شي جينپيڭ ەگيپەتتىڭ زۇڭتۇڭىمەن، پالەستيننىڭ زۇڭتۇڭىمەن، سۋدان يەلىك ۇقىق كوميتەتىنىڭ توراعاسىمەن، كۆەيتتىڭ پاتشا مۇراگەرىمەن جەكە - جەكە كەزدەستى
2022.12.12 15:53 كەلۋ قاينارى : شينجياڭ گازەتى
شينحۋا اگەنتتىگىنىڭ 12 - ايدىڭ 8 - كۇنى ريادتان بەرگەن حابارى (تىلشىلەر سۇن حاۋ، تيان يە). جەرگىلىكتى ۋاقىت 12 - ايدىڭ 8 - كۇنى تۇستەن كەيىن مەملەكەت ءتوراعاسى شي جينپيڭ ريادتا ەگيپەتتىڭ زۇڭتۇڭى سيسيمەن كەزدەستى.
شي جينپيڭ بىلاي دەپ اتاپ كورسەتتى: قازىر حالىقارالىق جانە وڭىرلىك جاعدايدا تەرەڭ دە كۇردەلى وزگەرىستەر تۋىلۋدا، جۇڭگو - ەگيپەت قارىم - قاتىناسىنىڭ ستراتەگيالىق سيپاتى، جالپى جاعدايلىق سيپاتى اناعۇرلىم كورنەكتىلەنۋدە. جۇڭگو مەن ەگيپەت ۇستانىمدارى ۇلاسقان، مۇددەلەرى جالعاسقان، ەكى جاق قول ۇستاسا قۇلشىنىپ، جاڭا داۋىردە جۇڭگو - ەگيپەت تاعدىرلاس ورتاق تۇلعاسىن قۇرۋ نىساناسىن بەتكە الىپ، ەكى ەلدىڭ جان - جاقتى ستراتەگيالىق سەرىكتەستىك قارىم - قاتىناسىنىڭ تىڭ دا اناعۇرلىم زور دامۋعا قول جەتكىزۋىن ىلگەرىلەتۋگە ءتيىس.
شي جينپيڭ بىلاي دەپ باسا دارىپتەدى: جۇڭگو جاق ەگيپەتتىڭ ءوز مەملەكەت جاعدايىنا ۇيلەسەتىن دامۋ جولىمەن ءجۇرۋىن باتىل قولدايدى، ەگيپەتتىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋىن باتىل قولدايدى، ەگيپەت جاقپەن ”ءبىر بەلدەۋ، ءبىر جولدى“ بىرگە قۇرۋ سەلبەستىگىن تەرەڭدەتىپ، ”ورازا ايتتاعى ون كۇندىك قالا“ قالا ماڭى تەمىر جولى مەن جاڭا اكىمشىلىك استانانىڭ ورتالىق ساۋدا ىستەرى رايونىن ۋاعىندا جوعارى ساپامەن سالىپ شىعۋدى ىلگەرىلەتىپ، ”جۇڭگو - ەگيپەت سۆەيىش ەكونوميكا - ساۋدا سەلبەستىك رايونى“ قاتارلى ەلەۋلى سەلبەستىك نىساندارىن ويداعىداي اتقارۋدى قالايدى. جۇڭگو جاق ەگيپەتتەن ءتىپتى دە كوپ ساپالى ونىمدەردى يمپورت ەتىپ، قارجى قوسۋ، قارجى قۇراۋ، بىرلەسىپ ۆاكسينا ءوندىرۋ، عارىش سياقتى سالالارداعى سەلبەستىكتى كەڭەيتۋدى قالايدى. ەكى جاق لۋبان شەبەرحاسىن جانە جۇڭگو ءتىلى وقىتۋىن ىلگەرىلەتىپ، جۇڭگو مەن ەگيپەت دوستىعىنىڭ ءتىپتى دە كوپ ەلشىلەرىن باۋلۋ كەرەك. جۇڭگو جاق ەگيپەت جاقپەن بىرگە تۇڭعىش كەزەكتى جۇڭگو - اراب ەلدەرى باسشىلار ءماجىلىسىن وراي ەتىپ، جۇڭگو - اراب ەلدەرى تاعدىرلاس ورتاق تۇلعاسىن قول ۇستاسا قۇرىپ، جۇڭگو - افريكا ەلدەرى سەلبەستىك تالقى مىنبەرىنىڭ ”9 ينجەنەرياسىن“ تياناقتاندىرۋ جونىندە ۇشتاسۋدى كۇشەيتۋدى قالايدى. جۇڭگو جاق ەگيپەتتىڭ بىرلەسكەن مەملەكەتتەر ۇيىمىنىڭ كليمات وزگەرىسى جونىندەگى شارمشەيح جينالىسىن ءساتتى وتكىزگەندىگىن قۇتتىقتايدى، ەنەرگيا تيبىن جاڭالاۋ، جاسىل كاسىپ سالاسى، تومەن كومىر قىشقىل گازدى تەحنيكا سياقتى جاقتاردا اۋىس - كۇيىستى، سەلبەستىكتى كۇشەيتۋدى قالايدى. جۇڭگو جاق ەگيپەت جاقپەن بىرلەسكەن مەملەكەتتەر ۇيىمى قاتارلى كوپ جاقتى تۇعىرلارداعى سەلبەستىكتى كۇشەيتىپ، شىن مانىندەگى كوپ جاقتىلىقتى دارىپتەپ، حالىقارالىق قارىم - قاتىناسىنىڭ نەگىزگى ولشەمدەرىن قورعاپ، وركەندەپ كەلە جاتقان ەلدەردىڭ ورتاق مۇددەسىن قورعاپ، دۇنيە ءجۇزى مەن ءوڭىردىڭ بەيبىتشىلىگىن، ورنىقتىلىعىن تىزە قوسا جەبەۋدى قالايدى.
سيسي مىنالاردى ءبىلدىردى: جۇڭگو كوممۋنيستىك پارتياسىنىڭ پارمەندى باسشىلىعىندا، جۇڭگو ۇلى دامۋ تابىستارىنا قول جەتكىزىپ، حالىقاراداعى ورنى دۇنيە ءجۇزىنىڭ نازارىن اۋداردى، جاقىندا جۇڭگو كوممۋنيستىك پارتياسىنىڭ 20 - قۇرىلتايى ءساتتى اشىلدى، مەن شىن جۇرەكتەن قۇتتىقتايمىن. ەگيپەت جاق جۇڭگو سىندى ۇلى دوسىنىڭ بولعاندىعىنا ايرىقشا قۋانادى، جۇڭگو جاقپەن ەكى ەلدىڭ جان - جاقتى ستراتەگيالىق سەرىكتەستىك قارىم - قاتىناسىن ونان ارى كۇشەيتىپ، ەگيپەت پەن جۇڭگونىڭ ءار سالاداعى سەلبەستىكتەرىنىڭ ءتىپتى دە كوپ جەتىستىكتەرگە قول جەتكىزۋىن ىلگەرىلەتۋدى كۇتەدى. ەگيپەت جاق ءبىر جۇڭگو ساياساتىن باتىل ۇستانىپ، جۇڭگو جاقتىڭ شياڭگاڭعا ساياتىن، شينجياڭعا ساياتىن قاتارلى وزەكتى مۇددە ماسەلەلەرىندەگى تۇرعىسىن باتىل قولدايدى، ءارقانداي كۇشتىڭ جۇڭگونىڭ ىشكى ىسىنە كيلىگۋىنە باتىل قارسى تۇرادى. ەگيپەت جاق جۇڭگو جاقپەن ”ءبىر بەلدەۋ، ءبىر جولدى“ بىرگە قۇرۋدى ۇزدىكسىز ىلگەرىلەتۋدى قالايدى، جۇڭگو جاقتىڭ ەگيپەتتىڭ ماڭىزدى نەگىزدىك قۇرىلعى نىسان قۇرىلىستارىنا بەلسەندىلىكپەن ات سالىسۋىن قارسى الادى، جۇڭگو كاسىپورىندارىنىڭ ەگيپەتكە كەلىپ قارجى قوسۋىن، سەلبەستىك جاساۋىن قاقپاسىن كەڭ اشىپ قارسى الادى، ەكى ەلدىڭ ۆاكسيا زەرتتەپ اشۋ سەلبەستىگىن ۇزدىكسىز كۇشەيتۋىن ءۇمىت ەتەدى. جۇڭگو جاقتىڭ شارمشەيح كليمات وزگەرىسى جونىندەگى جينالىستىڭ تابىستى بولۋىندا ماڭىزدى دا بەلسەندى رول اتقارعاندىعىنا العىس ايتامىز، جۇڭگو جاقپەن كوپ جاقتى تىلدەسۋدى، سەلبەستىكتى كۇشەيتۋدى قالايمىز. جاقىندا اشىلاتىن تۇڭعىش كەزەكتى اراب ەلدەرى − جۇڭگو باسشىلار ءماجىلىسىنىڭ اراب ەلدەرى مەن جۇڭگو قارىم - قاتىناسىنىڭ جاڭا ءداۋىرىن اشۋىن كۇتەمىز.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 12 - ايدىڭ 8 - كۇنى ريادتان بەرگەن حابارى (تىلشىلەر جياڭ گوپىڭ، دۋان مينفۋ). جەرگىلىكتى ۋاقىت 12 - ايدىڭ 8 - كۇنى تۇستەن كەيىن مەملەكەت ءتوراعاسى شي جينپيڭ ريادتا پالەستيننىڭ زۇڭتۇڭى ابباسپەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن پالەستيننىڭ دوستىعى جۇرت كوڭىلىنە تەرەڭ ۇيالاعان. جارتى عاسىردان استام ۋاقىتتان بەرى ەكى جاق باستان - اياق ءوزارا سەنىپ، ءبىرىن - ءبىرى قولداپ كەلەدى. حالىقارالىق جانە وڭىرلىك جاعداي، مەيلى، قالاي وزگەرسىن، جۇڭگو جاق قاشاندا پالەستين حالقىنىڭ ۇلتتىڭ زاڭدى ۇقىعىن قالپىنا كەلتىرۋدەگى ادىلەتتى ءىسىن باتىل قولداپ، باستان - اياق پالەستين حالقىمەن بىرگە تۇرادى. حالىقارالىق قوعام پالەستين ماسەلەسىن حالىقارالىق ءىس قاراۋ تارتىبىندەگى ماڭداي الدى ورىنعا قويىپ، ”ەكى ەل جوباسى“ باعدارى مەن ”جەردى بەيبىتشىلىككە ايىرباستاۋ“ پرينسيبىنە تاباندى بولىپ، بىرلەسكەن مەملەكەتتەر ۇيىمىنىڭ قاتىستى قارارلارى مەن ”اراب بەيبىتشىلىك باستاماسى“ نەگىزىندە، بەيبىت كەلىسسوزدى قايتا باستاۋدى جەبەۋگە ءتيىس. جۇڭگو جاق پالەستين ماسەلەسىنىڭ ەرتەرەك ءادىل دە باياندى شەشىم تابۋىن جەبەۋ جولىندا قاجىماي - تالماي ۇزدىكسىز قۇلشىنادى.
شي جينپيڭ بىلاي دەپ باسا دارىپتەدى: كەلەر جىلى − جۇڭگو مەن پالەستيننىڭ ديپلوماتيالىق قارىم - قاتىناس ورناتقاندىعىنىڭ 35 جىلدىعى، ەكى جاق قۇتتىقتاۋ قيمىلىن ويداعىداي جوسپارلاۋى كەرەك. جۇڭگو مەن پالەستين ساياحات سەلبەستىگى حۇجاتىنا قول قويىپ، جۇڭگو - پالەستين ەركىن ساۋدا رايونى كەلىسسوزىن بەلسەندىلىكپەن ىلگەرىلەتىپ، 2 - كەزەكتى جۇڭگو پالەستين ەكونوميكا - ساۋدا بىرلەسكەن كوميتەتى ءماجىلىسىن ءساتتى اشتى. جۇڭگو جاق پالەستين بوسقىندارىنا ىندەتكە قارسى اتتانۋ جاعىندا زور مولشەردەگى ۆاكسينا سياقتى زاتتىق كومەك بەردى، پالەستين جاقتىڭ ەكونوميكاسىن دامىتۋىنا، حالىق تۇرمىسىن جاقسارتۋىنا شاماسىنىڭ جەتىسىنشە ۇزدىكسىز كومەكتەسەدى. جۇڭگو جاق پالەستين جاقتىڭ جۇڭگو اراب ەلدەرى كوللەكتيۆ سەلبەستىگىنە بەلسەندىلىكپەن ات سالىسقاندىعىن جانە ونى ىلگەرىلەتكەندىگىن القايدى، پالەستين جاقپەن جۇڭگو - اراب ەلدەرى قارىم - قاتىناسىن ىلگەرىلەتۋ، الەمدىك دامۋ باستاماسىن، الەمدىك حاۋىپسىزدىك باستاماسىن تياناقتاندىرۋ جونىندەگى تىلدەستىكتى، سەلبەستىكتى كۇشەيتۋدى قالايدى.
ابباس مىنالاردى ءبىلدىردى: پالەستين حالقى جۇڭگو حالقىمەن دوستىق قارىم - قاتىناسىن ايرىقشا ماقتانىش ەتەدى. جۇڭگو − پالەستيننىڭ شىنايى جانە سەنىمدى دوسى، پالەستين حالقىنىڭ ادىلەتتى ءىسىن باستان - اياق باتىل قولداپ، ساياسي، ەكونوميكا، ادامگەرشىلىك سياقتى جاقتاردا پالەستين جاققا جان - جاقتى، شارتسىز قولداۋ كورسەتتى، بۇكىل پالەستين حالقى جۇڭگو حالقىنا شىنايى سۇيىسپەنشىلىك ورناتقان. جۇڭگو جاقتىڭ حالىقارالىق ورىنداردا ۇستانعان تۇرعىسى ادىلەتتى، ءادىل، ورتاعا قويعان باستامالارى مەن دارىپتەمەلەرى بەلسەندى دە سىندارلىلىققا يە، پالەستين جاق جۇڭگومەن باتىل بىرگە تۇرادى. پالەستين جاق ءبىر جۇڭگو پرينسيبىنە ۇزدىكسىز باتىل تاباندى بولىپ، جۇڭگو جاقتىڭ تايۋانعا ساياتىن، شياڭگاڭعا ساياتىن، شينجياڭعا ساياتىن قاتارلى ماسەلەلەردەگى ورىندى تۇرعىسىن باتىل قولدايدى، ”ءبىر بەلدەۋ، ءبىر جولدى“ بىرگە قۇرۋدى باتىل قولدايدى جانە وعان بەلسەندىلىكپەن ات سالىسادى، جۇڭگو جاقپەن ءارقايسى سالاداعى سەلبەستىكتى ۇزدىكسىز كۇشەيتۋدى قالايدى. پالەستين جاق جۇڭگو جاقپەن بىرگە ەرتەڭ وتكىزىلەتىن تۇڭعىش كەزەكتى اراب ەلدەرى - جۇڭگو باسشىلار ءماجىلىسىنىڭ تابىستى وتكىزىلۋىن ىلگەرىلەتۋدى كۇتىپ وتىر.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 12 - ايدىڭ 8 - كۇنى ريادتان بەرگەن حابارى (تىلشىلەر حاۋ ۋيۋي، حۋ گۋان). جەرگىلىكتى ۋاقىت 12 - ايدىڭ 8 - كۇنى تۇستەن كەيىن، مەملەكەت ءتوراعاسى شي جينپيڭ ريادتا سۋدان يەلىك ۇقىق كوميتەتىنىڭ ءتوراعاسى بۇرھانمەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن سۋدان تار جول، تايعاق كەشۋدى بىرگە وتكەرگەن جاقسى دوستار، جاقسى باۋىرلاستار. جۇڭگو جاق سۋداننىڭ ءار جاعىنىڭ ساياسي وتپەلى كەزەڭدى ۇزدىكسىز تىلدەسۋ، اقىلداسۋ ارقىلى ورنىقتى ىلگەرىلەتۋىن قولدايدى، سىرتقى كۇشتەردىڭ سۋداننىڭ ىشكى ىسىنە كيلىگۋىنە قارسى تۇرادى، حالىقارالىق ورىنداردا سۋدان دوسى ءۇشىن ۇزدىكسىز ادىلدىگىن ايتادى. جۇڭگو جاق سۋدانمەن قول ۇستاسا بىرگە قۇلشىنىپ، ەكى ەلدىڭ دوستىعى مەن ءوزارا سەنىمدىلىگىن بەكەمدەپ، ءبىر - ءبىرىنىڭ وزەكتى مۇددەسىن ءوزارا باتىل قولداپ، ءار سالاداعى اۋىس - كۇيىستى، سەلبەستىكتى تەرەڭدەتىپ، جۇڭگو - سۋدان ستراتەگيالىق سەرىكتەستىك قارىم - قاتىناسىنىڭ ورنىقتى قاداممەن الىسقا جەتۋىن ىلگەرىلەتۋدى قالايدى.
شي جينپيڭ بىلاي دەپ باسا دارىپتەدى: جۇڭگو جاق سۋداننىڭ دامۋىنا شاماسىنىڭ جەتىسىنشە ۇزدىكسىز كومەكتەسىپ، مۇناي، اۋىل شارۋاشىلىعى، كەن كاسىبى سياقتى سالالاردا سەلبەستىك ورىستەتىپ، ناقتى قۋاتقا يە جۇڭگو كاسىپورىندارىن سۋداننىڭ قۇرىلىس نىساندارىنا قاتىناسۋعا شابىتتاندىرىپ، سۋداننىڭ ەكونوميكالىق، قوعامدىق دامۋىنا دەم بەرەدى. جۇڭگو جاق سۋداندى قامتىعان اراب ەلدەرىمەن بىرگە، ءار سالاداعى اۋىس - كۇيىستى، سەلبەستىكتى تەرەڭدەتۋدى جانە كەڭەيتۋدى قالايدى. جۇڭگو جاق سۋدان جاقپەن جۇڭگو - افريكا ەلدەرى سەلبەستىك تالقى مىنبەرى اياسىندا سەلبەستىكتى كۇشەيتۋدى، بىرلەسكەن مەملەكەتتەر ۇيىمى قاتارلى كوپ جاقتى ورىنداردا ىستەستىكتى، سايكەسۋدى كۇشەيتىپ، وركەندەپ كەلە جاتقان ەلدەردىڭ ورتاق مۇددەسى مەن حالىقارانىڭ ادىلدىگىن، تۋراشىلدىعىن قورعاۋدى قالايدى.
بۇرھان مىنالاردى ءبىلدىردى: جۇڭگو كوممۋنيستىك پارتياسى 20 - قۇرىلتايىنىڭ تابىستى اشىلعاندىعىن قۇتتىقتايمىن، ءتوراعا شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ تاعى دا سايلانعاندىعىن قۇتتىقتايمىن. سۋدان مەن جۇڭگو ەكى ەل حالىقتارىنىڭ دوستىعىنىڭ تامىرى تەرەڭ، بەرىك تە بەكەم. جۇڭگو جاق ۇزاق ۋاقىتتان بەرى سۋداننىڭ مەملەكەتتىڭ حاۋىپسىزدىگىن، ورنىقتىلىعىن قورعاۋىن باتىل قولداپ كەلەدى، مەن سۋدان ۇكىمەتى جانە جالپى سۋدان حالقى اتىنان ءتوراعا شي جينپيڭگە جانە جۇڭگو حالقىنا شىنايى العىس ايتامىن. سۋدان جاق جۇڭگونىڭ ءوزىنىڭ وزەكتى مۇددەسىن قورعاۋىن باتىل قولدايدى، جۇڭگو جاق ورتاعا قويعان بارلىق ماڭىزدى باستامالاردى باتىل قولدايدى. سۋدان جاق سۋدان مەن جۇڭگو قارىم - قاتىناسىنىڭ، سونداي - اق اراب ەلدەرى مەن جۇڭگونىڭ تۇتاس تۇلعالىق قارىم - قاتىناسىنىڭ ىشكەرىلەي دامۋىن ءۇمىت ەتەدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 12 - ايدىڭ 8 - كۇنى ريادتان بەرگەن حابارى (تىلشىلەر لي لياڭيۇڭ، ۋاڭ حايجوۋ). جەرگىلىكتى ۋاقىت 12 - ايدىڭ 8 - كۇنى تۇستەن كەيىن، مەملەكەت ءتوراعاسى شي جينپيڭ ريادتا كۆەيتتىڭ پاتشا مۇراگەرى ميشالمەن كەزدەستى.
شي جينپيڭ بىلاي دەپ اتاپ كورسەتتى: جۇڭگو جاق كۆەيتتىڭ مەملەكەتتىڭ يەلىك ۇقىعى مەن تەرريتورياسىنىڭ بۇتىندىگىن قورعاۋىن قولدايدى، كۆەيت جاقتىڭ ءبىر جۇڭگو پرينسيبىنە تاباندى بولىپ، شياڭگاڭعا ساياتىن، تايۋانعا ساياتىن، شينجياڭعا ساياتىن قاتارلى جۇڭگونىڭ وزەكتى مۇددەسىمەن قاتىستى ماسەلەلەردە جۇڭگو جاقتى قولداعاندىعىن القايدى. جۇڭگو جاق ۇزدىكسىز تۇردە كۆەيت جاقتىڭ سەنىمدى سەرىگى بولىپ، كۆەيت جاقپەن تىزە قوسا قۇلشىنىپ، جۇڭگو مەن كۆەيت قارىم - قاتىناسىنىڭ ءتىپتى دە تاماشا بولاشاعىن بىرگە اشۋدى قالايدى.
شي جينپيڭ بىلاي دەپ باسا دارىپتەدى: جۇڭگو جاق كۆەيت جاقتىڭ ”2035 - جىلعا دەيىنگى مەملەكەت جوسپارىن“ اتقارۋىن قولدايدى، ەكى ەلدىڭ دامۋ ستراتەگيالارىنىڭ ۇشتاسۋىن كۇشەيتىپ، كۆەيت جاقتىڭ ەلەۋلى نىساندار قۇرىلىسىنا بەلسەندىلىكپەن ات سالىسىپ، جاڭا ەنەرگيا، 5G حابارلاسۋى، سيفرلى ەكونوميكا سياقتى سالالارداعى سەلبەستىكتەردىڭ كومەسكى كۇشىن اشۋدى قالايدى، مادەنيەت اۋىس − كۇيىسىن، سەلبەستىگىن قولدايدى. تۇڭعىش كەزەكتى جۇڭگو - اراب ەلدەرى باسشىلار ءماجىلىسى مەن جۇڭگو - شىعاناقتاعى اراب ەلدەرى سەلبەستىك كوميتەتى باسشىلار ءماجىلىسى − بەلەستىك مانگە يە ءىرى ءىس، جۇڭگو جاق كۆەيت جاقپەن بىرگە جۇڭگو مەن اراب ەلدەرى جانە جۇڭگو مەن شىعاناقتاعى اراب ەلدەرى سەلبەستىك كوميتەتى قارىم - قاتىناسىنىڭ اناعۇرلىم زور دامۋشىلىققا قول جەتكىزۋىن جەبەۋدى قالايدى. جۇڭگو جاق كۆەيتتىڭ شاڭحاي سەلبەستىك ۇيىمىنىڭ تىلدەسۋ سەرىگى جانە ازيا ءوزارا ىستەستىك جانە سەنىمدىلىك شارالارى ءماجىلىسىنىڭ مۇشە ەلى بولعاندىعىن قۇتتىقتايدى، كۆيت جاقتىڭ الەمدىك دامۋ باستاماسىن قولداعاندىعىن القايدى، كۆەيت جاقپەن وڭىرلىك جانە حالىقارالىق ىستەردەگى تىلدەسۋدى، سايكەسۋدى كۇشەيتىپ، ءار ەلدىڭ ورتاق دامۋى جانە جالپى بەتتىك حاۋىپسىزدىگى جولىندا قۇلشىنىس جاساۋدى قالايدى.
ميشال مىنالاردى ءبىلدىردى: جۇڭگو ۇلى ەل، كۆەيت پەن جۇڭگونىڭ دوستىعىنىڭ تامىرى تەرەڭ، ەكى جاقتىڭ سۇيىسپەنشىلىگى باۋىرلاستارداي قويۋ. جۇڭگو باستان - اياق ۇلكەن، كىشى ەلدەردىڭ تەرەزەسى تۇگەلدەي تەپە - تەڭدىگىنە تاباندى بولىپ، باسقا ەلدەردىڭ ىشكى ىسىنە كيلىكپەۋگە تاباندى بولىپ، بۇكىل دۇنيە ءجۇزى حالىقتارىن قۇت - ىرىسقا كەنەلتۋگە كۇش سالىپ كەلەدى، جۇڭگو جاقتىڭ ورتاعا قويعان ءبىر قىدىرۋ ماڭىزدى باستامالارى، اتقارعان كەلەلى شارالارى دۇنيە جۇزىنە ءتيىمدى. جۇڭگو - كۆەيتتىڭ ماڭگىلىك دوسى. مەن بۇكىل كۆەيت حالقى اتىنان ءتوراعا شي جينپيڭنىڭ حالىقتىڭ قۇرمەتىنە تەرەڭ بولەنگەندىگىن ءارى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ تاعى دا سايلانعاندىعىن قۇتتىقتايمىن، ءتوراعا شي جينپيڭنىڭ كەمەڭگەر باسشىلىعىندا، جۇڭگونىڭ ۇزدىكسىز داميتىندىعىنا ءارى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بورىشىن ورىندايتىندىعىنا سەنەمىن. كۆەيت جاق ءبىر جۇڭگو پرينسيبىن بەرىك ۇستانادى، جۇڭگو جاقپەن تىزە قوسا قۇلشىنىپ، ءار سالاداعى ءوزارا تيىمدىلىك جەتكىزەتىن سەلبەستىكتەردى تەرەڭدەتىپ، ەكى ەلدىڭ ستراتەگيالىق قارىم - قاتىناسىنىڭ جاڭا بولاشاعىن اشۋدى قالايدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
