سىرتقى ىستەر مينيسترلىگى: ءىشىنارا باتىس ەلدەرى مەن قۇرىلىمدارىنىڭ شياڭگاڭ ەرەكشە اكىمشىلىك رايونىنىڭ اكىمىن سايلاۋىن قاساقانا قارالاۋىنا باتىل قارسى تۇرامىز
2022.05.11 14:55 كەلۋ قاينارى : حالىق تورابى
شينحۋا اگەنتتىگىنىڭ 5 - ايدىڭ 10 - كۇنى بەيجيڭنەن بەرگەن حابارى. 7 ەل توبىنىڭ سىرتقى ىستەر مينيسترلەرى مەن ەۆروپا وداعىنىڭ سىرتقى ىستەر جانە حاۋىپسىزدىك ساياساتىنىڭ جوعارى دارەجەلى ۋاكىلدەرىنىڭ 5 - ايدىڭ 9 - كۇنى مالىمدەمە جاريالاپ، شياڭگاڭ ەرەكشە اكىمشىلىك رايونىنىڭ 6 ـ كەزەكتى اكىمىن سايلاۋىنا «ەرەكشە نازار اۋدارعانىنا» قاراتا، سىرتقى ىستەر مينيسترلىگىنىڭ مالىمدەمەشىسى جاۋ ليجيان 5 - ايدىڭ 10 - كۇنى كەزەكتى تىلشىلەر جينالىسىندا بىلاي دەدى: ءىشىنارا باتىس ەلدەرى مەن قۇرىلىمدارى ءبىر ـ بىرىمەن استاسىپ، شياڭگاڭ ەرەكشە اكىمشىلىك رايونىنىڭ اكىمىن سايلاۋىن جات نيەتپەن قارالاپ، جۇڭگونىڭ ىشكى ساياساتىنا دورەكىلىكپەن كيلىگىپ وتىر، جۇڭگو بۇعان باتىل قارسى تۇرادى جانە قاتاڭ جازعىرادى.
جاڭ ليجيان بىلاي دەدى: ەندى عانا اياقتاعان شياڭگاڭ ەرەكشە اكىمشىلىك رايونىنىڭ 6 ـ كەزەكتى اكىمىن سايلاۋ ‐ شياڭگاڭ ەرەكشە اكىمشىلىك رايونىنىڭ جاڭا سايلاۋ ءتۇزىمىنىڭ تاعى ءبىر رەتكى تابىستى امالياتى، سايلاۋ بارىسى زاڭ ـ ەرەجەگە ساي، ٵدىل، تۋرا بولدى، سايلاۋ ناتيجەسى جۇرت تىلەگىن بەينەلەدى، شياڭگاڭ ەرەكشە اكىمشىلىك رايونىنىڭ دەموكراتيالىق امالياتىنىڭ جاڭا بەينەسىن، ناعىز دەموكراتيالىق رۋحىن ايگىلەدى. ءىشىنارا ەلدەر شياڭگاڭ دەموكراتياسىنىڭ ساپالىلانۋىنىڭ، جوعارىلاۋىنىڭ وبيەكتيۆ فاكتتەرىن ەلەمەي، شياڭگاڭ قوعامىنىڭ ىنتىماقتاسا العا باسۋ نەگىزگى اعىمدىق حالىق تىلەگىنە قارسى ارەكەتتەنىپ، جۇڭگو شياڭگاڭ ەرەكشە اكىمشىلىك رايونىنىڭ دەموكراتيالىق سايلاۋىنا دەموكراتيانىڭ «ۇستازى» ەمەۋرىنىمەن كوسەمسي سويلەپ، شياڭگاڭنىڭ وسكەلەڭ اۆتونومياسى مەن ادامدىق ۇقىق ەركىندىگىن سان – ساققا جۇگىرتتى، بۇل ولاردىڭ ەكىبەتكەي جالعان كەسپىرى مەن شياڭگاڭدى بىلىقتىرىپ جۇڭگونى شاۋجايلاۋعا ۇرىنباقشى بولعاندىعىن ايپاراداي اشىپ تاستادى.
جاۋ ليجيان بىلاي دەدى: شياڭگاڭ جۇڭگونىڭ شياڭگاڭى، شياڭگاڭ قانداي سايلاۋ ءتۇزىمىن اتقارىپ، قانداي دەموكراتيالىق دامۋ جولىن قاراستىرادى، بۇكىلدەي جۇڭگونىڭ ىشكى ىسىنە جاتادى، ءارقانداي سىرتقى كۇشتىڭ كيلىگۋ ۇقىعى جوق. قاتىستى مەملەكەتتەر مەن قۇرىلىمدار جۇڭگونىڭ يەلىك ۇقىعىنا قۇرمەت ەتۋى، حالىقارالىق زاڭ مەن حالىقارالىق قاتىناستىڭ نەگىزگى ولشەمىنە بويسۇنۋى، ءارقانداي فورمامەن شياڭگاڭ ىستەرىنە كيلىگۋدى، جۇڭگونىڭ ىشكى ىسىنە كيلىگۋدى دەرەۋ توقتاتۋى كەرەك. جۇڭگو ۇكىمەتى «ءبىر ەل، ەكى ءتۇزىمدى» جاپپاي دۇرىس دايەكتىلەندىرۋ، شياڭگاڭنىڭ ءىس جۇزىندىگىنە ۇيلەسەتىن تاڭداۋلى دەموكراتيانى دامىتۋ بەكىمىنەن اۋىتقىمايدى. ءارقانداي سىرتقى كۇشتىڭ قىسىم ءتۇسىرىپ، ءبۇلدىرۋ ارەكەتى قۇر اۋرە - سارساڭعا ءتۇسۋ بولىپ تابىلادى. «ءبىز شياڭگاڭنىڭ جاقسى ساياسي، جاقسى جونگە سالۋدىڭ جاڭا جاعدايىن اشىپ، جونگە سالۋ مەن گۇلدەندىرۋدىڭ تىڭ داستانىن جازاتىندىعىنا سەنەمىز» دەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
