شىعىس سولتۇستىك شەكارا ءوڭىر شەكارا ءوڭىردى ىنتىماقتاسا گۇلدەندىرىپ، كاسىپ سالاسى ارقىلى حالىقتى بايىتتى (جاڭا جورىقتا العا باسىپ، جاڭا داۋىرگە ۇلەس قوسۋ − كورىكتى شەكارا ءوڭىر)
«حالىق گازەتىنىڭ» تىلشىلەرى ليۋ چىڭيوۋ، حاۋ يىڭسان، مىڭ حاييىڭ، شين ياڭ
2022.06.21 17:49 كەلۋ قاينارى : حالىق تورابى
«وسى ارالاس ورماندى دالمە - ءدال باپتاعاننان كەيىن، ورماننىڭ ساپاسىن عىلمي جوعارىلاتۋمەن بىرگە، ورمانداعى ەرەكشە كاسىپتەر دە داميتىن بولادى». ليۋ ياڭشۇن ءبىزدى نۋ ورماننىڭ تەرەڭ قويناۋىنا باستادى، قىزىل قاراعاي مەن اق قايىڭ قۇلپىرىپ تۇر، ورمان اراسىنداعى بالدىر، اكانتوپاناكس سياقتىلار قاۋلاپ وسكەن. بۇل ارا − حيلۇڭجياڭ ولكەسىنىڭ ي - چۇن قالاسى، بيىل 69 جاستاعى ليۋ ياڭشۇن − شاڭگانليڭ ورمان مەكەمەسى شيشۇي ورمان الاڭىنىڭ زەينەتكەر قىزمەتكەرى. 2014 - جىلى كىشى ھىنگان ورمان ءوڭىرى تابيعي ورماندى ساۋدالىق كەسۋدى جاپپاي توقتاتىپ، ي – چۇن كاسىپتى وزگەرتۋ جولىنا تۇسكەن بولاتىن.
2016 – جىلى 5 - ايدىڭ 23 – كۇنى باس شۋجي شي جينپيڭ ي - چۇندە تەكسەرۋ - زەرتتەۋ جۇرگىزگەندە ليۋ ياڭشۇننىڭ ۇيىنە كەلىپ، ءبىر ءۇيلى جانمەن بىرگە ورمان الاڭىنىڭ دامۋ تاريحىن تىلگە تيەك ەتىپ، كىرىس - شىعىس ەسەبىن ەسەپتەيدى. «باس شۋجي بىزگە ءوز كۇشىمىزگە سۇيەنىپ ءومىر ءسۇرۋدى، جاڭا جول تابۋدى تاپسىردى».
ورمان الاڭىنىڭ قولداۋىندا ليۋ ياڭشۇننىڭ شارۋالار شاتتىعى ساياجايى سول جىلى قياق كۇرىش مەرەكەسىندە ساۋدانى ءساتتى باستادى. بىرنەشە جىل ەڭبەكتەنۋ ارقىلى شيشۇي ورمان الاڭىنىڭ شارۋالار شاتتىعى ساياجايلارى دامىپ 24 كە جەتتى.
«ءبىز ەكولوگيانى قورعاۋدىڭ قىزىل سىزىعىن 15 مىڭ 400 شارشى كيلومەتر ەتىپ العاشقى ادىمدا بەلگىلەپ، قورشاعان ورتانى قورعاۋ ينجەنەرياسىنىڭ 2 - مەرزىمدىك ينجەنەرياسىن اتقارىپ، ورمانمەن كومكەرىلۋ شاماسىن %83.8 كە جەتكىزدىك» دەدى ي - چۇن قالالىق پارتكومنىڭ شۋجيى سۇي حۇڭبو.
باس شۋجي شي جينپيڭ بىلاي دەپ دارىپتەدى: شىعىس سولتۇستىك ءوڭىر − ەلىمىزدىڭ ماڭىزدى ونەركاسىپ جانە اۋىل شارۋاشىلىق بازاسى، مەملەكەتتىڭ قورعانىس حاۋىپسىزدىگىن، استىق حاۋىپسىزدىگىن، ەكولوگيا حاۋىپسىزدىگىن، ەنەرگيا حاۋىپسىزدىگىن، كاسىپ حاۋىپسىزدىگىن قورعاۋداعى ستراتەگيالىق ورنى توتەنشە ماڭىزدى، مەملەكەت دامۋىنىڭ جالپى جاعدايىنا سايادى.
باس شۋجي شي جينپيڭنىڭ تاپسىرىعىن ەستە بەرىك ساقتاعان لياۋنيڭ، جيلين، حيلۇڭجياڭ ولكەلەرى ەكولوگيالىق حاۋىپسىزدىك قالتقىسىنىڭ رولىن كۇن سايىن بەكەمدەپ، استىق حاۋىپسىزدىگىنىڭ «ورنىقتىرعىشتىق» ورنىن اناعۇرلىم كورنەكتىلەندىردى.
2016 – جىلى 5 - ايدىڭ 24 – كۇنى باس شۋجي شي جينپيڭ ەلىمىز قۇرلىعىنىڭ ەڭ شىعىس شەتىندەگى حيلۇڭجياڭ فۋيۋان قالاسىنا بارىپ، جيۋچىڭ كۇرىش سەلبەستىك كووپەراتيۆىنە كەلىپ تەكسەرۋ - زەرتتەۋ جۇرگىزدى. «<ءبىر جاعىنان، مەملەكەتتىڭ استىق حاۋىپسىزدىگىن قامتاماسىز ەتۋ، ەندى ءبىر جاعىنان، حالىق تۇرمىسىنىڭ، اسىرەسە، شارۋالاردىڭ تۇرمىس دەڭگەيىنىڭ ۇزدىكسىز جوعارىلاۋىنا مۇمكىندىك جاساۋ كەرەك>، باس شۋجيدىڭ ماڭىزدى نۇسقاۋى ايقىن جول كورسەتتى» دەدى سەلبەستىك كووپەراتيۆىنىڭ القا باستىعى يۋان شىڭحاي. 6 جىلدان بەرى سەلبەستىك كووپەراتيۆى وزىق ەگىمشىلىك تەحنيكاسىن جالپىلاستىرۋ جونىندە ۇزدىكسىز ىزدەنىس جاساپ، ساپالى كۇرىش ماركاسىن جەتىلدىرىپ، شارۋالاردىڭ وزىندىك قۇنىن ۇنەمدەپ، ونىمدىلىگىن 3 ميلليون يۋاننان اسىردى.
ساندى مالىمەتتە كورسەتۋىنشە، 2021 - جىلى شىعىس سولتۇستىكتەگى ءۇش ولكەنىڭ استىق ءونىمى 280 ميلليارد جىڭنان اسىپ، بۇكىل ەل بويىنشا جالپى ءونىم مولشەرىنىڭ %20 تەن استامىن ۇستاعان.
ھىنگان تاۋىنان چاڭباي تاۋىنا، حيلۇڭجياڭنان تۋمىنجياڭعا دەيىن باس شۋجي شي جينپيڭ شەكارا وڭىردەگى حالىقتى ەسىنەن شىعارماي، شەكارا ءوڭىردىڭ دامۋىن كوكەيىندە ساقتادى.
«اۋىل - قىستاق قىزمەتىنىڭ ونىمدىلىگىن تەكسەرۋدىڭ ماڭىزدى ولشەمى − شارۋالاردىڭ قالتاسىنىڭ قامپايۋى». 2015 - جىلى 7 - ايدىڭ 16 - كۇنى باس شۋجي شي جينپيڭ جيلين ولكەسى يانبيان چاۋشيان اۆتونوميالى وبلىسى حىلۇڭ قالاسى دۇڭچىڭ قالاشىعى گۋاڭدۇڭ قىستاعىنا كەلىپ، قىستاق تۇرعىنى لي لۇڭجىنىڭ ۇيىندە مالداس قۇرىپ وتىرىپ، قىستاق تۇرعىندارىمەن ىقىلاستى اڭگىمەلەستى.
گۋاڭدۇڭ قىستاعىندا 6 جىلدان استام ۋاقىتتان بەرى قۋانارلىق وزگەرىس تۋىلدى، بىلتىر جان باسىندىق تازا كىرىسى 16 مىڭ يۋاننان استى، قىستاق كوللەكتيۆىنىڭ كىرىسى 400 مىڭ يۋانعا تايادى. «<13 – بەسجىلدىق> كەزىندە ءبىز شەكارانى گۇلدەندىرىپ، حالىقتى اۋقاتتاندىرۋ ارەكەتىنە جيىنى 510 ميلليون يۋان قارجى شىعارىپ، 389 نىساندى اتقارىپ، بۇكىل وبلىستاعى 5 كەدەي اۋداننىڭ كەدەيلىك قالپاعىن تۇگەلدەي الىپ تاستادىق» دەدى يانبيان وبلىستىق پارتكومداعى نەگىزگى جاۋاپتى جولداس.
لياۋنيڭ ولكەسى داندۇڭ قالاسى دۇڭگاڭ قالاسى حىلۇڭ قىستاعىنا باردىق، تاۋ ورمانىندا جەمىس - جيدەكتىڭ حوش ءيىسى اڭقيدى. بىرنەشە جىلدىڭ الدىندا حىلۇڭ قىستاعىنىڭ 10 - گرۋپپاسى جەرگىلىكتى اۋىل - قىستاقتى گۇلدەندىرۋدەگى ەرەكشە ۇلتتىق قىستاق قۇرىلىسىنان ۇلگى كورسەتۋ ءتۇيىنى ەتىپ بەلگىلەنىپ، مانزۋ ۇلتتىق سالت - سانا قىستاعى سالىندى. «قىستاق تۇرعىندارىنىڭ ءۇيىن، اۋلاسىن ءبىر تۇتاس جوبالاپ وزگەرتتىك، قىستاقتا اسفالت جول سالىندى، ۇيىمىزگە كەڭ ايالى توراپ جەتكىزىلدى». وزگەرىس تۋرالى ءسوز قوزعاعاندا، قىستاق تۇرعىنى ما چيلين ءماز - مايرام بولدى.
«ءار ۇلت حالقى ءبىر جاعادان باس، ءبىر جەڭنەن قول شىعارىپ، قاجىرلىلىقپەن كۇرەس جۇرگىزسە، جۇڭحۋا ۇلتى، ءسوز جوق، اناعۇرلىم گۇلدەنىپ - كوركەيەدى، ءار ۇلت حالقىنىڭ تۇرمىسى، ءسوز جوق، اناعۇرلىم باي، تاماشا بولادى» دەدى باس شۋجي شي جينپيڭ 2016 - جىلى 5 - ايدىڭ 24 - كۇنى حيلۇڭجياڭ ولكەسى تۇڭجياڭ قالاسى باچا حىجى اۋىلى باچا قىستاعىندا قىزمەت تەكسەرگەندە.
شەكارا ءوڭىردى گۇلدەندىرىپ، حالىقتى اۋقاتتاندىردا كاسىپ سالاسى نەگىز سانالادى. «قىستاق تۇرعىندارى عيماراتقا كوشىپ كىردى، ەگىن ەگىپ، بالىق اۋلاپ، ساياحاتپەن شۇعىلدانىپ، ۇساق - تۇيەك جۇمىس ىستەپ، جىل بويى بوس وتىرمايدى». باچا قىستاعى پارتيا ياچەيكاسىنىڭ شۋجيى يوۋ ميڭگو بىلاي دەدى: «باس شۋجي شي جينپيڭنىڭ قامقورلىعى حىجى ۇلتىنىڭ وسى شاعىن بالىقشىلىق قىستاعىندا جاڭا بەينە جارىققا شىعارىپ، شەكارا ءوڭىردى ءتىپتى دە تاماشا تۇرمىسقا كەنەلتتى» (قاتىستى حابارلاردى «حالىق گازەتىنىڭ» 6 -، 7 - بەتتەرىنەن وقي الاسىزدار).
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
