ءار ۇلت بۇقاراسىنىڭ جاقسى تۇرمىس كەشىرۋىنە مۇمكىندىك جاساپ، ۇلتتاردىڭ بىرگە بايۋىن جەبەدى (تاپسىرىقتى امالياتتا ايگىلەگەن 10 جىل)
«حالىق گازەتىنىڭ» تىلشىلەرى شۇي يۋانفىڭ، كۋاڭ شيشي
2022.06.21 17:47 كەلۋ قاينارى : حالىق تورابى
دوڭگەلەك داۋلەتتى قوعامدى جاپپاي جۇزەگە اسىرۋدا بىردە - ءبىر ۇلتتىڭ قاعىس قالۋىنا بولمايدى.
دۋلۇڭ ۇلتى − ەلىمىزدەگى حالىق سانى ءبىرشاما از ۇلتتاردىڭ ءبىرى، نەگىزىنەن يۇننان ولكەسى نۋجياڭ ليسۋ اۆتونوميالى وبلىسى گۇڭشان دۋلۇڭ - نۋزۋ اۆتونوميالى اۋدانى دۋلۇڭجياڭ اۋىلىنا قونىستانعان. 2014 - جىلى جاڭا جىل قارساڭىندا، گۇڭشان اۋدانىنداعى كادر - جۇرتشىلىق باس شۋجي شي جينپيڭگە حات جولداپ، كوپ جىلدان بەرى اڭساعان گاۋلي گۇڭشان دۋلۇڭجياڭ تاس جولى تۋنەلىنىڭ تۇتاسۋ الدىندا تۇرعان حابارىن مالىمدەدى، باس شۋجي حاتتى تاپسىرىپ العاننان كەيىن دەرەۋ: «دۋلۇڭ ۇلتىنىڭ تۇرعىن ءۇي، تۇرمىس شارت - جاعدايى ءبىرشاما جاپالى، مەن سىزدەردىڭ ءوندىرىس، تۇرمىس جاعدايلارىڭىزدى كوكەيدە ساقتاپ كەلەمىن» دەپ ماڭىزدى بەكىتۋ جازدى.
وسىنداي ساعىنىش ادامدى اسەرلەندىرەتىن ءبىر رەتكى كەزدەسۋگە تۇرتكى بولدى. 2015 - جىلى 1 – ايدىڭ 20 – كۇنى يۇنناندا قىزمەت تەكسەرىپ جۇرگەن باس شۋجي شي جينپيڭ گۇڭشان دۋلۇڭ - نۋزۋ اۆتونوميالى اۋدانىنداعى كادر - جۇرتشىلىقتىڭ ۋاكىلدەرىمەن كەزدەستى. باس شۋجي شىن ىقىلاسپەن بىلاي دەدى: «دۋلۇڭ ۇلتىنىڭ حالىق سانى 6 مىڭ 900 دەن استام ادام عانا بولعانىمەن، حالىق سانى كوپ بولماعانىمەن، جۇڭحۋا ۇلتى ۇلى شاڭىراعىنىڭ تەرەزەسى تەڭ ءبىر مۇشەسى»، «دوڭگەلەك داۋلەتتى قوعامدى جاپپاي جۇزەگە اسىرۋدا بىردە - ءبىر ۇلتتىڭ قاعىس قالۋىنا بولمايدى».
دۋلۇڭ ۇلتى − جاڭا جۇڭگو قۇرىلعان العاشقى مەزگىلدە قاۋىمدىق قوعامنىڭ سوڭعى مەزگىلىنەن سوتسياليستىك قوعامعا تىكەلەي وتكەن از ۇلت. 2018 - جىلدىڭ اياعىندا دۋلۇڭ ۇلتى تاعى ءبىر رەت «مىڭ جىلدى ءبىر جولدا اتتاپ»، تۇتاس ۇلت بويىنشا كەدەيلىكتەن ارىلدى. 2019 - جىلى 2 - ايدا اۋىلداستار اۋىلدىق پارتكومعا باس شۋجي شي جينپيڭگە حات جازىپ، وسى قۋانىشتى حاباردى مالىمدەۋدى تاپسىردى، 4 - ايدىڭ 10 - كۇنى باس شۋجي دۋلۇڭ ۇلتى بۇقاراسىنا جاۋاپ حات جازىپ، ءبىر جاعادان باس، ءبىر جەڭنەن قول شىعارىپ، مەكەندى ويداعىداي قۇرىپ، شەكارا ءوڭىردى ويداعىداي قورعاپ، دۋلۇڭ ۇلتىنىڭ اناعۇرلىم كوركەم بولاشاعىن قۇلشىنا جاراتۋعا شابىتتاندىردى.
جۇڭحۋا ۇلتى − ۇلى شاڭىراق، از ۇلتتار مەن ۇلتتىق وڭىرلەردىڭ بۇكىل ەلمەن بىرگە جاپپاي دوڭگەلەك داۋلەتتى قوعام قۇرۋ مەن وسىزامانداندىرۋدى جۇزەگە اسىرۋىنا كەپىلدىك ەتۋدى باس شۋجي شي جينپيڭ كوكەيىنەن شىعارمادى.
از ۇلتتاردىڭ ءتۇرى ەڭ كوپ ولكە رەتىندە يۇننان ولكەسى تاپسىرىقتى ەستە بەرىك ساقتاپ، سوتسياليستىك قوعامعا تىكەلەي وتكەن ۇلتتار مەن حالىق سانى ءبىرشاما از ۇلتتاردى دالمە - ءدال سۇيەمەلدەۋ ۇلگىسى جونىندە ىزدەنىس جاساپ، سوتسياليستىك قوعامعا تىكەلەي وتكەن جانە حالىق سانى ءبىرشاما از 11 ۇلتتىڭ تۇتاس ۇلت بويىنشا كەدەيلىكتەن ارىلۋىنا مۇمكىندىك جاسادى. ەرەكشەلىككە يە اۋىل شارۋاشىلىعى، مادەنيەت ساياحاتى سياقتى ابزالدىقتارعا سۇيەنىپ، «ءبىر اۋداندا ءبىر كاسىپ بولۋدى»، «ءبىر قىستاقتا ءبىر ءونىم بولۋدى» ىلگەرىلەتىپ، بۇقارانى بىرگە اۋقاتتانۋعا جەتەكتەدى. «13 - بەسجىلدىق» كەزىندە يۇننانداعى ۇلتتىق اۆتونوميالى جەرلەردىڭ ءوندىرىس جالپى ءونىم قۇنى جىلىنا ورتا ەسەپپەن %8.4 ارتىپ، ەكونوميكالىق، قوعامدىق دامۋدىڭ باستى كورسەتكىشتەرىنىڭ جىلدىق ورتاشا ارتۋ مولشەرى بۇكىل ولكەنىڭ ورتاشا دەڭگەيىنەن جوعارى بولدى.
اتا مەكەندى جاقسى قۇرىپ، شەكارا ءوڭىردى ويداعىداي قورعادى. يۇنناننىڭ شەكارا سىزىعىنىڭ ۇزىندىعى 4 مىڭ 60 كيلومەتر، «شەكارانى گۇلدەندىرىپ، حالىقتى اۋقاتتاندىرۋ ينجەنەرياسىن» ءۇرتىس اتقارۋ نەگىزىندە، 2015 - جىلدان باستاپ تاعى دا 2 كەزەك «شەكارا بويىنداعى بۇقارانىڭ ءوندىرىس، تۇرمىس شارت - جاعدايىن جاقسارتۋداعى 3 جىلدىق ارەكەتتى» اتقارىلدى. 2020 - جىلى 5 - ايدا يۇننان ولكەسى شەكارا بويىنداعى 30 تابيعي قىستاقتى تاڭداپ، شەكاراداعى دوڭگەلەك داۋلەتتىلىكتەن ۇلگى كورسەتەتىن قىستاق قۇردى؛ تاعى 3 جىل ۋاقىت جۇمساپ، شەكارا بويىنداعى 374 اكىمشىلىك قىستاقتى (الەۋمەتتىك اۋماق) وسىزاماندانعان شەكاراداعى دوڭگەلەك داۋلەتتى قىستاق ەتىپ العاشقى ادىمدا قۇرىپ شىقتى.
«باس شۋجي بىزگە وسىنشاما كوڭىل بولەدى، قوس قولىمىزعا سۇيەنىپ جاقسى تۇرمىس كەشىرمەسەك نامىس بولماي ما». شاشى اعارعان دۋلۇڭ ۇلتىنىڭ تۇرعىنى لي ۋىنشى 2015 - جىلدىڭ باسىندا دۋلۇڭجياڭ اۋىلىنان تۇڭعىش رەت شىعىپ، تۇڭعىش رەت ۇشاققا وتىردى، سول كۇنى باس شۋجيمەن كەزدەسكەندەگى ءاربىر ءسات ءالى دە ەسىندە. وسى بىرنەشە جىلدا اۋقاتتانۋ جولى بارعان سايىن كەڭەيدى. لي ۋىنشى مەن قىستاق تۇرعىندارى توقىعان دۋلۇڭ كىلەمى جۇرت ۇناتاتىن قولونەر بۇيىمىنا اينالىپ، ساتىلۋ جولى كەڭەيدى.
«كوممۋنيستىك پارتيانىڭ نۇر - شۇعىلاسى شەكارا وڭىرگە توگىلدى، تاۋ – وزەن كورىكتەنىپ، ادامدار قۋانىشقا شومدى. سوتسياليزم جاقسى، باقىت كوپىرىن سالىپ بەردى. جولدارىمىز بارعان سايىن كەڭەيدى»... شاتتىق انىندە جاڭا ءداۋىردىڭ جاڭا جورىعىنداعى ءار ۇلت حالقىنىڭ جۇرەك ءۇنى بەينەلەندى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
