شاعىن باقشا بۇقارانىڭ باقىتتى تۇرمىسىن ارلەندىردى
انار بۇلت \ شينجياڭ گازەتىنىڭ ءتىلشىسى ۋاڭ يايۇن
2022.06.20 16:29 كەلۋ قاينارى : شينجياڭ گازەتى
”بۇگىن كەشتە ءبىر توپ گۇل - اعاش اكەلىنەدى، مەن كەشكى ساعات 12گە دەيىن قارايلاۋىم كەرەك“. وتكەن بىرنەشە كۇندە 40 سەلتسي گرادۋسقا تاياعان جوعارى تەمپەراتۋرا ءۇرىمجى قالاسىنداعى شاعىن باقشالاردىڭ قۇرىلىس اياق الىسىنا تيتتەي دە ىقپال جەتكىزگەن جوق. سايباق رايوندىق باۋ - باقشا باسقارۋ مەكەمەسىنىڭ تەحنيگى تيان چياۋيۇي كۇندىز قىزمەتكەرلەردىڭ اعاش، بۇتا - بۇرگەن جانە گۇل - ءشوپ سىندى جەر جامىلعىسىن باپتاۋىنا جەتەكشىلىك ەتسە، كەشتە تاعى بالاۋسا گۇل - اعاشتاردى جوبالاۋ چەرتوجى بويىنشا تىڭعىلىقتى ورنالاستىرادى.
بيىل جىل باسىنان بەرى ءۇرىمجى قالاسى ”جاسىلدىقتى ارتتىرىپ، باقشانى كوبەيتۋدى“ 10 ۇلكەن حالىق تۇرمىسى ناقتى ىستەرىنىڭ ءبىرى رەتىندە قاتارعا ەنگىزىپ، اشىق بوس جەرلەردەن، جوبالاپ قۇرىلىس جۇرگىزۋگە بولمايتىن ءۇش بۇرىشتى جەرلەر مەن سىناشا جەرلەردەن تولىق پايدالانىپ، جالپىلىق جاڭالاۋ جۇرگىزىپ، ماڭىنداعى بۇقاراعا تاماشالاۋعا، سەيىلدەۋگە بولاتىن، ەرەكشەلىككە باي، مادەنيەتتى ايگىلەيتىن شاعىن باقشا ازىرلەدى.
ميڭيۋان جولىنىڭ ەكى جاعىنا ورنالاسقان، يەلەگەن جەر اۋدانى 1560 شارشى مەتر كەلەتىن يوۋحاۋ گۇل الابى ءۇرىمجى قالاسىنىڭ ينتەرنەتتە تانىمالى جاڭا ات بايلار جەرىنە اينالدى. جيشاۋجۇي، لانشۋەحۋا سياقتى 100دەن استام گۇل - ءشوپ ءار قيلى سايكەستىرىلىپ، گۇل تەڭىزى كورىنىسىن قالىپتاستىردى ءارى قالا تۇرعىندارىنىڭ ”گۇل الەمىن“ سۇراستىرىپ بىلەتىن عىلىم جالپىلاستىرۋ بازاسىنا اينالدى.
”گۇلدىڭ ءتۇرى مول دا الۋان ءتۇرلى، ساناپ تاۋىسقىسىز، ءپىشىنى دە وتە كوركەم، سونداي - اق قىش قۇمىرا، شاعىن ايكەل سياقتىلار ولاردىڭ اراسىندا ايشىقتالىپ تۇر، ءار كۇنى كوپتەگەن ادام بۇل ارانى ەكسكۋرسيالاپ، سۋرەتكە تۇسەدى“. 81 جاستاعى گو اتاي يوۋحاۋ گۇل الابىنا تاياۋ ماڭداعى جولاۋشىلار اۆتوموبيل زاۆودى شاعىن اۋماعىندا تۇرادى، ول: ءار كۇنى تاڭەرتەڭ، تۇستەن كەيىن ۇيدەن شىعىپ سەيىلدەيمىن، كوركەم گۇل تەڭىزىن كورگەنىمدە كوڭىل كۇيىم ەرەكشە كوتەرىلىپ قالادى، - دەدى.
ءۇرىمجى قالاسى حۋاگۋاڭ كوشەسى مەن چيداۋ - ۋان جولى تۇيىلىسكەن اۋىزدىڭ شىعىس سولتۇستىك بۇرىشىنا ورنالاسقان 306 شارشى مەترلىك ءۇش بۇرىشتى اۋماقتا فۋلۋكاۋ، شۇيلا، حۇڭيەلي سياقتى وسىمدىكتەر ارالاس ءوسىپ، ەرەكشە كوز تارتادى.
”بۇل ارا بۇرىن بەتكەي، توزىعى جەتكەن جەر بولاتىن. قازىر نەدەگەن ادەمى بولىپ جوندەلگەن، قاراساڭ قۋاناسىڭ“، - دەپ القاۋ ايتتى ۋيحۋلياڭ ەلەكتر ستانسياسى شاعىن اۋماعىندا تۇراتىن لۋان يۋانليڭ.
ءتىلشى ءماجىلىس - كورمە داڭعىلى مەن فىڭچي كوشەسى تۇيىلىسكەن اۋىزدىڭ باتىس وڭتۇستىك بۇرىشىندا ەگۋ، توپىراقپەن جابۋ، قايتا تەگىستەۋ قىزمەتىنىڭ الدەقاشان ورىندالعاندىعىن كوردى، جۇمىسشىلار بۇركىپ سۋارۋ سۋ جۇيەسىنىڭ قۇرىلىسىن جۇرگىزىپ جاتىپتى.
”بۇرىندارى وسى ارا دەڭگەي ايىرماسى 2 مەتر كەلەتىن قۇلاما شۇڭقىر بولاتىن، قۇلاما تەگىستەلگەننەن كەيىن، دوعا ۇزىندىعى 670 مەتر، كەڭدىگى 10 مەتر كەلەتىن بەتكەي قالىپتاستى“. جۇڭگو قۇرىلىس 3 - مەكەمەسى توبى شەكتى سەرىكتەستىگى شۇيموگوۋ رايونى شاعىن باقشا نىسانىنىڭ جاۋاپتىسى شيۇڭ لۋ تىلشىگە الداعى جەردە قۇرىلىس جۇرگىزۋ تاسىلىندە جاڭالىق اشىپ، 640 شارشى مەترلىك بەتكەيگە اعاش، بۇتا - بۇرگەننىڭ 6 سورتىن، گۇل اعاشتارىنىڭ 19 سورتىن ەگەتىندىگىن ءارى ەرەكشە كورىنىستىك تاس ورنالاستىراتىندىعىن ايتتى.
ەسىكتەن شىقساڭ، كورىنىستى كورەسىڭ، اياعىڭدى اتتاپ باسساڭ، باقشاعا كىرەسىڭ. كىشكەنە دە كورىكتى شاعىن باقشا قالانىڭ تۇكپىر - تۇكپىرىن وڭايلىقپەن قول جەتكىزەتىن ”قيالداعى تۇرمىسقا“ اينالدىردى.
”ءبىزدىڭ بۇل اراعا تەز ارادا كىشكەنە باقشا سالىناتىندىعىن ەستىدىم، شىنىمەن وتە جاقسى بولعان ەكەن“! شۇيموگوۋ باقشاسى 2 - ءنومىرلى ەسگىنىڭ كىرۋ - شىعۋ اۋزىنداعى قورىتپا زاۆود سەميالىقتار اۋلاسىندا تۇراتىن فۋ جيانپيڭ قازۋ ماشيناسىنىڭ قاقپا الدىنداعى جولدىڭ ەكى جاعالاۋىنداعى ”قوقىر - قوقسىق ءۇيىندىسىن“ تەگىستەپ جاتقاندىعىن كورىپ، الدا تەرەزەنى اشىپ، جاسىلدىقتى كورىپ تۇرۋعا ءۇمىت ارتتى.
تانىستىرۋعا قاراعاندا، قازىرگە دەيىن ءۇرىمجى قالاسىنىڭ جاسىلدىق مولشەرى ％77. 36، جاسىلدانۋ قامتىم مولشەرى ％92. 39 بولىپ، باقشانىڭ جاسىلدىق قىزمەت وتەۋ راديۋسىنىڭ قامتىم مولشەرى ％87.57كە جەتكەن.
”اۋدانىنىڭ ۇلكەن - كىشىلىگى ءار ءتۇرلى، يقۋاتى تۇرلىشە شاعىن باقشا قۇرىلىسى ارقىلى قالانىڭ ەكولوگيالىق ورتاسىن ساپالىلاندىرىپ، قالا تۇرعىندارىنا قالا ورماننىڭ اراسىندا بولۋ، جول جاعالاۋى جاسىل جامىلعىمەن كومكەرىلۋ، ادامدار كوركەم كورىنىس ورتاسىندا ءجۇرۋ سىندى تاماشا سەزىنۋدى ازىرلەدى“. ءۇرىمجى قالالىق ورمان شارۋاشىلىعى جانە جايلىم مەكەمەسى (قالالىق باۋ - باقشا باسقارۋ مەكەمەسى) باۋ - باقشا باسقارۋ ءبولىمىنىڭ باستىعى لي زىجاڭ بىلاي دەپ تانىستىردى: بيىل ءۇرىمجى قالاسى كوشە بويىنداعى بولەك - سالاق بوس جەر، اشىق بوس جەر سياقتىلاردان تولىق پايدالانىپ، 26 ورىننان شاعىن باقشانى، شاعىن سەيىل باقشاسىن جاڭادان سالادى، مۇنىڭ قۇرىلىس اۋدانى 24. 421 مۋ، بيىك اعاشتان 50 مىڭ ءتۇپ، بۇتا - بۇرگەننەن 4 ميلليون 60 مىڭ ءتۇپ، گۇل - شوپتەن 4 ميلليون 560 مىڭ ءتۇپ ەگۋ جوسپارلاندى.
ءتىلشىنىڭ ۇعىسۋىنا قاراعاندا، ءۇرىمجى قالاسى سوڭعى جارتى جىلدا شاعىن باقشا قۇرۋعا بولاتىن جەر بولىكتەرىنىڭ جاي - جاپسارىن ۇعىسىپ، تەكسەرۋ قىزمەتىن ورىستەتىپ، كەلەر ءبىر جىلداعى شاعىن باقشا قۇرىلىسىنا الدىڭعى مەرزىمدىك نىساندار دايىندىعىن جۇرگىزەدى ەكەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
