شينجياڭ ءدىني سەنىم ەركىندىگى جاعدايى تۋرالى بەينە ەكراندىق ۇگىتتەۋ - تانىستىرۋ ءماجىلىسىن اشتى
شينجياڭدا ءدىني سەنىم ەركىندىگى تولىق قۇرمەتتەلدى جانە قامتاماسىز ەتىلدى
2022.05.13 17:08 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى فان چيۇڭيان 5 - ايدىڭ 11 - كۇنى ۇرىمجىدەن حابارلايدى. 5 - ايدىڭ 10 - كۇنى شينجياڭنىڭ ءدىني سەنىم ەركىندىگى جاعدايى تۋرالى بەينە ەكراندىق ۇگىتتەۋ - تانىستىرۋ ءماجىلىسى ءۇرىمجى قالاسىندا اشىلدى، ءدىن سالاسىنداعى قايراتكەرلەر جانە مۇسىلمان قاۋىم ۋاكىلدەرى بەينە ەكران ءتاسىلى ارقىلى ءار ۇلت بۇقاراسىنىڭ ورازا ايت مەرەكەسىن شات - شادىمان وتكىزگەن، ءار ۇلت مۇسىلماندارىنىڭ ءدىني سەنىم ەركىندىگى ۇقىق - مۇددەسىنەن تولىق يگىلىكتەنگەن ناقتى جاعدايىن باياندادى، 60 نەشە مەملەكەت جانە حالىقارالىق ۇيىم تىكە تاراتتى، شەكارا ءىشى - سىرتىنداعى 50 نەشە اقپارات قۇرالى ينتەرنەت جەلىسىندە، ينتەرنەت جەلىسىنەن تىسقارىدا ماجىلىسكە قاتىناستى.
اۆتونوميالى رايوندىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى ءزۇمىرات وبۇل ارناۋ سوزىندە شينجياڭنىڭ ءدىني سەنىم ەركىندىگى ۇقىق - مۇددەسىن قورعاۋ، ءدىني قيمىل شارت - جاعدايىن جاقسارتۋ، ءدىن سالاسىنداعى قايراتكەرلەردى باۋلۋ جۇيەسىن اقاۋسىزداندىرۋ، ءدىن سالاسىنىڭ اشىق اۋىس - كۇيىس جاساۋىن كۇشەيتۋ سياقتى جاعدايلاردى تانىستىردى. ول بىلاي دەدى: شينجياڭدا ۇيعۇر، حانزۋ، قازاق، حۇيزۋ، موڭعۇل، وزبەك سياقتى 56 ۇلت تەرەزەسى تەڭ، ىنتىماقتى تۇردە بىرگە العا باسىپ، ءىسلام ءدىنى، بۇددا ءدىنى، حريستيان ءدىنى، كاتوليك ءدىنى، داۋجياۋ ءدىنى سياقتى دىندەر جاراسىمدىلىقپەن قاتار ءومىر ءسۇرىپ، اقاۋسىز دامۋدا، دىنگە سەنەتىن جانە دىنگە سەنبەيتىن، تۇرلىشە دىنگە سەنەتىن ازاماتتار ءبىر - ءبىرىن قۇرمەتتەپ، تەڭ مامىلە جاساپ، ىنتىماقتاسا سەلبەسۋدە، ءار ۇلت بۇقاراسى قوعام ورنىقتىلىعىنان، ۇلتتاردىڭ تاتۋلىعىنان، دىندەردىڭ ۇيلەسىمدىلىگىنەن كەلگەن باقىت پەن تىنىشتىقتان تولىق يگىلىكتەنۋدە.
2022 - جىلى 4 - ايدىڭ 3 - كۇنىنەن 5 - ايدىڭ 2 - كۇنىنە دەيىن شينجياڭداعى ءار ۇلت مۇسىلماندارى تىنىش تا جاراسىمدى ورتادا ورازا ايىن وتكىزدى. 5 - ايدىڭ 3 - كۇنى ورازا ايت مەرەكەسى كۇنى ءار ۇلت بۇقاراسى قوي - سيىر سويىپ، ءان ايتىپ، ءبي بيلەپ، مەرەكەنى بىرگە تويلادى.
بەينە بايلانىستا ءۇرىمجى قالاسى ياڭحاڭ مەشتىنىڭ يمامى مۇھتارام شەرىپ مەشىتتىڭ ورازا ايت نامازىن وقۋ احۋالىن تانىستىردى. ول بىلاي دەدى: ”بۇل ءبىزدىڭ ىنتىماقتى، تاتۋلىقتى، قايىرىمدىلىقتى بەينەلەيتىن ءبىر ءتۇرلى ءتاسىلىمىز“.
”ايتكار الاڭىندا بىرگە ساما ءبيىن بيلەپ، كوپشىلىك ءوزارا تىلەك ايتىپ، مەرەكە شاتتىعىنان بىرگە ءلاززاتتاندىق“، - دەدى قاشقار قالاسى ايتكار مەشىتىنىڭ حاتيبى مامەت جۇما. ول مەملەكەتتىڭ قالىپتى ءدىني قيمىلداردى قورعايتىندىعىن، ادامدار مەشىتتە، سونداي - اق ۇيىندە ناماز وتەۋ، ورازا ۇستاۋ، ءىسلام ءدىنى مەرەكەسىن وتكىزۋ سياقتى قالىپتى ءدىني قيمىلداردى وزدەرى بەلگىلەيتىندىگىن ايتتى.
”شۋەيۋاننىڭ جابدىقتارى ەرەكشە كەمەلدى“، - دەدى شينجياڭ ءىسلام ءدىنى شۋەيۋانىنىڭ باستىعى ابدۇرىقىپ ءتومۇرنياز شۋەيۋاننىڭ جاڭا مەكتەپ رايونىن ماقتانىشپەن تانىستىرىپ. ول بىلاي دەدى: شينجياڭ ءىسلام ءدىنى شۋەيۋانىنىڭ جۇيەلى تاربيەسى ارقىلى شينجياڭدا ءىسلام ءدىنىنىڭ اقاۋسىز، ءتارتىپتى جالعاسۋى ىلگەرىلەتىلدى.
حوتان قالاسى گۋجيانباق اۋىلىنىڭ ديقانى ماحمۇت نۇرمامەت ايتتا ناماز وتەگەن، قۇتتىقتاۋ قيمىلىنا قاتىناسقان باقىتتى تۇرمىسىن ءبولىستى؛ قۇلجا قالاسىنداعى ساۋداگەر ءىليار ازەز بەن سانجى قالاسىنداعى حۇيزۋ ديقان ما يانچيڭ ورازا ايىنداعى ءوندىرىس، تۇرمىسىن، سونداي - اق بولاشاق تۇرمىستارى جونىندەگى تاماشا تىلەكتەرىن باياندادى.
اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى شۇي گۇيشياڭ بىلاي دەدى: تاياۋ جىلداردان بەرى، امەريكا ”حالىقارالىق ءدىني ەركىندىك بايانداماسىن“ ءبىرىنىڭ ارتىنان ءبىرىن جاريالاپ، شينجياڭعا مەشتتەردى زورلىقپەن شاقتى، ءدىن سالاسىنداعى قايراتكەرلەردى قىسپاققا الدى، ءدىني سەنىم ەركىندىگىن شەكتەدى دەگەن سياقتى جالا جاپتى، بۇل وسەك - وتىرىك، ساندىراقتار ءىس جۇزىندىككە مۇلدە ۇيلەسپەيدى. وسى رەتكى ۇگىتتەۋ - تانىستىرۋ ارقىلى كوپشىلىكتىڭ بۇگىنگى شينجياڭنىڭ قوعامىنىڭ تىنىش، جاراسىمدى، حالقىنىڭ تىنىش ءومىر، شات - شادىمان تىرشىلىك كەشىرگەن شىنايى احۋالىن سەزىنۋىن ءۇمىت ەتەمىن، كوپشىلىكتىڭ شينجياڭعا كەلىپ ناقتى تەكسەرۋ جۇرگىزىپ، گۇلدەنگەن جاعدايعا كۋا بولىپ، تاماشا تۇرمىستى سەزىنىپ قايتۋلارىن كۇتەمىن.
ماجىلىستە تاعى «ءىسلام ءدىنى شينجياڭدا» اتتى بەينەجازبا قويىلىپ، ءىسلام ءدىنىنىڭ شينجياڭدا اقاۋسىز، ءتارتىپتى جالعاسۋ، ءار ۇلت مۇسىلماندارىنىڭ ءدىني سەنىم ەركىندىگى ۇقىق - مۇددەسىنىڭ تولىق قامتاماسىز ەتىلۋ جاعدايى كورسەتىلدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
