«ەمتيحان تاپسىرۋ» سەرگەكتىگى مەن تاباندىلىعىن ماڭگى ساقتايىق
− باس شۋجي شي جينپيڭنىڭ ولكە - مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق تالقى كۋرسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2022.08.04 16:15 كەلۋ قاينارى : حالىق تورابى
«جاپپاي سوتسياليستىك وسىزاماندانعان مەملەكەت قۇرۋدىڭ، جاڭا داۋىردەگى جاڭا جورىقتىڭ ءتۇرلى نىسانا - مىندەتتەرىن جۇزەگە اسىرۋدىڭ تەتىگى پارتيادا». ولكە - مينيسترلىك دارەجەلى نەگىزگى باسشى كادرلاردىڭ «باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنىپ، پارتيانىڭ 20 - قۇرىلتايىن قارسى الۋ» ارناۋلى تاقىرىپتىق زەرتتەۋ - تالقى كۋرسىندا باس شۋجي شي جينپيڭ پارتيا مەن مەملەكەت ىستەرىنىڭ دامۋىنا قاتىستى ءبىرقىدىرۋ كەلەلى نازاريالىق جانە امالياتتىق ماسەلەنى تەرەڭ پايىمداپ، «پارتيامىز − دۇنيە ءجۇزى بويىنشا ەڭ ۇلكەن ماركسيزمدىك بيلىكتى پارتيا، ۇزاق ۋاقىت بيلىك جۇرگىزۋ ورنىن بەكەمدەپ، حالىق بۇقاراسىنىڭ شىن جۇرەكتەن قولداپ - قۋاتتاۋىنا قاي - قاشان دا يە بولىپ، ءسوز جوق، ‹ەمتيحان تاپسىرۋ› سەرگەكتىگى مەن تاباندىلىعىن ماڭگى ساقتاۋ كەرەك» دەپ دارىپتەدى.
وزىنە ءوزى توڭكەرىس جاساۋعا باتىل بولۋ − پارتيامىزدىڭ ەڭ ايقىن قاسيەتى، سونداي - اق پارتيامىزدىڭ ەڭ ۇلكەن ابزالدىعى، وزىنە توڭكەرىس جاساۋ رۋحى − پارتيانىڭ جاستىق كوكتەمنىڭ ومىرشەڭدىك كۇشىن ماڭگى ساقتاۋىنىڭ قۇدىرەتتى تىرەگى. 100 جىلدىق كۇرەس بارىسىندا پارتيا حالىققا باسشىلىق ەتىپ، ارت - ارتىنان ۇلى تابىستارعا قول جەتكىزىپ، تار جول، تايعاق كەشۋلەردەن جەڭىسپەن ءوتىپ، شىڭدالۋدى باستان كەشىرىپ، ءالى دە جالىندى دا ومىرشەڭ بولىپ، حالىق بۇقاراسىنىڭ قولداۋى مەن قۇپتاۋىنا يە بولدى، مۇنىڭ سەبەبى پارتيانىڭ وزىندە ورىن تەۋىپ وتىرعان ماسەلەلەرگە بەتپە - بەت كەلۋگە، وزىنە توڭكەرىس جاساۋعا باتىل بولىپ، العاباسارلىق پەن كىرشىكسىزدىكتى باستان - اياق ساقتاپ، جاسامپازدىق، ۇيىسقىشتىق، جاۋىنگەرلىك قۋاتتى ۇزدىكسىز كۇشەيتىپ، ماركسيزمدىك ساياسي پارتيانىڭ قاسيەتىن ماڭگى ساقتاۋىندا. پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى پارتيانى جاپپاي قاتاڭ جونگە سالۋدى «ءتورتتى جاپپاي ورىنداۋ» ستراتەگيالىق ورنالاستىرۋىنا ەنگىزىپ، پارتيا ستيلى، پاكتىك قۇرىلىسى مەن ءىرىپ - شىرۋگە قارسى تۇرۋ كۇرەسىن بۇرىن بولماعان باتىلدىقپەن جانە تاباندىلىقپەن ىلگەرىلەتىپ، تالاي جىلدان بەرى تەجەلمەگەن ءىشىنارا بۇرىس ستيلدەردى، تەرىس پيعىلداردى تەجەپ، ۇزاق ۋاقىتتان بەرى شەشىلمەي كەلە جاتقان كوپتەگەن ەسكىلىكتى كىناراتتاردى شەشىپ، پارتيانىڭ، مەملەكەتتىڭ، ارميانىڭ ىشكى بولەگىندە ورىن تەپكەن اۋىر كومەسكى قاتەرلەردى الاستادى، پارتيانى باسقارۋ، پارتيانى جونگە سالۋداعى كەڭ، بوس، ءالسىز بولۋ جاعدايى تۇبىرىنەن وڭالىپ، پارتيا توڭكەرىستىك شىڭدالۋ بارىسىندا اناعۇرلىم پارمەندى كۇش – قۋاتقا يە بولدى. 10 جىلدان بەرى پارتيامىز ۇلى وزىندىك توڭكەرىس ارقىلى ۇلى قوعامدىق توڭكەرىسكە جەتەكشىلىك ەتۋدە، ۇلى قوعامدىق توڭكەرىس ارقىلى ۇلى وزىندىك توڭكەرىستى جەبەۋدە تاباندى بولىپ، ءجۇز ميلليونداعان حالىقتى ىنتىماقتاستىرىپ جانە باستاپ، بوران - شاشىننان بوگەلمەي، ۇدەرە العا تارتىپ، جاڭا داۋىردەگى جۇڭگوشا سوتسياليزمنىڭ ۇلى جەتىستىكتەرىن جاراتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى اناعۇرلىم كەمەلدى تۇزىمدىك كەپىلمەن، اناعۇرلىم بەرىك زاتتىق نەگىزبەن، اناعۇرلىم ىرىقتى رۋحاني كۇشپەن قامداپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى بۇرۋعا بولمايتىن تاريحي بارىسقا قادام تاستادى.
پارتيانى جاپپاي قاتاڭ باسقارۋ ماڭگى جالعاسادى، پارتيانىڭ وزىنە - ءوزى توڭكەرىس جاساۋى ماڭگى جالعاسادى. بۇگىنگى دۇنيە ءجۇزى ءجۇز جىلدان بەرى بولماعان زور وزگەرىستى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر، پارتيامىز حالىقتى باستاپ، كوپتەگەن جاڭا تاريحي ەرەكشەلىككە يە ۇلى كۇرەستەر جۇرگىزۋدە، جاعدايداعى، ورتاداعى وزگەرىستىڭ تەزدىگى، رەفورما، دامۋ، ورنىقتىلىق مىندەتىنىڭ اۋىرلىعى، قايشىلىق، حاۋىپ - قاتەر، سىن - سايىستىڭ كوپتىگى، پارتيامىزدىڭ ەل باسقارۋ سىناعىنىڭ زور بولۋى بۇرىن بولىپ كورىلمەگەن دارەجەگە جەتتى. سوتسياليستىك وسىزاماندانعان مەملەكەتتى جاپپاي قۇرىپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىندا بۇكىل پارتيا، ءسوز جوق، مىنانى ىشكەرىلەي تانۋى كەرەك: پارتيا ءدوپ كەلىپ وتىرعان بيلىك جۇرگىزۋ سىناعى، رەفورما جاساپ، ەسىك اشۋ سىناعى، بازار شارۋاشىلىعى سىناعى، سىرتقى ورتا سىناعى ۇزاق ۋاقىت ءومىر سۇرەدى، رۋحاني بويكۇيەزدىك قاتەرى، قابىلەت جەتپەۋ قاتەرى، بۇقارادان قول ءۇزۋ قاتەرى، كەرەناۋلىق، شىرىكتەسۋ قاتەرى ۇزاق ۋاقىت ءومىر سۇرەدى. اماليات مىنانى تولىق دالەلدەدى: پارتيانى جاپپاي قاتاڭ جونگە سالۋ − پارتيانىڭ ومىرشەڭدىك قۋاتىن ماڭگى ساقتاپ، جاڭا ەمتيحان تاپسىرۋ جولىن جاقسى باسۋدا، ءسوزسىز، باسىپ وتەتىن جول. جاڭا داۋىردە جۇڭگوشا سوتسياليزمدە تاباندى بولۋ جانە ونى دامىتۋ سىندى ۇلى قوعامدىق توڭكەرىستى ويداعىداي جۇرگىزۋ ءۇشىن، پارتيامىز، ءسوز جوق، وزىنە - ءوزى توڭكەرىس جاساۋعا باتىل بولىپ، پارتيانىڭ تاسقىنداعان ومىرشەڭدىك كۇشى مەن قۇدىرەتتى جاۋىنگەرلىك قۋاتىن ماڭگى ساقتاۋعا شىنايى كەپىلدىك ەتۋى كەرەك. العا باسۋ جولىندا پارتيانىڭ ۇلى قۇرىلىسى رۋحىن بارىنشا ساۋلەلەندىرىپ، اۋەلگى ماقساتتى، بورىشتى ۇمىتپاي، وزىنە توڭكەرىس جاساۋعا باتىل بولىپ، پارتيانىڭ العاباسارلىعى مەن كىرشىكسىزدىگىنە زيان جەتكىزەتىن بارلىق زياندى فاكتوردى ۇزدىكسىز الاستاپ، پارتيانىڭ اقاۋسىز تۇلعاسىن بۇلدىرەتىن بارلىق اۋرۋ قوزدىرعىشتى ۇزدىكسىز الاستاساق بولعانى، ءبىز، ءسوز جوق، پارتيانىڭ ساپاسىنىڭ وزگەرمەۋىنە، سيپاتىنىڭ وزگەرمەۋىنە، قاسيەتىنىڭ وزگەرمەۋىنە شىنايى كەپىلدىك ەتىپ، پارتيانىڭ جاڭا داۋىردە جۇڭگوشا سوتسياليزمدە تاباندى بولۋ جانە ونى دامىتۋ تاريحي بارىسىندا باستان - اياق پارمەندى باسشىلىق ۇيىتقى بولۋىنا كەپىلدىك ەتە الامىز.
باس شۋجي شي جينپيڭ بىلاي دەپ دارىپتەگەن بولاتىن: «اماليات بىزگە مىنانى قايتالاپ ەسكەرتۋمەن كەلەدى: پارتيانى باسقارۋدى، پارتيانى جونگە سالۋدى ءبىر ساتكە دە بوساڭسىتۋعا بولمايدى، ءسوز جوق، قاجىماي - تالماي ۇدايى يگەرىپ، جىبەرمەي مىقتى يگەرىپ، استە بوساڭسىپ، دامىلدايتىن، قالجىراپ، شايقاستان جالىعاتىن كوڭىل كۇيدە بولماي، پارتيانى جاپپاي قاتاڭ باسقارۋدى، ءسوز جوق، العان بەتتەن جازباي ىلگەرىلەتىپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتىپ، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋ كەرەك». جاڭا تاريحي شارت - جاعدايدا پارتيانىڭ ماركسيزمدىك ساياسي پارتيالىق قاسيەتىن ماڭگى ساقتاۋدىڭ تەتىگى ءالى دە پارتيامىزدىڭ وزىنە سۇيەنۋىندە. بۇكىل پارتيا تەمىر سوقساڭ قۇرىش بول دەيتىن قيسىندى ەستە بەرىك ساقتاپ، وزىنە - ءوزى توڭكەرىس رۋحىن ماڭگى ساقتاپ، پارتيانى جاپپاي قاتاڭ جونگە سالۋ ماڭگى جالعاسادى دەيتىن ساياسي سانالىلىقتى كۇشەيتىپ، قاتاڭ نەگىزگى اۋەننەن اۋىتقىماي، شەگە قاعۋ رۋحىن ساۋلەلەندىرىپ، ستيل قۇرىلىسىن كۇشەيتۋدە تاباندى بولىپ، جەمقورلىقتى نولدىك توزىمدىلىك پوزيتسياسىمەن جازالاۋدا تاباندى بولىپ، پارتيانى جاپپاي قاتاڭ جونگە سالۋدى تاباندىلىقپەن ىشكەرىلەي ىلگەرىلەتىپ، پارتيانىڭ ءوزىن - ءوزى كىرشىكسىزدەندىرۋ، ءوزىن - ءوزى كەمەلدەندىرۋ، ءوزىن - ءوزى جاڭالاۋ، ءوزىن - ءوزى جوعارىلاتۋ قابىلەتىن ۇزدىكسىز كۇشەيتۋ كەرەك. قاسىرەت قايرات كەلتىرەتىنىن، راقات ادام ولتىرەتىنىن ەستە بەرىك ساقتاپ، الدا بولاتىن قاتەردى ۇدايى ەسكەرىپ، امانشىلىقتا جامانشىلىقتىڭ دا بولارىن ويلاپ، «ءتورت ۇلكەن سىنعا» باتىلدىقپەن بەتپە – بەت كەلىپ، «ءتورت ءتۇرلى قاتەردى» باتىل جەڭىپ، پارتيا قۇرىلىسىنىڭ ساپاسىن ۇزدىكسىز جوعارىلاتىپ، پارتيانىڭ ساياسي باسشىلىق قۋاتىن، يدەيالىق جەتەكشىلىك قۋاتىن، بۇقارانى ۇيىمداستىرۋ قۋاتىن، قوعامدىق ۇندەۋ قۋاتىن ۇزدىكسىز كۇشەيتىپ، پارتيانى باستان - اياق ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، وزىنە توڭكەرىس جاساۋعا باتىل، ءتۇرلى داۋىلداردىڭ سىنىنان وتە الاتىن، جالىندى دا ومىرشەڭ ماركسيزمدىك بيلىكتى پارتيا ەتىپ قۇرىپ شىعىپ، قيىنشىلىققا توتەپ، قىسىمعا ءتوزىپ، جۇڭگوشا سوتسياليزم ىستەرىنىڭ تولقىن جارا ىلگەرىلەپ، توقتاۋسىز العا باسۋىنا جەتەكشىلىك ەتۋ كەرەك.وتكەندى ەسكە الساق، پارتيانىڭ حالىقتى ىنتىماقتاستىرىپ جانە باستاپ توڭكەرىس، قۇرىلىس، رەفورما جۇرگىزۋ امالياتى پارتيامىز قاي كەزدە پارمەندى بولسا، پارتيا مەن حالىق ىستەرىنىڭ سول كەزدە جەڭىسكە جەتىپ وتىراتىنىن دالەلدەدى. جاڭا ۇلى جورىقتا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، جۇڭگو كوممۋنيستىك پارتياسى دەگەن نە، نە ىستەيدى دەگەن ءتۇبىرلى ماسەلەنى ەستە بەرىك ساقتاپ، قايراتتانا العا ۇمتىلۋ رۋحىن باستان - اياق ساقتاپ، «ەمتيحان تاپسىرۋ» سەرگەكتىگى مەن تاباندىلىعى ارقىلى جاڭا ءداۋىردىڭ ەمتيحانىن ويداعىداي تاپسىرساق، عاسىرلىق ۇلكەن پارتيامىز، ءسوز جوق، العاباسارلىق پەن كىرشىكسىزدىكتى ماڭگى ساقتاپ، جاستىق كوكتەمنىڭ ومىرشەڭدىك كۇشىن ماڭگى ساقتاپ، باستان - اياق جۇڭگو حالقىنىڭ ەڭ سەنىمدى، ەڭ قايسار تىرەگى بولا الادى، جاڭا ەمتيحان تاپسىرۋ جولىندا ادامدى تاڭ قالدىراتىن جاڭا كەرەمەتتەردى ۇزدىكسىز جاراتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
