”لەبىز قالدىرىپ ءبىر ساعاتتان استام ۋاقىتتا جاۋاپ قايتاردى، نەتكەن تەزدىك“!
”انار بۇلت 12345 كەڭەس سۇراۋ“ ايتارىن جازىپ قالدىرۋ تاقتاسى اشىلعان ءبىرىنشى كۇنى 300دەن استام لەبىز قالدىرىلدى
2022.05.11 16:37 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى حۋ دامين 5 - ايدىڭ 9 - كۇنى ۇرىمجىدەن حابارلايدى. 5 - ايدىڭ 9 - كۇنى ”انار بۇلت 12345 كەڭەس سۇراۋ“ ايتارىن جازىپ قالدىرۋ تاقتاسى اشىلعان ءبىرىنشى كۇن، ساعات 21گە دەيىن بۇكىل شينجياڭنىڭ جەر - جەرىندەگى ينتەرنەت تۇتىنۋشىلارىنان ءۇي مۇلىك داۋ - شارى، جول قۇرىلىسى، الەۋمەتتىك قاتىناسپەن ءجۇرۋ، قوجالىق داۋ - شارى، شۋىلدىڭ لاستاۋى، قورا - جاي ساپاسى سياقتى ماسەلەلەرگە ساياتىن 362 لەبىز تاپسىرىپ الىندى، مۇنىڭ ىشىندە ءۇي مۇلىك داۋ - شارى، جول قۇرىلىسى، الەۋمەتتىك قاتىناسپەن ءجۇرۋ تۇرىندەگى ارىز - شاعىم، ۇسىنىس جانە اقىل - كەڭەس سۇراۋ ％50تەن استامىن ۇستايدى. كەزەكتە قاتىستى ينفورماتسيالار قاتىستى تاراۋلارعا جەتكىزىلدى، ءبىر ءبولىم قالدىرىلعان لەبىزدەرگە قاتىستى ورىندار، تاراۋلار جاۋاپ قايتاردى.
”لەبىز قالدىرعانىما ءبىر ساعاتتان استام ۋاقىتتا - اق، قاتىستى ورىنداردىڭ ەگجەي - تەگجەيلى جاۋابىن الدىم، نەتكەن تەزدىك، العىسم شەكسىز“، - دەدى ءۇرىمجى تەمىر جول باتىس ۆوگزالىنىڭ ماڭىندا تۇراتىن جۋ مىرزا، ول ”انار بۇلت 12345 كەڭەس سۇراۋ“ ايتارىن جازىپ قالدىرۋ تاقتاسىنا ءۇرىمجى سولتۇستىك ۆوگزالى تاس جولىنىڭ سالىنىپ جاتقانىنا 3 جىل بولىپ، قازىرگە دەيىن اۆتوكولىك قاتىناماعاندىعىن، قاي كەزدە سالىنىپ ءبىتىپ، اۆتوكولىك قاتىنايتىندىعىن سۇرادى. ءتىلشى بۇل حاباردى سولتۇستىك ۆوگزال تاس جولىنىڭ (1 - تامىز بولات - تەمىر جولى − اۋەجاي جوعارى قارقىندى تاس جولى) قۇرىلىس ينجەنەرياسىنا جاۋاپتى ورىنعا جانە قۇرىلىس جۇرگىزۋشى ورىنعا اڭىس ەتكەننەن كەيىن، كوپ وتپەي جاۋاپ الدى، بۇل ”انار بۇلت 12345 كەڭەس سۇراۋ“ ايتارىن جازىپ قالدىرۋ تاقتاسىنداعى ءبىرىنشى جاۋاپ ەدى.
جۋ مىرزا بىلاي دەدى: بۇدان كەيىن مەن ”انار بۇلت 12345 كەڭەس سۇراۋ“ ايتارىن جازىپ قالدىرۋ تاقتاسىنا ۇزدىكسىز لەبىز قالدىرىپ، ءۇرىمجى قالاسىنىڭ حالىق تۇرمىسى قۇرىلىسى سالاسىنداعى ءتۇرلى ماسەلەلەردى اڭىس ەتىپ، قالانىڭ دامۋىنا اقىل - كەڭەس بەرەمىن.
”ورتا جاستاعى ەر ادام“ ەسىمدى توراپكەر ”انار بۇلت 12345 كەڭەس سۇراۋ“ ايتارىن جازىپ قالدىرۋ تاقتاسىندا ارىز - شاعىم بەرىپ بىلاي دەدى: ءۇرىمجى قالاسى حۇڭشان مالتاۋ سارايى 2020 - جىلى 7 - ايدان بەرى اشىلماعاندىعىن ءارى تيجارات جۇرگىزبەگەندىگىن، قاريدارلار بىتىرگەن تۇتىنۋ كارتچكاسىن ىستەتۋگە شاراسىز قالعاندىعىن، قاتىستى ورىنداردىڭ ويداعىداي جاۋاپ بەرۋىن ءۇمىت ەتەتىندىگىن ايتتى.
سول كۇنى بۇدان حاباردار بولعان ءۇرىمجى قالالىق حۇڭشان دەنە تاربيە ورتالىعى بۇل ماسەلەگە ەگجەي - تەگجەيلى جاۋاپ قايتاردى. ”ەرەكشە ەگجەي - تەگجەيلى جاۋاپ قايتارىپتى، سەبەبىن ايقىن ءتۇسىندىردى، بۇل ءىستىڭ ناتيجەسى جونىندە تاعى دا اقىلداسۋعا تۋرا كەلسە دە، ءبىراق ماسەلەگە جاۋاپ قايتارۋ تەزدىگىن ماداقتاۋعا تاتيدى“. توراپكەر ”ورتا جاستاعى ەر ادام“ بىلاي دەدى: ”انار بۇلت 12345 كەڭەس سۇراۋ“ ايتارىن جازىپ قالدىرۋ تاقتاسى ۇكىمەت پەن بۇقارا اراسىنا ”جۇرەكتەردى جالعايتىن كوپىر“ سالىپ، بۇقارانىڭ ماسەلەنى اڭىس ەتەتىن ارناسىنان تاعى ءبىرى كوبەيدى، انار بۇلتىن ماداقتاۋعا ابدەن تاتيدى.
ءتىلشى توراپكەرلەر قالدىرعان لەبىزدەردى كورىپ، لەبىزدەردىڭ اۋىل - قىستاقتىڭ ورتا تازالىعى، جول قۇرىلىسى سياقتى ماسەلەلەرگە دە ساياتىندىعىن بايقادى. پوسكام اۋدانى پوسكام اۋىلى قوسجيدە قىستاعىنداعى ”شياۋمۋ“ ەسىمدى توراپكەر لەبىز قالدىرىپ بىلاي دەدى: ”قوسجيدە قىستاعىنداعى نەگىزگى جولدىڭ ەكى جاعىندا شىراق جوق، قىستاق تۇرعىندارىنىڭ ءجۇرىس - تۇرىسىنا قولايسىزدىق تۋدىردى، ۇكىمەتتىڭ جولدىڭ ەكى جاعىنا شىراق ورناتۋىن ءۇمىت ەتەمىن“.
bulbulzhang ەسىمدى توراپكەر بىلاي دەپ لەبىز قالدىرىپتى: ”جۇرت تىلەگىن توپتايتىن، ەل اۋانىن اڭىس ەتەتىن وسى تۇعىردىڭ جاريالانعانىنا العىس، بۇل پارتيا مەن ۇكىمەتتىڭ حالىقتى وزەك ەتكەن قىزمەت وتەۋ ءتۇبىرلى ماقساتىن ايگىلەيدى“.
ەگەر ءسىزدىڭ ايتار تالابىڭىز بولسا، انار بۇلت كليەنتىنە نەمەسە تيانشان سايتىنا، ”انار بۇلت 12345 كەڭەس سۇراۋ“ ايتارىن جازىپ قالدىرۋ تاقتاسىنا كىرىپ لەبىز قالدىرساڭىز، رەداكتورلار ءاربىر قالدىرىلعان لەبىزدى مۇقيات ەستەلىككە الىپ، دەر كەزىندە قاتىستى تاراۋلاردىڭ ءبىر جاقتى ەتۋىنە تاپسىرادى.
شينجياڭ گازەتى مەكەمەسى (شينجياڭ گازەتشىلىك تاراتۋ مەدياسى <توبى> شەكتى سەرىكتەستىگى) حالىقتى وزەك ەتكەن قىزمەت بەتالىسىنا تاباندى بولىپ، ”انار بۇلت 12345 كەڭەس سۇراۋ“ ايتارىن جازىپ قالدىرۋ تاقتاسىن كۇش سالا سومداپ، بارلىق ىسكە جاۋاپ قايتارۋدى، بارلىق ءىستىڭ تياناقتانۋىن قۇلشىنا ورىنداپ، بۇقارانىڭ ۇيىندە وتىرىپ - اق قوعامدىق الەۋمەتتىك قىزمەت وتەۋدىڭ قولايلىلىعىنان يگىلىكتەنۋىنە مۇمكىندىك جاسايدى.
تومەندەگى ەكى ولشەمدى كودتى سكانەرلەۋ ارقىلى انار بۇلت كليەنتىن ءتۇسىرىپ نەمەسە تيانشان سايتىنا شىعىپ، ”انار بۇلت 12345 كەڭەس سۇراۋ“ ايتارىن جازىپ نازار اۋدارۋىڭىزعا بولادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
