ۋاكىل ما حۇيجۋان –
قىستاقتارعا بارىپ، وتباسىلارىن ارالاپ، حالىق تۇرمىسىن ۇعىستى (ۋاكىلدەردىڭ، مۇشەلەردىڭ مىندەت وتەۋ حيكاياسى)
«حالىق گازەتىنىڭ» ءتىلشىسى چين رۇيجيە
2023.02.21 16:25 كەلۋ قاينارى : حالىق تورابى
بىرنەشە كۇننەن بەرى كۇن جىلىنعاندىقتان، كوكتەمنىڭ قارى جاڭادان ەري باستادى، نيڭشيا حۇيزۋ اۆتونوميالى رايونى ۋ - جۇڭ قالاسى حۇڭسىباۋ رايونى حۇڭسىباۋ قالاشىعى يۇيچى قىستاعىنىڭ جولى لايساڭدانىپ كەتتى. مەملەكەتتىك حالىق قۇرىلتايىنىڭ ۋاكىلى، حۇڭسىباۋ رايونى حۇڭسىباۋ قالاشىعى يۇيچى قىستاعىنىڭ تۇرعىنى ما حۇيجۋان لاي - باتپاققا قاراماي، اۋىلداستاردىڭ ۇيىنە باردى. سىپعا جايعاسقان ما حۇيجۋان ەستەلىك داپتەرىن الىپ، اۋىلداستارمەن كەدەيلەردى قونىس جاڭالاپ سۇيەمەلدەۋ جونىندە اڭگىمە دۇكەنىن قۇردى.
قونىس جاڭالاپ كەدەيلەردى سۇيەمەلدەۋدىڭ كۋاگەرى، ءوز باسىنان وتكىزۋشىسى جانە ەستەلىككە الۋشىسى رەتىندە، قونىس جاڭالاعان بۇقارامەن پىكىر اۋىستىرىپ، كوپشىلىكتىڭ ارمان - تىلەگىن جيناۋ ما حۇيجۋاننىڭ قىزمەت داعدىسىنا اينالعان. مەملەكەتتىك حالىق قۇرىلتايىنىڭ ۋاكىلى بولىپ سايلانعاننان كەيىن جاۋاپكەرلىگى اۋىرلاعان ما حۇيجۋاننىڭ اۋىلداستارعا امانداسا بارۋى ءتىپتى دە جيىلەي ءتۇستى.
«حۇڭسىباۋ رايونى 2020 - جىلى كەدەيلىكتەن ارىلىپ، كەدەيلىك قالپاعىن الىپ تاستاپ، جاڭا ساپارعا قادام تاستادى». ما حۇيجۋان بىلاي دەدى: حۇڭشىباۋ رايونى «بايلىعى ءوز حالقىن اسىراي الماۋ» ماسەلەسىن شەشۋ ءۇشىن ءتيىمدى ىزدەنىستەر جاسادى. 2022 - جىلعى مەملەكەتتىك ەكى ماجىلىستە ما حۇيجۋان «حۇڭسىباۋ رايونىن مەملەكەت دارەجەلى قونىس جاڭالاپ اۋقاتتانۋدان ۇلگى كورسەتۋ رايونى ەتىپ قۇرىپ شىعۋ» ۇسىنىسىن تاپسىرىپ، قاتىستى تاراۋلار مەن جەرگىلىكتى ورىنداردىڭ نازارىن اۋداردى. سول جىلى نيڭشيا قولداۋ ساياساتىن شىعارىپ، جيىنى 5 ميلليارد 770 ميلليون يۋان قارجى توپتاپ، 676 كەدەيلەردى سۇيەمەلدەۋ نىسانىن اتقارىپ، قونىس جاڭالاعان بۇقارانىڭ اناعۇرلىم ورنىقتى جۇمىستانۋىنا، كىرىستى ارتتىرىپ، اۋقاتتانۋىنا نەگىز قالادى.
قونىس جاڭالاعان بۇقارانىڭ ەمدەۋ، دەنساۋلىق ساقتاۋ جاعدايى دا ما حۇيجۋان نازار اۋدارىپ وتىرعان ءتۇيىن سانالادى. ىشكەرىلەي تەكسەرۋ - زەرتتەۋ ارقىلى ما حۇيجۋان حۇڭسىباۋ رايونىنداعى دەنساۋلىق ساقتاۋ تەحنيكالىق قىزمەتكەرلەرىنىڭ تاپشى بولىپ، نەگىزگى ساتىنىڭ ەمدەۋ ورەسى مەن قىزمەت وتەۋ ساپاسىنا ىقپال جاساپ، باسقا جەرگە كوشىرىلگەن بۇقارانىڭ جەرگىلىكتى ورىننىڭ ەمدەۋ ورەسىن مويىنداۋ دارەجەسى جوعارى بولماي، ءبىر ءبولىم بۇقارا باسقا جەردە ەمدەلىپ، ەمدەۋ قامسىزداندىرۋىنىڭ ەسەپتەن كوتەرۋ سالىستىرماسى ءبىرشاما تومەن بولىپ وتىرعانىن، قوسىمشا شىعىستىڭ دا ارتقانىن بايقايدى. ما حۇيجۋان نەگىزگى ساتى ەمدەۋ، دەنساۋلىق ساقتاۋ دارىندىلار قوسىنى قۇرىلىسىن اناعۇرلىم كۇشەيتىپ، نەگىزگى ساتى دەنساۋلىق ساقتاۋ تەحنيكالىق دارىندىلارىن باعىتتامالى تاربيەلەۋ ساياساتىن شىعارىپ، قونىس اۋدارىپ كوشىرىلگەن وڭىرلەردىڭ ەمدەۋ، دەنساۋلىق ساقتاۋ قىزمەت وتەۋ قۋاتىن بىرتىندەپ جوعارىلاتۋدى ۇسىنىس ەتتى.
«مەن باستان - اياق قونىس جاڭالاعان بۇقارا ءۇشىن قىزمەت وتەيمىن، بيىلعى ۇسىنىسىمدا تاعى دا قونىس جاڭالاعان بۇقارانىڭ تۇرمىسىنا نازار اۋدارامىن». ما حۇيجۋان بىلاي دەدى: نيڭشيا 1983 – جىل قونىس اۋدارىپ سۇيەمەلدەۋدى باستادى، وڭتۇستىكتىڭ تاۋلى وڭىرىندەگى ءبىر ميلليون 230 مىڭ تۇرعىن كەدەيلىك جايلاعان بۇرىنعى مەكەندەرىنەن كوشىپ شىعىپ، قىرۋار كەمەلدى كونە جۇرتتى قالدىردى، ساياسات شىعارىپ، وسى بايلىقتاردى ويداعىداي قورعاپ، ويداعىداي پايدالانىپ، ساياحات بايلىعىمەن ورگانيكالى ۇشتاستىرىپ، جەرگىلىكتى بۇقارانىڭ كىرىسىن ارتتىرىپ، اۋقاتتانۋىنا دەم بەرۋدى ءۇمىت ەتەمىن.
شىن پەيىلمەن اۋىلداستاردىڭ سەنىمىنە يە بولددى (ءتىلشى ەستەلىگى)
تىلشىلىك بارىسىندا ما حۇيجۋان بىلاي دەدى: كوپتەگەن ۇسىنىس قىستاق تۇرعىندارىمەن سىپىدا وتىرىپ اڭگىمەلەسۋ بارىسىندا قالىپتاسقان.
كوپ جىلدان بەرى ما حۇيجۋان باستان - اياق قونىس جاڭالاعان ءوڭىردىڭ دامۋى، قونىس جاڭالاعان بۇقارانىڭ تۇرمىسى ءۇشىن قاربالاس بولىپ كەلدى. كوشەلەردى ارالاعان، سىپىدا وتىرعان ول قاراپايىم تىلىمەن جانە تىڭعىلىقتى قىزمەتىمەن اۋىلداستارىنىڭ سەنىمىنە يە بولدى.
قازىر ما حۇيجۋان اۋىر جاۋاپكەرلىك ارقالاپ، جەرگىلىكتى بۇقارانىڭ جاناشىرى بولىپ قانا قويماي، ءوزىنىڭ قاجىرلى ەڭبەگى ارقىلى قونىس جاڭالاعان سان مىڭداعان بۇقارانىڭ ءتىپتى دە تاماشا تۇرمىس كەشىرۋىنە كومەكتەسۋ ءۇشىن قۇلشىنۋدا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
