جاڭ سىچيڭ جولداستىڭ سۇيەگى بەيجيڭدە ورتەلدى
شي جينپيڭ، لي جانشۋ، ۋاڭ ياڭ باباۋشان توڭكەرىستىك قۇرباندار قابىرستانىنا بارىپ سۇيەكپەن قوشتاستى
2022.06.22 16:47 كەلۋ قاينارى : حالىق تورابى
 |
6 - ايدىڭ 21 - كۇنى جاڭ سىچيڭ جولداستىڭ سۇيەگى بيجيڭدەگى باباۋشان توڭكەرىستىك قۇرباندار قابىرستانىندا ورتەلدى. شي جينپيڭ، لي جانشۋ، ۋاڭ ياڭ قاتارلىلار باباۋشانعا بارىپ سۇيەكپەن قوشتاستى. سۋرەتتە: شي جينپيڭ جاڭ سىچيڭنىڭ تۋىس - تۋعاندارىنان شىنايى حال سۇراۋدا.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن |
جاڭ سىچيڭ جولداستىڭ ناۋقاسى اۋىرلاعان كەزدە جانە قايتىس بولعاننان كەيىن شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن جاڭ سىچيڭ جولداستىڭ قازاسىنا قايعىلى ازا ءبىلدىردى ءارى ونىڭ تۋىس - تۋعاندارىنان شىنايى حال سۇرادى
شينحۋا اگەنتتىگى، 6 - ايدىڭ 21 - كۇنى، بەيجيڭ. جۇڭگو كوممۋنيستىك پارتياسىنىڭ تاڭداۋلى مۇشەسى، ۇزاق سىننان وتكەن كوممۋنيزمنىڭ ادال جاۋىنگەرى، ەلىمىزدىڭ ساياسي - زاڭ شەبىنىڭ كورنەكتى باسشىسى، جۇڭگو حالىق ساياسي كەڭەسى 9 -، 10 - كەزەكتى مەملەكەتتىك كوميتەتتەرى باستىعىنىڭ ورىنباسارى، ەڭ جوعارى حالىق پروكۋراتۋراسىنىڭ بۇرىنعى باس پروكۋرورى جاڭ سىچيڭ جولداستىڭ سۇيەگى 6 - ايدىڭ 21 - كۇنى بەيجيڭدەگى باباۋشان توڭكەرىستىك قۇرباندار قابىرستانىندا ورتەلدى.
جاڭ سىچيڭ جولداس ناۋقاس سەبەبىنەن 2022 - جىلى 6 - ايدىڭ 17 - كۇنى ساعات 1 دەن 52 مينۋت وتكەندە 90 جاسىندا بيجيڭدە قايتىس بولدى.
جاڭ سىچيڭ جولداستىڭ ناۋقاسى اۋىرلاعان كەزدە جانە قايتىس بولعاننان كەيىن شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن جاڭ سىچيڭ جولداستىڭ قازاسىنا قايعىلى ازا ءبىلدىردى ءارى ونىڭ تۋىس - تۋعاندارىنان شىنايى حال سۇرادى.
6 - ايدىڭ 21 - كۇنى تۇستەن بۇرىن باباۋشان توڭكەرىستىك قابىرستانىنىڭ زالى قايعىلى جىم - جىرت كۇيگە شومىپ، قايعىلى مۋزىكا باياۋ تولقىپ تۇردى. زالدىڭ ءتورىنىڭ جوعارعى جاعىنا «جاڭ سىچيڭ جولداسقا قايعىلى ازا بىلدىرەمىز» دەگەن اق ءتۇستى جازۋ جازىلعان قارا كەرمە تۋ ىلىنگەن، كەرمە تۋدىڭ استىنا جاڭ سىچيڭ جولداستىڭ سۋرەتى قويىلعان. جاڭ سىچيڭ جولداستىڭ سۇيەگى الۋان گۇلدەر مەن ارشالاردىڭ اراسىنا قويىلعان، ۇستىنە جۇڭگو كوممۋنيستىك پارتياسىنىڭ نارت قىزىل تۋى جابىلعان.
تۇستەن بۇرىن ساعات 9 دان 40 مينۋت وتكەن مولشەردە شي جينپيڭ، لي جانشۋ، ۋاڭ ياڭ قاتارلىلار قايعىلى مۋزىكا ءۇنى ىشىندە جاڭ سىچيڭ جولداستىڭ سۇيەگىنىڭ الدىنا باياۋ كەلىپ، ءۇنسىز ازا ءبىلدىرىپ، جاڭ سىچيڭ جولداستىڭ سۇيەگىنە 3 رەت تاعزىم ەتتى ءارى جاڭ سىچيڭ جولداستىڭ تۋىس - تۋعاندارىنان شىنايى حال سۇرادى.
پارتيا مەن مەملەكەتتىڭ قاتىستى باسشى جولداستارى سۇيەكپەن قوشتاسۋعا باردى نەمەسە ءتۇرلى تاسىلدەرمەن ازا ءبىلدىردى. ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، جاڭ سىچيڭ جولداستىڭ بەيجيڭدەگى كوزى تىرىسىندەگى جاقىن دوستارى مەن اۋىلداستارىنىڭ ۋاكىلدەرى دە بارىپ سۇيەكپەن قوشتاستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
