ۋاڭ چيشان كورەيانىڭ زۇڭتۇڭى ۋىن زاييىنمەن كەزدەستى
2022.05.10 16:50 كەلۋ قاينارى : حالىق تورابى
«حالىق گازەتى»، 5 - ايدىڭ 9 - كۇنى، سەۋل (تىلشىلەر جاڭ يۋە، ما فەي). 5 - ايدىڭ 9 - كۇنى حانگوعا بارىپ كورەيانىڭ جاڭادان تاعايىندالعان زۇڭتۇڭى يىن شييۋەنىڭ مىندەتكە وتىرۋ سالتىنا قاتىناسقان ءتوراعا شي جينپيڭنىڭ ەرەكشە ۋاكىلى، مەملەكەت ءتوراعاسىنىڭ ورىنباسارى ۋاڭ چيشان سەۋلدە كورەيانىڭ زۇڭتۇڭى ۋىن زاييىنمەن كەزدەستى.
ۋاڭ چيشان اۋەلى ۋىن زاييىنگە ءتوراعا شي جينپيڭنىڭ ىقىلاستى سالەمى مەن ىزگى تىلەگىن جەتكىزدى. ۋاڭ چيشان مىنانى ءبىلدىردى: وتكەن 5 جىلدا ءتوراعا شي جينپيڭ مەن ۋىن زاييىن زۇڭتۇڭنىڭ ىقىلاستى قامقورلىعى مەن ستراتەگيالىق جەتەكشىلىگىندە، جۇڭگو - كورەيا قاتىناسى كوپتەگەن ماڭىزدى دامۋشىلىققا قول جەتكىزدى. بيىل − جۇڭگو مەن كورەيانىڭ ديپلوماتيالىق قاتىناس ورناتقانىنىڭ 30 جىلدىعى، سونداي - اق جۇڭگو مەن كورەيانىڭ مادەنيەت اۋىس - كۇيىس جىلى. قازىر جۇڭگو مەن كورەيانىڭ جوعارى جىكتەگىلەرىنىڭ بارىس - كەلىسى جيىلەپ، ناقتى سەلبەستىگى كۇن سايىن تەرەڭدەپ، كوپ جاقتى قارىم - قاتىناس، سايكەسۋ ىركىلىسسىز بولىپ وتىر. ەكى ەل ەكونوميكاسىنىڭ توعىسۋى جوعارى دەڭگەيگە كوتەرىلدى، ارالاسۋى قويان – قولتىق بولىپ وتىر. اسىرەسە، دۇنيە ءجۇزى ەكونوميكاسى سەرپىلە الماي وتىرعان جاعدايدا وتكەن جىلى جۇڭگو مەن كورەيانىڭ ەكونوميكا - ساۋدا سەلبەستىگى قيىن – قىستاۋ جاعدايدا كوتەرىلىپ، جۇڭگو مەن كورەيانىڭ ەكونوميكا - ساۋدا سەلبەستىگىنىڭ سەرپىمدىلىگى مەن وراسان زور كومەسكى كۇشىن ايگىلەدى.
ۋاڭ چيشان بىلاي دەپ دارىپتەدى: جۇڭگو مەن كورەيا − ماڭگىلىك جاقىن كورشى، ءبىر - ءبىرىنىڭ ماڭىزدى سەلبەستىك سەرىگى، كەڭ كولەمدى ورتاق مۇددەگە يە. حالىقارالىق، وڭىرلىك جاعداي قالاي وزگەرسە دە، جۇڭگو مەن كورەيانىڭ دوستىق سەلبەستىگىنىڭ نەگىزگى جاعدايى وزگەرمەيدى ءارى وزگەرتۋگە دە بولمايدى. بۇل − جۇڭگو مەن كورەيا قاتىناسى تاريحىنىڭ ماڭىزدى تولعانىسى. جۇڭگو كورەيامەن قول ۇستاسا قۇلشىنىپ، جۇڭگو مەن كورەيانىڭ ستراتەگيالىق سەلبەستىك سەرىكتەستىك قاتىناسىنىڭ ۇزدىكسىز دامۋىن ىلگەرىلەتىپ، ەكى ەل حالىقتارىنا ءتىپتى دە زور باقىت جاراتۋدى قالايدى. جۇڭگو كورەيانىڭ وڭتۇستىك پەن سولتۇستىكتىڭ قاتىناسىن جاقسارتۋ، تۇبەك ماسەلەسىن ساياسي جولمەن شەشۋ اياق الىسىن ىلگەرىلەتۋ جولىندا قوسقان ماڭىزدى ۇلەسىن القايدى، كورەيامەن پىكىرلەسۋدى، سايكەسۋدى كۇشەيتىپ، تۇبەكتى يادروسىزداندىرۋعا جانە باياندى تىنىشتىقتى ەرتەرەك جۇزەگە اسىرۋعا بىرگە كۇش سالۋدى قالايدى.
ۋىن زاييىن مىنانى ءبىلدىردى: بۇل رەتكى كەزدەسۋ − مەنىڭ زۇڭتۇڭدىق مىندەت وتەگەن كەزىمدەگى ەڭ سوڭعى ماڭىزدى ديپلوماتيالىق قيمىلىم، ۋاڭ چيشان جولداس، ءتوراعا شي جينپيڭگە شىن جۇرەكتەن العىس ايتاتىنىمدى جانە ىقىلاسپەن جولداعان سالەمىمدى جەتكىزىپ قويىڭىز. وتكەن 5 جىلدا كورەيا - جۇڭگو قاتىناسى قيىنشىلىقتاردى جەڭىپ، دامۋدى جۇزەگە اسىردى، كەلەسى كەزەكتى ۇكىمەتتىڭ وسى بەتالىستى ساقتاۋىن ءۇمىت ەتەمىن. كورەيا جۇڭگونىڭ كورەي تۇبەگى ىستەرىندە اتقارعان سىندارلى رولىن ايرىقشا القايدى، جۇڭگومەن بىرگە ديپلوماتيالىق قاتىناس ورناتۋدىڭ 30 جىلدىعىن وراي ەتىپ، قاتىناستى ونان ارى كۇشەيتىپ، سەلبەستىكتى كەڭەيتىپ، بۇقارانىڭ ءوزارا ءتۇسىنىسۋىن ۇزدىكسىز كۇشەيتىپ، كورەيا - جۇڭگو قاتىناسىنىڭ اناعۇرلىم جوعارى ساتىعا كوتەرىلۋىن ىلگەرىلەتۋدى ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
