قاناستان ەجەلگى جەر ورتا تەڭىزىنىڭ جۇرتى بايقالدى

2015.07.29 17:30   كەلۋ قاينارى : حالىق تورابى

　　حالىق تورابى، 29 – شىلدە، بەيجيڭ. ءتاڭىرتاۋ تورابىنىڭ حابارلاۋىنشا، 28 – شىلدە كۇنى تۇستەن كەيىن شينجياڭ قاناس كورىنىس رايونى ءۇرىمجى قالاسىندا اقپار جاريالاۋ ءماجىلىسىن اشىپ، ەڭ جاڭا مالىمەت ــ ەجەلگى جەر ورتا تەڭىزى جۇرتىنىڭ بايقالعانىن حابارلادى ءارى حالىقارالىق قالا تۇرعىندارى دەنە تاربيە بىرلەستىگىنىڭ جۇڭگوداعى باس شتابىمەن (CVA) ستراتەگيالىق سەلبەستىك كەلىسىمشارتىنا قول قويدى، قاناس كورىنىس رايونى الدا حالىقارالىق جاياۋلار جولىن جوسپارلاۋ تانىمى بويىنشا ەجەلگى جەر ورتا تەڭىزى جۇرتىنا باراتىن دالا جولى مەن جاياۋلار جولىن جوسپارلادى.

　　2015 – جىلى 26 – ماۋسىمنان 28 – ماۋسىمعا دەيىن قاناس كورىنىس رايونىن باسقارۋ كوميتەتى بالباداي تاۋىندا «قاناس مۇزدىعىن زەرتتەۋ» تاقىرىبىندا باعىتتامالى تەكسەرۋ جۇرگىزىپ، قاناس كورىنىس رايونىن باسقارۋ كوميتەتىنىڭ پارتكوم شۋجيى، قارت ورمان كۇزەتشىسى كاڭ جياننىڭ باستاۋىندا، مۇزدىق مامانى ۋاڭ فەيتىڭ، شينجياڭدىق جاھانگەز ياڭ جۇن، قاشقار جابايى حايۋاناتتار مەن وسىمدىكتەردى قورعاۋ ورتالىعىنىڭ مەڭگەرۋشىسى سۇن جيجوۋ قاتارلى 13 ادامنان قۇرام تاپقان تەكسەرۋ اترەتى قاناس مەملەكەتتىك تابيعي قورىعىنا بالباداي شىڭىنىڭ شىعىسىنان اتپەن بارىپ، بايىرعى بىتىك ورماندى، اسقار تاۋ جايىلىمىن، مۇزدىق اڭعارىن بايقادى، ەڭ سوڭىندا اققابا قىستاعىنا جەتتى. عىلمي تەكسەرۋ اترەتى جول بويى بالباداي شىڭىنىڭ وڭتۇستىگىندەگى مۇزدىق جەر بەدەرىنە، قاناستىڭ وسىمدىكتەر جامىلعىسىنىڭ ۆەرتيكال تارالۋ احۋالىنا تەكسەرۋ جۇرگىزدى ءارى قاناس كولىنىڭ وڭتۇستىك باتىسىنان 18 كيلومەتر كەلەتىن جەردەن تۇڭعىش رەت ەجەلگى جەر ورتا تەڭىزىنىڭ جۇرتىن بايقادى.

　　كەلۋ قاينارى: حالىق تورابى