ول تىكە تاراتۋ ارقىلى جەمىس ورمانى كاسىپ سالاسى تىزبەگىن وركەندەتتى
□ انار بۇلت ＼ شينجياڭ گازەتىنىڭ ءتىلشىسى ءپاريزات ابدۇل
2022.06.20 16:31 كەلۋ قاينارى : شينجياڭ گازەتى
ەرەكشە اۋىل شارۋاشىلىق ونىمدەرىن تىكە تاراتىپ، اۋىل - قىستاقتىڭ كوركەم كورىنىستەرىن كەسكىنگە ءتۇسىرىپ، اۋىلىنىڭ جەر - سۋى مەن ەل سالتىن ءبولىستى... ”مۋدانگۇل“ اتىنداعى دوۋيىندا تىكە تاراتۋ ءنومىرى اۋىلىنىڭ اۋىل شارۋاشىلىق ونىمدەرىن تىكە تاراتۋ ارقىلى جارتى جىلدا نەشە ون مىڭ جانكۇيەردى وزىنە باۋرادى، ”مۋدانگۇلدىڭ“ جۇرگىزۋشىسى عابباس ابلەز تانىستىرعان جاڭعاق، شىلان، بالسوقتا شينجياڭنىڭ ءىشى - سىرتىنا ساتىلدى.
23 جاستاعى عابباستىڭ ”ينتەرنەت جۇلدىزىنا“ اينالۋى كەزدەيسوق ەمەس ەدى.
2017 - جىلى عابباس جينان داشۋەسىنە قابىلدانىپ، ەلەكتروندى ساۋدا كاسىبىن وقيدى. داشۋە وقۋدان بۇرىن عابباس حوتان قالاسى ۇيىستىرعان ەلەكتروندى ساۋداعا باۋلۋ كۋرسىنان وقيدى، كۋرستان كەيىن ول تاۋباۋدان ارنايى حوتاننىڭ ەرەكشە ونىمدەرىن ساتاتىن دۇكەن اشادى. وسىلايشا، عابباس تاۋباۋداعى ”شينيۇيتاۋ جەمىس شارۋاشىلىعى“ اتتى دۇكەنىن الا ءجۇرىپ داشۋە اۋلاسىنا ەنەدى.
”شينيۇيتاۋ جەمىس شارۋاشىلىعىندا“ جاڭعاق، شىلان، بالسوقتا سياقتى 10 نەشە ءتۇرلى جەرگىلىكتى ەرەكشە اۋىل شارۋاشىلىق ءونىمى ساتىلادى، ”اكەمنىڭ ەرەكشە اۋىل شارۋاشىلىق ونىمدەرى سەرىكتەستىگى بار بولاتىن، ول زاتپەن قامداۋعا، زات جىبەرۋگە جاۋاپتى بولدى، دۇكەن اشىلىپ 15 كۇن ىشىندە ساتىلىمدىق تاپسىرىس 200 داناعا جەتتى، ەڭ كوپ بولعان ءبىر جولى ’قوس 11دە‘ بولىپ، ساتىلىم سوماسى 20 مىڭ يۋانعا جەتتى. داشۋەدەگى كەزىمدە مەنىڭ تۇرمىس قاراجاتىم تۇگەلدەي تاۋباۋداعى دۇكەنىمنەن كەلەتىن“، - دەدى 5 - ايدىڭ 3 - كۇنى عابباس ماقتانىشپەن. سول كەزدەن باستاپ عابباس ينتەرنەتتە ساتۋعا قىزىعىپ قالدى.
داشۋەنى بىتىرگەننەن كەيىن، عابباس اكەسىنىڭ سەرىكتەستىگىنە، ياعني شينجياڭ شينيۇيتاۋ اۋىل شارۋاشىلىق ەرەكشە ونىمدەرى شەكتى جاۋاپكەرشىلىك سەرىكتەستىگىنە قايتىپ كەلدى. ”ىندەت كەزىندە قويمادا باسىلىپ قالعان اۋىل شارۋاشىلىق ونىمدەرىن كورىپ، مەن جەلىدە تىكە تاراتۋ ارقىلى اۋىل شارۋاشىلىق ونىمدەرىن ساتۋ ويىنا كەلدىم“. عابباس ءوزىنىڭ قىسقا بەينەكەسكىندەرىن ءتۇسىرىپ، جۇرگىزۋشى بولۋىنداعى ەڭ العاشقى ماقساتىن وسىلاي اڭگىمەلەدى. 1 - رەت تىكە تاراتۋدا عابباس 20 مىڭ يۋاننىڭ ءونىمىن ساتىپتى.
”حوتاننىڭ بالسوقتاسى ءتاتتى بولعانمەن جۇرەككە تيمەيدى، جاڭعاق، بۇيرەكشە جەمىس، شىلان سياقتى 7 - 8 ءتۇرلى قۇرعاق جەمىس ارالاستىرىپ جاسالادى، بۇل قۇرعاق جەمىستەر بۇكىلدەي جاراتىلىستىق ورتادا تابيعي ءوسىپ شىققان، قورەكتىگى مول...“. ساعات 17دەن 30 مينۋت وتكەندە عابباس ءدال ۋاقىتىندا تىكە تاراتۋ بولمەسىندە دايىن بولدى، تىكە تاراتۋدا ونىڭ اپەكەسى اليا ابلەز دە بار ەكەن. اپپارات الدىندا عابباس پەن اپەكەسى شەشىلە سويلەپ، تىكە تاراتۋ بولمەسىنىڭ ”ۇنەمىلىك قوناعى“ بولعان جاڭعاق، شىلان، بالسوقتا سىندى 3 ءتۇرلى ءونىمنىڭ كەلۋ قاينارىنان تارتىپ ءدامىن تاتىپ كورسەتۋگە دەيىن ەگجەي - تەگجەيلى تانىستىردى. ”كۇنىنە 4 ساعاتتان استام ۋاقىت تىكە تاراتۋدا بولامىز، ءار ايلىق ساتۋ سومامىز 100 مىڭ يۋان اينالاسىندا بولادى“، - دەيدى عابباس.
بيىل 2 - ايدا عابباس شينجياڭ يۇيشياڭيۋان ەلەكتروندى ساۋدا شەكتى سەرىكتەستىگىن قۇرىپ، ”مۋدانگۇل“، ”شينيۇيزاۋ“ ماركاسىن تىركەۋگە الدىردى، قازىر ۇجىمىندا 7 ادام بار ەكەن. ”تىكە تاراتۋدا زات تانىستىرعان جارتى جىلدان بەرى بۇكىل ينتەرنەتتەگى جانكۇيەرلەرى 60 مىڭ ادامعا تايادى“، - دەيدى عابباس.
بۇگىنگى كۇندە عابباس 2 شىلان ەگىمشىلىك بازاسىن، 2 جاڭعاق ەگىمشىلىك بازاسىن، سونداي - اق زاۋشياڭيۋان اۋىل شارۋاشىلىق ونىمدەرى سەلبەستىك كووپەراتيۆىنە سۇيەنىپ، جەمىس ورمانىن ءوسىرۋ، ءوندىرۋ - مانەرلەۋ، ساتۋ، جەتكىزۋ سياقتى بۋىندار ءوزارا بىرلەسكەن كاسىپ سالاسى جالپىلىق ەكونوميكالىق تۇلعاسىن قالىپتاستىرىپ، 125 ادامدى جۇمىستاندىرىپ وتىر.
عابباس بىزگە: ”ءبىز تىكە تاراتۋ بولمەسىن ەگىس اراسىنا، اتىز باسىنا كوشىرىپ اپارىپ، ءونىم شىققان جەردە تۇرىپ تىكە تاراتۋ ارقىلى اۋىلىمىزدىڭ ءتىپتى دە كوپ اۋىل شارۋاشىلىق ونىمدەرىن سان مىڭداعان وتباسىلاردىڭ داستارقانىنىڭ تالعامى ەتىپ، كوپشىلىككە اناعۇرلىم مول كىرىس اكەلمەكشىمىز“، - دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
