- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو حالىق ازاتتىق ارمياسىنىڭ سوعىس رايوندارىن قۇرۋ ءماجىلىسى بەيجيڭدە وتكىزىلدى
2016.02.02 16:23 كەلۋ قاينارى : حالىق تورابى
شي جينپيڭ ءارقايسى سوعىس رايونىنا ارميا تۋىن بەرىپ، نۇسقاۋ كورسەتىپ، جۇڭگو حالىق ازاتتىق ارمياسىنىڭ شىعىس سوعىس رايونى، وڭتۇستىك سوعىس رايونى، باتىس سوعىس رايونى، سولتۇستىك سوعىس رايونى، ورتا سوعىس رايونى قۇرىلعانىن جاريالادى.
شينحۋا اگەنتتىگى، 1 – اقپان، بەيجيڭ (ءتىلشى لي شۋانلياڭ). جۇڭگو حالىق ازاتتىق ارمياسىنىڭ سوعىس رايوندارىن قۇرۋ ءماجىلىسى 1 – اقپاندا بەيجيڭدەگى «1 – تامىز» عيماراتىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شىعىس سوعىس رايونىنا، وڭتۇستىك سوعىس رايونىنا، باتىس سوعىس رايونىنا، سولتۇستىك سوعىس رايونىنا، ورتا سوعىس رايونىنا ارميا تۋىن بەرىپ ءارى نۇسقاۋ كورسەتىپ، مىنانى دارىپتەدى: شىعىس سوعىس رايونىن، وڭتۇستىك سوعىس رايونىن، باتىس سوعىس رايونىن، سولتۇستىك سوعىس رايونىن، ورتا سوعىس رايونىن قۇرىپ، سوعىس رايوندارىنىڭ سەلبەسىپ سوعىسۋىنا قولباسشىلىق ەتۋ قۇرىلىمىن ۇيىمداستىرۋ ــ پارتيا ورتالىق كوميتەتىنىڭ جانە ورتالىق اسكەري ىستەر كوميتەتىنىڭ جۇڭگو ارمانىن، ارميانى قۇدىرەتتەندىرۋ ارمانىن جۇزەگە اسىرۋ ءۇشىن شىعارعان ماڭىزدى ستراتەگيالىق شەشىمى، ارميانى رەفورمامەن قۇدىرەتتەندىرۋ ستراتەگياسىن اتقارۋداعى بوگەنايلىق شارا، ارميامىزدىڭ سەلبەسىپ سوعىسۋ جۇيەسىن قۇرۋداعى تاريحي ىلگەرىلەۋشىلىك، بۇل ارميامىزدىڭ سوعىسا الۋىنا، جەڭىمپاز بولۋىنا كەپىلدىك ەتىپ، مەملەكەتتىڭ حاۋىپسىزدىگىن ويداعىداي قورعاۋدا كەلەلى ءارى تەرەڭ مانگە يە.
تۇستەن بۇرىن ساعات 10 دا جينالىس رەسمي باستالدى، كوماندير – جاۋىنگەرلەر ساپ تۇزەپ، تۇتاس الاڭدا مەملەكەت گيمنى اسقاقتاتا ورىندالدى. قۇرمەت قاراۋىلى «1 – تامىز» ارميا تۋىن قورعاپ ءتوراعالار مىنبەسىنىڭ الدىنا قاراي رەتپەن ءجۇرىپ كەلدى. شي جينپيڭ ارميا تۋىن شىعىس سوعىس رايونىنىڭ قولباسشىسى ليۋ يۋەجۇنگە، كوميسسارى جىڭ ۋەيپيڭگە، باتىس سوعىس رايونىنىڭ قولباسشىسى جاۋ زۇڭشيگە، كوميسسارى جىڭ جۋ فۋشيگە، وڭتۇستىك سوعىس رايونىنىڭ قولباسشىسى ۋاڭ جياۋچىڭعا، كوميسسارى ۋەي لياڭعا، سولتۇستىك سوعىس رايونىنىڭ قولباسشىسى سۇڭ پۋشۋانعا، كوميسسارى جۋ يمينگە، ورتا سوعىس رايونىنىڭ قولباسشىسى حان ۋەيگوعا، كوميسسارى يىن فاڭلۇڭعا ءبىر – بىرلەپ بەردى. 5 سوعىس رايونىنىڭ قولباسشىلارى، كوميسسارلارى شي جينپيڭگە قۇرمەت ءبىلدىرىپ، شي جينپيڭنىڭ قولىنان تۋدى الىپ، اسقاق تۇردى. تۇتاس الاڭداعى كوماندير – جاۋىنگەرلەر ارميا تۋىنا ايبىندى قۇرمەت ءبىلدىردى.
تۋ بەرۋ سالتى اياقتاعان سوڭ شي جينپيڭ نۇسقاۋ كورسەتىپ بىلاي دەدى: سوعىس رايوندارى وسى ستراتەگيالىق باعىتتىڭ حاۋىپسىزدىك قاتەرىنە توتەپ بەرۋ، بەيبىتشىلىكتى قورعاۋ، سوعىستى تەجەۋ، سوعىستا جەڭۋ بورىشىن ارقالايدى، ولاردىڭ مەملەكەتتىڭ حاۋىپسىزدىك ستراتەگياسىنىڭ جانە اسكەري ستراتەگيانىڭ جالپى جاعدايىن قورعاۋدا توتەنشە ماڭىزدى رولى بار.
شي جينپيڭ بىلاي دەپ بۇيرىق بەردى: ءارقايسى سوعىس رايونى بورىشتى ەستە بەرىك ساقتاپ، پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن، جاڭا جاعدايداعى اسكەري ستراتەگيا باعىتىن، اسكەري ىستەر كوميتەتى جالپى جاقتان باسقارۋ، سوعىس رايونى نەگىزگى شايقاستى جۇرگىزۋ، ارميا ءتۇرىن نەگىز ەتىپ قۇرۋ باستى پرينسيبىن باتىل دايەكتىلەندىرىپ، بۇكىلدەي ادال، سوعىسقا شەبەر، قولباسشىلىعى ءونىمدى، سوعىستا جەڭبەي قويمايتىن بىرلەسكەن شايقاس جۇرگىزۋ قولباسشىلىق قۇرىلىمى بولىپ قۇرىلسىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
