لياڭ يىڭ:
ارمان ارقالاپ كەلدى، سۇبەلى تابىسپەن قايتتى
انار بۇلت \ شينجياڭ گازەتىنىڭ ءتىلشىسى يە شياۋمين
2022.06.20 16:29
”ينتەرنەت شيپاحاناسىنا كەلىپ اۋرۋ كورسەتەتىندەر كوپ پە؟ شيپاگەردىڭ ينتەرنەتتە اۋرۋ كورۋ جاعدايى قانداي“؟... ءبىر جارىم جىلدىق شينجياڭعا كومەكتەسۋ قىزمەتىن اياقتاتىپ بەيجيڭگە قايتقاننان كەيىن، لياڭ يىڭ اپتا سايىن تەلەفون جالعاپ، ينتەرنەت شيپاحاناسىنىڭ جاعدايىن سۇراستىرىپ تۇردى.
2020 - جىلى 9 - ايدا لياڭ يىڭ بەيجيڭ داشۋەسى 6 - شيپاحاناسىنان ۇرىمجىگە كەلىپ، شينجياڭ رۋحاني دەنساۋلىق ساقتاۋ ورتالىعى (ءۇرىمجى قالالىق 4 - حالىق شيپاحاناسى) پارتكومىنىڭ مۇشەسى، ورىنباسار شيپاحانا باستىعى مىندەتىن وتەدى. جۇمىس ورنىنا كەلگەن العاشقى كۇنى لياڭ يىڭ ءبىرىنشى شەپتەگى قىزمەتىن باستاپ كەتتى. اۋىس - كۇيىس جاساۋ، بايقاۋ، ماتەريالداردى وقۋ ارقىلى قىسقا عانا 2 اپتادا لياڭ يىڭ شيپاحانانىڭ دامۋ وي جەلىسىن جانە جوباسىن ايقىندادى.
”مەن ءار كۇنى تۇندە كۇندەلىكتى قىزمەتتى قورىتىندىلاپ، ەرتەڭگى قىزمەتتى جوبالايمىن“. لياڭ يىڭ بىلاي دەدى: شينجياڭعا كومەكتەسۋ قىزمەتىن ناقتى ىستەۋ، ىشكەرىلەي ىستەۋ، كوكەيگە ۇيالاتۋ كەرەك. اسقاق ارمان ارقالاپ كەلگەن ەكەنبىز، ءسوزسىز، ىسكەرلىك كورسەتىپ قايتۋىمىز كەرەك.
ءبىر ايدان كەيىن، ”بەيجيڭ داشۋەسى 6 - شيپاحاناسىنىڭ شينجياڭعا باعىتتامالى كومەكتەسۋ شيپاحاناسى“ قۇرىلدى. بۇل بەيجيڭ داشۋەسى مەديتسينا ءبولىمىنىڭ رۋحاني دەنساۋلىق ساقتاۋ ارناۋلى كاسىبىنىڭ ”ۇيىرمە قۇراۋ فورماسىنداعى“ شينجياڭعا كومەكتەسۋدى جۇزەگە اسىرعاندىعىن ءتۇسىندىرىپ، بەيجيڭنىڭ وزىق ەمدەۋ تەحنيكالارىن شينجياڭعا كىرگىزۋمەن قاتار، عىلمي اۋىس - كۇيىس، دارىندىلاردى دامىتۋ جانە باۋلۋ سياقتى جاقتاردا باياندى مەحانيزم ورناتىپ، شينجياڭداعى رۋحاني پسيحيكالىق ناۋقاستاردىڭ ەسىك الدىندا - اق جوعارى ءونىمدى، ساپالى ەمدەۋ قىزمەت وتەۋىنەن يگىلىكتەنۋىنە مۇمكىندىك جاسادى.
”تاپجىلمايتىن قوسىندى قالاي الىپ قالۋعا بولادى“؟ لياڭ يىڭ ءوزىنىڭ شينجياڭعا كومەكتەسۋ قىزمەتى جونىندە تەرەڭدەي ويلاندى.
وقىتۋ بارىسىندا لياڭ يىڭ شينجياڭ رۋحاني دەنساۋلىق ساقتاۋ ورتالىعىنىڭ ”مەملەكەتتىك بالنيتسا شيپاگەرلەرىن جۇيەلى باۋلۋ رۋحاني اۋرۋ ءبولىمى ءتۇيىندى ارناۋلى بازاسىن“ ءوتىنىش ەتىپ الۋىنا كومەكتەسىپ، شيپاحانانىڭ دارىندىلاردى باۋلۋىنا بەرىك نەگىز قالادى. وسى شيپاحانانىڭ ”7 ۇلكەن“ كلينيكالىق دەنساۋلىق كەمىستىگى ارناۋلى ءبولىمى زەرتتەۋ ورتالىعىن دامىتۋ ءۇشىن، لياڭ يىڭ قارتتار رۋحاني اۋرۋ ءىلىمى، ۇيقى مەديتسيناسى سياقتى 7 باعىتتا 7 تىرەكتىنى بەيجيڭ داشۋەسى 6 - شيپاحاناسىنا جوعارى دارەجەلىلەر تالقى مىنبەرىنە قاتىناسۋعا تاڭداپ جىبەردى.
ەمدەۋ قىزمەت وتەۋ ورتالىعى مەن ەمدەۋ دەنساۋلىق ساقتاۋ دارىندىلار قۇرىلىسىن ىلگەرىلەتۋ ءۇشىن، لياڭ يىڭ ”مامان + ۇجىم“ ۇلگىسىن قولدانىپ، وسى شيپاحانانىڭ 2 ايگىلى شيپاگەرلەر كەڭسەسىن قۇردى، لياڭ يىڭ كەڭسە قىزمەتكەرلەرىن اڭگىمە ءماجىلىس وتكىزۋگە، اۋرۋ مىسالدارىن تالقىلاۋعا ۇنەمى ۇيىمداستىرىپ تۇردى.
لياڭ يىڭنىڭ نازارىندا ءوز ونەگەسىمەن باۋلۋ ايتىپ ۇيرەتۋدەن الدەقايدا ارتىق. ول ۇنەمى شيپاحاناداعى مەديتسينا تىرەكتىلەرىن ەرتىپ بالنيتسالاردى تەكسەرە ءجۇرىپ، ولارعا ۇستىندە ساباق بەرەدى.
ءبىر رەتكى اۋرۋعا دياگنوز قويۋ - ەمدەۋ بارىسىندا لياڭ يىڭ ءبىر ناۋقاستىڭ ۇزاق ۋاقىت ىستەتكەن ءدارىسىنىڭ ەمدەۋ ءونىمى تىم كورنەكتى ەمەستىگىن، ونىڭ ۇستىنە ناۋقاستىڭ وتباسىنىڭ ەكونوميكالىق اۋىرتپالىعى ەداۋىر اۋىر ەكەندىگىن بايقايدى. ول ەمدەۋ، كۇتىمدەۋ ۇجىمىن باستاپ، رۋحاني دارىلەر گەندەر جيىنتىعى ىلىمىنەن پايدالانىپ تەكسەرۋ ءتاسىلى ارقىلى اقىرى وسى ناۋقاسقا ۇيلەسەتىن ءدارىنى تابادى.
”بويىنا قاراي كيىم پىشەتىن، ادامىنا قاراي پارىقتالاتىن“ ەمدەۋ ءتاسىلىنىڭ قولدانىلۋىمەن، كوپتەگەن ناۋقاستىڭ بالنيتسادا جاتاتىن ۋاقىتى قىسقارىپ، ەمدەۋ قاراجاتى ۇنەمدەلدى، ەكونوميكالىق اۋىرتپالىعى جەڭىلدەتىلدى. شيپاگەرلەر مەن سەسترالاردىڭ دا مۇنىمەن كوز اياسى كەڭىپ، كاسىپتىك ورەسى كورنەكتى ارتتى.
2020 - جىلى 12 - ايدا لياڭ يىڭ اۆتونوميالى رايوندىق دەنساۋلىق ساقتاۋ جانە سالاماتتىق كوميتەتى ۇيىمداستىرعان شينجياڭعا كومەكتەسۋ ەمدەۋ ماماندارى اترەتىمەن بىرگە بۇكىل شينجياڭنىڭ كوپتەگەن جەرىنە بارىپ ارالاپ ەمدەۋ، تەگىن دياگنوز قويۋ قيمىلىن ورىستەتتى.
ىلە قازاق اۆتونوميالى وبلىسىندا تەگىن دياگنوز قويۋ ورىستەتكەندە تالاي جىلدان بەرى دەمى قىسىلىپ، تىنىسى تارىلىپ، باسى اۋىرعان ءبىر ناۋقاس لياڭ يىڭنىڭ الدىنا كەلدى. بۇل ناۋقاس تالاي جىلدان بەرى دامىلسىز شيپاگەر ىزدەپ، ءدارى ىشكەنىمەن، اۋرۋ سەبەبىن تابا الماپتى. تالاي جىلدان بەرگى كلينيكالىق تاجىريبەسى جانە كاسىپتىك سەزگىرلىنەن پايدالانىپ، لياڭ يىڭ ناۋقاستىڭ ءتان اقاۋى بار ەكەندىگىن، اۋرۋىن ەمدەۋدىڭ سالىستىرمالى وڭاي ەكەندىگىن، ءار ايدا تەك ەرەكشە از عانا قاراجات جۇمساسا، ودان پسيحيكالىق ءجون سىلتەنسە بولعانى، اۋرۋ جاعدايىنىڭ جاقساراتىندىعىن انىقتادى. سونىمەن ناۋقاس جانە ونىڭ وتباسىنداعىلار لياڭ يىڭگە ايرىقشا العىس ايتتى.
اناعۇرلىم كوپ ناۋقاسقا كومەكتەسۋ ءۇشىن، لياڭ يىڭ جەرگىلىكتى ورىنداعى شيپاگەرلەر ۇجىمىن باستاپ، ءتۇيىندى، قيىن اۋرۋ مىسالدارىنا ىشكەرىلەي تالداۋ جاساپ جانە تەحنيكالىق جەتەكشىلىك ەتىپ، ءىس جۇزىندىك جاعدايعا بايلانىستىرىپ، ناۋقاستار ءۇشىن ەگجەي - تەگجەيلى ەمدەۋ جوباسىن جاسادى. تەگىن دياگنوز قويۋ اياقتاپ اتتانارىندا ءبىر ناۋقاس وعان تەرەڭ سۇيىسپەنشىلىكپەن: ”ءبىز ءسىزدى قيمايمىز“، - دەدى.
2020 - جىلى 9 - ايدان 2022 - جىلى 3 - ايعا دەيىن لياڭ يىڭ مەن كاسىپتەستەرىنىڭ بەلسەنە ىلگەرىلەتۋىندە شينجياڭ رۋحاني دەنساۋلىق ساقتاۋ ورتالىعى ەمدەۋ دەڭگەيى، عىلمي زەرتتەۋدە جاڭالىق اشۋ، دارىندى باۋلۋ سياقتى جاقتاردا قارىشتاي دامىدى.
2020 - جىلى بۇل ورتالىق اۆتونوميالى رايوننىڭ جاراتىلىستىق عىلىم قورىنان 4تى، ءۇرىمجى قالاسى دەنساۋلىق ساقتاۋ جۇيەسى عىلىم - تەحنيكا نىسانىنان 7نى ءساتتى ءوتىنىش ەتتى. بىلتىر بۇل ورتالىق ءۇرىمجى قالاسى دەنساۋلىق ساقتاۋ جانە سالاماتتىق جۇيەسى عىلىم - تەحنيكا نىسانىنان 18ىن ءوتىنىش ەتتى، مۇنىڭ بارلىعى دەرلىك تاريحي رەكورد جاراتتى.
شينجياڭعا كومەكتەسۋ قىزمەتىن اۋىزعا العاندا، لياڭ يىڭ ءوزىن ەرەكشە تالەيلى سانايدى، ”وتاننىڭ قاجەت ەتۋى، پارتيانىڭ ۇندەۋى، باسشىلاردىڭ سەنىمى جانە كاسىپتەستەردىڭ كومەگى مەنى العا ىلگەرىلەۋ سەنىمىنە، تاباندىلىعىنا يە ەتتى“.
لياڭ يىڭ بىلاي دەدى: وتكەننىڭ ءبارى بەتاشار، شينجياڭ قىزمەتى ءالى دە مەن ەڭ كوڭىل بولەتىن قىزمەت، مەن شيپاگەرلىك ىنتا - پەيىلىممەن شينجياڭنىڭ تىڭ پاراعىن ۇزدىكسىز جازامىن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
