مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى مەكتەپ اۋلاسىنداعى ىندەتتەن ساقتانۋ – تىزگىندەۋ قىزمەتى جونىندە اتقارۋ باعدارناماسىن ورتاعا قويدى
2023.02.09 14:37 كەلۋ قاينارى : حالىق تورابى
بىرنەشە كۇننەن كەيىن ەلىمىزدەگى كوپ ساندى مەكتەپتەردە وقۋ باستالادى، جۋىردا مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى «جاڭا تيپتى ايدارشا ۆيرۋسپەن جۇعىمدالۋعا قاتىستى ىندەتتەن ساقتانۋ – تىزگىندەۋ قىزمەتى جونىندەگى اتقارۋ باعدارناماسىن» جاريالاپ، مەكتەپ اۋلاسىنداعى ىندەتتەن ساقتانۋ – تىزگىندەۋ قىزمەتى جونىندە ناقتى نۇسقاۋ بەردى.
باعدارنامادا مىنالار ايقىندالعان: ءار دارەجەلى ءتۇرلى مەكتەپتەر قىزمەت بارىسىندا كۇشتەردى ۇيىمداستىرىپ، وقىتۋشىلار مەن وقۋشىلاردىڭ دەنساۋلىعىن كۇندەلىكتى تەكسەرىپ - باقىلاۋدى كۇشەيتۋى، وقىتۋشىلار مەن وقۋشىلارعا جولعا شىعاردان بۇرىن قىزۋى ورلەۋ، قۇرعاق جوتەل، دارمەنسىزدەنۋ، جۇتقىنشاعى اۋرۋ قاتارلى اۋرۋ بەلگىلەرى بايقالسا، اۋرۋ كۇيدە مەكتەپكە كەلىپ قىزمەتكە نەمەسە ۇيرەنۋگە قاتىناسپاۋدى ەسكەرتۋى ءارى قۋزاۋى كەرەك. مەكتەپكە قايتىپ كەلەردەن ءبىر اپتا بۇرىن، وقۋشىلار وتباسىندا كۇنىنە دەنە تەمپەراتۋراسىن تەكسەرۋى ءارى جاڭا تيپتى ايدارشا ۆيرۋسپەن جۇعىمدالۋعا قاتىستى كلينيكالىق اۋرۋ بەلگىلەرىن باقىلاۋ قاتارلى ءوز دەنساۋلىعىن باقىلاۋدى ويداعىداي ىستەۋى كەرەك، ەگەر قىزۋى ورلەۋ، قۇرعاق جوتەل، دارمەنسىزدەنۋ، جۇتقىنشاعى اۋرۋ قاتارلى اۋرۋ بەلگىلەرى بايقالسا، انتيگەندى تەكسەرۋى نەمەسە حىسۋان تەكسەرتۋى كەرەك، ەگەر تەكسەرۋ ناتيجەسىندە ۆيرۋسپەن جۇعىمدالعان بولىپ شىقسا، مەكتەپكە شىنايى مالىمدەۋى ءارى مەكتەپكە قايتۋدى كەشەۋىلدەتۋى كەرەك. وقىتۋشىلار مەن وقۋشىلار مەكتەپكە قايتقان سوڭ ۇزدىكسىز 7 كۇن دەنساۋلىعىن تەكسەرىپ - باقىلاۋى، شوعىرلى قيمىلداردى بارىنشا ازايتۋى كەرەك. وقىتۋشىلار مەن وقۋشىلار مەكتەپكە كىرگەندە دەنە تەمپەراتۋراسىن تەكسەرتۋى كەرەك، قىزۋى ورلەگەن وقىتۋشىلار مەن وقۋشىلاردى الىپ قالىپ، تەكسەرىپ - باقىلاۋ قاتارلى سايكەستى شارالاردى دەر كەزىندە اتقارۋ كەرەك.
جوعارى مەكتەپتەردە جالپى بەتتىك حىسۋان تەكسەرۋ بۇدان بىلاي ورىستەتىلمەيدى، مەكتەپ اۋلاسىندا اس – سۋ، زات اينالىمى، اماندىق قورعاۋ، تازالىق قاتارلى قىزمەتتەرمەن شۇعىلداناتىن ءتۇيىندى ادامدارعا قاتىستى بەلگىلەمەلەرگە ساي حىسۋان تەكسەرۋ جانە انتيگەن تەكسەرۋ ورىستەتىلەدى. ءوڭىر اتتاپ مەكتەپكە قايتقان وقۋشىلار مەكتەپكە قايتىپ، وقۋعا تۇسكەندە شىنىمەن دە قاجەت بولعان جاعدايدان سىرت، جوعارى مەكتەپتەگى وقىتۋشى – وقۋشىلار مەكتەپ قاقپاسىنان كىرگەندە نەمەسە مەكتەپ اۋلاسىنداعى الەۋمەتتىك وڭىرلەرگە كىرىپ – شىققاندا حىسۋان ىسپاتىن كورسەتۋىن تالاپ ەتۋدىڭ قاجەتى جوق.
ورتا، باستاۋىش مەكتەپتەر مەن بالالار باقشالارىندا ءىس جۇزىندىك قاجەتكە جانە جەرگىلىكتى ورىننىڭ شارت – جاعدايىنا قاراي ورنالاستىرىلادى، ورتا، باستاۋىش مەكتەپتەر مەن بالالار باقشالارىندا انتيگەن تەكسەرۋ مەن حىسۋان تەكسەرۋدە وقىتۋشىلار مەن وقۋشىلاردى ەكشەۋ، الما – كەزەك تەكسەرۋ، ۇلگى الىپ تەكسەرۋ قاتارلى ۇيلەسىمدى جولدار قولدانىلادى. وقىتۋشى – وقۋشىلار مەكتەپ قاقپاسىنان كىرىپ – شىققاندا بۇدان بىلاي حىسۋان ىسپاتىن كورسەتۋىنىڭ قاجەتى جوق. مەكتەپتەگىلەردەن باسقا سىرتتان كەلگەن ادامدار مەكتەپ اۋلاسىنا كىرگەندە حىسۋان نەمەسە انتيگەن تەكسەرۋ ناتيجەسىنىڭ بولىمسىز بولعانى جونىندەگى ىسپات قاتارلىلاردى تاپسىرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
