مەملەكەتتىك ساياسي كەڭەس 14 - كەزەكتى كوميتەتى باسشىلاردى سايلاپ شىقتى
ۋاڭ حۋنيڭ مەملەكەتتىك ساياسي كەڭەستىڭ ءتوراعالىعىنا سايلاندى
2023.03.11 15:22 كەلۋ قاينارى : حالىق تورابى
مەملەكەتتىك ساياسي كەڭەس 14 - كەزەكتى كوميتەتىنىڭ 1 - ءماجىلىسى 3 - ايدىڭ 10 - كۇنى بەيجيڭدەگى حالىق سارايىندا ءۇشىنشى جالپى جيىنىن وتكىزدى. جيىننىڭ باسقارۋشىسى ۋاڭ حۋنيڭ مەملەكەتتىك ساياسي كەڭەس 14 - كەزەكتى كوميتەتىنىڭ ءتوراعالىعىنا سايلانعانىن جاريالاعاننان كەيىن ۋاڭ ياڭ ورنىنان تۇرىپ قۇتتىقتاپ، ۋاڭ حۋنيڭمەن قىزۋ قول الىستى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگى، 3 - ايدىڭ 10 - كۇنى، بەيجيڭ. مەملەكەتتىك ساياسي كەڭەس 14 - كەزەكتى كوميتەتىنىڭ 1 - ءماجىلىسى 3 - ايدىڭ 10 - كۇنى تۇستەن كەيىن ءۇشىنشى جالپى جيىنىن وتكىزىپ، مەملەكەتتىك ساياسي كەڭەس 14 - كەزەكتى كوميتەتىنىڭ باسشىلارىن سايلاپ شىقتى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى ۋاڭ حۋنيڭ مەملەكەتتىك ساياسي كەڭەستىڭ ءتوراعالىعىنا سايلاندى، جالپى جيىن سونىمەن بىرگە مەملەكەتتىك ساياسي كەڭەس ءتوراعاسىنىڭ 23 ورىنباسارىن سايلاپ شىقتى.
سايلاۋ ناتيجەسى جاريالانۋدىڭ الدىندا ساياسي كەڭەس مەملەكەتتىك 13 - كەزەكتى كوميتەتىنىڭ ءتوراعاسى ۋاڭ ياڭ ءماجىلىس زالىنا كەلىپ، سايلانۋ الدىندا تۇرعان جاڭا كەزەكتى ساياسي كەڭەس مەملەكەتتىك كوميتەتىنىڭ تۇراقتى كوميتەتىن قۇتتىقتادى. جيىننىڭ باسقارۋشىسى ۋاڭ حۋنيڭ مەملەكەتتىك ساياسي كەڭەس 14 - كەزەكتى كوميتەتىنىڭ ءتوراعالىعىنا سايلانعانىن جاريالاعاننان كەيىن ۋاڭ ياڭ ورنىنان تۇرىپ قۇتتىقتادى، ۋاڭ حۋنيڭمەن قىزۋ قول الىستى، تۇتاس زالدا ۇزاققا دەيىن شاپالاق ءۇنى كوتەرىلدى.
جالپى جيىندا سايلانعان مەملەكەتتىك ساياسي كەڭەس 14 - كەزەكتى كوميتەتى ءتوراعاسىنىڭ ورىنباسارلارى: شى تايفىڭ، حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، پابالا گىلەلاڭجيە، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن.
جالپى جيىن ۋاڭ دۇڭفىڭدى مەملەكەتتىك ساياسي كەڭەس 14 - كەزەكتى كوميتەتىنىڭ باس حاتشىلىعىنا سايلادى ءارى مەملەكەتتىك ساياسي كەڭەس 14 - كەزەكتى كوميتەتىنىڭ 299 تۇراقتى مۇشەسىن سايلادى.
جالپى جيىن تۇستەن كەيىن ساعات 3 تە حالىق سارايىندا وتكىزىلدى، جالپى جيىندى شى تايفىڭ باسقاردى. مەملەكەتتىك ساياسي كەڭەس 14 - كەزەكتى كوميتەتىنىڭ مۇشەسى جالپى 2169 ادام، قاتىناسقانى 2125 ادام، بۇل سايلاۋ بەلگىلەمەسىندەگى ادام سانىنا ۇيلەسەدى.
مەملەكەتتىك ساياسي كەڭەس 14 - كەزەكتى كوميتەتى 1 - ءماجىلىسىنىڭ سايلاۋ ادىسىنە ساي، جالپى جيىننىڭ سايلاۋىندا جاسىرىن بەلەت تاستاۋ ءادىسى قولدانىلدى. ءتوراعا، ءتوراعانىڭ ورىنباسارلارى، باس حاتشى جانە تۇراقتى مۇشەلەر تەڭ سانمەن سايلاۋ ءادىسى ارقىلى سايلاناتىن بولدى. كانديداتتار بارلىق مۇشەنىڭ جارتىسىنان كوبىنىڭ داۋىسىنا يە بولعاندا سايلاناتىن بولدى.
سايلاۋ باستالاردان بۇرىن جيىننىڭ باسقارۋشىسى الدىمەن قىزمەتكەرگە باس بەلەت باقىلاۋشىلاردىڭ، بەلەت باقىلاۋشىلاردىڭ ەسىمدىگىن وقۋدى بۇيىردى. باس بەلەت باقىلاۋشىلار، بەلەت باقىلاۋشىلار دەرەۋ ورىندارىنا جايعاستى، بەلەت باقىلاۋشىلار تۇتاس الاڭداعى 23 بەلەت ساندىعىنىڭ جاعدايىن تەكسەردى. ەكى باس بەلەت باقىلاۋشى جالپى جيىنعا تەكسەرۋ ناتيجەسىن مالىمدەدى.
ودان سوڭ قىزمەتكەرلەر سايلاۋ بەلەتىن تاراتتى. سايلاۋ بەلەتى ەكى ءتۇرلى، ياعني ءتوراعانى، ءتوراعانىڭ ورىنباسارلارىن، باس حاتشىنى سايلاۋ بەلەتى جانە تۇراقتى مۇشەلەردى سايلاۋ بەلەتى.
قىزمەتكەر سايلاۋ بەلەتىن تولتىرۋ تالاپتارىن وقىعان سوڭ، مۇشەلەر بەلەتتى تولتىرا باستادى. بەلەت تاستاۋ باستالعان سوڭ باس بەلەت باقىلاۋشىلار، بەلەت باقىلاۋشىلار ورىندارىنا جايعاستى ءارى الدىمەن بەلەت تاستادى، مۇشەلەر وتىرعان ورىندارىنا قاراي بەلگىلەنگەن بەلەت ساندىقتارىنا بەلەت تاستادى.
قىزمەتكەرلەر جينالعان سايلاۋ بەلەتىن ساناپ بولعان سوڭ باس بەلەت باقىلاۋشىلار جيىن باسقارۋشىعا بەلەت ناتيجەسىنىڭ مالىمەتىن تاپسىردى. جيىن باسقارۋشى سايلاۋدىڭ كۇشكە يە ەكەنىن جاريالادى.
بەلەت ساناۋ اياقتالعان سوڭ قىزمەتكەر سايلاۋ بەلەتىنىڭ ناتيجەسىن وقىدى. سايلاۋ ناتيجەسى ءتوراعا، ءتوراعانىڭ ورىنباسارلارى، باس حاتشى جانە تۇراقتى مۇشەلەردىڭ 323 كانديداتىنىڭ يە بولعان بەلەت سانىنىڭ جالپى مۇشەلەر سانىنىڭ جارتىسىنان اسقانىن، بارلىعىنىڭ سايلانعانىن كورسەتتى.
مەملەكەتتىك ساياسي كەڭەستىڭ جاڭادان سايلانعان ءتوراعاسىنىڭ، ءتوراعاسىنىڭ ورىنباسارلارىنىڭ ورتاشا جاس شاماسى 65.3 جاس. ءتوراعانىڭ ورىنباسارلارى اراسىندا ج ك پ - نىڭ مۇشەسى 11 ادام، ج ك پ - نىڭ مۇشەسى ەمەس قايراتكەرلەر 12 ادام، از ۇلت قايراتكەرلەرى 4 ادام، ايەلدەر 2 ادام. جاڭادان سايلانعان تۇراقتى مۇشەلەردىڭ ورتاشا جاس شاماسى 60.8 جاس، بۇلاردىڭ اراسىندا ج ك پ - نىڭ مۇشەسى ەمەس قايراتكەرلەر 195 ادام بولىپ، %65.2 تى ۇستادى؛ از ۇلت قايراتكەرلەرى 32 ادام؛ ايەلدەر 48 ادام.
بۇكىل زالداعى مۇشەلەر جاڭا كەزەكتى ساياسي كەڭەس مەملەكەتتىك كوميتەتى تۇراقتى كوميتەتىن دۋ قول شاپالاق سوعىپ قۇتتىقتادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
