بۇكىل ۇلتتىڭ جاپون شاپقىنشىلارىنا قارسى سوعىسى باستالعانىنىڭ 85 جىلدىعىن ەسكە ءتۇسىرۋ سالتى بەيجيڭدە وتكىزىلدى
ۋاڭ حۋنيڭ سالقتا قاتىناستى ءارى ءسوز سويلەدى
2022.07.08 16:44 كەلۋ قاينارى : حالىق تورابى
«حالىق گازەتى»، 7 - ايدىڭ 7 - كۇنى، بەيجيڭ. بۇكىل ۇلتتىڭ جاپون شاپقىنشىلارىنا قارسى سوعىسى باستالعانىنىڭ 85 جىلدىعىن ەسكە ءتۇسىرۋ سالتى 7 - ايدىڭ 7 - كۇنى تۇستەن بۇرىن جۇڭگو حالقىنىڭ جاپون شاپقىنشىلارىنا قارسى سوعىسى ەسكەرتكىش سارايىندا وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ سالتقا قاتىناستى ءارى ءسوز سويلەدى.
بەيجيڭ لۋگوۋچياۋ كوپىرىنىڭ بويىندا جۇڭگو حالقىنىڭ جاپون شاپقىنشىلارىنا قارسى سوعىس ەسكەرتكىش سارايى ەڭسە كوتەرىپ تۇر. تۇستەن بۇرىن ساعات 10 دا سالت باستالدى. جۇڭگو حالىق ازاتتىق ارمياسىنىڭ اسكەري وركەسترى «ەرىكتىلەر مارىشىن» ورىندادى، بۇكىل الاڭداعىلار جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى. وسىدان كەيىن بۇكىل الاڭداعىلار ورىندارىنان تۇرىپ، جۇڭگو حالقىنىڭ جاپون شاپقىنشىلارىنا قارسى سوعىسىندا ەرلىكپەن قازا بولعان قۇرباندارعا ءۇنسىز ازا ءبىلدىردى. استاناداعى ستۋدەنتتەر ۋاكىلدەرى سەرت بەردى.
ۋاڭ حۋنيڭ سوزىندە مىنانى ءبىلدىردى: 85 جىلدىڭ الدىنداعى بۇگىنگى كۇنى جاپون شاپقىنشىلارى بۇكىل جۇڭگونى قارۋلى كۇشپەن جالماپ الۋ سىندى سۇرقيا قارا نيەتكە جەتۋ ءۇشىن، ۋانپيڭ قالاسىن شىمىرىكپەستەن اتقىلاپ، جۇڭگو مەن شەتەلدى ءدۇر سىلكىندىرگەن لۋگوۋچياۋ وقيعاسىن تۋدىردى. جۇڭگو ارمياسى مەن حالقى ەرلىكپەن قارسىلىق كورسەتىپ، بۇكىل ۇلتتىڭ جاپون شاپقىنشىلارىنا قارسى سوعىسى بۇرق ەتە ءتۇستى، سونداي - اق فاشيزمگە قارسى دۇنيە جۇزىلىك سوعىستىڭ شىعىستاعى نەگىزگى شايقاس مايدانىن اشتى. جۇڭحۋا ۇلتىنىڭ ءومىر مەن ءولىم ارپالىسىنىڭ تاريحي كەزەڭىندە جۇڭگو كوممۋنيستىك پارتياسى ۇلتتىق ادىلەتتىلىكتى ۇستانىپ، جاپون شاپقىنشىلارىنا قارسى تۇرۋ تۋىن بيىك ۇستاپ، گومينداڭ مەن كوممۋنيستىك پارتيانىڭ ىستەستىگىن نەگىز ەتكەن جاپون شاپقىنشىلارىنا قارسى ۇلتتىق بىرلىكساپتى بەلسەنە دارىپتەپ، پارمەندى ىلگەرىلەتىپ، جاپون شاپقىنشىلارىمەن ەڭ ەرجۇرەك، ەڭ باتىل كۇرەس جۇرگىزىپ، بۇكىل ۇلتتىڭ جاپون شاپقىنشىلارىنا قارسى سوعىسىنىڭ تىرەگىنە اينالدى. بارلىق جۇڭحۋا ۇلاندارى مەملەكەت قيىنشىلىعىنا بىرگە اتتانىپ، قان كەشىپ شايقاس جاساپ، جۇڭحۋا ۇلتىنىڭ تىزە بۇكپەيتىن قايسارلىعى مەن رۋحىن ايگىلەدى.
ۋاڭ حۋنيڭ مىنانى ءبىلدىردى: ءبىز بۇكىل ۇلتتىڭ جاپون شاپقىنشىلارىنا قارسى سوعىسى باستالعانىنىڭ 85 جىلدىعىن ەسكە العاندا، جاپون شاپقىنشىلارىنا قارسى سوعىستىڭ ۇلى رۋحىنا مۇراگەرلىك ەتىپ جانە ونى ساۋلەلەندىرىپ، جۇڭگو كوممۋنيستىك پارتياسىنىڭ باسشىلىعىندا بۇلجىماي تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، تاريحي ەستەمەنى بەكەمدەپ، تاريحي بورىشتى ارقالاپ، تاريحي ىرىقتىلىقتى يگەرىپ، جاڭا جورىقتا اناعۇرلىم ويداعىداي ۇمتىلىپ، جاڭا داۋىرگە ۇلەس قوسۋىمىز كەرەك. جۇڭحۋا ۇلاندارىنىڭ ۇلى ىنتىماعىن تاباندىلىقپەن كۇشەيتىپ، باتىلدىقپەن كۇرەس جۇرگىزىپ، شەبەرلىكپەن جاڭالىق اشىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا قاجىماي - تالماي كۇرەس جۇرگىزۋىمىز كەرەك. بەيبىت دامۋ جولىنان اۋىتقىماي، ادامزاتتىڭ بەيبىت دامۋى مەن العا باسۋىنا اناعۇرلىم جاقسى ۇلەس قوسۋىمىز كەرەك.
ۋاڭ حۋنيڭ قاتارلى باسشى جولداستار ءار سالاداعى بۇقارانىڭ ۋاكىلدەرىمەن بىرگە جاپون شاپقىنشىلارىنا قارسى سوعىس قاھارماندارىنا گۇل ارنادى ءارى «ورتەڭ تاڭباسى − بەيجيڭ جاپون شاپقىنشىلارىنا قارسى سوعىس نەگىزگى تاقىرىبىنداعى اۋماق ارناۋلى كورمەسىن» ەكسكۋرسيالادى.
سۇن چۇنلان، حۋاڭ كۇنميڭ، حاۋ ميڭجين، جاڭ چيڭلي، مياۋ حۋا قاتارلىلار سالتقا قاتىناستى. سالتتى ساي چي باسقاردى.
ورتالىقتاعى پارتيا، ۇكىمەت، ارميا ورىندارىنىڭ، بۇقارالىق ۇيىمداردىڭ قاتىستى تاراۋلارىنداعى جانە بەيجيڭ قالاسىنداعى قاتىستى جاۋاپتى جولداستار، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، بەيجيڭدە جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەردىڭ، ساقا جولداستاردىڭ ۋاكىلدەرى، سونداي - اق جاپون شاپقىنشىلارىنا قارسى سوعىس قولباسىلارىنىڭ تۋىس - تۋعاندارىنىڭ ۋاكىلدەرى، جاپون شاپقىنشىلارىنا قارسى سوعىس قۇرباندارىنىڭ تۋىس - تۋعاندارىنىڭ ۋاكىلدەرى، استاناداعى ءار سالا بۇقاراسىنىڭ ۋاكىلدەرى قاتارلى 300 دەي ادام سالتقا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
