شي جينپيڭ توراپكەرلەردىڭ پارتيانىڭ 20 - قۇرىلتايىنا قاتىستى قىزمەتتەر جونىندەگى پىكىر - ۇسىنىستارىن زەرتتەۋ، قابىلداۋ جونىندە ماڭىزدى نۇسقاۋ بەرىپ، مىنانى دارىپتەدى
ينتەرنەت سياقتى ءتۇرلى ارنالارمەن حالىقتىڭ قاجەتىن ۇعىسۋعا، حالىقتان اقىل - كەڭەس الۋعا شەبەر بولىپ، حالىقتىڭ ۇنىنە اناعۇرلىم ويداعىداي قۇلاق اسىپ، حالىق تىلەگىنە قۇرمەت ەتىپ، حالىق تىلەگىنە سايكەسۋ كەرەك
2022.06.27 15:41 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 26 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا توراپكەرلەردىڭ پارتيانىڭ 20 - قۇرىلتايىنا قاتىستى قىزمەتتەر جونىندەگى پىكىرى مەن ۇسىنىستارىن زەرتتەۋ، قابىلداۋ جونىندە ماڭىزدى نۇسقاۋ بەرىپ، مىنانى دارىپتەدى: پارتيانىڭ 20 - قۇرىلتايى _ پارتيا مەن مەملەكەتتىڭ ساياسي ومىرىندەگى زور ءىس. پارتيانىڭ مەملەكەتتىك قۇرىلتايىنىڭ قاتىستى قىزمەتتەرىن توڭىرەكتەي وتىرىپ ينتەرنەتتە پىكىر الۋ _ بۇكىل پارتيانىڭ، بۇكىل قوعامنىڭ مەملەكەتتىڭ دامۋىنا، ۇلتتىڭ كوركەيۋىنە اقىل - كەڭەس بەرۋىندەگى ءونىمدى ءتاسىل، سونداي - اق جالپى بارىستىق حالىق دەموكراتياسىنىڭ جاندى بەينەسى. بۇل رەتكى قيمىلعا قالىڭ كادر - جۇرتشىلىق جابال نازار اۋدارىپ، بەلسەنە ات سالىسىپ، كوپتەگەن سىندارلى پىكىرلەر مەن ۇسىنىستاردى العا قويدى، قاتىستى جاقتار ونى مۇقيات زەرتتەۋى، جان - جاقتى قابىلداۋى كەرەك. وسى رەتكى قيمىلداعى تابىستى ادىستەردى قورىتىندىلاپ، جاڭا جاعدايدا بۇقارالىق لۋشيانمەن ويداعىداي ءجۇرىپ، ينتەرنەت سياقتى ءتۇرلى ارنالارمەن حالىقتىڭ قاجەتىن ۇعىسۋعا، حالىقتان اقىل - كەڭەس الۋعا شەبەر بولىپ، حالىقتىڭ ۇنىنە اناعۇرلىم ويداعىداي قۇلاق اسىپ، حالىق تىلەگىنە قۇرمەت ەتىپ، حالىق تىلەگىنە سايكەسىپ، پارتيا مەن مەملەكەتتىڭ ءتۇرلى قىزمەتتەرىن اناعۇرلىم جاقسى ىستەۋ كەرەك.
باس شۋجي شي جينپيڭنىڭ بيىل 2 - ايداعى ماڭىزدى نۇسقاۋىنىڭ رۋحىنا ساي، پارتيانىڭ 20 - قۇرىلتايىنا قاتىستى قىزمەتتەر جونىندە توراپتا پىكىر الۋ قيمىلى 4 - ايدىڭ 15 - كۇنىنەن 5 - ايدىڭ 16 - كۇنىنە دەيىن ورىستەتىلىپ، حالىق گازەتى مەكەمەسىندە، شينحۋا اگەنتتىگىندە، ورتالىق راديو - تەلەۆيزيا باس ستانسياسىنىڭ رەسمي سايتىندا، اقپارات كليەنتتەرىندە، سونداي - اق «ۇيرەنۋدە قۋاتتى ەل» ۇيرەنۋ تۇعىرىندا جەكە - جەكە ارناۋلى ايدار اشىلىپ، تۇتاس قوعامنىڭ ۇسىنىس - پىكىرلەرى تىڭدالدى. قيمىلعا قالىڭ حالىق بۇقاراسى جابال نازار اۋدارىپ جانە ات سالىسىپ، توراپكەرلەردىڭ جيىنى 8 ميلليون 542 مىڭنان استام ۇسىنىس - پىكىرى تاپسىرىپ الىنىپ، پارتيانىڭ 20 - قۇرىلتايىنىڭ قاتىستى قىزمەتتەرىنە ءتيىمدى پايدالانۋ ماتەريالى ازىرلەندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
