وڭتۇستىكتىڭ سۋىن سولتۇستىككە جەتكىزۋدىڭ شىعىس ورتا لەنياسىنداعى جالپى جەتكىزىلگەن سۋ مولشەرى 60 ميلليارد تەكشە مەتردەن استى (جاڭا ساندى مالىمەت، جاڭا ءتۇيىن)
2023.02.06 17:44 كەلۋ قاينارى : حالىق تورابى
«حالىق گازەتى»، 2 – ايدىڭ 5 – كۇنى، بەيجيڭ (ءتىلشى ۋاڭ حاۋ). ءتىلشىنىڭ سۋ يگىلىگى مينيسترلىگىنەن، جۇڭگو وڭتۇستىكتىڭ سۋىن سولتۇستىككە جەتكىزۋ توبىنان ۇعىسۋىنا قاراعاندا، 2 – ايدىڭ 5 – كۇنىنە دەيىن وڭتۇستىكتىڭ سۋىن سولتۇستىككە جەتكىزۋ شىعىس ورتا لەنياسىنىڭ 1 - مەرزىمدىك قۇرىلىسىندا (شىعىس لەنياسىنىڭ 1 - مەرزىمدىك قۇرىلىسىنىڭ سولتۇستىككە سوزىلعان شۇعىل جاعدايعا توتەپ بەرۋ، سۋمەن قامداۋ ينجەنەرياسىن قامتيدى) سۋ جەتكىزۋ مولشەرى 60 ميلليارد تەكشە مەتردەن اسىپ، جەلى بويىنداعى 42 ءىرى، ورتاشا قالانىڭ 280 نەشە اۋدانىنا (قالا، رايون) تيىمدىلىك جەتكىزگەن، توتەلەي يگىلىككە يە بولعان حالىق سانى 150 ميلليوننان اسقان. حۋاڭحى وزەنىنىڭ كوپ جىلدىق ورتاشا تابيعي اعىس مولشەرى 58 ميلليارد تەكشە مەتر بويىنشا ەسەپتەگەندە، سولتۇستىكتەگى رايوندارعا حۋاڭحى وزەنىنىڭ ءبىر جىلدان اساتىن سۋ مولشەرىن جوتكەگەنمەن بارابار بولعان.
وڭتۇستىكتىڭ سۋىن سولتۇستىككە جەتكىزۋ شىعىس ورتا جەلىسىنىڭ 1 - مەرزىمدىك ينجەنەرياسىندا جاپپاي سۋ جەتكىزىلگەن 8 جىلدان استام ۋاقىتتان بەرى سۋ يگىلىگى مينيسترلىگى ينجەنەريانى رەتتەۋ، اينالىمعا سالۋ باسقارۋىن كۇشەيتىپ، ينجەنەريانىڭ حاۋىپسىز، ورنىقتى اينالىمىنا، سۋمەن قامداۋدىڭ قالىپتى، ءتارتىپتى، سۋ ساپاسىنىڭ ورنىقتى بولىپ، ولشەمگە جەتۋىنە كەپىلدىك ەتتى. جۇڭگو وڭتۇستىكتىڭ سۋىن سولتۇستىككە جەتكىزۋ توبى ەكولوگيانى قورعاۋ تەبىنىن ارتتىرىپ، سۋ قاينارى رايونى مەن ينجەنەريا بويىنداعى سۋ بايلىعىن قورعاۋدى جانە لاستانۋدان ساقتانۋدى كۇشەيتىپ، سۋ ساپاسىن باقىلاۋ - تەكسەرۋ جۇيەسى مەن شۇعىل جاعدايعا توتەپ بەرۋ، ءبىر جاقتى ەتۋ جوباسىن كەمەلدەندىرىپ، جاڭالىق اشۋ ارقىلى وڭتۇستىكتەن سولتۇستىككە جەتكىزىلەتىن سۋ ساپاسىنىڭ حاۋىپسىزدىگىنە كەپىلدىك ەتتى. جاپپاي سۋ جەتكىزىلگەننەن بەرى شىعىس جەلىدەگى سۋ ساپاسى Ⅲ تۇردەگى ولشەمنەن جوعارى، ورتا جەلىدەگى ينجەنەريانىڭ سۋ ساپاسى Ⅱ تۇردەگى ولشەمنەن جوعارى بولىپ وتىردى. قازىرگە دەيىن وڭتۇستىكتىڭ سۋىن سولتۇستىككە جەتكىزۋ ورتا جەلىسى سولتۇستىكتەگى 50 نەشە وزەن اعارىنا جيىنى 9 ميلليارد تەكشە مەتردەن استام ەكولوگيالىق سۋ تولىقتادى، حۋتو وزەنى، باۋحى وزەنى، بايياڭديان سياقتى ءبىر توپ وزەن - كولدىڭ تىرشىلىك تىنىسى قالپىنا كەلدى، سولتۇستىك جۇڭگو رايونىنىڭ تاياز قاباتتاعى جەر استى سۋىنىڭ دەڭگەيى قايتا جوعارىلادى.
قازىر شىعىس لەنيا، ورتا لەنيا، شىعىس لەنيانىڭ 1 - مەرزىمدىك قۇرىلىسىنىڭ سولتۇستىككە ۇزارتۋ شۇعىل جاعدايعا توتەپ بەرۋ، سۋمەن قامداۋ ينجەنەرياسىنداعى 3 سۋ جەتكىزۋ جەلىسى ورنىقتى، ءتارتىپتى تۇردە سۋ جەتكىزۋدە. سۋ يگىلىگى مينيسترلىگى وڭتۇستىكتىڭ سۋىن سولتۇستىككە جەتكىزۋ ينجەنەرياسىنىڭ حاۋىپسىزدىگى، سۋمەن قامداۋ حاۋىپسىزدىگى جانە سۋ ساپاسى حاۋىپسىزدىگىنىڭ تومەنگى شەگىن اناعۇرلىم بەكەمدەپ، سۋ بايلىعىن جايعاستىرۋ جاعدايىن ۇزدىكسىز ساپالىلاندىرىپ، ينجەنەريانىڭ جالپىلىق ونىمدىلىگىن جوعارىلاتىپ، وزەن - كولدىڭ ەكولوگيالىق ورتاسىن قالپىنا كەلتىرىپ، بۇقارانىڭ اۋىز سۋ حاۋىپسىزدىگىن ءونىمدى قامتاماسىز ەتىپ، چاڭجياڭ وزەنىنەن سۋ باستاپ، حانجياڭ وزەنىن تولىقتاۋ ينجەنەرياسى سياقتى ۇلاسپالى ينجەنەريالاردىڭ ءتۇرلى قىزمەتىن ىشكەرىلەي ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
