لي كىچياڭ كەنيا مومباسا – نايروبي تەمىر جولى نىسانىنىڭ قارجى قۇراۋ كەلىسىمىنە قول قويۋ سالتىنا قاتىناستى جانە ءسوز سويلەدى

شىعىس افريكانىڭ قاتىناس ءدالىزى سالىنىپ، جۇڭگو – افريكا دوستىق كوپىرى ورنادى

2014.05.12 13:28   كەلۋ قاينارى : حالىق تورابى

　　شينحۋا اگەنتتىگىنىڭ 11 – مامىردا نايروبيدان حابارلايدى. مەملەكەتتىك كەڭەستىڭ زۇڭليى لي كىچياڭ 11 – مامىردا نايروبيداعى مەملەكەت سارايىندا كەنيانىڭ زۇڭتۇڭى كەنياتتا، ۋگاندانىڭ زۇڭتۇڭى مۋسەۆەني، رۋاندانىڭ زۇڭتۇڭى كاگامي، وڭتۇستىك سۋداننىڭ پرەزيدەنتى كيەل قاتارلى شىعىس افريكا رايونىنىڭ باسشىلارىمەن، سونداي – اق تانزانيا، بۋرۋندي، افريا گۇلدەندىرۋ بانكەسىنىڭ ۋاكىلدەرىمەن بىرلىكتە كەنيانىڭ مومباساقالاسىنان نايروبيعا دەيىنگى تەمىر جول نىسانىنا جۇڭگو – كەنيا بىرلىكتە قارجى شىعارۋ كەلىسىمىنە قول قويۋ سالتىنا قاتىناستى جانە ءسوز سويلەدى. بۇل نىساندى جۇڭگونىڭ سەرىكتىگى كوتەرەگە الىپ جۇرگىزەتىن بولدى.

　　لي كىچياڭ بىلاي دەدى: نايروبيدا ءارقايسى ەلدەردىڭ باسشىلارىمەن بىرگە باس قوسىپ ۇلى جوسپار تۋرالى اقىل – كەڭەس قۇرعانىما وتە قۋانىشتىمىن، سىزدەر وسى رەتكى قول قويۋ كەلىسىمىنە ارنايى كەلىپ وتىرسىزدار، بۇل سىزدەردىڭ شىعىس افريكا تەمىر جولى تورابىن قۇرۋدى قولداپ - قۋاتتايتىن ورتاق تىلەكتەرىڭىزدى بەينەلەيدى. مەملەكەتتى دامىتۋ ءۇشىن ەڭ اۋەلى قاتىناس نەگىزدىك قۇرىلعىلارىن دامىتۋ كەرەك. جۇڭگو ءارقايسى ەلدەرمەن تەمىر جول قۇرىلىسى جاعىنداعى تەحنيكالار مەن تاجىريبەلەردەن ورتاق يگىلىكتەنىپ، جوبا، قۇرىلىس، جابدىق، باسقارۋ، دارىندىلاردى كۋرستان وتكىزۋ، نىساندارعا قارجى قۇراۋ سياقتى جاقتاردا سەلبەستىك ورناتۋدى قالايدى. (تىلشىلەر: جاڭ ي، يۇي جىڭ)

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى