداعان توراپتاستاردىڭ جانە باسقارۋشى تاراۋلاردىڭ كوڭىل بولۋىنەن، قولداۋىنان بولە قاراۋعا بولمايدى، سوندىقتان وسى رەت قول جەتكىزگەن داڭق جەكە وزىمە عانا ءتان ەمەس، وندا قوعامداعى ءار سالانىڭ ەكولوگيانى قورعاۋ جونىنەن جۇدىرىقتاي جۇمىلعان سۇيىسپەنشىلىگى سىڭگەن“، - دەدى چۋ ۋىنۋىن.
1994 - جىلى التايدا تۋعان چۋ ۋىنۋىن كىشكەنتايىنان حايۋاناتتاردى قورعاۋ مامانى بولعان اكەسىنىڭ ىقپالىنا ۇشىرادى، 2 جاسىندا - اق اكەسى ونى جاپان تۇزگە ەرتىپ شىقتى، 7 جاسىندا قورجىن - قولاڭىن بۋىپ - ءتۇيۋدى ۇيرەندى، 11 جاسىندا ۇلكەندەرگە ەرىپ جاپان دالادا جابايى حايۋاناتتاردى قۇتقاردى، ماگيسترلىك بىتىرگەننەن كەيىن التاي ايماقتىق تابيعاتتى قورعاۋ قوعامىن قۇرىپ، ”قۇندىز اسحاناسى“، ”مىڭشين قۇندىزىن قورعاۋشىلار“، ”جابايى حايۋاناتتاردى قۇتقارۋ ورتالىعى“ سياقتى الەۋمەتتىك يگىلىك نىساندارىن باستادى. مەملەكەتتىك ءبىرىنشى دارەجەلى ءتۇيىندى قورعالاتىن جابايى حايۋانات مىڭشين قۇندىزىنا ءۇرتىس نازار اۋدارعاندىقتان، ادامدار ونى جاقىن تارتىپ ”قۇندىز حانىشا“ دەپ اتاپ كەتكەن.
التاي ايماعىنداعى ۇلىڭگىر وزەنىندە جانە ونىڭ تارماق اعىندارىندا مەملەكەتتىك ءبىرىنشى دارەجەلى ءتۇيىندى قورعالاتىن جابايى حايۋانات − مىڭشين قۇندىزى جاسايدى، مۇنداي سۇيكىمدى دە ادەمى ۇساق اڭ حايۋاناتتار دۇنيەسىندەگى قۇرىلىسشى اتالعان، ولار توسپا سالىپ، سۋ ساقتاپ، ءوز تۇرمىستارىنا لايىقتى ورتا دايىنداي الادى. كەزەكتە مىڭشين قۇندىزى ەلىمىزدە تەك ۇلىڭگىر وزەنىنىڭ جاعاسىنا عانا ورنالاسقان، سانى نەبارى 600دەي عانا، چۋ ۋىنۋىن كىشكەنتايىنان - اق مىڭشين قۇندىزىنىڭ كۇندەلىكتى تۇرمىسىن بايقاعان جانە ەستەلىككە العان.
چۋ ۋىنۋىن بەيجيڭ ورمان شارۋاشىلىعى داشۋەسىنەن ماگيسترلىك بىتىرگەن سوڭ، قالادا قىزمەت ىستەۋ ورايىنان كەشىپ، 2018 - جىلى تاۋەكەلگە بەل بۋىپ، مەكەنىنە قايتىپ، جابايى حايۋاناتتاردى قورعاۋشى بولدى. ول التاي ايماقتىق تابيعاتتى قورعاۋ قوعامىن باستاماشىلدىقپەن قۇرىپ، قوعامداعى ءار سالانىڭ كۇشىن بىرگە اتتانىسقا كەلتىرىپ، مىڭشين قۇندىزىنا نازار اۋداردى جانە قورعادى. چۋ ۋىنۋىن ۇجىمىنىڭ قۇلشىنۋىندا، التاي ايماعىنداعى مىڭشين قۇندىزى 162 ۇيادان 190 ۇياعا كوبەيىپ، ءۇيىر سانىن ％20 ارتتىرۋداي جاقسى ناتيجەگە قول جەتكىزدى.
جاراتىلىستىق قورشاعان ورتانى قورعاۋ سالاسىنداعى كەرەمەت بەينەسى سەبەپتى، 2021 - جىلى 10 - ايدىڭ 11 - كۇنى چۋ ۋىنۋىن ۇسىنىس بويىنشا يۇنناندا وتكىزىلگەن بىرلەسكەن مەملەكەتتەر ۇيىمىنىڭ «ورگانيزمدەردىڭ الۋان تۇرلىلىگى شارتى» 15 - رەتكى شارت جاساسۋشى جاقتار جينالىسىنا قاتىناستى. جينالىستىڭ اشىلۋ سالتىندا چۋ ۋىنۋىن جۇڭگو جاستارىنىڭ ۋاكىلى رەتىندە ساحناعا شىعىپ ءسوز سويلەپ، ءوزىنىڭ مەكەنى التايدا مىڭشين قۇندىزىن قورعاعاندىعى جونىندەگى اڭگىمەسىن باياندادى. بۇكىل دۇنيە ءجۇزى نازار اۋدارعان جاعدايدا، جاس چۋ ۋىنۋىن حالىقارالىق ساحنادا جۇڭگو جاستارىنىڭ اشىق - جارقىن، وزىنە سەنىمدى كەلبەتىن ايگىلەدى. ”ءبىز دۇنيە جۇزىنە جۇڭگو جاستارىنىڭ تابيعاتتى قورعاۋ پوزيتسياسىنىڭ مۇقيات، قاتاڭ ەكەندىگىن، ىنتا - پەيىلىمەن بەرىلگەندىگىن ايتامىز، ءبىز تابيعاتتى سۇيەمىز، تىرشىلىككە قۇرمەت ەتەمىز، وسىنشاما كوپ قۇربىلار بىرگە ارەكەتتەنگەندە،ءبىزدىڭ مەملەكەتىمىزدىڭ تابيعاتتى قورعاۋ ىستەرىنىڭ، ءسوزسىز، ەرەكشە كەرەمەت بولاتىندىعىنا سەنەمىن“، - دەدى چۋ ۋىنۋىن ءتىلشىنىڭ سۇحباتىن قابىلداعاندا.
چۋ ۋىنۋىننىڭ بويىندا جاڭا ءداۋىر ايەلدەرىنىڭ دەربەس، ىسكەر، ويىن جەتكىزۋگە شەبەر، جاستىق جالىنى لاۋلاعان بەينەسى مەن مۇندالايدى. جاپان دالادا، ول جۇمىسقا توسەلگەن، ارىندى، جالىندى قورشاعان ورتانى قورعاۋ دارىنى؛ ينتەرنەت جەلىسىندە، ول اشىق - جارقىن شاتتىق سيلاۋشى، جابايى حايۋاناتتاردى قورعاۋداعى قىزىقتارىن سان مىڭداعان توراپتاسىمەن ورتاقتاسادى؛ تەلەۆيزور ەكرانى الدىندا، ول سۇلۋ دا ادەمى، پاراساتتى جاس رەتىندە اقتارىلا اڭگىمە شەرتەدى.
چۋ ۋىنۋىننىڭ جەكە باسىنىڭ قۇدىرەتى مەن قاجىماي تالپىنۋىنىڭ ىقپالىنا ۇشىراعاندىقتان بولار، التاي ايماقتىق تابيعاتتى قورعاۋ قوعامىنا قىسقا عانا بىرنەشە جىلدا بۇكىل ەلدىڭ جەر - جەرىنەن كەلگەن تابيعاتتى قورعاۋدى سۇيەتىن ءبىر توپ جاستار جينالدى، ولار پايدا - زيانمەن ساناسپاي، ۇلى تاۋعا، قۇبا تۇزگە تامىر تارتىپ، ۇزدىكسىز ىزدەنىس جاساۋ ارقىلى مىڭشين قۇندىزىنىڭ تىرشىلىك ورتاسىن بىرتىندەپ جاقسارتتى، ءتۇر توبىنىڭ سانى ۇزدىكسىز ارتتى.
قازىر چۋ ۋىنۋىننىڭ باسشىلىعىنداعى التاي ايماقتىق تابيعاتتى قورعاۋ قوعامىنىڭ نىساناسى اناعۇرلىم ايقىندالا ءتۇستى، ياعني تابيعاتتى قورعاۋ الەۋمەتتىك يگىلىگىنە قاتىناسۋدى قاراپايىم ىسكە اينالدىرۋ ەدى. بۇل جونىندە ۇجىم 5 جىلدىق دامۋ نىساناسىن بەلگىلەدى، جۇرتتىڭ تابيعاتتى قورعاۋ قىزمەتىنە قاتىناسۋىنىڭ ءتۇرلى قۇرالدارى، ارناسى قۇرىلىسىن اياقتاتىپ، اناعۇرلىم كوپ ادامنىڭ ”قارجى قوسۋ“، ”كۇش سالۋ“، ”ۋاقىت شىعارۋ“ سياقتى تاسىلدەر ارقىلى تابيعاتتى قورعاۋعا قاتىناسۋىنا مۇمكىندىك جاساپ، تابيعاتتى قورعاۋ كۇشىن زورايتىپ، جۇرتتىڭ تابيعات بىلىمدەرىنىڭ جالپىلاسۋ دەڭگەيىن جوعارىلاتتى.
”بىز وسى ۇرپاق جاستار باعىمىز جانىپ، مەملەكەت ەكولوگيانى قورعاۋدى زور كۇشپەن ىلگەرىلەتكەن جاڭا داۋىردە ەسەيىپ - ەرجەتتىك، ۇكىمەتتىڭ قولداۋى، مەديالاردىڭ ات سالىسۋى، جۇرتتىڭ تابيعاتتى قورعاۋ تانىمىنىڭ جوعارىلاۋى ءبىزدىڭ قىزمەتىمىزدىڭ ەڭ وزەكتى نەگىزىنە اينالدى. الدا مەن كاسىپتەستەرىممەن بىرگە ۇزدىكسىز كۇرەس جۇرگىزىپ، تابيعاتتى قورعاۋدىڭ اناعۇرلىم كوپ جاڭا ۇلگىسىن، جاڭا تەحنيكاسىن قورىتىندىلاپ، قالىپتاستىرىپ، تابيعاتتى قورعاۋ شەبىندەگى اناعۇرلىم كوپ كاسىپتەسىمىزبەن ورتاقتاسىپ، ءوز قۇلشىنىسىم ارقىلى ەلىمىزدىڭ ەكولوگيالىق وركەنيەت قۇرىلىسىنىڭ ابىرويىن اسىرۋعا كۇش سالامىن“، - دەدى چۋ ۋىنۋىن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
