دەنساۋلىق كودىن جۇيەلى باسقارىپ، نەگىزگى ساتىداعىلاردىڭ قىزبالىققا سالىنىپ، ۇقىقتان الباتى پايدالانۋىن تەجەۋ كەرەك
جياڭ دى - بين
2022.06.21 16:38 كەلۋ قاينارى : حالىق تورابى
6 - ايدىڭ 19 - كۇنى «دەنساۋلىق گازەتىنىڭ» حابارلاۋىنشا، مەملەكەتتىك حالىق قۇرىلتايى ۋاكىلى، گۋاڭجوۋ مەديتسينا داشۋەسىنىڭ قاراماعىنداعى قالالىق 8 - ەمحانانىڭ جۇقپالى اۋرۋلار ورتالىعىنىڭ باس مامانى ساي ۋەيپيڭ جۋىردا مىنانى بىلدىرگەن: قازىر، جەر - جەردە دەنساۋلىق كودى ءبىرىڭعاي ەمەس، ءبىر جەردەگى دەنساۋلىق كودى باسقا ءبىر جەردە ىسكە جاراماي قالادى، ينفورماتسياسى دا ءوزارا بايلانىستىرىلماعان، ءىشىنارا جەرلەردە دەنساۋلىق كودىن الباتى پايدالانۋ سىندى جاعدايلار تۋىلعان. ۇزاق ۋاقىتتان الىپ قاراعاندا، دەنساۋلىق كودىن مەملەكەت ءبىرتۇتاس باسقارۋى كەرەك، قىسقا مەرزىمنەن الىپ قاراعاندا، ەڭ باستىسى، دەنساۋلىق كودىنىڭ باسقارۋ جاعىنداعى رولىن السىرەتۋ كەرەك.
جۋىردان بەرى، ءاسىلى ىندەتتەن ساقتانۋ - تىزگىندەۋگە قولدانىلاتىن دەنساۋلىق كودىن كەيبىر جەرلەر ءالسىن - ءالسىن الباتى پايدالانىپ، بەلگىلەمەگە قايشىلىق جاساعانداردىڭ دەنساۋلىق كودىن قىزىلعا وزگەرتۋ، پايدالانۋ اۋماعىن كەڭەيتۋ، قوسىمشا جازا بەرۋ، بىرنەشە كودتى قاتار ىستەتۋ قاتارلى جاعدايلار بايقالعان. بۇل جەرلەردە دەنساۋلىق كودى، بەلگىلى دەڭگەيدەن ايتقاندا، ادامداردىڭ ەركىندىگىنە كيلىگەتىن، ءجۇرىس - تۇرىسنا كەدەرگىلىك جاسايتىن، اۋرەشىلىك تۋدىراتىن قۇرالعا اينالىپ، بۇقارا بۇعان كۇمانمەن قاراي باستاعان نەمەسە نارازىلىق بىلدىرگەن. «مەملەكەت بويىنشا ىندەتتەن ساقتانۋدا بىركەلكى شارا اتقارىلىپ» وتىرعان جاعدايدا، دەنساۋلىق كودىن جەر - جەر ءوزى باسقارسا، جىكتەلگەن، بولشەكتەلگەن كۇيدىڭ تۋىلۋى ىقتيمال، سونىمەن بىرگە، جەر - جەردىڭ ءوزى شارا بەلگىلەيتىن ءورىسى كەڭ بولۋ، باسقارۋدا بەيباستاقتىق ىستەۋ، بەتالدى شارا قولدانۋ سياقتى جاعدايلار دا تۋىلۋى ىقتيمال، بۇل ىندەتتەن عىلىمي تۇردە دالمە -ء دال ساقتانۋ تالابىنا ۇيلەسپەيدى، سونىمەن بىرگە، ءبىرقىدىرۋ بىلىققان جاعدايلاردى تۋىنداتۋى مۇمكىن.
ىندەتتەن ساقتانۋ جاعىنداعى ساياساتتاردى ءبىرتۇتاس جوسپارلاپ، دەنساۋلىق كودىن الباتى پايدالانۋدىڭ الدىن الۋ ءۇشىن، دەنساۋلىق كودىن مەملەكەتتىڭ ءبىرتۇتاس باسقارۋىنا الۋ — سىناپ كورۋگە تاتيتىن ءادىس، جەر - جەر ساراپتاپ تەكسەرۋگە، جۇعىمدالۋشىلاردىڭ تىزىمدىگى، تىكەلەي جاناسۋشىلاردىڭ تىزىمدىگى قاتارلىلاردى ازىرلەۋگە جاۋاپتى بولسا، دەنساۋلىق كودىنىڭ جاعدايى مەن قاتىستى ينفورماتسيالار قاتارلىلاردى مەملەكەتتىك دەنساۋلىق ساقتاۋ - سالاماتتىق كوميتەتى قاتارلى تاراۋلار ءبىرتۇتاس باسقارسا بولادى. سونىمەن بىرگە، دەنساۋلىق كودىن پايدالاناتىن كولەمدى اناعۇرلىم ايقىن بەلگىلەۋ، ونىڭ تەك تەكسەرۋ، ىندەتتەن ساقتانۋ قاتارلى جاقتاردا عانا قولدانىلاتىنىن ايقىن تۇراقتاندىرىپ، دەنساۋلىق كودىن پايدالانۋدا شەكتەن اسۋعا، الباتى پايدالانۋعا تيىم سالۋ، بۇلاي ىستەمەگەن جاعدايدا، زاڭ - تۇزىمگە ساي قاتىستى ادامداردىڭ جاۋاپكەرشىلىگىن قۋزاستىرۋ ءارى جازالاۋ قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
