جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسى باسشىلىق ەتكەن سوتسياليستىك وسىزامانداندىرۋ
− باس شۋجي شي جينپيڭنىڭ پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىندا سويلەگەن ماڭىزدى ءسوزى تۋرالى
«حالىق گازەتىنىڭ» شولۋشىسى
2023.02.10 14:37 كەلۋ قاينارى : حالىق تورابى
پارتيا 20 - قۇرىلتايىنىڭ بايانداماسىندا جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسى باسشىلىق ەتكەن سوتسياليستىك وسىزامانداندىرۋ دەپ دارىپتەلدى. ورتالىق كوميتەتكە جاڭادان كىرگەن مۇشەلەردىڭ، كانديدات مۇشەلەردىڭ جانە ولكە، مينيسترلىك دارەجەلى نەگىزگى باسشى كادرلاردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىندا باس شۋجي شي جينپيڭ پارتيانىڭ جۇڭگو ۇلگىسىندەگى وسىزامانداندىرۋ قۇرىلىسىنداعى باسشىلىق ورنىن ىشكەرىلەي ءتۇسىندىرىپ، «پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ ءتۇبىرلى بەتالىسىنا، بولاشاعى مەن تاعدىرىنا، ەڭ سوڭىندا ءساتتى - ءساتسىز بولۋىنا تىكەلەي قاتىستى» دەپ ىشكەرىلەي اتاپ كورسەتتى.
100 جىلدىق بارىستى ەسكە الساق، جۇڭگو كوممۋنيستىك پارتياسى جۇڭگونىڭ وسىزاماندانۋ جولىن قاراستىرۋ سىندى اۋىر مىندەتتى ارقالاپ، حالىقتى ىنتىماقتاستىرىپ جانە باستاپ، قاجىماي - تالماي كۇرەس جۇرگىزۋ ارقىلى تاياۋ زاماننان كەيىنگى جۇڭحۋا ۇلتىنىڭ دامۋ بەتالىسى مەن اياق الىسىن، جۇڭگو حالقى مەن جۇڭحۋا ۇلتىنىڭ بولاشاعى مەن تاعدىرىن، دۇنيە ءجۇزىنىڭ دامۋ بەتالىسى مەن جاعدايىن تەرەڭ وزگەرتتى. جۇڭحۋا وركەنيەتىنىڭ 5 مىڭ جىلدان استام تاريحىنا كوز جىبەرسەك، جۇڭگو كوممۋنيستىك پارتياسى سياقتى جۇڭحۋا ۇلتىنىڭ دامۋ اياق الىسىن تەرەڭ، تاريحي تۇردە ىلگەرىلەتە العان ساياسي كۇشتەر جوق. جۇڭگو كوممۋنيستىك پارتياسىنىڭ باسشىلىعىندا عانا مەملەكەتىمىز كەدەي، ءالسىز بەت - بەينەسىن تۇبەگەيلى وزگەرتىپ، وسىزامانداندىرۋ نىساناسىنا قاراي قادام تاستادى، ۇلتىمىز قۇلدىراۋدان تۇبەگەيلى ەڭسە كوتەرىپ، ۇلى گۇلدەنۋدىڭ نۇرلى بولاشاعىن قارسى الدى، حالقىمىز قاناۋ، ەزىلۋ ورنىنان تۇبەگەيلى قۇتىلىپ، ءوز تاعدىرىن شىنايى مەڭگەردى. تاريح پەن اماليات مىنانى تولىق دالەلدەدى: جۇڭگو ۇلگىسىندەگى وسىزامانداندىرۋدىڭ كەلەلى تابىسىنا پارتيامىز بۇكىل ەلدەگى ءار ۇلت حالقىنا باسشىلىق ەتىپ، ۇزاق ۋاقىت ىزدەنىس جاساۋ اماليات بارىسىندا قول جەتكىزدى، وسى بارىستا سان - ساناقسىز جاپا - ماشاقاتتى باستان كەشىرىپ، وراسان زور بوداۋ بەردى. تاريح پەن حالىق جۇڭگو كوممۋنيستىك پارتياسىن تاڭدادى، جۇڭگو كوممۋنيستىك پارتياسى دا تاريح پەن حالىقتىڭ ءۇمىتىن اقتاماي قويمادى.
جۇڭگو كوممۋنيستىك پارتياسى − ەڭ جوعارى ساياسي باسشىلىق كۇش، جۇڭگو كوممۋنيستىك پارتياسىنىڭ باسشىلىعى − پارتيا مەن مەملەكەتتىڭ ءتۇبىرلى تياناعى، جان تامىرى، بۇكىل ەلدەگى ءار ۇلت حالقىنىڭ مۇددەسىمەن، تاعدىرىمەن بايلانىستى. پارتيانىڭ سيپاتى، ماقساتى، اۋەلگى ماقساتى، بورىشى، سەنىمى، ساياساتتىق قۋاتتاماسى جۇڭگو ۇلگىسىندەگى وسىزامانداندىرۋدىڭ سوتسياليستىك وسىزامانداندىرۋ ەكەنىن، باسقا نەندەي ءبىر وسىزامانداندىرۋ ەمەس ەكەنىن بەلگىلەدى. پارتيامىز باستان - اياق جۇڭگوشا سوتسياليزم ۇلى تۋىن بيىك ۇستاپ، ءارى عىلمي سوتسياليزمنىڭ نەگىزگى پرينسيبىندە تاباندى بولىپ، ءارى وعان ۇزدىكسىز ايقىن جۇڭگوشا جانە داۋىرلىك ءمان بەرىپ، جۇڭگوشا سوتسياليزم جولىمەن بۇلجىماي ءجۇرىپ، جۇڭگو ۇلگىسىندەگى وسىزامانداندىرۋدىڭ دۇرىس ارنادا ءساتتى ىلگەرىلەۋىنە كەپىلدىك ەتتى. پارتيامىز ماركسيزمدى ءتۇبىرلى جەتەكشى يدەيا ەتۋدە تاباندى بولىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى ۇزدىكسىز تەرەڭدەتىپ، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن ۇزدىكسىز اشىپ، جۇڭگوشا وسىزاماندانۋعا عىلمي جەتەكشىلىك ازىرلەدى. پارتيامىز جۇڭگوشا سوتسياليستىك تۇزىمدە تاباندى بولىپ جانە ونى كەمەلدەندىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ۇزدىكسىز ىلگەرىلەتىپ، جۇڭگوشا سوتسياليزمنىڭ ءتۇبىرلى ءتۇزىمىن، نەگىزگى ءتۇزىمىن، ماڭىزدى ءتۇزىمىن قامتىعان ءتۇزىم جۇيەسىن قالىپتاستىرىپ، جۇڭگو ۇلگىسىندەگى وسىزامانداندىرۋدىڭ نىق قاداممەن العا باسۋىنا پارمەندى تۇزىمدىك كەپىلدىك ازىرلەدى. پارتيامىز جۇڭگوشا سوتسياليستىك مادەنيەتتە تاباندى بولىپ جانە ونى دامىتىپ، بۇكىل ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىك كۇشىن تاسقىنداتىپ، جۇڭگو ۇلگىسىندەگى وسىزامانداندىرۋعا قۇدىرەتتى كۇش ازىرلەدى. بەينە، باس شۋجي شي جينپيڭ اتاپ كورسەتكەندەي: «پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ ءتۇبىرلى سيپاتىن بەلگىلەيدى، پارتيانىڭ باسشىلىعىندا تيتتەي دە اۋىتقىماستان تاباندى بولعاندا عانا، جۇڭگو ۇلگىسىندەگى وسىزامانداندىرۋدىڭ بولاشاعى نۇرلى بولىپ، گۇلدەنىپ - كوركەيەدى، ويتپەگەندە بەتالىستان الشاقتاپ، رۋحىنان ايرىلادى، ءتىپتى ويرانداۋ سيپاتتى قاتەلىك وتكىزىلەدى».
پارتيا 20 - قۇرىلتايىنىڭ بايانداماسىندا جۇڭگو ۇلگىسىندەگى وسىزامانداندىرۋدىڭ ماندىك تالابى ايقىن ورتاعا قويىلدى، مۇنداعى ەڭ ماڭىزدىسى − «جۇڭگو كوممۋنيستىك پارتياسىنىڭ باسشىلىعىندا تاباندى بولۋ»؛ جۇڭگو ۇلگىسىندەگى وسىزامانداندىرۋدا، ءسوز جوق، مىقتاپ يگەرۋگە ءتيىستى كەلەلى پرينسيپتەر ايقىن العا قويىلدى، مۇنىڭ ءبىرىنشىسى − «پارتيانىڭ جاپپاي باسشىلىعىندا تاباندى بولۋ جانە ونى كۇشەيتۋ». مىنانى ىشكەرىلەي تانۋىمىز كەرەك: 100 جىلدان بەرى پارتيامىزدىڭ حالىقتى ىنتىماقتاستىرىپ جانە باستاپ جۇرگىزگەن بارلىق كۇرەسى ەلىمىزدى وسىزاماندانعان قۇدىرەتتى ەل ەتىپ قۇرىپ شىعىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن بولدى. جاعداي مەن مىندەت قالاي وزگەرسە دە، پارتيامىز قانداي اساۋ تولقىندارعا تاپ بولسا دا، باستان - اياق تاريحي ىرىقتىلىقتى يگەرىپ، كۇرەس نىساناسىن تۇراقتاندىرىپ، دۇرىس بەتالىسپەن باتىل العا باسىپ، ۇرپاقتان - ۇرپاققا كۇش جالعاپ ىلگەرىلەتىپ، دۇنيەنى جالت قاراتقان، تاريحتا ماڭگى وشپەيتىن شۇعىلالى تابىستارعا قول جەتكىزدى. اماليات مىنانى تولىق دالەلدەدى: پارتيانىڭ باسشىلىعى جۇڭگو ۇلگىسىندەگى وسىزامانداندىرۋعا شىنايى كەپىلدىك ەتىپ، كۇرەس نىساناسىنىڭ ورنىقتى، باياندى بولۋىنا كەپىلدىك ەتەدى. مىنانى تەرەڭ تانۋىمىز كەرەك: جۇڭگو ۇلگىسىندەگى وسىزامانداندىرۋ − بۇرىنعىلار ىستەپ كورمەگەن جاسامپازدىق ءىس، ءبىزدىڭ ىزدەنىس جاساپ، جاڭالىق اشۋىمىزدى قاجەت ەتەدى. پارتيامىز باستان - اياق باتىلدىقپەن رەفورما جاساپ، جاڭالىق اشىپ، ءار جاقتاعى تۇزىلىستىك، مەحانيزمدىك كىناراتتاردى ۇزدىكسىز الاستاپ، جۇڭگو ۇلگىسىندەگى وسىزامانداندىرۋعا سارقىلماس قوزعاۋشى كۇش قوستى. اماليات مىنانى تولىق دالەلدەدى: پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ قۇدىرەتتى قوزعاۋشى كۇشىن تاسقىنداتتى. مىنانى ىشكەرىلەي تانۋىمىز كەرەك: ىنتىماق − كۇش، ىنتىماق بولعاندا عانا جەڭىسكە جەتۋگە بولادى. جاپپاي سوتسياليستىك وسىزاماندانعان مەملەكەت قۇرۋدا ءجۇز ميلليونداعان حالىقتىڭ جاسامپازدىق ۇلى كۇشىن تولىق ساۋلەلەندىرۋ كەرەك. پارتيامىز پارتيانىڭ بۇقارالىق لۋشيانىندا، حالىقتى وزەك ەتكەن دامۋ يدەياسىندا باستان - اياق تاباندى بولىپ، جالپى بارىستىق حالىق دەموكراتياسىن دامىتىپ، جالپى حالىقتىڭ قوجايىندىق رۋحىن تولىق تاسقىنداتتى. اماليات مىنانى تولىق دالەلدەدى: پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ قۇدىرەتتى كۇشىن ۇيىستىردى. العا باسۋ جولىندا تەك پارتيانىڭ جاپپاي باسشىلىعىندا بۇلجىماي تاباندى بولىپ جانە ونى كۇشەيتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيانىڭ باسشىلىعىن پارتيا مەن مەملەكەت ىستەرىنىڭ ءار سالاسىندا، ءار جاعىندا، ءار بۋىنىندا تياناقتاندىرىپ، پارتيانى باستان - اياق قيىن - قىستاۋ كەزدەردە بۇكىل حالىقتىڭ ەڭ سەنىمدى تىرەگىنە اينالدىرساق بولعانى، ءسوز جوق، ەلىمىزدىڭ سوتسياليستىك وسىزامانداندىرۋ قۇرىلىسىنىڭ دۇرىس بەتالىسىنا شىنايى كەپىلدىك ەتىپ، ىنتىماقتاسا كۇرەس جاسايتىن قۇدىرەتتى ساياسي ۇيىسقىشتىققا، دامۋ سەنىمىنە شىنايى كەپىلدىك ەتىپ، جۇدىرىقتاي جۇمىلىپ، قيىنشىلىقتاردى بىرگە جەڭەتىن قۇدىرەتتى كۇش - قۋات توپتاي الامىز.
بۇرىنعى كۇرەس جولىنا قايىرىلا قاراساق، پارتيامىز حالىقتى ىنتىماقتاستىرىپ جانە باستاپ، جاڭا دەموكراتيالىق توڭكەرىستىڭ، سوتسياليستىك توڭكەرىس پەن قۇرىلىستىڭ، رەفورما جاساپ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ ۇلى جەڭىسىنە قول جەتكىزىپ، جۇڭگوشا سوتسياليزمنىڭ جاڭا ءداۋىرىن اشتى. الدىمىزداعى كۇرەس جولىنا كوز جىبەرسەك، جاڭا جورىق − داڭق پەن ارمانعا تولى ۇزاق جورىق، پارتيانىڭ 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ۇلى جوباسىن جاساپ، ەكپىندەي ىلگەرىلەۋدىڭ جاڭا جورىعىنىڭ داۋىرلىك دابىلىن قاقتى. جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا. جاڭا نىسانانى بەتكە الىپ، قايراتتانا العا ۇمتىلىپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، تاريحي سەنىمدى بەكەمدەپ، تاريحي ىرىقتىلىقتى كۇشەيتىپ، ءبىر جاعادان باس، ءبىر جەڭنەن قول شىعارىپ، العان بەتتەن قايتپايتىن تاباندىلىقپەن بەلگىلەنگەن نىسانانى قۇلشىنا جۇزەگە اسىرىپ، جۇڭگو ۇلگىسىندەگى وسىزامانداندىرۋ سىندى ەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ بىردەن - ءبىر دۇرىس جولىندا ارشىندى قاداممەن العا باسايىق!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
