قازىنا مينيسترلىگى 212 ميلليارد 500 ميلليون يۋان قارجى ءبولدى
مىندەتتى وقۋ - اعارتۋدىڭ ساپالى، بىركەلكى دامۋى مەن قالا مەن اۋىلدىڭ ءبىر تۇلعالانۋىن جەدەل ىلگەرىلەتەدى
2022.05.12 13:29 كەلۋ قاينارى : حالىق تورابى
باس شۋجي شي جينپيڭنىڭ مىندەتتى وقۋ ـ اعارتۋ ‐ حالىقتىق وقۋ ـ اعارتۋداعى ءتۇيىننىڭ ءتۇيىنى دەگەن نۇسقاۋىنىڭ رۋحىن دايەكتىلەندىرىپ، تياناقتاندىرىپ، مىندەتتى وقۋ ـ اعارتۋدىڭ ساپالى، بىركەلكى دامۋى مەن قالا مەن اۋىلدى ءبىر تۇلعالاندىرۋدى جەدەل ىلگەرىلەتۋ ءۇشىن، تاياۋدا قازىنا مينيسترلىگى مىندەتتى وقۋ ـ اعارتۋعا قاتىستى اۋدارىپ بەرەتىن 212 ميلليارد 500 ميلليون يۋان (وقىتۋشىلاردىڭ ەڭبەكاقىسىن قامتىمايدى) قارجى بوساتىپ، جەرگىلىكتى ورىنداردىڭ «ەكىنى ازايتۋ» ساياساتتىق تالابىن تياناقتاندىرۋىنا جەتەكشىلىك ەتىپ جانە قولداۋ كورسەتىپ، مىندەتتى وقۋ ـ اعارتۋ قاراجاتىن قامتاماسىز ەتۋ دەڭگەيىن جوعارىلاتىپ، ءالسىز بۋىنداردى جاقسارتۋ جانە قابىلەتىن جوعارىلاتۋ قىزمەتىن ىشكەرىلەي ىلگەرىلەتىپ، وقىتۋشىلار قوسىنى قۇرىلىسىن كۇشەيتىپ، وقۋ ـ وقىتۋ ساپاسىن جوعارىلاتپاقشى.
ءبىرىنشى، نەگىزدى قامتاماسىزداندىرۋعا كۇش سالۋ. 139 ميلليارد 100 ميلليون يۋان ورنالاستىرىپ، جەرگىلىكتى ورىنداردىڭ مىندەتتى وقۋ - اعارتۋ قاراجاتىن قامتاماسىزداندىرۋ مەحانيزمىن بەكەمدەۋىن، تياناقتاندىرۋىن قولداپ، مەملەكەت بەلگىلەگەن ساباقتاردىڭ اينالمالى وقۋلىعىن جاڭالاۋ سالىستىرماسىن جوعارىلاتىپ، ءۇش جىلدا ءبىر اينالىمدى ەكى جىلدا ءبىر اينالىمعا وزگەرتىپ، ءار جىلى %50 اينالمالى وقۋلىقتى جاڭالاپ، قازىنالىق قوسىلىمدى قامتاماسىزداندىرۋ تەبىنىن سايكەستى ارتتىرىپ، وقۋشىلاردىڭ كىتاپ ىستەتۋ قاجەتىن قاناعاتتاندىرۋ كەرەك. بۇكىل ەل بويىنشا شامامەن 160 ميلليون وقۋشىنىڭ ۇساق - تۇيەك قاراجاتى كەشىرىم ەتىلدى ءارى وقۋلىقتى تەگىن الدى، شامامەن 24 ميلليون وتباسىندا ەكونوميكالىق قيىنشىلىعى بار وقۋشى تۇرمىستىق كومەك قاراجاتقا يە بولادى، قالاعا كىرىپ جۇمىس ىستەۋشىلەردەن شامامەن 14 ميلليون ادامنىڭ بىرگە جۇرگەن بالا - شاعاسى قاتىستى وقۋ - اعارتۋ قاراجاتىن بىرگە الىپ جۇرۋىنە بولادى.
ەكىنشى، ولقىلىقتاردى تولىقتاۋعا كۇش سالۋ. 30 ميلليارد يۋان ورنالاستىرىپ، جەرگىلىكتى ورىنداردىڭ ءالسىز بۋىنداردى جاقسارتۋ جانە قابىلەتىن جوعارىلاتۋ قىزمەتىن ىشكەرىلەي ىلگەرىلەتۋىنە قولداۋ كورسەتىپ، اۋىل ـ قىستاق مەكتەپتەرىنىڭ نەگىزگى وقىتۋ شارت ـ جاعدايىن ۇزدىكسىز جاقسارتىپ، قالا ـ قالاشىق عىلىمي اتاعىن قامداۋدى تارتىپپەن كەڭەيتىپ، مەكتەپتەردىڭ وقىتۋ قابىلەتىن جوعارىلاتىپ، ينفورماتسيا تەحنيكاسى مەن وقۋ ـ اعارتۋدىڭ، وقىتۋدىڭ ىشكەرىلەي توعىسۋىن ىلگەرىلەتىپ، دەنە تاربيەگە، ەستەتيكالىق تاربيەگە، ەڭبەككە قاجەتتى قۇرىلعى ـ جابدىقتاردى تولىقتاپ، مەكتەپ اۋلاسى مادەنيەت ورتاسىن جوعارىلاتىپ، وقۋشىلاردىڭ جان ـ جاقتى جەتىلۋىن جەبەيدى. 26 ميلليارد 200 ميلليون يۋان ورنالاستىرىپ، جەرگىلىكتى ورىنداردىڭ وقۋشىلاردىڭ قورەكتىگىن جاقسارتۋ جوسپارىن ويداعىداي اتقارۋىنا قولداۋ كورسەتىپ، ءار وقۋشىعا كۇنىنە 5 يۋاندىق قورەكتىك ازىقتانۋ قوسىمشا قاراجات ولشەمىن تياناقتاندىرىپ، دامۋى كەنجەلەگەن رايوندارداعى وقۋشىلاردىڭ قورەكتىك، دەنساۋلىق جاعدايىن ۇزدىكسىز جاقسارتادى.
ءۇشىنشى، ساپانى جوعارىلاتۋعا كۇش سالۋ. «ەرەكشە قىزمەت ورنى جوسپارى»، «مەملەكەتتىك تاربيەلەۋ جوسپارى»، «ءۇش وڭىر» دارىندىلار جوسپارىنىڭ وقىتۋشىلار ارناۋلى جوسپارى، قارت وقىتۋشىلارعا ساباق وتكىزۋ جوسپارى، اۋىل ـ قىستاق وقىتۋشىلارىنىڭ تۇرمىستىق قوسىمشا قاراجاتى سياقتى ساياساتتاردى ۇزدىكسىز اتقارىپ، اۋىل ـ قىستاق مەكتەپتەرىنىڭ كوپ ارنامەن ۇزدىك وقىتۋشىلاردى تولىقتاۋىنا قولداۋ كورسەتىپ، وقىتۋشىلار قوسىنى قۇرىلىمىن ساپالىلاندىرىپ، وقىتۋشىلاردىڭ وقىتۋ قابىلەتى دەڭگەيىن جوعارىلاتۋ كەرەك. ەرەكشە قىزمەت ورنىندا 260 مىڭ وقىتۋشى تاربيەلەنەدى، «مەملەكەتتىك تاربيەلەۋ ـ باۋلۋ جوسپارىندا» تاربيەلەنگەن وقىتۋشىلار مەجەمەن ءبىر ميلليون ادام ـ رەتكە جەتەدى، مىندەتتى وقۋ ـ اعارتۋ ساتىسىنداعى 25 مىڭ وقىتۋشى دامۋى كەنجەلەگەن رايوندارعا بارىپ وقۋ ـ اعارتۋعا كومەكتەسەدى، اۋىل ـ قىستاقتاعى ءبىر ميلليون 290 مىڭ وقىتۋشى تۇرمىستىق قوسىمشا قاراجاتقا يە بولادى.
قوسىلىمدى ارتتىرۋمەن بىرگە، قازىنا مينيسترلىگى وقۋ ـ اعارتۋ مينيسترلىگىمەن بىرگە ولكە دارەجەلى وقۋ ـ اعارتۋ، قازىنا تاراۋلارىن «ج ك پ ورتالىق كوميتەتىنىڭ، مەملەكەتتىك كەڭەستىڭ كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ مەن اۋىل ـ قىستاقتى گۇلدەندىرۋدى ءونىمدى ۇشتاستىرۋ جونىندەگى پىكىرىنىڭ» ورنالاستىرۋىن مۇقيات تياناقتاندىرىپ، قالا، اۋدانداردىڭ قاتىستى ساياساتتاردى ويداعىداي تياناقتاندىرۋىنا جەتەكشىلىك ەتىپ، مىندەتتى وقۋ ـ اعارتۋدىڭ قامتاماسىز ەتۋ جەتىستىكتەرىن بەكەمدەۋگە شاقىردى؛ ورتالىقتىڭ قوسىمشا قاراجاتىن بولگەن كەزدە، ءوز رايونىنىڭ جىلدىق مىندەتتى وقۋ ـ اعارتۋ ءتۇيىندى قىزمەتىمەن جانە ءوز ولكەسىنىڭ ولكە دارەجەلى قازىناسىمەن ۇشتاستىرىپ، ولكە دارەجەلى ءبىرتۇتاس جوسپارلاۋ تەبىنىن ارتتىرىپ، ءتۇيىندى تۇردە اۋىل ـ قىستاق رايوندارىنا، شەكارا، شالعاي رايوندارعا، كەدەيلىكتەن ارىلعان رايوندارعا، ۇلتتىق وڭىرلەرگە، بايىرعى توڭكەرىستىك رايوندارعا بەيىمدەۋدى تاپسىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
