بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

پارتيا 20 – قۇرىلتايى ۋاكىلدەرىنىڭ كەلبەتى | ءراشيلا راحات قىزى: «قالاۋىن تاۋىپ قار جاندىرعان» قالقىتىپ سۇرىپتاۋشى

2022.10.09 14:27     كەلۋ قاينارى : حالىق تورابى


  سۋرەتتە: ءراشيلا راحات قىزى سەحتا قالقىتىپ سۇرىپتاۋدىڭ قويۋلىق دارەجەسىن تەكسەرۋدە. سۋرەتتى سۇحبات قابىلداۋشى بەرگەن

  9 – ايدىڭ 22 – كۇنى تاڭ سارىدە، كوكتوعاي اۋدانى قاراتۇڭكە قالاشىعىنداعى شينجياڭ قاراتۇڭكە كەن كاسىبى شەكتى جاۋاپكەرشىلىك سەرىكتەستىگىنىڭ رۋدا سۇرىپتاۋ زاۆودىندا، رۋدا سۇرىپتاۋ تەحنيگى، قالقىتىپ سۇرىپتاۋشى شەبەرلەر قىزمەت بولمەسىنىڭ جەتەكشىسى ءراشيلا راحات قىزى رۋدا سۇرىپتاۋ ماشيناسىنىڭ الدىندا كوپىرشىكتى قاباتتىڭ رەڭى مەن قالىڭدىعىن مۇقيات باقىلاپ، قالقىتىپ سۇرىپتاۋ كورسەتكىشتەرى جونىندە تۇجىرىم جاسادى. ول: «جاقىننان بەرى وتە قاربالاسپىز، جاڭادان كەلگەن 3 شاكىرتكە جەتەكشىلىك ەتۋىم كەرەك، جاڭا كەلگەن رۋدالاردىڭ دارەجەسىندەگى تولقۋ ءبىرشاما زور، قالقىتىپ سۇرىپتاۋ تەحنيكاسىن جەدەل رەتتەۋ قاجەت ...» — دەيدى.

  1999 – جىلى ءراشيلا قاراتۇڭكە سەرىكتەستىگىنىڭ رۋدا سۇرىپتاۋ زاۆودىنا كەلىپ، ەڭ نەگىزگى، ەڭ جاپالى رۋدا سۇرىپتاۋ قىزمەتىمەن شۇعىلدانعان. 2015 – جىلى ول داڭقپەن جۇڭگو كوممۋنيستىك پارتياسىنا قابىلدانعان. بيىل ول پارتيا 20 – قۇرىلتايىنىڭ ۋاكىلى بولىپ سايلانعان. 23 جىل بويى تاباندىلىق كورسەتۋ ارقىلى ول رۋدا سۇرىپتاۋ جاعىنداعى «بالاۋسادان» «قالاۋىن تاۋىپ قار جاندىراتىن» قالقىتىپ سۇرىپتاۋ شەبەرىنە اينالدى؛ 23 جىل بويى ۇلەس قوسۋ بارىسىندا، ول ءوز باسىن كاسىپورىنمەن توعىستىرىپ، «باۋلۋ، كومەكتەسۋ، جەتەلەۋ» ارقىلى 30 نەشە شاكىرت تاربيەلەدى، ولاردىڭ بەسەۋى تەحنيك، ۇشەۋى جوعارى دارەجەلى جۇمىسشى؛ 23 جىل قۇلشىنۋ بارىسىندا، ول ىلگەرىندى – كەيىندى «مەملەكەتتىك 1 – مامىر ەڭبەك وردەنى»، «مەملەكەتتىك 8 – ناۋرىز قىزىل تۋشىسى» قاتارلى داڭقتارعا يە بولدى.

  قالقىتىپ سۇرىپتاۋدىڭ تولىق اتى قالقىتۋ تاسىلىمەن رۋدا سۇرىپتاۋ دەپ اتالادى، بۇل ءتاسىل رۋدا سۇرىپتاۋداعى شەشۋشى جۇمىس ءتارتىبى، ءارقايسى تەحنيكالىق كورسەتكىشتەردى ورىنداۋدىڭ جاقسى – جامان بولۋى ءوندىرىس پەن تيجاراتتىڭ ونىمدىلىگىنە تىكەلەي اسەر ەتەدى. زاۆودقا قابىلدانعان ءبىرىنشى كۇنى، راشيلانىڭ جەتەكشىسى وعان: «قالقىتىپ سۇرىپتاۋدى ۇيرەنۋ وڭاي ەمەس»، — دەگەن بولاتىن. قالقىتىپ سۇرىپتاۋ تەحنيكاسىن تەزىرەك ۇيرەنۋ ءۇشىن، ءراشيلا قالقىتىپ سۇرىپتاۋ تەحنيكاسىنا قاتىستى كىتاپتاردى دەن قويا وقىدى، مەملەكەت بويىنشا ورتاق پايدالاناتىن ءتىل – جازۋعا جەتىك بولماعاندىقتان، ول باستاۋىش مەكتەپ وقۋشىسى سياقتى ءبىر ءارىپ، ءبىر ارىپتەن سوزدىك اقتاراتىن؛ سۇرىپتالعان رۋدالاردىڭ دارەجەسى مەن ءدارى قوسۋ مولشەرى اراسىنداعى زاڭدىلىقتى قورىتىندىلاپ شىعۋ ءۇشىن، ول ءار كۇنى حيميالىق تاجىريبەحاناعا بارىپ، ساراپتاۋ ناتيجەسىن ۇعىساتىن؛ تەحنيكانىڭ ماڭىزدى تۇيىندەرىن تەزىرەك مەڭگەرۋ ءۇشىن، ول كەزەكشىلىكتى مەرزىمىنەن جارىم ساعات بۇرىن قابىلداپ، جۇمىستان مەرزىمىنەن جارىم ساعات كەيىن تۇسۋدە تاباندى بولىپ، قىزمەتتى قورىتىندىلاپ، تەحنيكاسىن جاقسارتتى. «ەڭبەگى باردىڭ ونبەگى بار» دەگەندەي، 10 جىل بويى ىزدەنۋ، تاجىريبە توپتاۋ ارقىلى، راشيلا رۋدا سۇرىپتاۋ زاۆودىنىڭ قالقىتىپ سۇرىپتاۋ جۇمىس ورنىنداعى ەڭ ۇزدىك جۇمىسشىعا اينالدى.

  قالقىتىپ سۇرىپتاۋ قىزمەتىمەن شۇعىلدانۋشى جىل بويى ءدارى – دارمەكپەن، ماشينالارمەن، قۇرال – جابدىقتارمەن سەرىك بولادى، قىزمەت ورتاسى جاپالى ءارى ەڭبەك كۇشەمەلىلىگى زور بولادى، وزىمەن بىرگە قابىلدانعان ءبىر توپ ايەل قىزمەتكەرلەردىڭ بارلىعى قالقىتىپ سۇرىپتاۋشى سىندى قىزمەت ورنىنان كەتسە دە، ءراشيلا باستان – اياق العان بەتىنەن تانبادى.

  2010 – جىلى 10 – ايدا، رۋدا سۇرىپتاۋ زاۆودى جاڭا جۇيەنى ىسكە قوستى. جاڭا جۇيەنى سىناقتان وتكىزۋ بارىسىندا، مانەرلەۋ تەحنيكاسىنىڭ تۇراقسىزدىعى سەبەبىنەن ۇنەمى ماسەلە بايقالاتىن. ءراشيلا ءار كۇنى رۋدا ۇساتۋشى، ءدارى قوسۋشى جۇمىسكەرلەرمەن اڭگىمەلەسىپ، اسپاپتاردى ىسكە قوسۋ جاعدايىنا ءجىتى نازار اۋدارىپ وتىرادى، بەلگىلى جاعداي بايقالسا بولعانى، مەيلى، قانشاما كەش بولسا دا، دەرەۋ ءىس تۋىلعان جەرگە بارىپ سىناقتان وتكىزەدى. ماسەلە بىرىنەن سوڭ ءبىرى تۋىلعان سايىن، ونى ءبىر – بىرلەپ شەشۋ بارىسىندا، ءراشيلا ەڭ سوڭىندا جالپى بارىس بويىنشا مەڭگەرۋگە بولاتىن ساراپتاۋ ءادىسىن تاۋىپ شىعىپ، قالقىتىپ سۇرىپتاۋ جۇمىس ورنىنىڭ باعدارناماسىنا اينالدى.

  2014 – جىلى، كەن سۇرىپتاۋ زاۆودىندا ءراشيلانىڭ اتىمەن اتالعان قالقىتىپ سۇرىپتاۋ تەحنيكالىق شەبەرلەرى قىزمەت كەڭسەسى قۇرىلعان سوڭ، ول ءتىپتى قاربالاس بولدى، جۇمىسقا دەگەن ارىنى دا ارتا ءتۇستى، ول ءوزىنىڭ تەحنيكاسىن تۇگەلىمەن شاكىرتتەرىنە ۇيرەتتى. پارتياعا قابىلدانعان سوڭ، ءراشيلا ءوزى كوممۋنيس بولعاندىقتان، ءاربىر ٴىس -قيمىلىنىڭ جانىنداعى قىزمەتتەستەرىنە تىكەلەي اسەر ەتەتىنىن، پارتيا مۇشەسىنىڭ ۇزدىك، ۇلگىلىك رولىن اناعۇرلىم ساۋلەلەندىرۋى كەرەك ەكەنىن تەرەڭ سەزىندى. ونىڭ مۇقيات جەتەكشىلىك ەتۋىندە، گاۋ يان ەسىمدى شاكىرتى قالقىتىپ سۇرىپتاۋ قىزمەتىمەن شۇعىلدانعانىنا 4 جىلعا جەتپەيتىن ۋاقىت ىشىندە، شينجياڭ ءتۇستى مەتال توبىنىڭ تەحنيكالىق شەبەرلىك باسەكەسىندە 1 – ورىنعا يە بولدى؛ گۇلنۇر ەسىمدى شاكىرتى 3 جىل ۇيرەنگەن سوڭ، ءوزى جۇمىستى جەكە ورىنداي الاتىن دارەجەگە جەتىپ، گرۋپپانىڭ ءوندىرىس بارىسىنداعى ماڭىزدى مىندەتتەرىن ارقالادى.

  ءراشيلانىڭ كومەكتەسۋى مەن جەتەكشىلىك ەتۋىندە، رۋدا سۇرىپتاۋ جۇمىسكەرلەرىنىڭ جۇمىس ىستەۋ ورەسى ۇزدىكسىز جوعارىلادى. «قالقىتىپ سۇرىپتاۋ جۇمىس ورنى قالقىتىپ سۇرىپتاۋ، رۋدانى ۇگىتۋ، جابدىقتاردى ىسكە قوسۋ قاتارلى كوپ تۇيىنگە ساياتىندىقتان، مول نازاريالىق ءبىلىم مەن امالياتتىق تاجىريبەنى قاجەت ەتەدى، مەن مۇنى تالاي بۇراڭ جولداردى بارۋ ارقىلى ءتۇسىندىم، الايدا، كۇندەردىڭ كۇنىندە مەن دە زەينەتكە شىعامىن، بۇل قىزمەت ورنىنا ءىزباسار قاجەت»، — دەيدى ول.

  ءراشيلا قالقىتىپ سۇرىپتاۋ تەحنيكالىق شەبەرلەر قىزمەت كەڭسەسىنەن پايدالانىپ عىلىم – تەحنيكالىق جاقتا جاڭالىق اشىپ، «شاعىن تاپقىرلىق، شاعىن جاسامپازدىق، شاعىن جاڭالىق، شاعىن جوبالاۋ، شاعىن ۇسىنىستار بەرۋ» قيمىلى قاتارلىلاردى ورىستەتىپ، ناق مايدانداعى تەحنيكالىق تارتىپتەردى كوپ نەگىزدەندىرىپ وزگەرتۋ، ءدارى مولشەرىن ازايتۋ سىناعى، تومەن ءسىلتىلى بەيتاراپتاۋ سيپاتتى تەحنيكالىق بارىستى جاقسارتۋ قاتارلى 11 نىسانعا قاتىناسىپ، كاسىپورىنعا تاماشا ەكونوميكالىق ونىمدىلىك جاراتتى. 2020 – جىلى ول «مەملەكەتتىك ماشينالاسقان مەتال قورىتۋ جانە قۇرىلىس ماتەريالدارى سالاسىنىڭ شەبەرى» بولىپ باعالانعان.

  ءراشيلا: «مەن جاي عانا قالقىتىپ سۇرىپتاۋ جۇمىسكەرىمىن، پارتيا 20 – قۇرىلتايىنىڭ ۋاكىلى بولا الۋىم پارتيانىڭ ماعان تولىق سەنگەندىگى. مەن تەك اناعۇرلىم قۇلشىنا قىزمەت ىستەپ، ءوزىمنىڭ قىزمەت ورنىمدا جۇمىستى ويداعىداي ىستەگەندە عانا، وسىنداي داڭقتى ءۇمىتتى اقتاي الامىن»، — دەدى.

  كەلۋ قاينارى: حالىق تورابى

  
سۋرەتتە: ءراشيلا راحات قىزى (سولدا) جۇمىس ورنىنا جاڭا كەلگەن جۇمىسكەرلەرگە قۇرىلعىلاردى پايدالانۋدىڭ تارتىپتەرىن ۇيرەتۋدە. سۋرەتتى سۇحبات قابىلداۋشى بەرگەن

جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار