شي جينپيڭ بريكس ەلدەرى ونەركاسىپ - ساۋدا تالقى مىنبەرىنىڭ اشىلۋ سالتىنا قاتىناستى ءارى ارقاۋ ءسوز سويلەدى
2022.06.23 17:31 كەلۋ قاينارى : حالىق تورابى
 |
6 - ايدىڭ 22 - كۇنى كەشتە مەملەكەت ءتوراعاسى شي جينپيڭ بريكس ەلدەرى ونەركاسىپ - ساۋدا تالقى مىنبەرىنىڭ اشىلۋ سالتىنا بەينە ەكران تاسىلىمەن قاتىناستى ءارى «ءداۋىر اعىمىن يگەرىپ، نۇرلى بولاشاققا جول اشايىق» دەگەن تاقىرىپتا ارقاۋ ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
|
«حالىق گازەتى»، 6 - ايدىڭ 22 - كۇنى، بەيجيڭ (تىلشىلەر گاۋ شى، جاڭ بولان، ياڭ شۇن). 6 - ايدىڭ 22 - كۇنى كەشتە مەملەكەت ءتوراعاسى شي جينپيڭ بەينە ەكران تاسىلىمەن بريكس ەلدەرى ونەركاسىپ - ساۋدا تالقى مىنبەرىنىڭ اشىلۋ سالتىنا قاتىناستى ءارى «ءداۋىر اعىمىن يگەرىپ، نۇرلى بولاشاق جاراتايىق» دەگەن تاقىرىپتا ارقاۋ ءسوز سويلەدى.
شي جينپيڭ بىلاي دەپ اتاپ كورسەتتى: قازىر دۇنيە جۇزىندە 100 جىلدا بولماعان وزگەرىس جاعدايى مەن عاسىرلىق ىندەت ءوزارا قاباتتاسىپ، ءتۇرلى حاۋىپسىزدىك سىن - سايىسى تولاستاماي، دۇنيە ءجۇزى ەكونوميكاسىنىڭ قالپىنا كەلۋى قيىنعا سوعىپ، دۇنيە ءجۇزىنىڭ دامۋى اۋىر ساتسىزدىككە ۇشىراۋدا. دۇنيە ءجۇزى قالاي بەتالۋدا؟ بەيبىتشىلىككە مە، الدە سوعىسقا ما؟ دامۋعا ما، الدە قۇلدىراۋعا ما؟ اشىق ۇستاۋعا ما، الدە تۇيىقتالۋعا ما؟ سەلبەسەۋگە مە، الدە قارسىلاساسۋعا ما؟ وسى سياقتى ماسەلەلەر ءبىز ءدوپ كەلىپ وتىرعان داۋىرلىك سۇراقتارعا اينالدى.
شي جينپيڭ بىلاي دەپ دارىپتەدى: تاريحتىڭ شالقار كوشىندە كەيدە تىنىش جاعداي ورنايدى، كەيدە اۋمالى - توكپەلى جاعدايلار تۋىلادى، الايدا، قانداي بولسىن ءداۋىر العا قاراي دامي بەرەدى. حالىقارالىق جاعداي اۋمالى - توكپەلى بولعانىمەن، اشىق دامۋدىڭ تاريحي اۋقىمى وزگەرمەيدى، قول ۇستاسا سەلبەسىپ، سىن - سايىسقا بىرگە توتەپ بەرۋ تىلەگى دە وزگەرمەيدى. ءبىز بۇلتتىڭ كوزدى كولەگەيلەۋىنەن قورىقپاي، تاريحتىڭ دامۋ زاڭدىلىعىن ءدال تانىپ، ءبىر مەزەتتىك نەمەسە ءبىر جولعى ىستەرگە بولا باعداردان الجاسىپ قالماي، حاۋىپ - قاتەردەن قورىقپاي، سىن - سايىسقا باتىلدىقپەن توتەپ بەرىپ، ادامزاتتىڭ تاعدىرلاس ورتاق تۇلعاسىن قۇرۋ نىساناسىنا قاراي ەرلىكپەن العا باسۋىمىز كەرەك.
ءبىرىنشى، ىنتىماقتاسا سەلبەسىپ، دۇنيە ءجۇزىنىڭ بەيبىتشىلىگى مەن ورنىقتىلىعىن بىرگە قورعاۋىمىز كەرەك. ايانىشتى تاريح زورەكەرلىك، توپقا ءبولىنۋ ساياسيى، لاگەر قارسىلىعى بەيبىتشىلىك پەن حاۋىپسىزدىك ورناتپايتىنىن، قايتا سوعىس، قاقتىعىس تۋدىراتىنىن دالەلدەدى. كۇشى مىعىم ەلدەرگە شەكتەن تىس يەك سۇيەپ، اسكەري وداق شەڭبەرىن كەڭەيتىپ، وزگە ەلدەردىڭ حاۋىپسىزدىگىن قۇربان ەتىپ، ءوز حاۋىپسىزدىگىن كوزدەيتىن بولسا، ءسوز جوق، حاۋىپسىزدىك قيىنشىلىعىنا تاپ بولادى. بارلىق ادام بەيبىتشىلىكتى قاستەرلەيتىن جانە قورعايتىن بولسا، بارلىق ادام سوعىستىڭ اشتى ساباقتارىن ەستەن شىعارمايتىن بولسا، بەيبىتشىلىكتەن ءۇمىت كۇتۋگە بولادى. ءبىز بىرلەسكەن مەملەكەتتەر ۇيىمى ەرەجەسىنىڭ اۋەلگى ماقساتىن ۇمىتپاي، بەيبىتشىلىكتى قورعاۋ بورىشىن ەستە بەرىك ساقتاۋىمىز كەرەك. تاياۋدا مەن دۇنيە جۇزىلىك حاۋىپسىزدىك باستاماسىن العا قويىپ، ءار ەلدىڭ ورتاق، جالپىلىق، سەلبەستىك، باياندى حاۋىپسىزدىك كوزقاراسىندا تاباندى بولۋ؛ ءار ەلدىڭ يەلىك ۇقىعىنا، تەرريتوريا تۇتاستىعىنا قۇرمەت ەتۋدە تاباندى بولۋ؛ بىرلەسكەن مەملەكەتتەر ۇيىمى ەرەجەسىنىڭ ماقساتى مەن پرينسيبىنە بويسۇنۋدا تاباندى بولۋ؛ ءار ەلدىڭ حاۋىپسىزدىككە كوڭىل ءبولىپ وتىرعان ۇيلەسىمدى ماسەلەلەرىنە ءمان بەرۋدە تاباندى بولۋ؛ مەملەكەتتەر اراسىنداعى الاۋىزدىقتار مەن تالاس - تارتىستاردى پىكىرلەسۋ، كەڭەسۋ ارقىلى بەيبىت جولمەن شەشۋدە تاباندى بولۋ؛ ءداستۇرلى سالالار مەن بەي ءداستۇرلى سالالارداعى حاۋىپسىزدىكتى ءبىر تۇتاس قورعاۋدا تاباندى بولۋ باستاماسىن ورتاعا قويدىم. حالىقارالىق قوعام نولدىك سايىستان ارىلىپ، زورەكەرلىك پەن وكتەمدىك ساياسيعا بىرگە قارسى تۇرىپ، ءبىرىن - ءبىرى قۇرمەتتەيتىن، ءادىل دە ادىلەتتى، سەلبەسىپ تەڭ يگىلىككە كەنەلەتىن جاڭاشا حالىقارالىق قاتىناس ورناتىپ، بەينەت پەن زەينەتتى بىرگە كورەتىن، حاۋىپ - قاتەردە بىرگە بولاتىن ورتاق تۇلعا تانىمىن ورناتىپ، بەيبىتشىلىكتىڭ نۇر - شۇعىلاسىمەن دۇنيە ءجۇزىن نۇرلاندىرۋى كەرەك.
ەكىنشى، ءبىر - بىرىمىزگە قارايلاسىپ، دۇنيە ءجۇزىنىڭ باياندى دامۋىن بىرگە جەبەۋىمىز كەرەك. قازىر دۇنيە ءجۇزىنىڭ دامۋ اياق الىسى اۋىر سوققىعا ۇشىراۋدا. دۇنيە جۇزىندەگى 70 كە جۋىق مەملەكەتتىڭ ءبىر ميلليارد 200 ميلليون حالقى ىندەت، استىق، ەنەرگيا، قارىز داعدارىسىنا ءدوپ كەلىپ وتىر، دۇنيە ءجۇزى بويىنشا وتكەن نەشە ون جىلداعى كەدەيلىكتى ازايتۋ جەتىستىكتەرى سەلگە كەتۋى مۇمكىن. بىلتىر مەن دۇنيە جۇزىلىك دامۋ باستاماسىن العا قويىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋدى ارقاۋ ەتىپ، ىنتىماقتى، تەپە - تەڭ، جالپىعا ءتيىمدى دۇنيە جۇزىلىك دامۋ سەرىكتەستىك قاتىناسىن ورناتۋدى ىلگەرىلەتىپ، كەدەيلىكتەن ارىلتۋ، دەنساۋلىق ساقتاۋ، وقۋ - اعارتۋ، سيفرلى ۇلاستىرۋ - تۇتاستىرۋ، ونەركاسىپتەنۋ سياقتى سالالارداعى سەلبەستىكتى جاپپاي ىلگەرىلەتۋگە ۇندەگەن ەدىم. استىق، ەنەرگيا سەلبەستىگىن كۇشەيتىپ، استىق جانە ەنەرگيا حاۋىپسىزدىگىن قامتاماسىزداندىرۋ دەڭگەيىن جوعارىلاتۋ كەرەك. جاڭا كەزەكتى عىلىم - تەحنيكا توڭكەرىسى مەن كاسىپ وزگەرىسى ورايىن مىقتى يگەرىپ، جاڭالىق اشۋ فاكتورلارىنىڭ دۇنيە جۇزىلىك اينالىمىن جەبەپ، وركەندەپ كەلە جاتقان ەلدەردىڭ سيفرلى ەكونوميكانىڭ دامۋى مەن جاسىل تيپكە بۇرىلىس جاساۋىن جەدەلدەتۋىنە كومەكتەسۋ كەرەك. ىندەتكە قارسى اتتانۋ سەلبەستىگىن بەلسەنە ورىستەتىپ، وركەندەپ كەلە جاتقان ەلدەردى ىندەتكە قارسى اتتانۋداعى ءتىپتى دە كوپ دارىلەرمەن قامداپ، ىندەتتى ەرتەرەك جەڭۋگە كۇش سالۋ كەرەك. حالىقتىڭ تىلەگىن جۇرەككە ۇيالاتۋدا، بۇكىل دۇنيە جۇزىنە پايدا جەتكىزۋدى كوزدەۋدە تاباندى بولىپ، دۇنيە جۇزىلىك دامۋدىڭ جاڭا داۋىرگە قادام تاستاۋىن جەبەپ، ءار ەل حالىقتارىنا باقىت جاراتۋ كەرەك.
ءۇشىنشى، تار جول، تايعاق كەشۋلەردەن بىرگە ءوتىپ، سەلبەسىپ تەڭ يگىلىككە كەنەلۋدى بىرگە جۇزەگە اسىرۋىمىز كەرەك. قازىر كەيبىر ماڭىزدى كاسىپ تىزبەگى مەن قامداۋ تىزبەگى ادامداردىڭ قولدان جاساعان كەدەرگىسىنە ۇشىراپ، دۇنيە ءجۇزى بويىنشا اقشانىڭ قۇنسىزدانۋى جوعارىلاپ، حالىقارالىق فينانس بازارى ءۇرتىس اۋمالى - توكپەلى كۇيدە قالىپ، دۇنيە ءجۇزى ەكونوميكاسىنىڭ قالپىنا كەلۋ اۋقىمى ۇزدىكسىز السىرەپ بارادى. كوپشىلىك دۇنيە ءجۇزى ەكونوميكاسى داعدارىس قۇيىنا باتا ما دەپ الاڭداۋدا. وسى شەشۋشى ساتتە تار جول، تايعاق كەشۋلەردەن بىرگە وتۋدە، ىنتىماقتاسا سەلبەسۋدە تاباندى بولعاندا عانا ەكونوميكالىق داعدارىستى جەڭۋگە بولادى. ءبىر جاعادان باس، ءبىر جەڭنەن قول شىعارىپ، ماكرولىق شارۋاشىلىق ساياساتىن سايكەستىرۋدى كۇشەيتۋ كەرەك. دامىعان نەگىزگى ەلدەر جاۋاپكەرلىك ارقالايتىن ەكونوميكالىق ساياسات قولدانىپ، ساياساتتىڭ ۇنامسىز اسەرىنىڭ سىرتقا اعىلۋىنان، وركەندەپ كەلە جاتقان ەلدەرگە اۋىر سوققى بەرۋىنەن ساقتانۋ كەرەك. اماليات: جازالاۋ - − «قايتا اينالىپ وزىنە تيەتىن نايزا»، «قوس ءجۇزدى قانجار» ەكەنىن، دۇنيە ءجۇزى ەكونوميكاسىن ساياسيلاندىرۋ، قۇرالعا اينالدىرۋ، قارۋ - جاراققا اينالدىرۋ، حالىقارالىق فينانس اقشا جۇيەسىنىڭ جەتەكشى ورنىنان پايدالانىپ بەتالدى جازالاۋ سىندى جاعدايلار، سايىپ كەلگەندە، باسقالارعا زيان جەتكىزىپ قالماستان، ءوزىن دە زاقىمدايتىنىن، دۇنيە ءجۇزى حالقىن سورلاتاتىنىن قايتا - قايتا دالەلدەدى.
ءتورتىنشى، سيىسىمدى بولىپ، ەسىك اشۋدى، توعىسۋدى بىرگە كەڭەيتۋىمىز كەرەك. ءبىر مەزگىلدەن بەرى ەكونوميكانىڭ جاھاندانۋى «كەرى جاعدايلارعا» تاپ بولدى. حالىقارالىق قوعام دۇنيە ءجۇزى ەكونوميكاسى ءبىر - بىرىنەن وقشاۋ قالعان وڭىرگە ءبولىنىپ كەتۋىنەن جاپپاي الاڭدادى. ەكونوميكانىڭ جاھاندانۋى − وندىرگىش كۇشتەر دامۋىنىڭ وبيەكتيۆ تالابى جانە بوگەۋ بەرمەس تاريحي اعىم. تاريحتى ارتقا قايتا شەگىندىرمەك بولعاندار، باسقالاردىڭ جولىن بوگەيمىن دەگەندەر ەڭ سوڭىندا ءوز جولىن بوگەپ تۇيىققا تىرەلەتىن بولادى. اشىق، سيىسىمدى بولۋدان جازباي، وندىرگىش كۇشتەردىڭ دامۋىنا كەدەرگى بولاتىن بارلىق بوگەتتى تالقانداپ، جاھاندانۋدىڭ اقاۋسىز دامۋىن ىلگەرىلەتۋگە جەتەكشىلىك ەتىپ، قارجى مەن تەحنيكانىڭ ەركىن اۋىسۋىنا، جاڭالىق اشۋ مەن اقىل - پاراساتتىڭ تولىق جارىققا شىعۋىنا مۇمكىندىك جاساپ، دۇنيە ءجۇزى ەكونوميكاسىنىڭ ارتۋ بىرىككەن كۇشىن قالىپتاستىرۋ كەرەك. دۇنيە جۇزىلىك ساۋدا ۇيىمىن ۇيىتقى ەتكەن كوپ جاقتى ساۋدا ءتۇزىلىسىن قورعاپ، ساۋدا، قارجى قوسۋ جانە تەحنيكا جاعىنداعى قامالدى بۇزىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتۋ كەرەك. بىرگە اقىلداسۋدا، بىرگە قۇرۋدا، بىرگە يگىلىكتەنۋدە تاباندى بولىپ، دۇنيە جۇزىلىك ەكونوميكانى جونگە سالۋدى كۇشەيتىپ، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ ۋاكىلدىك سيپاتى مەن ءسوز سويلەۋ ۇقىعىن ارتتىرىپ، ءار ەلدىڭ ۇقىعى تەڭ، ەرەجەسى تەڭ، ورايى تەڭ بولۋىنا شىنايى كەپىلدىك ەتۋ كەرەك.شي جينپيڭ مىنالاردى دارىپتەدى: بيىل جىل باسىنان بەرى كۇردەلى دە قۇبىلمالى ەل ءىشى - سىرتىنداعى دامۋ ورتاسىنا توتەپ بەرۋدە، جۇڭگو ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋدا، حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، حالىقتىڭ ءومىرىن، دەنساۋلىعىن ەڭ زور دارەجەدە قورعادى، سونداي - اق ەكونوميكالىق، قوعامدىق دامۋدىڭ نەگىزگى جاعدايىن ەڭ زور دارەجەدە ورنىقتىردى. جۇڭگو ماكرولىق ساياساتتى رەتتەۋ تەبىنىن ارتتىرىپ، اناعۇرلىم ءونىمدى شارالار قولدانىپ، تۇتاس جىلدىق ەكونوميكالىق، قوعامدىق دامۋ نىساناسىن قۇلشىنا جۇزەگە اسىرادى. سوڭعى جارتى جىلدا ءبىز جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىن اشىپ، الداعى كەزەڭدەگى جۇڭگونىڭ دامۋ كارتيناسىن كەستەلەيمىز. جۇڭگو جاڭا دامۋ كەزەڭىن تياناق ەتىپ، جاڭا دامۋ تانىمىن دايەكتىلەندىرىپ، جاڭا دامۋ جاعدايىن بەلسەنە قالىپتاستىرىپ، ساپالى دامۋدى قۇلشىنا جۇزەگە اسىرادى. جۇڭگو سىرتقا ەسىك اشۋ دەڭگەيىن ۇزدىكسىز جوعارىلاتىپ، اناعۇرلىم جوعارى دەڭگەيدەگى اشىق ەكونوميكانىڭ جاڭا ءتۇزىلىسىن ورناتىپ، بازارلانعان، زاڭمەن جونگە سالىناتىن، حالىقارالانعان تيجارات - ساۋدا ورتاسىن ۇزدىكسىز قالىپتاستىرادى. كوپشىلىكتىڭ جۇڭگوعا قارجى قوسىپ، شارۋاشىلىقتى گۇلدەندىرۋىن، ەكونوميكا - ساۋدا سەلبەستىگىن كۇشەيتۋىن، دامۋ ورايىنان بىرگە يگىلىكتەنۋىن قىزۋ قارسى الامىز.
شي جينپيڭ بىلاي دەپ اتاپ كورسەتتى: بريكس ەلدەرىنىڭ سەلبەستىك مەحانيزمى − بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەر سەلبەستىگىنىڭ ماڭىزدى تۇعىرى. قازىر بريكس ەلدەرى سەلبەستىگى ساپالى دامۋدىڭ جاڭا كەزەڭىنە ءوتتى. كاسىپورىنشىلاردىڭ قاجىماس قايسارلىق كورسەتىپ، ەرلىكپەن العا ىلگەرىلەۋ رۋحىن ساۋلەلەندىرىپ، اشىق دامۋدىڭ ىلگەرىلەتۋشىسى، جاڭالىق اشا دامۋدىڭ سەركەسى، دامۋدان بىرگە يگىلىكتەنۋدىڭ امالياتتا ايگىلەۋشىسى بولىپ، بريكس ەلدەرىنىڭ سەلبەستىگىنە كۇش قوسىپ، دامۋ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرۋىن ءۇمىت ەتەمىن. ءبىز ءوزارا تيىمدىلىك جەتكىزىپ، تەڭ يگىلىككە كەنەلۋ ارناسىن كەڭەيتىپ، ىنتىماق پەن سەلبەستىكتىڭ تىزگىنىن مىقتى يگەرسەك بولعانى، بريكس ەلدەرى سىندى الىپ كەمە، ءسوز جوق، تولقىن جارا ىلگەرىلەپ، اناعۇرلىم نۇرلى دا كوركەم جاعاعا قاراي بەت الادى (ءسوزدىڭ تولىق مازمۇنى «حالىق گازەتىنىڭ 2 - بەتىنەن وقي الاسىزدار).
2022 - جىلعى بريكس ەلدەرىنىڭ ونەركاسىپ - ساۋدا تالقى مىنبەرى 6 - ايدىڭ 22 - كۇنى بەيجيڭدە جەلى ءىشى - سىرتىن ۇشتاستىرۋ تاسىلىمەن وتكىزىلدى. وڭتۇستىك افريكانىڭ زۇڭتۇڭى راماپوسا، برازيليانىڭ زۇڭتۇڭى بولسونارو، رەسەيدىڭ زۇڭتۇڭى پۋتين، ءۇندىستاننىڭ زۇڭليى مودي تالقىنىڭ اشىلۋ سالتىنا قاتىناستى ءارى ءسوز سويلەدى. بريكس ەلدەرىنىڭ ەكونوميكا - ساۋدا مينيسترلەرى، جۇڭگودا تۇراتىن ەلشىلەرى جانە ونەركاسىپ - ساۋدا سالاسىنىڭ ۋاكىلدەرىنەن مىڭعا جۋىق ادام تالقى مىنبەرىنە قاتىناستى.
حۋ چۇنحۋا اشىلۋ سالتىن باسقاردى.
كەلۋ قاينارى: حالىق تورابى
 |
6 - ايدىڭ 22 - كۇنى كەشتە مەملەكەت ءتوراعاسى شي جينپيڭ بريكس ەلدەرى ونەركاسىپ - ساۋدا تالقى مىنبەرىنىڭ اشىلۋ سالتىنا بەينە ەكران تاسىلىمەن قاتىناستى ءارى «ءداۋىر اعىمىن يگەرىپ، نۇرلى بولاشاق جاراتايىق» دەگەن تاقىرىپتا ارقاۋ ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن
|
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
