«باستى ايلاندىراتىن ەلەكتروندى تەمەكى» تەمەكى ەمەس، ەسكىرتكى
زاڭمەن جونگە سالۋ گازەتىنىڭ ءتىلشىسى جاڭ شۋەحۇڭ
2022.05.11 13:19 كەلۋ قاينارى : حالىق تورابى
جۋىردا بەيجيڭ قالاسى شىعىس قالا رايوندىق حالىق سوتى سينتەزدەلگەن كاننابيونويد تۇرىندەگى ەسكىرتكى ساتۋ دەلوسىن انىقتاعان. ايىپكەر ۋاڭ X جەدەل جەتكىزۋ تاسىلىمەن تيان X كە (باسقا دەلو بويىنشا ءبىرجاقتى ەتىلگەن) سينتەزدەلگەن كاننابيونويد تۇرىندەگى «باستى ايلاندىراتىن ەلەكتروندى تەمەكى» جانە تەمەكى مايىن ساتىپ بەرىپ، 1400 يۋان پايدا تاپقان. حالىق ساقشىلارى ۋاڭ X تىڭ تۇرعان جەرىنەن ءبىر رەتتىك ەلەكتروندى تەمەكىدەن 129 تالىن جانە 141 قۇمىرا تەمەكى مايىن قولعا تۇسىرگەن، ولاردىڭ بارلىعىنىڭ قۇرامىنان سينتەزدەلگەن كاننابيونويد بايقالعان. سوت مەكەمەسى ۋاڭ X تىڭ ارەكەتى ەسكىرتكى ساتۋ قىلمىسىن قالىپتاستىرعان، ونىڭ ۇستىنە قايتالاي قىلمىس وتكىزگەندىكتەن، زاڭ بويىنشا قاتاڭ جازالاۋ كەرەك دەپ قاراعان. ۋاڭ X سوڭىندا قىلمىستىق ىستەر بويىنشا 15 جىلدىق قاماق جازاسىنا ۇكىم ەتىلىپ، ساياسي ۇقىعىنان 2 جىل ماحرۇم ەتىلگەن ءارى 60 مىڭ يۋان مال – مۇلكى ءمۇسادىرالانعان.
«ەلەكتروندى تەمەكى تاسىمالداۋعا جانە شەگۋگە قولايلى بولعاندىقتان، سينتەزدەلگەن كاننابيونويدتىڭ ەڭ باستى تاسىمالداۋشىسىنا اينالدى، ەسىرتكى ساۋدالايتىندار ونى «باستى اينالدىراتىن ەلەكتروندى تەمەكى» دەپ اتايدى ءارى «باستى اينالدىراتىن ەلەكتروندى تەمەكىنى» شەگۋ ارقىلى «حاۋىپسىز ءلاززاتتانۋعا»، «زاڭدى تۇردە ءلاززاتتانۋعا» بولادى دەگەندى جەلەۋ ەتىپ، ەسىرتكىدەن ساقتانۋ تانىمى كۇشتى بولماعان تەمەكى شەگۋشىلەردى ازعىرادى، ءتىپتى الدايدى. شىعىس قالا رايوندىق سوت مەكەمەسىنىڭ حابارلاندىرۋىنا قاراعاندا، «ەلەكتروندى تەمەكى» سينتەزدەلگەن كاننابيونويدتىڭ باستى تاسىمالداۋشىسىنا اينالىپ، ۋيچات، جەدەل جولداما، جەدەل جەتكىزۋ جولدارى ەسىرتكى ساۋدالاۋدىڭ باستى قۇرالدارىنا اينالعان. سينتەزدەلگەن كاننابيونويد تەكتەس زاتتاردى الباتى پايدالانۋدىڭ باستى فورمالارى ەلەكتروندى تەمەكى مايىنىڭ قۇرامىنا ەرىتىپ قوسۋ نەمەسە تەمەكى تالشىقتارىنا، گۇل جاپىراقشالارى قاتارلى وسىمدىكتەردىڭ بەتىنە بۇركۋ ارقىلى شەگۋدى نەمەسە سۋعا بىقتىرىپ ءىشۋدى قامتيدى. زاڭعا قايشى ەلەمەنتتەر ۋيچات قاتارلى الەۋمەتتىك بايلانىس قۇرالدارىنان پايدالانىپ بايلانىس جاساپ، ساۋدا ىستەپ، ەسكىرتكى العان قاراجاتتى تولەپ، جەدەل جولداما، جەدەل جەتكىزۋ، «قول جالعاۋ» قاتارلى زات اينالىمى جاعىندا قىزمەت وتەۋ تۇرلەرىنەن پايدالانىپ زاتتى تاسىمالدايدى، ساتۋشىلاردىڭ دارەجەلىك جىگى ادەتتە ءۇش تە بەس دارەجەگە دەيىن جەتەدى، ساۋدالاسۋ ءتاسىلى جاسىرىن، زات اينالىمى تەز، قامتيتىن كولەمى كەڭ بولعاندىقتان، مەملەكەتتىڭ ەسكىرتكى بۇيىمدارىن باسقارۋ ءتارتىبىن ءبۇلدىرىپ، تەمەكى شەگۋشىلەردىڭ دەنساۋلىعىنىڭ اقاۋسىزدىعىنا اۋىر قاتەر توندىرەدى، سونىمەن بىرگە، ەلەكتروندى تەمەكى سالاسىندا دا جاڭا بىلىقپالىق تۋدىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
