ساياسي كەڭەس مەملەكەتتىك 13 - كەزەكتى كوميتەتى تۇراقتى كوميتەتىنىڭ 22 - ءماجىلىسى اشىلدى
ۋاڭ ياڭ قاتىناستى
2022.06.21 17:44 كەلۋ قاينارى : حالىق تورابى
«حالىق گازەتى»، 6 – ايدىڭ 20 – كۇنى، بەيجيڭ (ءتىلشى فىڭ چۇنمەي). ساياسي كەڭەس مەملەكەتتىك 13 - كەزەكتى كوميتەتى تۇراقتى كوميتەتىنىڭ 22 - ءماجىلىسى 6 - ايدىڭ 20 - كۇنى تۇستەن بۇرىن بەيجيڭدە اشىلدى، ءماجىلىس «جاسىل، تومەن كومىرتەكتى، ساپالى دامۋدى ءبىر تۇتاس ىلگەرىلەتۋدى» ارقاۋ ەتىپ، ۇكىمەت ءىسىن اقىلداستى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ءماجىلىستىڭ اشىلۋ سالتىنا قاتىناستى.
مەملەكەتتىك كەڭەستىڭ مۇشەسى ۋاڭ يۇڭ ۇسىنىس بويىنشا ماجىلىسكە قاتىناستى ءارى بايانداما جاسادى، ناق مايداندا ساياسي كەڭەس تۇراقتى مۇشەلەرىنىڭ ۇسىنىس - پىكىرلەرىن تىڭدادى. ۋاڭ يۇڭ مىنالاردى اتاپ كورسەتتى: جاسىل، تومەن كومىرتەكتى ساپالى دامۋدى ءبىر تۇتاس جوسپارلاپ ىلگەرىلەتۋ − جاڭا دامۋ تانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، ساپالى دامۋدى ىلگەرىلەتۋدىڭ ىشكى تالابى. شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ پارمەندى باسشىلىعىندا، كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ قىزمەتىندە تاماشا باستاما جارىققا شىعىپ، ەلىمىزدىڭ جاسىل، تومەن كومىرتەكتى دامۋىن ىلگەرىلەتۋدە كورنەكتى ونىمدىلىككە قول جەتتى. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، ج ك پ ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، تياناقتاندىرىپ، دامۋ مەن لاس زاتتاردىڭ شىعارىلۋىن ازايتۋدىڭ، جالپى تۇلعالىق پەن ءىشىنارالىقتىڭ، ۇزاق بولاشاقتىق نىسانا مەن قىسقا مەرزىمدىك نىسانالاردىڭ، ۇكىمەت پەن بازاردىڭ قاتىناسىن ويداعىداي ءبىر جاقتى ەتىپ، «كومىر قىشقىل گازىنىڭ شىعارىلۋىن جوعارى مانگە جەتكىزۋدەگى 10 ءىرى ارەكەتتى» ويداعىداي ۇيىمداستىرىپ، اتقارىپ، كومىر قىشقىل گازىن بەيتاراپتاندىرۋ قىزمەتىن جوسپارلاۋ، ورنالاستىرۋ كەرەك. ەنەرگيا جۇيەسىنىڭ جاسىل، تومەن كومىرتەكتى بولۋعا ويىسۋىن جەدەلدەتىپ، كاسىپ قۇرىلىمىن ساپالىلاندىرىپ، دارەجەسىن جوعارىلاتىپ، جاسىل، تومەن كومىرتەكتى قاتىناس - تاسىمال جۇيەسىن قۇرىپ، قالا - اۋىل قۇرىلىسىنىڭ جاسىل، تومەن كومىرتەكتى دامۋ ساپاسىن جوعارىلاتىپ، جاسىل، تومەن كومىرتەكتى عىلىم - تەحنيكا توڭكەرىسىن ىلگەرىلەتىپ، ەكولوگيالىق جۇيەنىڭ اتموسفەراداعى كومىر قىشقىل گازىن ءسىمىرۋ قۋاتىن بەكەمدەپ جانە جوعارىلاتىپ، جاسىل، تومەن كومىرتەكتى تۇرمىس ءتاسىلىن جالپىلاستىرىپ، جەر شارىنىڭ كليماتىن وڭاۋعا بەلسەنە ات سالىسىپ، ءتۇرلى تىرەكتىك قامتاماسىزداندىرۋدى كۇشەيتىپ، ەكونوميكالىق، قوعامدىق دامۋدىڭ جاپپاي جاسىل تۇسكە بۇرىلىس جاساۋىن جەبەۋ كەرەك.
مەملەكەتتىك ساياسي كەڭەس ءتوراعاسىنىڭ ورىنباسارى جاڭ چيڭلي ءماجىلىستىڭ اشىلۋ سالتىن باسقاردى. ول مىنالاردى دارىپتەدى: ج ك پ 18 – قۇرىلتايىنان بەرى شي جينپيڭ جولداستى ۇيىتقى ەتكەن ج ك پ ورتالىق كوميتەتى ەكولوگيالىق وركەنيەت ءتۇزىلىسى رەفورماسىن جۇيەلى جوسپارلادى، ەكولوگيالىق وركەنيەت قۇرىلىسىندا تانىمنان امالياتقا دەيىنگى تاريحي، بۇرىلىستىق، جالپى جاعدايلىق وزگەرىستەر تۋىلدى. تۇراقتى كوميتەت قۇرامىنداعىلار شي جينپيڭ ەكولوگيالىق وركەنيەت يدەياسىن مۇقيات دايەكتىلەندىرىپ، تياناقتاندىرىپ، «ەكى جالپى جاعدايدى» كوكەيدە ساقتاپ، حالىق كوڭىل ءبولىپ وتىرعان ماسەلەلەرگە نازار اۋدارىپ، ءماجىلىستىڭ نەگىزگى تاقىرىبىن ارقاۋ ەتىپ، ۇكىمەت ءىسىن بەلسەنە كەڭەسىپ، ورتاق تانىمدى اناعۇرلىم ويداعىداي ۇيىستىرىپ، حالىق ساياسي كەڭەسىنىڭ ارناۋلى كەڭەس قۇرىلىمى بولۋ رولىن شىن مانىندە ويداعىداي ساۋلەلەندىرىپ، جاسىل، تومەن كومىرتەكتى، ساپالى دامۋدى ءبىر تۇتاس ىلگەرىلەتۋگە اقىل - پاراسات جانە كۇش - قۋات قوسۋى كەرەك.
وسى رەتكى تۇراقتى كوميتەت ءماجىلىسى ناق مايدان ءماجىلىسى مەن بەينە ەكران ءماجىلىسىن ۇشتاستىرۋ تاسىلىمەن وتكىزىلدى، مەملەكەتتىك ساياسي كەڭەس ورگانىندا نەگىزگى ءماجىلىس الاڭى، بەيجيڭ، شاڭحاي، شياڭگاڭدا بولىمشە ءماجىلىس الاڭى ورنالاستىرىلدى. ءماجىلىس كەزىندە تۇراقتى كوميتەت قۇرامىنداعىلار «شي جينپيڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، جاسىل، تومەن كومىرتەكتى، ساپالى دامۋدى كۇش سالا ىلگەرىلەتەيىك»، «كاسىپ قۇرىلىمىن ىشكەرىلەي رەتتەپ، جاسىل، تومەن كومىرتەكتى، اينالمالى ەكونوميكانى دامىتۋ جۇيەسىن كەمەلدەندىرەيىك»، «ەنەرگيا ءتۇزىلىسى مەحانيزمى رەفورماسىن تەرەڭدەتىپ، تازا، تومەن كومىرتەكتى، حاۋىپسىز، جوعارى ءونىمدى ەنەرگيا جۇيەسىن جەدەل ورناتايىق»، «ەكولوگيانى قورعاۋ مەن قالپىنا كەلتىرۋدى كۇشەيتىپ، جوعارى دەڭگەيلى قورعاۋ ارقىلى ساپالى دامۋدى ىلگەرىلەتەيىك»، «جاسىل عىلىم - تەحنيكا توڭكەرىسىن تەزدەتىپ، وڭىرلىك سايكەستى دامۋدى جانە سىرتپەن اۋىس - كۇيىستى، سەلبەستىكتى كۇشەيتەيىك»، «ساياسات، ولشەم جۇيەسىن كەمەلدەندىرىپ، جاسىل، تومەن كومىرتەكتى دامۋعا تىرەك بولۋدى كۇشەيتەيىك» دەگەن سياقتى ارناۋلى تاقىرىپتاردى توڭىرەكتەپ تالقى جۇرگىزدى.
ءماجىلىستىڭ اشىلۋ سالتىندا مەملەكەتتىك ساياسي كەڭەس ءتوراعاسىنىڭ ورىنباسارى قوسىمشا باس حاتشى لي بين قاتارلىلار قاتىستى تاقىرىپتار جونىندە تۇسىنىك جاسادى. حۋاڭ رۇنچيۋ، جياڭ داميڭ، ساۋ پەيشي، وۋياڭ ميڭگاۋ، سى زىفۋ، نان سۇنحۇي قاتارلى 6 تۇراقتى مۇشە ماجىلىستە ءسوز سويلەدى.
مەملەكەتتىك ساياسي كەڭەس ءتوراعاسىنىڭ ورىنباسارلارى ليۋ چيباۋ، ۋان گاڭ، حى حوۋحۋا، لۋ جانگۇڭ، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋەي، شاۋ حۇڭ، گاۋ يۇنلۇڭ ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
