5 - كەزەكتى بۇعاز ەكى جاعالاۋىنىڭ جاستار ىستەرىن دامىتۋ تالقى مىنبەرى حاڭجوۋدا وتكىزىلدى
ۋاڭ ياڭ حات جولداپ قۇتتىقتادى
2022.05.12 17:55 كەلۋ قاينارى : حالىق تورابى
«حالىق گازەتى»، 5 - ايدىڭ 11 - كۇنى، حاڭجوۋ. 5 - كەزەكتى بۇعاز ەكى جاعالاۋىنىڭ جاستار ىستەرىن دامىتۋ تالقى مىنبەرى 5 - ايدىڭ 11 - كۇنى حاڭجوۋدا وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ تالقى مىنبەرىنىڭ ۇيىمداستىرۋ كوميتەتىنە قۇتتىقتاۋ حاتىن جولداپ، ج ك پ ورتالىق كوميتەتى مەن باس شۋجي شي جينپيڭ اتىنان تالقى مىنبەرىنىڭ وتكىزىلگەنىن قۇتتىقتادى.
ۋاڭ ياڭ بىلاي دەپ اتاپ كورسەتتى: بۇعاز ەكى جاعالاۋىنىڭ جاستار ىستەرىن دامىتۋ تالقى مىنبەرى − ەكى جاعالاۋداعى جاستاردىڭ بارىس - كەلىسى مەن اۋىس - كۇيىسى توعىسقان ماڭىزدى تۇعىر، ۇيىمداستىرۋشى جاقتىڭ، سونداي - اق ەكى جاعالاۋداعى جاس دوستاردىڭ بىرگە باۋلۋىندا جانە قىزۋ ىنتامەن ات سالىسۋىندا، تالقى مىنبەرى ءتۇرلى ءتيىمسىز ىقپالدار مەن قولدان جاسالعان كەدەرگىلەردى جەڭىپ، ءۇرتىس 5 كەزەك وتكىزىلىپ، نازار اۋدارۋ دەڭگەيى مەن ىقپال كۇشى ۇزدىكسىز جوعارىلاپ، ەكى جاعالاۋداعى باۋىرلاستاردىڭ كۇشتى اۋىس - كۇيىس، سەلبەستىك تىلەگىن تولىق ايگىلەدى.
ۋاڭ ياڭ بىلاي دەپ دارىپتەدى: تىنىش بولۋ، دامۋ، جاقسى تۇرمىس كەشىرۋ − تايۋاندىق باۋىرلاستاردىڭ ورتاق جۇرەك ءۇنى، تاماشا تۇرمىس جاراتۋ − ەكى جاعالاۋداعى باۋىرلاستاردىڭ ورتاق تالپىنىسى. «قول ۇستاسىپ تاماشا تۇرمىستى بىرگە جاراتۋدى» نەگىزگى تاقىرىپ ەتكەن وسى كەزەكتى تالقى مىنبەرى ەكى جاعالاۋداعى باۋىرلاستاردىڭ ورتاق تىلەگىمەن جانە جۇڭحۋا ۇلتىنىڭ ءتۇبىرلى مۇددەسىمەن قابىسىپ وتىر. وتانىمىزدىڭ ۇلى قۇرلىعى ءبىرىنشى 100 جىلدىق كۇرەس نىساناسىن جەڭىسپەن جۇزەگە اسىرىپ، ەكىنشى 100 جىلدىق كۇرەس نىساناسىنا قاراي ارشىندى قادام تاستادى، بۇل ەكى جاعالاۋداعى باۋىرلاستاردىڭ، اسىرەسە، ەكى جاعالاۋداعى جاستاردىڭ تىزە قوسا كۇرەس جاساۋىنا، ۇدەرە العا تارتۋىنا كەڭ ءورىس اشادى. ءبىز اناعۇرلىم كوپ تايۋان جاستارىنىڭ ۇلى قۇرلىققا كەلىپ جاستىق ارمانىنا تالپىنۋىن، تاماشا تۇرمىس جاراتۋىن قىزۋ قارسى الامىز، كوپشىلىكتىڭ ەكى جاعالاۋدىڭ اۋىس - كۇيىسى مەن سەلبەستىگىنە ات سالىسۋىنا اناعۇرلىم جاقسى شارت - جاعداي جاراتۋدى قالايمىز. ەكى جاعالاۋداعى جاستاردىڭ داۋىرمەن جارىسا العا باسىپ، ۇلتپەن تاعدىرلاس بولىپ، جالىندى جاستىق جىرىن بىرگە شىرقاپ، وكىنىشسىز كۇرەس داستانىن جازىپ، تاماشا ءومىر كارتيناسىن كەستەلەۋىنءۇمىت ەتەمىز.
ۋاڭ ياڭ مىنالاردى اتاپ كورسەتتى: قازىر تايۋان بۇعازىنىڭ جاعدايىندا تۇراقسىزدىق، ورنىقسىزدىق فاكتورلارى كوبەيۋدە. «تايۋاندى دەربەستەندىرۋ» بولشەكتەۋشىلىگى − ەكى جاعالاۋداعى باۋىرلاستاردىڭ قول ۇستاسىپ تاماشا تۇرمىس جاراتۋىنداعى ەڭ ۇلكەن رەال قاتەر، الايدا وتاننىڭ تۇتاستىعىنىڭ، ۇلتتىڭ گۇلدەنۋىنىڭ تاريحي تەگەرشىگىنە توسقاۋىل بولا المايدى، ەكى جاعالاۋداعى باۋىرلاستاردىڭ تاماشا تۇرمىستى بىرگە جاراتۋداعى ەكپىندى قادامىن كىدىرتە المايدى. جاستار − مەملەكەت پەن ۇلتتىڭ بولاشاعى، ولار ۇلتتىڭ ۇلى مۇراتىن ارقالاپ، ۇلتتىڭ گۇلدەنۋىنە ات سالىسۋدىڭ داۋىرلىك اۋىر مىندەتىن ارقالاپ وتىر. قالىڭ تايۋان جاستارىنىڭ جالپى جاعدايعا كوز جىبەرىپ، اۋقىمدى باعامداپ، ادىلەتتىلىكتى جاقتاپ، «تايۋاندى دەربەستەندىرۋ» بولشەكتەۋشىلىگىنە جانە سىرتقى كۇشتەردىڭ كيلىگۋىنە باتىل قارسى تۇرىپ، ءوز مۇددەسىن قورعاپ، تاماشا تۇرمىسقا باتىلدىقپەن تالپىنىپ، ەكى جاعالاۋ قاتىناسىنىڭ بەيبىت دامۋىن ىلگەرىلەتۋگە، وتاندى بىرلىككە كەلتىرۋ ۇلى ءىسىن جانە ۇلتتى گۇلدەندىرۋ ۇلى ءىسىن ىلگەرىلەتۋگە اناعۇرلىم كوپ ۇلەس قوسۋىن ءۇمىت ەتەمىز.
جۇڭگو گومينداڭ پارتياسىنىڭ بۇرىنعى ءتوراعاسى، جۇڭحۋا چيڭيان بەيبىتشىلىك تاربيەسى قور قوعامىنىڭ باس القاسى حۇڭ شيۋجۋ ۇسىنىس بويىنشا تالقى مىنبەرىنە قاتىناستى. ەكى جاعالاۋداعى جاستاردىڭ ۋاكىلدەرىنەن 450 دەي ادام تالقى مىنبەرىنە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
