جاينا: باسباي اتاممەن ماقتانامىن

2015.07.27 13:31   كەلۋ قاينارى : حالىق تورابى

　　22 – مامىر، باسباي مۇراجايىندا جاينا ناعاشى اتاسى باسباي شولاق ۇلىنىڭ ءومىر بايانىن ساياحاتشىلارعا تانىستىرۋدا.

　　(حالىق تورابى اۋداردى) ءتاڭىرتاۋ تورابىنىڭ تىلشىلەرى: رىن جياڭ، لي شيۇڭشين. جاينا باسباي ءمۇسىنىنىڭ الدىنا تۇرا قالعاندا جۇرتتىڭ ءبارى «باسبايعا قاتتى ۇقسايدى ەكەن، بەت الپەتىنەن تارتىپ، شىرايىنا دەيىن ۇقسايدى» دەستى. ونىڭ كىم ەكەنىن بىلسەڭىز، بۇل عاجاپتانارلىق ءىس ەمەس ــ جاينا باسبايدىڭ جيەن نەمەرە قىزى.

　　شاعانتوعاي اۋدانىنداعى باسباي وتانشىلدىق تاربيە كورمەسى 22 – مامىر كۇنى ساعات 5تە ءبىر توپ ەكسكۋرسيالاۋشىلاردى قارسى الدى، جاينا ەسىمدى تانىستىرۋشى قىزمەتكەر ولاردى كۇلىمسىرەي قارسى الىپ، تانىستىرۋدى باستادى.

　　جاينا ءبىر رەتكى تانىستىرۋدى اياقتاتۋ ءۇشىن 40 مينۋتتان استام ۋاقىت جۇمساپ، 700 مەتر جول باسادى. 2008 – جىلى ساۋىردە كورمە سارايى اشىلعاندا تانىستىرۋشى قىزمەتكەر بولىپ قابىلدانعاننان بەرى 7 جىل ءوتىپ كەتتى، جاينانىڭ ءار كۇنگى قىزمەتى وسىلاي جالعاسىن تابۋدا. وسى ءبىر قاراماققا وتە قاراپايىم قىزمەت جاينا ءۇشىن ومىرىندەگى ەڭ ماڭىزدى ءىس. جاينا: باسبايدىڭ ۇرپاعى بولعانىمدى داڭق دەپ سەزىنەمىن ءارى ماقتانامىن، - دەيدى.

　　باسباي شولاق ۇلى قازاقتان شىققان ايگىلى وتانشىل قايراتكەر، شينجياڭ بەيبىت جولمەن ازات بولعاننان كەيىن تارباعاتاي ايماعىنىڭ ءبىرىنشى ءۋاليى بولعان. ول ءومىر بويى وتاندى، اتا مەكەنىن قىزۋ سۇيگەن. فاشيزمگە قارسى سوعىس مەزگىلىندە ول سوۆەتكە 500 جىلقىنى ەر – تۇرمانىمەن جونەلتكەن؛ ا ق ش – قا قارسى تۇرىپ، سولتۇستىك كورەياعا كومە بەرۋ بارىسىندا ول ءبىر ۇشاق اتاپ، سول كەزدەگى ايگىلى ونەرپاز چاڭ شياڭيۇيمەن بىرگە وتانشىلدىق ۇلگىسى بولعان. مۇنان سىرت، ول شاۋەشەك قالاسى مەن شاعانتوعاي اۋدانى اراسىنداعى باسباي كوپىرىن سالدىرعان، جەرگىلىكتى اسىل تۇقىمدى باسباي قويىن جەتىلدىرگەن... جۇرت «ونىڭ ىستەگەن ىزگى ىستەرى ساناپ تاۋىسقىسىز» دەپ ايتىپ وتىرادى.

　　جاينا 1981 – جىلى تۋىلعان، ول ناعاشى اتاسى باسبايدى كورمەگەن، ول تۋىلعان كەزدە باسبايدىڭ ومىردەن وزعانىنا 28 جىل بولعان. جاينا: «مەن ناعاشى اتامدى كورمەگەنىممەن، ونىڭ ىزگى ىستەرىن كىشكەنتايىمنان ۇلكەندەردىڭ اۋزىنان ەستىپ ءوستىم، سوندىقتان اتامدى اسا قادىرلەيمىن»، - دەيدى.

　　باسباي شاعانتوعاي اۋدانىندا ءومىر ەسىگىن اشقان، ونىڭ ۇرپاقتارى دا قازىرگە دەيىن شاعانتوعاي اۋدانىندا تۇرىپ كەلەدى. جاينانىڭ اكە - شەشەسى قاراپايىم ۇكىمەت قىزمەتكەرى، جاينا وسىنداي قاراپايىم وتباسىندا ەرجەتكەن. بالا كۇنىندە ول مەكتەپتە جۇرگەندە باسقا بالالارعا بىردەن – ءبىر ۇقسامايتىن جەرى، مۇعالىمدەر مەن وقۋشىلاردىڭ بارلىعى ونى باسبايدىڭ ۇرپاعى بولعانى ءۇشىن قاتتى قۇرمەتتەيتىن.

　　وقۋعا ءتۇسۋ، وقۋ تاۋىسۋ، قىزمەتكە ورنالاسۋ بارىسىندا جاينا باسقا بالالارمەن بىردەي قارالدى، تەك 2008 – جىلى شاعانتوعاي اۋدانىندا باسباي وتانشىلدىق تاربيە كورمەسى اشىلعاننان كەيىن، شاعانتوعاي اۋدانىنداعى ءبىر باسشى كورمەگە تانىستىرۋشى كەرەك ەكەنىن بىلگەن سوڭ، جاينانى وسى قىزمەتكە تانىستىرعان. اتا – اناسى مەن جاينا بۇعان ويلانباستان ماقۇل بولدى، وسىلايشا، ۋنيۆەرسيتەتتە كومپيۋتەر كاسىبىن تاۋىسقان جاينا تانىستىرۋشى بولىپ قىزمەتكە ورنالاستىرىلدى.

　　تانىستىرۋشىنىڭ قىزمەتى وتە قاراپايىم، كۇن سايىن ساياحاتشىلارعا سانسىز رەت قايتالاي تانىستىرۋ ادامدى قالجىراتاتىنى بەلگىلى، الايدا، جاينا بۇل قىزمەتكە قىزىعادى، ول: «بۇرىن ۇلى ناعاشى اتامنىڭ ىزگى ىستەرىن ۇلكەندەردەن ازداپ ەستىگەنممەن، كوبىن بىلمەيتىنىمىن. تانىستىرۋشى بولىپ قىزمەتكە ورنالاسقاننان كەيىن كوپتەگەن بىلىمدەردى جۇيەلى ۇيرەندىم، ناعاشى اتامنىڭ ۇشاق اتاعانى، كوپىر جانە مەكتەپ سالعانى قاتارلى ىستەردى ءتىپتى انىق ۇعىندىم، وعان دەگەن قۇرمەتىم ارتا ءتۇستى. تانىستىرۋ بارىسىندا ادامداردىڭ وعان دەگەن قۇرمەت پەن ءسۇيىنىشىن كورگەندە، ونىڭ ۇرپاعى بولعانىما ماقتانامىن ءارى ءوزىمدى باقىتتى سەزىنەمىن» ،- دەيدى.

　　كەلۋ قاينارى: حالىق تورابى