لي كىچياڭ شىعىس، وڭتۇستىك تەڭىز جاعالاۋىنداعى ولكەلەر ۇكىمەتتەرىنىڭ نەگىزگى جاۋاپتىلارىنىڭ ەكونوميكالىق جاعداي جونىندەگى اڭگىمە ءماجىلىسىن باسقارىپ اشقاندا مىنانى دارىپتەدى
ماكرولىق ساياساتتى ويداعىداي تياناقتاندىرىپ، رەفورما جاساپ، ەسىك اشۋدى ىلگەرىلەتىپ، ەكونوميكانى ورنىقتىرۋدا ماڭىزدى تىرەكتىك رول اتقارۋ كەرەك
2022.07.08 16:42 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 7 – كۇنى، فۋجوۋ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 7 - ايدىڭ 7 - كۇنى فۋجياندا شىعىس، وڭتۇستىك تەڭىز جاعالاۋىنداعى ولكەلەر ۇكىمەتتەرىنىڭ نەگىزگى جاۋاپتىلارىنىڭ اڭگىمە ءماجىلىسىن باسقارىپ اشىپ، ەكونوميكالىق جاعدايعا تالداۋ جاساپ، كەلەسى قادامداعى ەكونوميكالىق قىزمەتتى ويداعىداي ىستەۋ جونىندە تالاپ قويدى.
ماجىلىستە فۋجيان ولكەلىك پارتكومنىڭ شۋجيى يىن لي، ولكە باستىعى جاۋ لۇڭ ءسوز سويلەدى، شاڭحايدىڭ قالا باستىعى گۇڭ جىڭ، جياڭسۋدىڭ ولكە باستىعى شۇي كۇنلين، جىجياڭنىڭ ولكە باستىعى ۋاڭ حاۋ، گۋاڭدۇڭنىڭ ولكە باستىعى ۋاڭ ۋەيجۇڭ بەينە ەكران ارقىلى ءسوز سويلەدى. كوپشىلىك قازىرگى ەكونوميكالىق جاعداي جانە كەلەسى قادامداعى بەتالىس جونىندەگى كوزقاراستارىن ايتتى ءارى ۇسىنىس قويدى.
لي كىچياڭ بىلاي دەدى: بيىل جىل باسىنان بەرى ەلىمىزدىڭ ەكونوميكالىق اينالىمى ەرەكشە بارىستى باستان كەشىردى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جەر - جەر، تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسىنىڭ رۋحىن جانە «ۇكىمەت قىزمەتىنەن باياندامادا» بەلگىلەنگەن ساياسات - شارالاردى تياناقتاندىرىپ، ەكونوميكانى ورنىقتىرۋداعى ءبىرقىدىرۋ ساياساتتىق شارانى اتقاردى. جالپى العاندا، قازىر ەكونوميكا قالپىنا كەلىپ جاتىر، ناتيجە وڭاي – وسپاق قولعا كەلگەن جوق. ءبىراق قالپىنا كەلتىرۋدىڭ نەگىزى بەرىك ەمەس، ەكونوميكانى ورنىقتىرۋدا ءالى دە جاپالى قۇلشىنىس جاساۋعا تۋرا كەلەدى. دامۋ − ەلىمىزدەگى بارلىق ماسەلەنى شەشۋدىڭ نەگىزى جانە تەتىگى. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا دامۋ ۇستانىمىن جاپپاي دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، ورتالىق پەن جەرگىلىكتى ورىنداردىڭ بەلسەندىلىگىن ساۋلەلەندىرىپ، ماكرولىق ساياساتتى سايكەستى اتقارىپ جانە رەفورمانى تەرەڭدەتىپ، بازار تۇلعالارىنىڭ قالپىنا كەلۋىنە، ومىرشەڭدىك قۋاتىن ارتتىرۋىنا كومەكتەسىپ، جۇمىسقا ورنالاستىرۋدى ورنىقتىرۋعا، زات باعاسىن ورنىقتىرۋعا كۇش سالىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋ كەرەك.
لي كىچياڭ بىلاي دەدى: قازىر ەكونوميكانى قالپىنا كەلتىرۋدىڭ شەشۋشى كەزەڭىندە تۇرمىز. شىعىس، وڭتۇستىك تەڭىز جاعالاۋىنداعى 5 ولكە، قالانىڭ ەكونوميكالىق مولشەرى بۇكىل ەلدىڭ 3/1 ىنەن استامىن ۇستايدى، قازىنالىق كىرىس سالىستىرماسى %40 كە تايايدى، جەرگىلىكتى ورىنداردىڭ ورتالىق قازىناعا ناق تاپسىرۋداعى قوسقان ۇلەسى %80 كە تايايدى، وسىلايشا مەملەكەتتىڭ قازىنا قۋاتى مەن ورتالىق قازىنانىڭ ورتا، باتىس بولەكتەگى رايوندارعا اۋدارىپ تولەۋىنە پارمەندى دەم بەرىپ وتىر. تاعى دا مەملەكەتتى دامىتۋدىڭ، ەكونوميكانى ورنىقتىرۋدىڭ نەگىزگى تىرەگى بولىپ، مەملەكەتتىڭ قازىنا قۋاتىن قامتاماسىزداندىرۋداعى نەگىزگى كۇش رولىن ساۋلەلەندىرۋ كەرەك. ىندەتتەن ساقتانۋ - تىزگىندەۋدى ويداعىداي ىستەۋمەن بىرگە، كاسىپ تىزبەگىنىڭ، قامداۋ تىزبەگىنىڭ بوگەلۋ ءتۇيىنىن ونان ارى اشىپ، ەكونوميكالىق اينالىمنىڭ تەز ارادا قالىپتى ارناعا ءتۇسۋىن ىلگەرىلەتىپ، ارتۋدى ورنىقتىرۋعا، قازىنا قاينارىن ورنىقتىرۋعا قۇلشىنۋ كەرەك.
لي كىچياڭ بىلاي دەدى: 160 ميلليوننان استام بازار تۇلعاسى − ەلىمىز ەكونوميكاسى سەرپىمدىلىگىنىڭ تياناعى، بازار تۇلعاسىن ساقتاپ قالۋ ارقىلى جۇمىستانۋدى ورنىقتىرۋعا، ەكونوميكانىڭ نەگىزگى جاعدايىن ورنىقتىرۋعا بولادى. شىعىس، وڭتۇستىك تەڭىز جاعالاۋىنداعى رايونداردىڭ ەكونوميكالىق ومىرشەڭدىگى جەتكىلىكتى بولۋىنىڭ تياناعى ءتۇرلى بازار تۇلعالارىنىڭ ومىرشەڭدىگىندە. مەملەكەتتىڭ كاسىپورىندارعا كومەكتەسۋ، قيىنشىلىعى بارلارعا كومەكتەسۋ ساياساتىن تياناقتاندىرىپ، ساياساتتاردى سايكەستىرۋدى كۇشەيتىپ، وزىندىك كومەسكى كۇشتى اشىپ، اناعۇرلىم كوپ قولداۋ ساياساتتارىن اتقارىپ، بازار تۇلعالارىنىڭ، اسىرەسە، ورتا، شاعىن، ۇساق كاسىپورىنداردىڭ، جەكە ونەركاسىپشىلەر مەن ساۋداگەرلەردىڭ ومىرشەڭدىك كۇشىن قالپىنا كەلتىرۋىنە كومەكتەسۋ كەرەك. 5 ولكە بۇكىل ەل بويىنشا ولكە اتتاعان شارۋا جۇمىسكەرلەردىڭ %70 ىن جۇمىسقا قابىلدادى، بۇگىنگى دامۋ تابىستارىنا قول جەتكىزۋدە شارۋا جۇمىسكەرلەردىڭ ەڭبەگى زور بولدى. شارۋالاردىڭ جۇمىس ىستەۋى شارۋالاردىڭ كىرىسىنىڭ باستى قاينارىنا اينالدى. جۇمىس ورنىن ءتۇرلى ءادىس - امالدارمەن ورنىقتىرىپ، بازارلانعان، قوعامدانعان جۇمىسقا ورنالاستىرۋ ارناسىن كەڭەيتىپ، جەرگىلىكتى ورىن مەن سىرتتان كەلگەن جۇمىسكەرلەردىڭ جۇمىسقا ورنالاسۋىن قۇلشىنا ورنىقتىرۋ كەرەك.
لي كىچياڭ بىلاي دەدى: ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋدا ماكرولىق ساياساتتى ويداعىداي اتقارۋمەن بىرگە، رەفورمانى ۇزدىكسىز تەرەڭدەتىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن ىلگەرىلەتىپ، ساۋدا ورتاسىن ۇزدىكسىز ساپالىلاندىرىپ، بازاردىڭ ومىرشەڭدىك كۇشى مەن قوعامنىڭ جاسامپازدىق قۋاتىن بارىنشا تاسقىنداتۋ كەرەك. كوپتەگەن قيىن ماسەلەنى ءونىمدى شەشىپ، قىزمەتتىڭ ءبىر جاعىمەن عانا اينالىسۋدان، قاراپايىمداستىرۋدان، ءبارىن ءبىر شىبىقپەن ايداۋدان، ساتى – ساتى ەرەجە قوسۋدان ساقتانۋ كەرەك. شىعىس، وڭتۇستىك تەڭىز جاعالاۋىنداعى رايوندار − رەفورما جاساپ، ەسىك اشۋدىڭ الدىڭعى شەبى، سوندىقتان ۇزدىكسىز باتىلدىقپەن قامال الىپ، باتىلدىقپەن سىناق جۇرگىزۋ كەرەك. سىرتقا ەسىك اشۋ ەكونوميكالىق، قوعامدىق دامۋدىڭ جالپى جاعدايىنا سايادى. حالىقارالىق جاعداي قالاي وزگەرسە دە، جۇڭگو سىرتقا ەسىك اشۋدى تاباندىلىقپەن كەڭەيتەدى. تەڭىز جاعالاۋىنداعى دامىعان رايونداردىڭ دۇنيە ءجۇزى ەكونوميكاسىمەن توعىسۋى اناعۇرلىم تەرەڭدەدى، چاڭجياڭ اتىراۋى مەن جۋجياڭ اتىراۋىنىڭ يمپورت - ەكسپورتى بۇكىل ەلدىڭ %60 كە جۋىعىن ۇستايدى، ەكونوميكالىق باسەكەلىك قۋاتىنىڭ كۇشتىلىگى كوبىنەسە حالىقارالىق بازارداعى باسەكە ارقىلى جارىققا شىققان. ەسىك اشۋ ارقىلى رەفورمانى، دامۋدى ۇزدىكسىز جەبەپ، پورت سياقتى سىرتقا قاراتىلعان توراپتاردىڭ جيناۋ، جونەلتۋ دەڭگەيىن جەدەل جوعارىلاتىپ، سىرتقى ساۋدانى ورنىقتىرىپ، شەتەل قارجىسىن ورنىقتىرىپ، جوعارى دەڭگەيدە ەسىك اشۋ ارقىلى حالىقارالىق باسەكە مەن سەلبەستىككە اناعۇرلىم ويداعىداي ات سالىسۋ كەرەك، بۇل حالىقارالىق كاسىپ تىزبەگىنىڭ، قامداۋ تىزبەگىنىڭ ورنىقتىلىعى مەن دۇنيە ءجۇزىنىڭ بەيبىتشىلىگى مەن دامۋىنا دا ءتيىمدى.
شياۋ جيە، حى ليفىڭ ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
