اۆتونوميالى رايوندىق 13 - كەزەكتى حالىق ۇكىمەتى 165 - رەتكى ۇنەمىلىك ىستەر ءماجىلىسىن اشتى
2022.06.20 16:25 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لي ياڭ 6 - ايدىڭ 18 - كۇنى ۇرىمجىدەن حابارلايدى. 6 - ايدىڭ 17 - كۇنى تۇستەن بۇرىن اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق 13 - كەزەكتى حالىق ۇكىمەتىنىڭ 165 - رەتكى ۇنەمىلىك ىستەر ءماجىلىسىن باسقارىپ اشىپ، اۆتونوميالى رايوننىڭ قار - مۇز سپورتىنىڭ جانە قار - مۇز ساياحاتىنىڭ جوعارى ساپالى دامۋىن ىلگەرىلەتۋ، جاستاردى دامىتۋدىڭ اناعۇرلىم كەمەلدى قىزمەت جۇيەسىن ورناتۋ سياقتى قىزمەتتەردى اقىلداستى.
ءماجىلىس مىنالاردى اتاپ كورسەتتى: رايونىمىزدىڭ قار - مۇز بايلىعى مول، قار - مۇز ەكونوميكاسىن دامىتۋ باسىمدىعى كورنەكتى. الايدا قار - مۇز كاسىپ سالاسىنىڭ دامۋىندا ءالى دە قاتىناستىڭ قولايلىلىعى، تۇتاسىمدىلىعى جەتەرسىز، نەگىزدىك قۇرىلعىلار مەن سايكەستى قىزمەت وتەۋ سالىستىرمالى كەنجە، قار - مۇز كاسىپ سالاسىنا قارجى قوسۋ مەن تيجارات كولەمى شاعىن، ماماندىق دارىندىلار تاپشى سياقتى ماسەلەلەر ورىن تەۋىپ وتىر. تانىمدى ونان ارى جوعارىلاتىپ، ”كەيىنگى قىسقى وليمپيادا ءداۋىرى“ ورايىن مىقتاپ يگەرىپ، ساياحات ارقىلى شينجياڭدى گۇلدەندىرۋ ستراتەگياسىن زور كۇشپەن اتقارىپ، قار - مۇز سپورتىن جانە قار - مۇز ساياحاتىن دامىتۋعا ايرىقشا ءمان بەرىپ، ساياحات كاسىپ كۇيلەرىن ۇزدىكسىز بايىتىپ، قار - مۇزعا قامتىلعان ەكونوميكا، ەكولوگيا، مادەنيەت قۇندىلىقتارىن تەرەڭدەي اشىپ، قار - مۇز ەكونوميكاسىن دامىتۋدى جوعارى ولشەممەن، جوعارى ساپامەن جوبالاپ، عىلمي، ۇيلەسىمدى ورنالاستىرىپ، قار - مۇز قۇرىلعى قۇرىلىسىن جانە ونىممەن قامداۋدى كۇشەيتىپ، قار - مۇز ساياحاتى، قار - مۇز سپورتى، قار - مۇز جابدىقتارى سياقتى كوپ ءتۇرلى كاسىپ كۇيلەرىن كەڭەيتىپ، قار - مۇز باۋرامدىلىعىن، باسەكەلىك قۋاتىن، ىقپال كۇشىن ۇزدىكسىز كۇشەيتىپ، رايونىمىزدىڭ قار - مۇز سپورتىنىڭ جانە قار - مۇز ساياحاتىنىڭ جوعارى ساپالى دامۋىن شىنايى ىلگەرىلەتۋ كەرەك.
ءماجىلىس مىنالاردى اتاپ كورسەتتى: جاستار − شينجياڭنىڭ ەكونوميكالىق، قوعامدىق دامۋىنداعى جالىندى قوسىن جانە تىرەكتى كۇش، ءار ۇلت جاستارىنىڭ اناعۇرلىم جاقسى ەسەيۋىن، اناعۇرلىم تەز دامۋىن جەبەۋ جاڭا داۋىردەگى جۇڭگوشا سوتسياليستىك شينجياڭ قۇرۋداعى نەگىزدىك، ستراتەگيالىق ينجەنەريا. شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ بيىگىندە تۇرىپ، جاستاردى دامىتۋدى قىزمەتتىڭ جالپى جاعدايىنا قويىپ جوسپارلاپ، ىلگەرىلەتىپ، جاستاردى دامىتۋدىڭ اناعۇرلىم كەمەلدى قىزمەت جۇيەسىن ورناتىپ، بارلىق جاستار دارىندى بولىپ ەسەيەتىن، بارلىق ادام دامۋعا ەسە قوساتىن جاندى جاعدايدى قۇلشىنا قالىپتاستىرۋ كەرەك. جاستاردىڭ يدەيا - ءمورال قۇرىلىسىن كۇشەيتىپ، جۇڭحۋا ۇلتى ورتاق تۇلعا تانىمىن بەكەمدەپ، جاستاردى پارتيانىڭ سوزىنە قۇلاق اسۋعا، پارتياعا العىس ايتۋعا، پارتياعا ىلەسۋگە تاربيەلەۋ، جەتەكتەۋ كەرەك. ونەگە ورناتىپ ادام تاربيەلەۋگە تاباندى بولىپ، مەكتەپتەردىڭ ادام تاربيەلەۋ ساپاسىن جوعارىلاتىپ، جاس دارىندىلار قوسىنىن جەتىلدىرىپ، جاستاردىڭ ءبىلىم الۋ ۇقىعىن اناعۇرلىم ويداعىداي قامتاماسىز ەتۋ كەرەك. جاستاردىڭ دەنە ساپاسى، سالاماتتىق ورەسىن ۇزدىكسىز جوعارىلاتىپ، جاستارعا پسيحولوگيالىق سالاماتتىق تاربيەنى جانە قىزمەت وتەۋدى كۇشەيتىپ، جاستاردى سالاماتتى جۇڭگو قۇرىلىسىنا بەلسەندىلىكپەن ات سالىسۋعا باستاۋ كەرەك. جاستاردىڭ جۇمىستانۋىن، شارۋاشىلىق قۇرۋىن جەبەۋ ساياسات جۇيەسىن كەمەلدەندىرىپ، جاستارعا جۇمىستانۋدان قىزمەت وتەۋدى كۇشەيتىپ، جاستاردىڭ ورنىقتى جۇمىستانۋىن جەبەۋ كەرەك. جاستار مەن ورەندەردىڭ دامۋىنا قاتىستى زاڭداردى، ەرەجەلەردى دايەكتىلەندىرىپ، اتقارىپ جانە ىلگەرىلەتىپ، كەمەلدەندىرىپ، زاڭمەن باسقارۋ ۇگىت تاربيەسىن كۇشەيتىپ، جاستار مەن ورەندەردىڭ ەسەيۋ ورتاسىن جاقسارتىپ، جاستار مەن ورەندەردىڭ زاڭدى ۇقىق - مۇددەسىن شىنايى قورعاۋ كەرەك.
ءماجىلىس باسقا دا ىستەردى اقىلداستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
