6 - ايدىڭ 21 - كۇنىنەن 24 - كۇنىنە دەيىن شينجياڭدا تاعى دا تەمپەراتۋرا جوعارىلايدى، ءىشىنارا جەرلەردە 45 سەلتسي گرادۋستان اسادى
2022.06.21 16:45 كەلۋ قاينارى : حالىق تورابى
انار بۇلتى - شينجياڭ گازەتىنىڭ حابارى. ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسى اپتادا شينجياڭ جوعارى تەمپەراتۋرالى اۋا رايى بارىسى مەن ەكى رەتكى جاۋىن ـ شاشىن بارىسىن قارسى الادى، ءۇرىمجى قالاسىن قامتىعان وڭتۇستىك، سولتۇستىك شينجياڭنىڭ باسىم كوپ ساندى رايوندارىندا 35 سەلتسي گرادۋستان جوعارى تەمپەراتۋرالى اۋا رايى بارىسى بولادى ەكەن، ءىشىنارا وڭىرلەردە ەڭ جوعارى تەمپەراتۋرا 45 سەلتسي گرادۋستان اسادى.
جوعارى تەمپەراتۋرالى اۋا رايى مەجەمەن 6 - ايدىڭ 21 - كۇنىنەن 24 - كۇنىنە دەيىن جالعاسادى، وڭتۇستىك، سولتۇستىك شينجياڭنىڭ باسىم كوپ ساندى رايوندارىندا 35 سەلتسي گرادۋستان جوعارى تەمپەراتۋرالى اۋا رايى بارىسى بولادى، مۇنىڭ ىشىندە تيانشان تاۋىنىڭ سولتۇستىك بەتكەيى، وڭتۇستىك شينجياڭ ويپاتى، شىعىس شينجياڭ سياقتى جەرلەردىڭ ءىشىنارا وڭىرلەرىنىڭ ەڭ جوعارى تەمپەراتۋراسى 37 سەلتسي گرادۋستان اسادى، ءىشىنارا جەرلەردىڭ تەمپەراتۋراسى 40 سەلتسي گرادۋسقا جەتەدى، تۇرپان قالاسىنىڭ، قۇمىل قالاسىنىڭ ءىشىنارا وڭىرلەرىنىڭ تەمپەراتۋراسى 45 سەلتسي گرادۋستان اسادى.
1 - رەتكى جاۋىن - شاشىن مولشەرى مەجەمەن 6 - ايدىڭ 21 - كۇنى (سەيسەنبى) كۇندىزدەن 22 - كۇنى كۇندىزگە دەيىن جالعاسادى، تيانشان تاۋلى رايونى، وڭتۇستىك شينجياڭنىڭ باتىس بولەگى، كۇنلۇن تاۋىنىڭ سولتۇستىك بەتكەيى قاتارلى جەرلەردە سەبەزگىلەگەن جاڭبىر جاۋادى، ءىشىنارا وڭىرلەردە ورتاشادان باستاپ كوپ مولشەردە جاڭبىر جاۋادى؛ وڭتۇستىك شينجياڭ ويپاتىنىڭ شىعىس بولەگىندە 4 ~ 5 بال قيىس شىعىس جەلى بولادى.
2 - رەتكى جاۋىن - شاشىن بارىسى مەجەمەن 6 - ايدىڭ 24 - كۇنى (جۇما) كۇندىزدەن 6 - ايدىڭ 26 - كۇنى ( جەكسەنبى ) كۇندىزگە دەيىن جالعاسادى، سولتۇستىك شينجياڭنىڭ باتىس بولەگى، تيانشان تاۋلى رايونى، وڭتۇستىك شينجياڭنىڭ باتىس بولەگىندەگى تاۋلى رايون، كۇنلۇن تاۋىنىڭ سولتۇستىك بەتكەيى قاتارلى جەرلەردە جاڭبىر جاۋادى، ءىشىنارا وڭىرلەردە ورتاشادان باستاپ كوپ مولشەردە جاڭبىر جاۋادى، ءىشىنارا جەرلەردە نوسەر جاۋادى.
اۋا رايى تاراۋلارى قالىڭ قاۋىمعا مىنانى ەسكەرتتى: وسى اپتادا بۇكىل شينجياڭنىڭ باسىم كوپ ساندى رايوندارىندا تەمپەراتۋرا ءبىرشاما جوعارى، ءورت اپاتى اۋا رايى دارەجەسى ءبىرشاما جوعارى، ىستىقتان ساقتانىپ، تەمپەراتۋرانى تومەندەتۋگە جانە وتتان پايدالانۋ حاۋىپسىزدىگىنە كوڭىل ءبولۋ كەرەك؛ وسى اپتانىڭ سوڭعى مەزگىلىندە تيانشان تاۋلى رايوندارىندا، وڭتۇستىك شينجياڭنىڭ باتىس بولەگىندەگى تاۋلى رايونداردا قىسقا ۋاقىت كۇشتى جاۋىن - شاشىن، ناجاعايلى بوران، بۇرشاق سياقتى كۇشتى كونۆەكسيالىق اۋا رايى مۇمكىندىگى ءبىرشاما زور، ءىشىنارا جەرلەردە جاۋىن - شاشىن مولشەرى مول بولادى، ءىشىنارا جەرلەردە ارالاس تاسقىن جانە لاي تاسقىنى، تاۋ كوشكىنى سياقتى گەولوگيالىق اپاتتاردان ساقتانۋدى كۇشەيتۋ كەرەك.
ءۇرىمجى قالاسىندا وسى اپتاداعى باسىم كوپ ۋاقىتتا كۇن اشىق بولىپ سوڭىنان بۇلتتايدى، اۋا تەمپەراتۋراسى ءبىرشاما جوعارى بولادى، 6 – ايدىڭ 23 - كۇنىنىڭ ( بەيسەنبى ) الدى - ارتىندا، ءىشىنارا وڭىرلەردە 35 سەلتسي گرادۋستان اسقان جوعارى تەمپەراتۋرالى اۋا رايى جارىققا شىعادى. 6 ـ ايدىڭ 26 ـ كۇنى (جەكسەنبى) كۇن بۇلتتى بولىپ سوڭىنان وتكىنشى جاڭبىر جاۋادى، دابانچىڭ رايونىندا كۇن بۇلتتى، ءارى 5 بال قيىس باتىس جەلى سوعىپ ، ءارقايسى رايونداردىڭ تەمپەراتۋراسى ءسال تومەندەيدى. وسى اپتادا ءۇرىمجى قالاسىنىڭ وڭتۇستىك قالا ماڭى مەن تاۋلى ءوڭىردىڭ ءىشىنارا جەرلەرىندە تۇستەن كەيىننەن كەشكە دەيىن ناجاعاي، وتكىنشى كۇشتى جاۋىن - شاشىن جانە مەزەتتىك جەل سوعادى. نەگىزگى قالا رايونىنىڭ كۇندىك ەڭ تومەن تەمپەراتۋراسى 21 ~ 25 سەلتسي گرادۋس، كۇندىك ەڭ جوعارى تەمپەراتۋراسى 30 ~ 38 سەلتسي گرادۋس بولادى.
شينجياڭ اۋا رايى ستانسياسى قالىڭ شارۋالارعا مىنانى ەسكەرتتى: مەجەمەن 6 - ايدىڭ 21 - كۇنى سولتۇستىك شينجياڭدا تيانشان تاۋىن بويلاعان ءبىر ءبولىم ءبيداي ەگەتىن رايوندار، قۇمىل قالاسىنىڭ وڭتۇستىگىندەگى ءبيداي ەگەتىن رايوندار قۇرعاق ىستىق جەل اپاتىنىڭ قاتەرلى رايونى بولادى؛ 6 - ايدىڭ 22 - كۇنىنەن 24 - كۇنىنە دەيىن ىلە قازاق اۆتونوميالى وبلىسىنان باسقا سولتۇستىك شينجياڭداعى باسىم كوپ ساندى ءبيداي ەگىس رايوندارى مەن قۇمىل قالاسىنىڭ وڭتۇستىگى قۇرعاق ىستىق جەل اپاتىنىڭ قاتەرلى رايونى بولادى. تىڭايتقىش پەن سۋدى جوسپارلاۋدى مىقتى يگەرىپ، ءبيداي اتىزىنىڭ توپىراعىنىڭ دىمقىلدىعىنا قاراي، دەر كەزىندە سۋارۋ، سونداي - اق سۋمەن بىرگە مۋىنا 3 ~ 4 كيلوگرام ۋرەا بەرۋ كەرەك. «ءبىردى بۇركۋ، ۇشتەن ساقتانۋ» قىزمەتىن ءتۇيىندى تۇردە مىقتى يگەرىپ، جاپىراق بەتىنە بۇركىپ شاشۋ قىزمەتىن ورىستەتىپ، ەرتە سولۋدان، دەرت ـ دەربەزدەن، قۇرتتان، قۇرعاق ىستىق جەلدەن ساقتانۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
