جۇڭگو كوممۋنيستىك جاستار وداعى قۇرىلعانىنىڭ 100 جىلدىعىن قۇتتىقتاۋ جينالىسى بەيجيڭدە سالتاناتپەن وتكىزىلدى
شي جينپيڭ ماڭىزدى ءسوز سويلەدى
لي كىچياڭ، لي جانشۋ، ۋاڭ ياڭ، جاۋ لىجي، حان جىڭ جينالىسقا قاتىناستى، ۋاڭ حۋنيڭ جينالىستى باسقاردى
2022.05.11 15:50 كەلۋ قاينارى : حالىق تورابى
 |
5 - ايدىڭ 10 - كۇنى جۇڭگو كوممۋنيستىك جاستار وداعى قۇرىلعانىنىڭ 100 جىلدىعىن قۇتتىقتاۋ جينالىسى بەيجيڭدەگى حالىق سارايىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى يۋە يۋەي تۇسىرگەن
|
■ جاستىق كوكتەم شەكسىز ۇمىتكە تولى، جاستار كوركەم بولاشاق جاراتادى. جاڭا داۋىردەگى جۇڭگو جاستارى كوركەيىپ - گۇلدەنگەن داۋىرگە كەز كەلىپ، ماڭىزدى مىندەت ارقالاپ وتىر، قابىلەتتى ايگىلەۋ ءورىسى شەكسىز كەڭ، ارماندى جۇزەگە اسىرۋ بولاشاعى شەكسىز نۇرلى. جۇڭگو ارمانىن جۇزەگە اسىرۋ تاريحي كۇش جالعاپ جۇگىرۋ جارىسىنا ۇقسايدى، زامانىمىزداعى جاستار ۇلتتىڭ گۇلدەنۋىن جۇزەگە اسىرۋ جولىندا ەرلىكپەن العا ۇمتىلۋى كەرەك. كوممۋنيستىك جاستار وداعى سوتسياليزمنىڭ قۇرىلىسشىلارى مەن ءىزباسارلارىن باۋلۋ ءتۇبىرلى مىندەتىن مىقتاپ يگەرىپ، پارتيا ءۇشىن ادام تاربيەلەۋدەن، سانالى تۇردە جاۋاپكەرلىك ارقالاپ، جاۋاپكەرلىكتى ادا ەتۋدەن، قالىڭ جاستارمەن تىلەكتەس بولۋدان، وزىنە توڭكەرىس جاساۋعا باتىل بولۋدان جازباي، قالىڭ مۇشە جاستاردى مۇراتتى، جاۋاپكەرلىكتى ارقالاۋعا باتىل، جاپاعا شىدامدى، كۇرەس جاساۋعا شەبەر جاڭا ءداۋىردىڭ جالىندى جاستارى بولۋعا ىنتىماقتاستىرىپ جانە باستاپ، جاستىق كوكتەمنىڭ قوزعاۋشى كۇشى جانە جاسامپازدىق قۋاتى ارقىلى ۇلتتىڭ گۇلدەنۋىنىڭ ايبىندى كوكتەم ورلەۋىن كوتەرىپ، جاستىق كوكتەمنىڭ اقىل - پاراساتى مەن ماڭداي تەرى ارقىلى اناعۇرلىم كوركەم جۇڭگونى سومداۋى كەرەك
«حالىق گازەتى»، 5 - ايدىڭ 10 - كۇنى، بەيجيڭ. جۇڭگو كوممۋنيستىك جاستار وداعى قۇرىلعانىنىڭ 100 جىلدىعىن قۇتتىقتاۋ جينالىسى 5 - ايدىڭ 10 - كۇنى تۇستەن بۇرىن بەيجيڭدەگى حالىق سارايىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىستە ماڭىزدى ءسوز سويلەپ بىلاي دەپ دارىپتەدى: جاستىق كوكتەم شەكسىز ۇمىتكە تولى، جاستار كوركەم بولاشاق جاراتادى. جاڭا داۋىردەگى جۇڭگو جاستارى كوركەيىپ - گۇلدەنگەن داۋىرگە كەز كەلىپ، ماڭىزدى مىندەت ارقالاپ وتىر، قابىلەتتى ايگىلەۋ ءورىسى شەكسىز كەڭ، ارماندى جۇزەگە اسىرۋ بولاشاعى شەكسىز نۇرلى. جۇڭگو ارمانىن جۇزەگە اسىرۋ تاريحي كۇش جالعاپ جۇگىرۋ جارىسىنا ۇقسايدى، زامانىمىزداعى جاستار ۇلتتىڭ گۇلدەنۋىن جۇزەگە اسىرۋ جولىندا ەرلىكپەن العا ۇمتىلۋى كەرەك. كوممۋنيستىك جاستار وداعى سوتسياليزمنىڭ قۇرىلىسشىلارى مەن ءىزباسارلارىن باۋلۋ ءتۇبىرلى مىندەتىن مىقتاپ يگەرىپ، پارتيا ءۇشىن ادام تاربيەلەۋدەن، سانالى تۇردە جاۋاپكەرلىك ارقالاپ، جاۋاپكەرلىكتى ادا ەتۋدەن، قالىڭ جاستارمەن تىلەكتەس بولۋدان، وزىنە توڭكەرىس جاساۋعا باتىل بولۋدان جازباي، قالىڭ مۇشە جاستاردى مۇراتتى، جاۋاپكەرلىكتى ارقالاۋعا باتىل، جاپاعا شىدامدى، كۇرەس جاساۋعا شەبەر جاڭا ءداۋىردىڭ جالىندى جاستارى بولۋعا ىنتىماقتاستىرىپ جانە باستاپ، جاستىق كوكتەمنىڭ قوزعاۋشى كۇشى جانە جاسامپازدىق قۋاتى ارقىلى ۇلتتىڭ گۇلدەنۋىنىڭ ايبىندى كوكتەم ورلەۋىن كوتەرىپ، جاستىق كوكتەمنىڭ اقىل - پاراساتى مەن ماڭداي تەرى ارقىلى اناعۇرلىم كوركەم جۇڭگونى سومداۋى كەرەك.ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ جينالىسقا قاتىناستى.
حالىق سارايىنىڭ 2 ـ قاباتىنداعى قوناعاسى زالى سالتاناتتى دا دۋماندى بەينەگە شومدى. ءتوراعالار مىنبەسىنىڭ جوعارعى جاعىنا «جۇڭگو كوممۋنيستىك جاستار وداعى قۇرىلعانىنىڭ 100 جىلدىعىن قۇتتىقتاۋ جينالىسى» دەگەن جينالىس بەلگىسى، ارتقى پەردەنىڭ ءدال ورتاسىنا وداق گەربى ىلىنگەن، وداق گەربىنىڭ استىڭعى جاعىنا «1922 - 2022» دەگەن جازۋ جازىلعان، جازۋدىڭ ەكى جاعىنا بەستەن نارت قىزىل تۋ قويىلعان.
جينالىس تۇستەن بۇرىن ساعات 10 دا باستالدى. زالداعىلار تۇگەل ورىندارىنان تۇرىپ، مەملەكەت گيمنىن اسقاقتاتا شىرقادى.
دۋ قول شاپالاق ءۇنى ىشىندە شي جينپيڭ ماڭىزدى ءسوز سويلەدى. ول اۋەلى پارتيا ورتالىق كوميتەتى اتىنان كوممۋنيستىك جاستار وداعىنىڭ بارلىق مۇشەلەرىن جانە ءار دارەجەلى كوممۋنيستىك جاستار وداعى ۇيىمدارىن، وداق كادرلارىن قىزۋ قۇتتىقتادى جانە ولاردان شىنايى حال سۇرادى.
شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسى دۇنيەگە كەلە سالىپ جاستارعا نازار اۋدارىپ، توڭكەرىستىڭ ءۇمىتىن جاستارعا ارنادى. 100 جىلدان بەرى پارتيانىڭ پارمەندى باسشىلىعىندا، كوممۋنيستىك جاستار وداعى اۋەلگى ماقساتتى ۇمىتپاي، بورىشتى ەستە بەرىك ساقتاپ، جاستاردىڭ الدىڭعى لەگىندە ءجۇرىپ، نەشە ۇرپاق جاستاردى سەنىمدى بەكەمدەپ، پارتياعا تىعىز ىلەسۋگە ۇيىمداستىرىپ جانە جەتەكتەپ، ۇلتتىڭ تاۋەلسىزدىگىنە، حالىقتىڭ ازاتتىعىنا قول جەتكىزۋ جانە مەملەكەتتىڭ قۇدىرەتتەنۋىن، حالىقتىڭ باقىتىن جۇزەگە اسىرۋ جولىندا ۇلەس قوسىپ، جۇڭحۋا ۇلتىنىڭ ۇلى گۇلدەنۋى بارىسىندا جالىندى جاستىق جىرىن جازدى. 100 جىلدان بەرى جۇڭگو كوممۋنيستىك جاستار وداعى باستان ـ اياق پارتيامەن تىلەكتەس بولىپ، پارتياعا ىلەسىپ، قالىڭ وداق مۇشەلەرىن، جاستاردى ىنتىماقتاستىرىپ جانە باستاپ، ادالدىقتى پارتيا مەن حالىق ىستەرىنە، جاستىق كوكتەمىن ۇلتتىڭ گۇلدەنۋ ساپارىنا، داڭقتى تاريحتىڭ پاراعىنا جازدى. تاريح پەن اماليات جۇڭگو كوممۋنيستىك جاستار وداعىنىڭ اتى زاتىنا ساي جۇڭگو جاستار قوزعالىسىنىڭ ۇزدىك قوسىنى، پارتيانىڭ ادال كومەكشىسى جانە سەنىمدى زاپاس قوسىنى ەكەنىن تولىق دالەلدەدى.شي جينپيڭ بىلاي دەپ دارىپتەدى: 100 جىلدان بەرى كوممۋنيستىك جاستار وداعى مۇراتتى بەكەمدەپ، العان بەتتەن قايتپاي، باعالى تاجىريبەلەر توپتادى. 100 جىلدىق ساپار كوممۋنيستىك جاستار وداعىنىڭ پارتيانىڭ باسشىلىعىندا تاباندى بولۋى سىندى تابان تىرەر تياناعىن قالىپتاستىردى، كوممۋنيستىك جاستار وداعىنىڭ مۇرات ـ سەنىمنەن اينىمايتىن ساياسي رۋحىن سومدادى، كوممۋنيستىك جاستار وداعىنىڭ ۇلتتىڭ گۇلدەنۋىنە ات سالىسۋىنىڭ ەكپىندى كۇشىن قالىپتاستىردى، كوممۋنيستىك جاستار وداعىنىڭ قالىڭ جاستارعا تامىر تارتقان ومىرشەڭدىك كۇش قاينارىن سومداپ شىقتى. بۇل كوممۋنيستىك جاستار وداعىنىڭ بولاشاققا بەت الىپ، ۇزدىكسىز تىڭ ۇلەس قوسۋىنىڭ ماڭىزدى تياناعى بولىپ تابىلادى.
شي جينپيڭ مىنالاردى اتاپ كورسەتتى: جاڭا ساپاردا قايتكەندە جاستاردى ءتىپتى دە ويداعىداي ىنتىماقتاستىرىپ، ۇيىمداستىرىپ، جۇمىلدىرىپ، ەكىنشى 100 جىلدىق كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن كۇرەس جۇرگىزۋگە بولاتىنى − جاڭا داۋىردەگى جۇڭگو جاستار قوزعالىسى مەن جاستار قىزمەتىندە، ءسوز جوق، جاۋاپ قايتارۋعا ءتيىستى كەلەلى تاقىرىپ. شي جينپيڭ كوممۋنيستىك جاستار وداعىنا مىناداي 4 ءتۇرلى ءۇمىت ارتتى: ءبىرىنشى، پارتيا ءۇشىن ادام تاربيەلەۋدە تاباندى بولىپ، باستان ـ اياق جۇڭگو جاستارىنىڭ يدەيالىق العا باسۋىنا جەتەكشىلىك ەتەتىن ساياسي مەكتەپكە اينالۋ كەرەك. ساياسي جاقتان نازار اۋدارىپ، يدەيالىق جاقتان ىسكە كىرىسىپ، جاستاردىڭ ەرەكشەلىگىن شىعار ءتۇيىن ەتىپ، ولاردىڭ ەرتە باستان مۇرات ورناتۋىنا، ۇلى مۇرات ورناتۋىنا كومەكتەسىپ، پارتياعا، جۇڭگوشا سوتسياليزمگە، ماركسيزمگە دەگەن سەنىمىن جان جۇيەلەرىنە مىقتاپ ورناتۋ كەرەك. پارتيا ىستەرىنىڭ مۇراگەرى بولۋ سىندى ءتۇبىرلى ۇلى ماقساتتى تياناق ەتىپ، سوتسياليزمنىڭ قۇرىلىسشىلارى مەن ءىزباسارلارىن تاربيەلەۋ سىندى ءتۇبىرلى مىندەتتى مىقتاپ يگەرىپ، قالىڭ جاستاردى يدەيالىق سىننان وتكىزۋ، امالياتتىق شىڭدالۋ بارىسىندا جۇڭگولىق بولۋ جىگەرىن، جالىنىن، سەنىمىن ۇزدىكسىز نىعايتۋعا جەتەكتەۋ كەرەك. ەكىنشى، سانالىلىقپەن جاۋاپكەرلىك ارقالاپ، جاۋاپكەرلىكتى ادا ەتىپ، باستان - اياق جۇڭگو جاستارىن ماڭگىلىك كۇرەس جۇرگىزۋگە ۇيىمداستىراتىن اۆانگارد كۇشكە اينالۋ كەرەك. قالىڭ وداق مۇشەلەرىن، جاستاردى پارتيا مەن حالىقتىڭ ۇندەۋىنە سانالىلىقپەن قۇلاق اسۋعا ىنتىماقتاستىرىپ جانە باستاپ، مەملەكەتتىڭ زور ءىسىن كوكەيدە ساقتاپ، بورىش پەن مىندەتتى ارقالاپ، جاڭا داۋىردە، جاڭا ورىستە جاڭا ارمان ارقالاپ، ۇلەس قوسىپ، يگىلىك جاراتىپ، ۇلى مۇرات جولىندا ارمانعا قۇلاش سەرمەۋشى بولۋعا، ۇلى ءىس جولىندا جالىندى قوسىن بولۋعا قۇلشىنۋ كەرەك. ءۇشىنشى، قالىڭ جاستارمەن جۇرەكتەس بولۋ، باستان ـ اياق پارتيانىڭ جاستارمەن بايلانىس جاساۋداعى ەڭ بەرىك كوپىرىنە، دانەكەرىنە اينالۋ كەرەك. جاستارعا قىزمەت وتەۋ قىزمەتىنىڭ جان تامىرىن تىعىز توڭىرەكتەپ، پارتيانىڭ بيلىك جۇرگىزۋىنىڭ جاستار اراسىنداعى بۇقارالىق نەگىزىن بەكەمدەۋ جانە ۇلعايتۋ سىندى ساياسي جاۋاپكەرلىكتى وتەپ، ءتۇرلى ءادىس ـ امالمەن جاستارعا ناقتى ىستەر ىستەپ بەرىپ، قيىن ىستەردى شەشىپ بەرىپ، جاستار ويلايتىن ىستەردى ىرىقتىلىقپەن ويلاۋ، جاستار اسىعاتىن ىستەرگە اسىعۋ، جاستارعا ناقتى كومەك كورسەتۋ كەرەك. ءتورتىنشى، وزىنە توڭكەرىس جاساۋعا باتىل بولىپ، باستان ـ اياق پارتياعا ىلەسىپ ءداۋىردىڭ الدىڭعى لەگىندە جۇرەتىن العاباسار ۇيىمعا اينالۋ كەرەك. پارتيانىڭ جالپى بەتتىك باسشىلىعىن قىزمەتتىڭ جالپى بارىسىندا، ءار سالاسىندا تياناقتاندىرىپ، جۇڭگوشا سوتسياليستىك بۇقارالىق ۇيىمداردى دامىتۋ جولىمەن ويداعىداي ءجۇرىپ، كوممۋنيستىك جاستار وداعى رەفورماسىنىڭ ىشكەرىلەي دامۋىن ىلگەرىلەتۋ كەرەك. جاستاردىڭ جان جۇيەسىندەگى يدەيالىق وزگەرىستەردى قىرعىلىقپەن اڭعارىپ، جاستاردىڭ قىزمەت، تۇرمىس تاسىلىندەگى جاڭا وزگەرىستەرگە، جاڭا ەرەكشەلىكتەرگە نەگىزدەلپ، وداقتىڭ نەگىزگى ساتى ۇيىمدارى قۇرىلىسىنداعى جاڭا وي جەلىسى، جاڭا ۇلگى جاعىندا ىزدەنىس جاساپ، جاستار بىرلەستىگى، وقۋشىلار بىرلەستىگى ۇيىمدارىنىڭ وتانشىلدىق تۋىن، سوتسياليزم تۋىن بيىك كوتەرۋىنە جەتەكشىلىك ەتىپ، جاستاردىڭ وتانشىلدىق بىرلىكسابىن ۇزدىكسىز بەكەمدەۋ جانە زورايتۋ كەرەك. پارتيانى جالپى بەتتىك قاتاڭ باسقارۋ تاجىريبەلەرىنە، ادىستەرىنە سانالى تۇردە تۋرالانىپ، رەفورما جاساپ، جاڭالىق جاراتۋ رۋحىمەن جانە قاتاڭ، شىنايى ستيلمەن وزىندىك قۇرىلىستى كۇشەيتىپ، وداقتى باسقارۋدا، وداق ىستەرىن باسقارۋدا قاتاڭ بولىپ، جوعارى ولشەممەن جان – جاقتى شىڭدالۋ بارىسىندا كوممۋنيستىك جاستار وداعىنىڭ اسقاق تا العاباسار داۋىرلىك بەت - بەينەسىن ايگىلەۋ كەرەك.شي جينپيڭ مىنالاردى دارىپتەدى: العا باسۋعا تالپىنۋ − جاستاردىڭ ەڭ باعالى قاسيەتى ءارى پارتيا مەن حالىقتىڭ ەڭ شىنايى ءۇمىتى. جاڭا داۋىردە كوممۋنيستىك جاستار وداعىنىڭ قالىڭ مۇشەلەرى، ۇلى مۇرات، بەرىك سەنىم ورناتۋدىڭ ۇلگىلەرى بولىپ، باستاماشىلدىقپەن ماركسيزم نازارياسىن ۇيرەنىپ، كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىن ورناتىپ، سوتسياليستىك وزەكتى قۇن كوزقاراسىن سانالىلىقپەن امالياتتا ايگىلەپ، وتانشىلدىق رۋحتى بارىنشا ساۋلەلەندىرۋى؛ قاجىرلىلىقپەن ۇيرەنۋدىڭ، قايسارلىقپەن جاڭالىق جاراتۋدىڭ ۇلگىلەرى بولىپ، باستاماشىلدىقپەن قىزمەت ورنىن تياناق ەتىپ، قاجىرلىلىقپەن جاتتىعىپ، تاڭداۋلى ورىن قۇرىپ، ۇزدىك بولۋعا تالپىنىپ، كاسىپتىك تىرەك، جاس اۆانگاردتار بولۋعا قۇلشىنۋى؛ باتىلدىقپەن كۇرەس جۇرگىزۋدىڭ، شەبەرلىكپەن كۇرەس جۇرگىزۋدىڭ ۇلگىلەرى بولىپ، باستاماشىلدىقپەن قيىندىقتاردان تايسالماي، قيىندىقتاردان قامال الىپ، بۇرىستىققا يلانباۋدى، جىن - شايتاننان قورىقپاۋدى، بوركەمىك بولماۋدى ورىنداۋى؛ قاجىرلىلىقپەن كۇرەس جۇرگىزۋدىڭ، قالتقىسىز ۇلەس قوسۋدىڭ ۇلگىلەرى بولىپ، باستاماشىلدىقپەن حالىقتىق مايداندا بەرىك تۇرىپ، تاباندى، تىڭعىلىقتى ىستەپ، شىندىققا جۇگىنىپ، ناقتى ىستەر ىستەپ، جاپادا الدا، راحاتتا ارتتا بولىپ، ماڭگى تاتتانبايتىن بۇراندا شەگە بولۋى؛ ءمورالدى قاستەرلەپ، ىزگىلىككە تالپىنۋدىڭ، تارتىپكە قاتاڭ بويسۇنۋدىڭ ۇلگىلەرى بولىپ، باستاماشىلدىقپەن جالپىلىق ءمورالدى ايقىنداپ، الەۋمەتتىك ءمورالعا بويسۇنىپ، جەكە باستىق ءمورالدى قاتايتىپ، تارتىپكە، زاڭعا قاتاڭ بويسۇنىپ، وداق مۇشەلەرىنىڭ بورىشىن قاتاڭ وتەۋى كەرەك. كوممۋنيستىك جاستار وداعىنىڭ قالىڭ مۇشەلەرى ساياسي جاقتان جەتىلدىرۋدى مۇقيات قابىلداپ، ساياسي جاقتان شىڭدالۋدى كۇشەيتىپ، ساياسي جاقتا العاباسارلىققا تالپىنىپ، پارتيا ۇيىمىنا بەلسەنە ارقا سۇيەپ، تولىمدى كوممۋنيست بولۋدى نىسانا ەتۋى، داڭق دەپ ءبىلۋى كەرەك.
شي جينپيڭ بىلاي دەپ اتاپ كورسەتتى: وداق كادرلارى پارتياعا ادال بولۋ سىندى ساياسي قاسيەتتى بەكەمدەپ، مۇراتشىلدىق رۋحاني قاسيەتتى اسقاقتاتۋى كەرەك. بۇقارالىق لۋشياندى سانالىلىقپەن امالياتتا ايگىلەپ، بۇقارالىق كوزقاراستى بەرىك ورناتىپ، قالىڭ جاستارمەن بىتە قايناسىپ، جاستارمەن دوستاسىپ، جاس «ۇلىق» بولماي، جاستار ءۇشىن كوبىرەك وي جۇگىرتىپ، ءوز مۇددەسىن ازىراق ويلاۋ كەرەك. جاۋاپكەرلىك ارقالاپ، ناقتى ناتيجە جاراتاتىن قىزمەت ستيلىن جەتىلدىرىپ، جالعاندىق ىستەمەي، كوبىرەك ناقتى ءىس تىندىرىپ، جاپالى ورتاعا جانە نەگىزگى ساتىنىڭ ءبىرىنشى شەبىنە بارۋعا باتىل بولىپ، جاپا - ماشاقاتتان، قيىندىقتان تايسالماي، جاپالى، قيىن، اۋىر، قاتەرلى مىندەتتەردى ارقالاپ، شىنايى ادام بولىپ، شىنايى ىستەۋ كەرەك. پاك، تارتىپشەڭ بولۋ ءمورالىن جەتىلدىرىپ، كوڭىلدە بىردەڭەدەن يمەنىپ، سوزدە عيبىرات، ارەكەتتە تەجەم بولىپ، ەرىك ـ جىگەردى، توزىمدىلىكتى، ۇستامدىلىقتى ۇزدىكسىز شىڭداپ، بۇكىل ىنتا - پەيىلىمەن جالپى ءۇشىن ىستەيتىن، تۋراشىلدىقتى ساقتايتىن، مونتازداي كىرشىكسىز ادام بولۋ كەرەك.
شي جينپيڭ بىلاي دەپ دارىپتەدى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ساپارىندا جۇڭگو كوممۋنيستىك پارتياسى − ۇزدىك قوسىن، كوممۋنيستىك جاستار وداعى − ەكپىندىلەر اترەتى، پيونەرلەر وتريادى − زاپاس قوسىن. وتريادقا كىرۋ، وداققا كىرۋ، پارتياعا كىرۋ − جاستاردىڭ ساياسي العاباسارلىققا تالپىنۋداعى «ومىرلىك ءۇش سيمفونياسى». كوممۋنيستىك جاستار وداعى بۇكىل وداق بويىنشا پيونەرلەر وتريادىنا جەتەكشىلىك ەتۋ ساياسي جاۋاپكەرلىگىن ويداعىداي اتقارىپ، پيونەرلەر وتريادىنىڭ ۇزدىكتەرىن كورسەتىپ وداققا كىرگىزۋ، كوممۋنيستىك جاستار وداعى مۇشەلەرىنىڭ ۇزدىكتەرىن كورسەتىپ پارتياعا كىرگىزۋ قىزمەت مەحانيزمىن ارناعا ءتۇسىرىپ جانە كۇشەيتىپ، پارتيانىڭ، وداقتىڭ، پيونەرلەر وتريادىنىڭ ادام تاربيەلەۋ تىزبەگىنىڭ ۇشتاسۋىن، تۇتاسۋىن كۇش سالا ىلگەرىلەتۋى كەرەك. ءار دارەجەلى پارتيا ۇيىمدارى جاس پارتيا مۇشەلەرىن تاربيەلەۋگە جانە ۇيىمعا قابىلداۋعا، اسىرەسە، كوممۋنيستىك جاستار وداعىنىڭ تاڭداۋلى مۇشەلەرى اراسىنان پارتياعا مۇشە تاربيەلەۋگە جانە قابىلداۋعا باسا ءمان بەرىپ، قىزىل بيلىكتىڭ ءتۇسى ماڭگى وزگەرمەۋىنە كەپىلدىك ەتۋى كەرەك.شي جينپيڭ بىلاي دەپ اتاپ كورسەتتى: ءار دارەجەلى پارتكومدار (پارتگرۋپپا) جاستاردىڭ ءوسىپ - جەتىلۋ زاڭدىلىعى مەن ءداۋىر ەرەكشەلىگىن ىقىلاسپەن زەرتتەپ، بار زەيىن - زەردەسىن جاستار قىزمەتىن يگەرۋگە جۇمساپ، جاس دوستاردىڭ سىرلاسى، جاستار قىزمەتىنىڭ ىنتالى ادامى، جاستار بۇقاراسىنىڭ جول باستاۋشىسى بولۋى كەرەك. ءار دارەجەلى پارتيا ۇيىمدارى پارتيا قۇرىلىسى ارقىلى وداق ىستەرىن قۇرۋ ءتۇزىم، مەحانيزمىن تياناقتاندىرىپ، كوممۋنيستىك جاستار وداعى قىزمەتىندەگى كەلەلى ماسەلەلەردى ۇنەمى اقىلداسىپ شەشىپ، وداق كادرلارىنا ىستىق ىقىلاسپەن كوڭىل ءبولىپ، قاتاڭ تالاپ قويىپ، كوممۋنيستىك جاستار وداعىنىڭ بۇقارالىق ۇيىمدىق قىزمەتىنىڭ ەرەكشەلىگى مەن زاڭدىلىعى بويىنشا قىزمەتتەردى جاسامپازدىقپەن ورىستەتۋگە قولداۋ كورسەتۋى كەرەك.
شي جينپيڭ مىنالاردى دارىپتەدى: پارتيا مەن مەملەكەت جونىنەن العاندا، جاستارىمىز ايالاۋعا، ءۇمىت كۇتۋگە ابدەن تاتيدى. جاستار بەينە بايتاق دالادا جەتىلىپ كەلە جاتقان اعاش سياقتى، كۇندەردىڭ بىرىندە سايالى بايتەرەككە اينالىپ، ەل ىسىنە تىرەك بولادى. جاستار تاعى ءبىر جاعىنان، جاڭا كوتەرىلگەن كۇنگە ۇقسايدى، قازىر تىنباي كۇش – قۋات توپتاۋدا، مەزەتى كەلگەندە جارىعى پەن جىلۋىن بايتاق دالاعا شاشادى. پارتيا مەن مەملەكەتتىڭ ءۇمىتى جاستارعا جۇكتەلەدى. (ءسوزدىڭ تولىق مازمۇنىن «حالىق گازەتىنىڭ» 2 – بەتىنەن وقي الاسىزدار).
ۋاڭ حۋنيڭ جينالىستى باسقارعاندا مىنانى ءبىلدىردى: باس شۋجي شي جينپيڭنىڭ ماڭىزدى سوزىندە 100 جىلدان بەرى كوممۋنيستىك جاستار وداعىنىڭ پارتيانىڭ سوزىنە بۇلجىماي قۇلاق اسىپ، پارتياعا ىلەسكەن جاستىق كوكتەم بارىستارى جالپى بەتتىك ەسكە الىنىپ، كوممۋنيستىك جاستار وداعىنىڭ پارتيانىڭ باسشىلىعىندا نەشە ۇرپاق وداق مۇشەلەرىن، جاستاردى ىنتىماقتاستىرىپ جانە باستاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قوسقان ماڭىزدى ۇلەسى تولىق تۇراقتاندىرىلىپ، كوممۋنيستىك جاستار وداعى مەن جاستار قىزمەتىنىڭ تاريحي تاجىريبەلەرى تەرەڭ پايىمدالىپ، جاڭا داۋىردە كوممۋنيستىك جاستار وداعى قىزمەتىن جاقسى ىستەۋ جونىندە ايقىن تالاپتار قويىلدى، بۇل اسا كۇشتى ساياسي، يدەيالىق، ستراتەگيالىق، جەتەكشىلىك سيپاتقا يە. ءبىز مۇنى مۇقيات ۇيرەنىپ، ءتۇسىنىپ، ىشكەرىلەي دايەكتى تياناقتاندىرۋىمىز كەرەك.
ج ك پ ورتالىق كوميتەتى شۋجيچۋىنىڭ ءبىرىنشى شۋجيى حى جۇنكى، جۇڭحۋا مەملەكەتتىك باس جۇمىسشى ۇيىمى شۋجيچۋىنىڭ ءبىرىنشى شۋجيى چىن گاڭ جينالىستا ءسوز سويلەدى.
ج ك پ ورتالىق كوميتەتى شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى قاتىستى باسشى جولداستار جينالىسقا قاتىناستى.
ورتالىقتاعى پارتيا، ۇكىمەت، ارميا تاراۋلارىنداعى، بۇقارالىق تاراۋلارداعى نەگىزگى جاۋاپتى جولداستار، استاناداعى ءار سالا وداق مۇشەلەرىنىڭ، جاستاردىڭ ۋاكىلدەرى، سونداي - اق ءىشىنارا ەلدەردىڭ جۇڭگودا تۇراتىن ەلشىلەرى قاتارلى مىڭداي ادام جينالىسقا قاتىناستى.
كەلۋ قاينارى: حالىق تورابى
 |
5 - ايدىڭ 10 - كۇنى جۇڭگو كوممۋنيستىك جاستار وداعى قۇرىلعانىنىڭ 100 جىلدىعىن قۇتتىقتاۋ جينالىسى بەيجيڭدەگى حالىق سارايىندا سالتاناتپەن وتكىزىلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتارلىلار جينالىسقا قاتىناستى.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
