كەدەن باس مەكەمەسى: بالالاردا بايقالعان اۋرۋ سەبەبى بەلگىسىز شۇعىل حاراكتەرلى اۋىر تيپتى باۋىر قابىنۋى اۋرۋىنىڭ ەلىمىزگە تارالۋىنان قاتاڭ ساقتانايىق
2022.05.10 11:48 كەلۋ قاينارى : حالىق تورابى
دۇنيە جۇزىندەگى كوپتەگەن ەلدەردە بالالاردا بايقالعان اۋرۋ سەبەبى بەلگىسىز شۇعىل حاراكتەرلى اۋىر تيپتى باۋىر قابىنۋى اۋرۋىنىڭ تارالعانىنا باعىتتاي وتىرىپ، كەدەن باس مەكەمەسى جۋىردا بۇكىل ەلىمىزدەگى كەدەندەر مەن وتكەلدەردەگى دەنساۋلىق ساقتاۋ – كارانتيندەۋ جاقتارىنا قاتىستى قىزمەتتەر جونىندە ورنالاستىرۋ جاساپ، اۋرۋدىڭ ەلىمىزگە تارالۋىنان ساقتانۋدى تالاپ ەتتى.
كەدەن باس مەكەمەسى ەلىمىزدەگى كەدەندەردەن اۋرۋ بايقالعان ەلدەردەن، رايونداردان كەلىپ، ەلىمىز شەكاراسىنان كىرۋگە ءوتىنىش ەتكەن جولاۋشىلارعا دەنساۋلىعىن تەكسەرۋ، تەمپەراتۋراسىن ولشەۋ، مەديتسينالىق شارلاپ تەكسەرۋ قاتارلى كارانتيندەۋ – تەكسەرۋ قىزمەتتەرىن ورىستەتۋدى كۇشەيتىپ، ىرىقتىلىقپەن مالىمدەگەن نەمەسە ناق مايداندا بايقالعان ءىش اۋرۋ، ءىش ءوتۋ، لوقسۋ جانە سارى اۋرۋ قاتارلى اۋرۋ بەلگىلەرى بايقالعان جولاۋشىلاردى، وتە – موتە، بالالاردى بەلگىلەنگەن ءتارتىپ بويىنشا مەديتسينالىق تەكسەرۋگە الۋ كەرەك. مەديتسينالىق تەكسەرۋ ارقىلى كۇماندى ناۋقاستىڭ بالالاردا بايقالعان اۋرۋ سەبەبى بەلگىسىز شۇعىل حاراكتەرلى اۋىر باۋىر قابىنۋى اۋرۋىنا شالدىققان جولاۋشى ەكەنى تۇراقتاندىرىلسا، بەلگىلەنگەن ەمدەۋ قۇرىلىمدارىنا دەر كەزىندە جەتكىزىپ، جالعاستى ەمدەۋ ءارى سوڭىنان دەرەگىن قۋزاستىرىپ وتىرۋ كەرەك.
كەدەن مەكەمەسى مىنانى ەسكەرتتى: بالالاردا بايقالعان اۋرۋ سەبەبى بەلگىسىز شۇعىل حاراكتەرلى اۋىر تيپتى باۋىر قابىنۋى اۋرۋىنىڭ بەلگىلەرى سارى اۋرۋ جانە اسقازان – ىشەك جولى اۋرۋىنىڭ بەلگىلەرىن قامتيدى، مىسالى: لوقسۋ جانە ءىش ءوتۋ، ءىش اۋرۋ قاتارلىلار. شەكارادان كىرىپ – شىعۋ ساپارى بارىسىندا، ەگەر جايسىزدانعان بولساڭىز، وتىرعان قاتىناس قۇرالىڭىزداعى جولاۋشىلارعا قىزمەت وتەۋشىگە جاعدايىڭىزدى دەر كەزىندە، شىنايى ايتۋىڭىز ءارى ولاردىڭ قىزمەتىنە سايكەسىپ، ءوزىڭىزدى ويداعىداي قورعاۋىڭىز كەرەك. شەكارادان كىرىپ – شىققان جولاۋشىلاردان، وتە – موتە، بالالاردان اسقازان – ىشەك جولى اۋرۋى نەمەسە سارى اۋرۋ بەلگىسى بايقالسا، دەر كەزىندە كەدەن مەكەمەسىنە مالىمدەۋ كەرەك، وسىلاي ىستەۋ ارقىلى دەر كەزىندە ەمدەلۋگە بولادى. دۇنيە جۇزىلىك دەنساۋلىق ساقتاۋ ۇيىمى قولدى تازا جۋۋدىڭ (بالالاردىڭ قول جۋۋىن قاداعالاۋدىڭ) ۇنەمى كەزدەسەتىن جۇقپالى اۋرۋلاردىڭ تارالۋىن ازايتۋعا كومەگىن تيگىزەتىنىن ەسكەرتتى.
دۇنيە جۇزىلىك دەنساۋلىق ساقتاۋ ۇيىمىنىڭ حابارلاۋىنشا، 5 – ايدىڭ 1 – كۇنىنە دەيىن، دۇنيە جۇزىندە 20 مەملەكەتتە بالالاردا بايقالعان اۋرۋ سەبەبى بەلگىسىز شۇعىل حاراكتەرلى اۋىر تيپتى باۋىر قابىنۋ اۋرۋىنا شالدىققان 288 ناۋقاس پەن 50 كۇماندى ناۋقاس بايقالعان. مۇندا ەۆروپادا 14 مەملەكەتتەن اۋرۋعا شالدىققاندار بايقالعان، تارالۋ، جايىلۋ بەتالىسى كورنەكتى بولعان، امەريكا قۇرىلىعىنداعى، باتىس تىنىق مۇحيتتاعى جانە شىعىس وڭتۇستىك ازياداعى ەلدەردە دە اۋرۋعا شالدىققاندار بايقالعان. اۋرۋعا شالدىققانداردىڭ جاسى نەگىزىنەن ءبىر جاستان 16 جاسقا دەيىنگى ارالىقتا بولعان. (باس ستانسيا ورتالىق تەلەۆيزيا ءتىلشىسى سۇن شۋۋىن، كۇڭليڭۋىن)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
