پيڭ شىۋي:
جارقىن جۇرەگىممەن جالپىعا جان اشىر بولامىن
انار بۇلت \ شينجياڭ گازەتىنىڭ ءتىلشىسى گۋان مىڭيىڭ
2022.06.20 16:31 كەلۋ قاينارى : شينجياڭ گازەتى
”ورتا مەكتەپ داۋرەنى اياقتالۋ الدىندا تۇر، مەن وقىتۋشىلارىم مەن ساباقتاستارىما ايرىقشا العىس ايتقىم كەلەدى“... 6 - ايدىڭ 11 - كۇنى ءتىلشى جوعارى مەكتەپ ەمتيحانىن جاڭا عانا اياقتاتقان سانجى حۇيزۋ اۆتونوميالى وبلىستىق 1 - ورتا مەكتەپ تولىق ورتا 3 - جىلدىق (8) كلاسىنىڭ وقۋشىسى پيڭ شىۋيعا بەينە ەكران جالعاعاندا، ول ورتا مەكتەپ ءومىرىن العىسقا تولى سەزىممەن ەسكە الدى.
2000 - جىلداردىڭ تۇلەگى بولعان وسى بوز بالا تاياۋدا 2022 - جىلعى مەملەكەتتىك تاڭداۋلى كوممۋنيستىك جاستار وداعى مۇشەسى بولىپ باعالانعان ەدى، ”مۇنداي داڭققا يە بولۋ، مەن ءۇشىن ءبىر ءتۇرلى شابىت، مۇنان دا ماڭىزدىسى، جەبەۋ بولدى“، - دەدى پيڭ شىۋي.
2020 - جىلى 5 - ايدىڭ 17 - كۇنىنە قايتا ورالايىق، سول كەزدە تولىق ورتانىڭ 1 - جىلدىعىن وقىپ جاتقان پيڭ شىۋي 3 ساباقتاسىمەن سانجى قالاسى بيڭحۋحى ورتالىق باقشاسىنداعى جاساندى كولدىڭ بويىندا سەيىلدەۋگە كەلىسەدى. كولدەن بوگدە داۋىستىڭ شىققانىن ەستىپ، تورتەۋى داۋىس شىققان جاققا قاراي جۇگىرە جونەلەدى، قاراسا ءبىر كىشكەنتاي ەر بالا سۋدا ارپالىسىپ جاتىر ەكەن، جاعداي توتەنشە شۇعىل.
مالتاۋدى بىلەتىن پيڭ شىۋي سۋعا ”گۇمپ“ قويادى، تاعى ەكى ساباقتاسى دا سۋعا ارت - ارتىنان سەكىرىپ ءتۇسىپ، ادام قۇتقارۋعا كىرىسەدى، قالعان ءبىر ساباقتاسى جاعادا ”قۇتقارىڭدار“ دەپ ايقاي سالادى. ”سول كەزدە جاعداي وتە شۇعىل بولعاندىقتان، قورقىپ قاراپ تۇرۋعا نەمەسە باسقاشا ويلاۋعا كەلمەدى، تەك ادامدى قۇتقارايىق دەپ قانا ويلادىق“... - دەدى پيڭ شىۋي. بىرنەشە ادام قاپتاپ ءجۇرىپ، سۋعا باتىپ بارا جاتقان ۇل بالانى اقىرى ءساتتى تۇردە جاعاعا الىپ شىعادى.
پيڭ شىۋي − وتباسىنىڭ جالعىزى. ۇلىنىڭ سۋعا كەتكەن بالانى قۇتقارعان جايىن ەستىگەن اكەسى پيڭ جۇن الاڭداۋمەن بىرگە ءدان ريزا بولادى، الاڭداعانى پيڭ شىۋي سۋدا جۇزۋگە دەرلىكتەي ەمەس، ريزا بولعانى باسقالار قاتەرگە جولىققاندا، ونىڭ باتىلدىقپەن كومەك قولىن سوزعانى، بۇل بالاسىنىڭ مەيىرىمدى، جاۋاپكەرشىلىك ارقالايتىن بالا ەكەندىگىن اڭعارتادى. ”بالا باۋىر ەت دەگەن، سۋعا ءتۇسىپ كەتكەن بالا دا بىرەۋدىڭ اياۋلىسى عوي“، - دەدى پيڭ جۇن.
پيڭ شىۋي مەن ساباقتاستارىنىڭ ادام قۇتقارعان اڭگىمەسى مەكتەپكە لەزدە تارايدى، سول سەبەپتى دە ولار ساباقتاستارىنىڭ نازارىندا قاھارمانعا اينالادى.
ساباقتاستارىنىڭ نازارىندا پيڭ شىۋي ۇيرەنۋگە ىنتالى، كوللەكتيۆتى قىزۋ سۇيەتىن، وزگەلەرگە كومەكتەسكىش. بىرەر ساباقتاسى قيىن ماسەلەگە جولىقسا، ول كوپشىلىكپەن بىرگە اقىلداسىپ شەشەدى؛ كلاستا تازالىق ىستەۋ جۇمىسى ۇيىستىرىلسا، ول قاتىناسۋعا الدىمەن تىزىمدەلەدى. ”ول ءىس جۇزىندىك ارەكەتى ارقىلى ۇلگى كورسەتىپ، بىزگە ونەگە بولدى“، - دەدى كلاس باستىعى جاۋ حاۋبو.
پيڭ شىۋي تۋرالى كلاس جەتەكشىسى جاڭ جينحۋا: ”ول ءمورالدى دا ءبىلىمدى، سەنىمدى دە قاجىرلى، كوپتەگەن داڭقتارعا يە بولسادا اسقاقتاپ كورمەدى، وزگەلەردى مەيىرىمگە بولەپ جۇرەتىن، اشىق - جارقىن جاقسى بالا“، - دەيدى ماقتانىشپەن.
جوعارى مەكتەپ ەمتيحانى اياقتادى، بولاشاق الدىندا پيڭ شىۋيدىڭ ءوز ءومىر جولى تۋرالى جوسپارى ايقىن، ”جاڭا داۋىردەگى كوممۋنيستىك جاستار وداعى مۇشەسى رەتىندە، مەن ۇيرەنۋ مەن تۇرمىستا وزىمە قاتاڭ تالاپ قويىپ، ادال ادام بولىپ، جۇمىستى تاباندىلىقپەن ىستەپ، قۇلشىنا ۇيرەنىپ، وزگەلەرگە كومەكتەسىپ، جارقىن جۇرەگىممەن جالپىعا جان اشىر بولامىن“، - دەدى پيڭ شىۋي.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
